Labarai - Manhaja - Blueprint Hausa version

23 Dec

Ma’aikatar lafiya za ta soma ziyarar bazata a asibitocin Kebbi

EditorLabarai

Daga JAMIL GULMA a Birnin Kebbi Ma'aikatar lafiya ta Jihar Kebbi ta sha alwashin ɗaukar matakin kai ziyarar bazata a manyan asibitocin da ke faɗin jihar. Kwamishinan Lafiya na jihar Honarabul Yunusa Musa Isma'il ne bayyana haka a wata ziyara da ya kai a asibitin garin Kamba a ƙaramar hukumar mulki ta Dandi. Kwamishinan ya ce yin haka zai zaburar da ma'aikatan wajen mayar da hankali ga ayyukansu musamman waɗanda ke wasa ko kuma rashin zuwa wajen aiki, bayan wannan kuma don su je su gane wa idonsu abubuwan da ke faruwa a asibitoci don ɗaukar matakin da ya dace.…

23 Dec

Gwamna Lawal ya ƙaddamar da aikin gyaran Kwalejin Nazarin Kiwon Lafiya ta Zamfara

EditorLabarai

Daga BASHIRI ISAH Gwamna Dauda Lawal na Jihar Zamfara ya ƙaddamar da aikin gyaran College of Health Sciences and Technology da ke tsafe. Ƙaddamarwar wadda ta gudana a ranar Juma'a na mazaunin ɓangare ne na ƙudurin inganta fannin ilimin jihar da Gwamnan ke da shi. Aikin gyaran kwalejin ɓangare ne na shirin NG-CARES na Bankin Duniya wanda aka assasa don kyautata rayuwar 'yan karkara ta hanyar gyara musu abubuwan more rayuwa da ke yankunansu. Kakakin Gwamnan Jihar, Sulaiman Bala Idris, ya bayyana a cikin sanarwar da ya fitar cewa, aikin gyaran College of Health shi ne na farko a jerin…

22 Dec

Addinina ya koyar da ni yin adalci ga kowa -Tinubu

EditorLabarai

Shugaban Ƙasa Bola Ahmed ya jaddada aniyarsa ta yi wa kowa adalci a mulkinsa tare da tabbatar da ya haɗa kan 'yan Nijeriya da samar da walwala ga ƙasar da 'ya'yanta. Da yake jawabi bayan kammala sallar Juma'a a babban masallacin Ansar-Ud-Deen da ke Suruleren, Jihar Legas, a ranar Juma’a, Shugaban ya ce sauye-sauyen tattalin arzikin da gwamnatinsa ta ɓullo da su na da nufin samar da tsayayyen tushe da 'ya'ya da jikokin 'yan Nijeriya za su mora. Shugaba Tinubu, wanda ya bi sahun al’ummar Musulmi wajen gudanar da addu'o'in bikin cikar ƙungiyar Musulmi ta Ansar-Ud-Deen Society of Nigeria shekara…

22 Dec

Gwamna Dauda ya gabatar da kasafin 2024

EditorLabarai

Daga SANI AHMAD GIWA a Abuja Gwamnan Jihar Zamfara, Dauda Lawal, ya gabatar da kasafin kuɗin shekarar 2024 na Naira biliyan 423,523,730,000.00 ga majalisar dokokin jihar. Taken kasafin kuɗin jihar Zamfara na 2024 shi ne “Kasafin Ceto” kuma an gabatar da shi ne a ranar Alhamis a zauren majalisar dokokin jihar da ke Gusau. Wata sanarwa da mai magana da yawun gwamnan jihar, Sulaiman Bala Idris, ya fitar ta ce kasafin kuɗin da aka gabatar ya haɗa da Naira 118,134,730,000.00 na kashe kuɗaɗe na yau da kullum da kuma N305,389,000,000.00 na kashe kuɗaɗe. A cewarsa, gwamnatin jihar Zamfara na shirin…

22 Dec

Uwargidan Shugaban Ƙasa ta bai wa ɗaliban da aka ceto tallafin karatu

EditorLabarai

Daga UMAR GARBA a Katsina Uwargidan Shugaban Ƙasa Sanata Oluremi Tinubu ta tallafa wa ɗaliban jami'ar gwamnatin tarayya ta Dutsinma da aka kuɓutar daga hannun 'yan ta'adda. Oluremi Tinubu ta bayar da tallafin ne lokacin da ta karɓi baƙuncin huɗu daga cikin ɗalibai biyar na jami’ar. Babbar mai taimaka wa uwargidan shugaban ƙasar ta musamman kan harkokin yaɗa labarai, Busola Kukoyi, ta bayyana haka cikin wata sanarwa da ta saka wa hannu. Kowace yarinya ta samu tallafin karatu Naira milyan ɗaya da sabuwar kwamfutar tafi da gidanka. Tun farko Shugaba Tinubu ya bayyana cewar gwamnatin tarayya za ta bai wa…

22 Dec

Hukumar Abuja za ta rusa gidaje 200 don gina filin saukar jirgin shugaban ƙasa

EditorLabarai, Rahoto

Daga MAHDI M. MUHAMMAD Ministan Babban Birnin Tarayya, Nyesom Wike, ya umurci daraktan sashen kula da cigaban ƙasa da ya tabbatar da cewa al'ummar Nuwalege da ke kan titin filin jirgin sama sun ba da fili don gina filin saukar jirgin shugaban ƙasa. Umarnin ya biyo bayan buqatar da rundunar sojin saman Nijeriya ta gabatar. Da ya ke magana ta bakin Daraktan, Mukhtar Galadima yayin wani taron al’umma da ’yan ƙasa a ranar Talata a Abuja, Ministan ya yi nuni da cewa, ya zama wajibi al’umma su ba da damar cigaba. A cewarsa, “Kimanin wata guda da ya gabata ne…

22 Dec

Al’ummar Ebira mazauna Kebbi sun karrama Gwamna Nasir

EditorLabarai

Daga JAMIL GULMA a Birnin Kebbi Ƙungiyar mutanen Ebira a jihar Kebbi ta bai wa Gwamna Nasir Idris na jihar Kebbi lambar yabo. bikin bajekolin al'adu da karramawar jama'a wanda ya gudana a jiya a ɗakin taro na Saffar da ke Birnin Kebbi, babban birnin jihar Kebbi. Da yake jawabi a wajen taron da ya halarta, shugaban ƙungiyar Malam Suberu Asuku Iliyasu ya bayyana karramawar ga Maigirma Gwamnan ya samu kyakykyawan sakamako bisa la'akari da ci gaba da haɗin kai da ya kawo jihar Kebbi tun bayan hawansa karagar mulki watanni bakwai da suka wuce. Ya ƙara da cewa an…

22 Dec

Kasafin 2024: Ba a ware wa ƙidayar 2024 ko sisi ba, inji Majalisar Dattawa

EditorLabarai, Rahoto

Daga MAHDI M. MUHAMMAD ’Yan kwamitin Majalisar Dattawa kan kasafin kuɗi sun kaɗu a ranar Talata bayan da aka sanar da su cewa babu wani tanadi da aka tsara na ƙidayar yawan jama’a da gidaje na shekarar 2024 a cikin ƙudirin kasafin kuɗin hukumar ƙidaya ta ƙasa. Shugaban kwamitin Majalisar Dattawa mai kula da yawan al’umma ta ƙasa Sanata Abdul Ningi (PDP Bauchi ta tsakiya) ne ya sanar da ’yan majalisar halin da ake ciki a lokacin da yake gabatar da rahoton kasafin kuɗin NPC na 2024 ga kwamitin tattara bayanai. Ya shaida wa kwamitin cewa idan ba a samar…

22 Dec

Kotu ta haramta wa tsohuwar minista riƙe muƙami

EditorLabarai, Rahoto

Daga MAHDI M. MUHAMMAD Wata babbar kotu a Babban Birnin Tarayya Abuja, a ranar Litinin, ta yanke hukuncin haramta wa tsohuwar ministar harkokin mata, Dame Tallen riƙe duk wani muƙamin gwamnati a cikin ƙara mai lamba CV/816/2016. Don haka, Kotun ta bayyana cewa furucin Tallen ya saɓa wa Kundin Tsarin Mulki, rashin ɗa'a ne, rashin kunya, kiraye-kirayen ƙin bin hukuncin kotun, don haka ta raina babbar kotun tarayya ta Nijeriya. Kotun ta kuma bayar da umarnin da ke hana tsohuwar ministar riƙe duk wani muƙami a Nijeriya, sai dai idan ta wanke kanta daga halin da ake ciki ta hanyar…

21 Dec

Kotun Ƙoli ta ɗage yanke hukunci kan zaɓen Gwamnan Kano

EditorLabarai, Siyasa

Daga BASHIR ISAH Kotun Ƙoli ta ɗage yanke hukuncin zaɓen gwamnan Kano zuwa wani lokaci da ba ta ambata ba. Zaman da Kotun ta yi mai alƙalai biyar a ranar Alhamis, ya gudana ne ƙarƙashin jagorancin Mai Shari'a Inyang Okoro. A ranar 17 ga Nuwamban 2023 Gwamnan Kano, Abba Yusuf da Jam'iyyarsa ta NNPP suka ɗaukaka ƙara zuwa Kotun Ƙoli inda suke ƙalubalantar hukuncin Kotun Ɗaukaka Ƙara da ta soke nasarar da Gwamna Abba ya samu a zaɓen gwamnan jihar da aka gudanar ran 19 ga Maris. Kazalika, jam'iyyar ta nusar da Kotun Ƙolin dambarwar da ta auku a hukuncin…