Labarai - Manhaja - Blueprint Hausa version

21 Dec

Da Ɗumi- ɗumi: ’Yan Majalisar Zamfara sun yi wa Kwamishinan Kasafi korar kare

EditorLabarai

Daga BASHIR ISAH Majalisar Dokokin Jihar Zamfara ta kori Kwamishinan Kasafi da Tsarin Tattalin Arziki na Jihar, Hon. Abdulmalik Gajam, gabanin Gwamnan Jihar, Dauda Lawal ya gabatar da kasafin 2024. Yayin zamansu a ranar Alhamis, ’yan Majalisar sun ce an kori Kwamishinan daga zauren ne saboda kin amsa gayyatarsu a can baya. Kazalika, ’yan Majalisar sun yi barazanar janye hurumin da ya bai wa Gajam damar zama Kwamishinan jihar. Daga bisani, Gwamna Dauda ya gabatar wa majalisar kasafin 2024 kamar yadda aka tsara tun farko.

21 Dec

Janar-janar 113 sun yi murabus daga Sojin Nijeriya

EditorLabarai

Daga BASHIR ISAH Wata sanarwa daga rundunar Sojin Nijeriya ta yi nuni da cewa, janar-janar su 113 ne suka yi murabus ko kuma ke shirin yin murabus daga sojin Nijeriya a wannan shekara ta 2023. Sanarwar da ta yi wannan bayanin ta fito ne ta bakin Kakakin rundunar, Birgediya Janar Onyema Nwachukwu, a ranar Laraba, 20 ga Disamban 2023. Sanarwar ta kara da cewa, Ministan Tsaro, Mohammed Badaru Abubakar, ya yi yabo da jinjina ga manyan jami’an sojojin da lamarin ya shafa bisa sadaukarwar da suka yi wajen yi wa kasa hidima bil hakki. Abubakar ya yi wannan yabo ne…

21 Dec

Gwamna Lawal ga sabbin alkalai, ku zamo masu gaskiya da adalci wajen sauke nauyin da ke kanku

EditorLabarai

Daga BASHIR ISAH Gwamna Dauda Lawal na Jihar Zamfara ya kalubalanci sabbin alkalai (Khadis) na Kotun Daukaka Kara ta Shari’ar Musulunci a jihar da su zamo masu gaskiya da adalci wajen sauke nauyin da ya rataya a wuyansu. A ranar Laraba Babbabn Alkalin Jihar ya rantsar da sabbin Khadi a Fadar Gwamnantin jihar da ke Gusau, babban birnin jihar. Sanarwar da mai magana da yawun Gwamnan jihar, Sulaiman Bala Idris, ya fitar ta nuna kotunan shari’a na taka muhimmiyar rawa a tsarin shari’ar jihar. Bala Idris ya bayyana cewa a 1999 ne aka fadada kotunan shari’a a Jihar Zamfara inda…

20 Dec

2024: Gwamna Raɗɗa ya rattaɓa hannu kan kasafin N454.3bn

EditorLabarai

Daga BASHIR ISAH Gwamna Dikko Umaru Radda ba Jihar Katsina ya rattaba hannu kan kasafin 2024 ya zama doka biyo bayan amincewa da kasafin da Majalisar Dokokin Jihar ta yi. A ranar Laraba Gwamnan ya sanya wa kasafin hannu a Fadar Gwamnatin Jihar, kasafin da jimillarsa ta kai N454,308,862,113.96. Da yake jawabi bayan rattaba hannu kan kasafin, Gwamna Radda ya yi gidiya ga majalisar jihar bisa hanzarin da suka yi wajen dubawa da kuma amincewa da kasafin a cikin kwana 33. Kazalika, ya jinjina wa Mataimakin Gwamnan Jihar da majalisar zartawa da daukacin wadanda suka bada gudummuwa wajen kammaluwar kasafin.…

20 Dec

Ƙungiyar ‘yan jarida ta karrama Shekh Rigi-rigi Kusfa

EditorLabarai, Rahoto

Daga ISA GIDAN BAKKO a Zaria A makon jiya ne Kungiyar Mawallafa Jaridu ta Arewa 'AREWA PUBLISHEUM' ta karrama fitaccen malamin addinin Musuluncin da ke Zariya mai suna Malam Usman Bini Shekh Idris Kusfa, saboda jajircewarsa wajen ilmantar da al'umma ilimin addinin Musulunci a ciki da kuma wasu kasashe da ke makotaka da Nijeriya. Taron karrama fitaccen malamin ya gudana ne a Zawiyyarsa da ke Unguwar Kusfa a Birnin da kuma ya sami halartar muridansa da kuma wasu fitattun malamai da suke Zariya. Dokta Sani Garba shi ne mataimakin shugaban kungiyar da ya jagoranci karrama wannan malami, ya ce kungiyarsu…

20 Dec

Ƙungiyar BudgIT ta yi iƙirarin gano maimaicin ayyuka a ƙudurin kasafin kuɗin 2024

EditorLabarai

Daga MADHI M. MUHAMMAD Wata kungiya mai bibiyar harkokin kasafin kudi da ake kira 'BudgIT Nigeria' ta nemi gwamnatin kasar ta sake nazarin kudurin kasafin kudin 2024 da Shugaba Bola Tinubu ya gabatar wa Majalisar Dokoki. A cikin wata sanarwa da kungiyar ta wallafa a shafinta na X, BudgIT Nigeria ta bayyana damuwar cewa bayan cikakken nazari kan abin da kudurin kasafin kudin ya kunsa, ta lura cewa gwamnatin Tinubu ta cigaba da aiki da tsarin kasafin kudi mai cutarwa daga gwamnatin da ta gabata, da ke dabbaka cin hanci da rashawa da rashin aikin yi da kuma fatara. Sanarwar…

20 Dec

Lalong ya sha rantsawar zama Sanatan Filato ta Kudu

EditorLabarai, Siyasa

Daga BASHIR ISAH An rantsar da tsohon Gwamnan Jihar Filato, Simon Lalong, a matsayin sanata mai wakiltar Filato ta Kudu a Majalisar Dattawan Nijeriya. Lalong ya yi murabus ne daga muƙamin Ministan Ƙwadago a gwamnatin Tinubu sannan ya maye gurbin Napoleon Bali na Jam'iyyar PDP wanda Kotun Ɗaukaka Ƙara ta sauke shi biyo bayan ƙarar da Lalong ya shigar a kansa a kotun sauraren ƙararrakin zaɓe. Akawun majalisar, Chinedu Akubueze, shi ne ya rantsar da Long yayin zaman majalisar a ranar Laraba ƙarƙashin jagorancin Shugaban Majalisar Dattawa, Godswill Akpabio. Da yake jawabi jim kadan bayan rantsar da Lanlon a matsayin…

19 Dec

Kotu da sahale wa Tukur Mamu ganin likitansa

EditorLabarai

Daga BASHIR ISAH Mai Shari'a Inyang Ekwo na Babbar Kotun Tarayya da ke Abuja, ya amince da buƙatar Tukur Mamu na ba shi damar ganin likitansa saboda rashin lafiya da ake zargin yana fama da shi. A hukuncin da ya yanke yayin zaman kotun, Alƙali Ekwo ya ba da umarni kan a bai wa likitan Mamu damar ya duba shi ƙarƙashin kulawar tawagar hukumar DSS. Alƙalin ya amince da bayanan lauyan Mamu, Johnson Usman, inda ya nuna 'yancin da wanda yake karewa yake da shi na ganin likitansa don kula da lafiyarsa. Daga bisani, Alƙalin kotun ya ɗage ci gaba…

19 Dec

Harin Tudun Biri: Nan ba da jimawa ba za mu bayyana sakamakon bincikenmu – Babban Hafsan Tsaro

EditorLabarai

Daga BASHIR ISAH Babban Hafsan Tsaro na Nijeriya, Janar Christopher Musa, ya bai wa 'yan ƙasa tabbacin cewa ba da daɗewa ba za a bayyana sakamakon binciken da suke gudanarwa game da harin kuskuren da sojoji suka kai ƙauyen Tudun Biri a Jihar Kaduna kwanan nan. Sama da mutum 100 ne suka mutu sannan wasu da dama sun jikkata sakamakon harin bayan da jirgin sojiji mara matuƙi ya jefa wa masu maulidi bom har sau biyu a Tudun Biri. Domin gano haƙiƙanin abin da ya faru hakan ya sa Shugaban Ƙasa Bola Tinubu ya bada umarnin a gudanar da bincike…

19 Dec

Fabrairu INEC za ta sake zaɓen wasu mazaɓu da na cike-gurbi – Shugaban INEC

EditorLabarai, Siyasa

Daga BASHIR ISAH Ya zuwa watan Fabrairu na baɗi Hukumar Zaɓe ta Ƙasa (INEC) ke sa ran sake zaɓuɓɓuka a wuraren da akwai buƙatar haka a sassan ƙasa. Shugaban hukumar na ƙasa, Mahmoud Yakubu, shi ne ya bayyana haka a wajen taron da suka yi da jam'iyyum siyasa a ranar Litinin. “Game da zaɓen cike gurbi, idan ba a manta ba a jawabin da na yi a lokacin rantsar da Kwamishinonin Zaɓe (RECs) haɗe da taron zangon ƙarshe da muka yi da baƙi ɗaya kwamishinonin zaɓe na ƙasa, na ce hukumar za ta gudanar da zaɓe domin cike guraben da…