Labarai - Manhaja - Blueprint Hausa version

13 Apr

Ina raye ban mutu ba, inji Jarumi Al-Amin Ciroma, Baban Lukman

EditorLabarai, Nishadi

Daga BASHIR ISAH Da SANI AHMAD GIWA a Abuja Fitaccen ɗan jaridar nan kuma jarumin Kannywood, har wa yau Kakakin Haɗaɗɗiyar Ƙungiyar Masu Shirya Finafinai ta Nijeriya (MOPPAN), Al-Amin Ciroma, wanda mutane suka fi sani da Baban Lukman na cikin shirin fim ɗin nan mai dogon zango, 'Labarina', ya bayyana cewa, yana nan da ransa, bai mutu ba saɓanin wata sanarwar mutuwarsa da aka yaɗa. Ciroma ya bayyana haka ne cikin wani faifan bidiyo mai tsawon daƙiƙa 46 da ya yi aka kuma yaɗa a soshiyal midiya da yammacin ranar Alhamis bayan da labarin ‘mutuwarsa’ ya karaɗe kafafen sada zumunta,…

13 Apr

An yi jana’izar Ci-garin Katsina

EditorLabarai

Daga UMAR GARBA a Katsina An yi jana'izar ɗaya daga cikin masu riƙe da sarautar gargajiya a Masarautar Katsina, wato Alhaji Aminu Mamman Dee, mai riƙe da sarautar Ci-gari a masarautar. Marigayin babban aminin Mai Martaba Sarkin Katsina, Alhaji Abdulmumin Kabir Usman ne. Tun farko an sanar da rasuwarsa da yammacin ranar Laraba, bayan fama da rashin lafiya, inda ya rasu a cibiyar kula da lafiya ta Gwamnatin Tarayya da ke Jihar Katsina. A ranar Alhamis da misalin ƙarfe 10 na safe aka yi jana'izar sa kamar yadda addinin Musulunci ya tanadar, a fadar Mai Martaba Sarkin Katsina da ke…

13 Apr

An yi wa Kakakin ‘Yan Sanda na Katsina da wasu ƙarin girma

EditorLabarai

Daga UMAR GARBA a Katsina Rundunar 'Yan Sanda ta Nijeriya ƙarƙashin jagorancin Babban Sufeton 'Yan Sanda, Usman Baba Alƙali, ta ƙara wa wasu jami'anta shida girma a Katsina ciki har da Kakakin rundunar na jihar, Gambo Isa. Ƙarin girman ya haɗa da wasu jami'ai uku da aka ɗaga darajarsu daga muƙaman Sufurtandan 'Yan Sanda (CP) zuwa Babban Sufurtandan 'Yan Sanda ( CSP). Sauran da lamarin ya shafa su ne, Aliyu Sale, Iliyasu Usman Bugaje da kuma Peter Daniel. An gudanar da bikin ƙarin girman ne a ofishin 'yan sanda da ke Kangiwa Road, G.R.A, Katsina. Haka zalika, manyan jami'an rundunar…

13 Apr

WHO ta shirya wa ‘yan jarida taron ƙara wa juna sani a Yobe

EditorLabarai

Daga MUHAMMAD AL-AMEEN, Damaturu Hukumar Lafiya ta Duniya (WHO) da haɗin gwiwa da Ma'aikatar Lafiya ta Jihar Yobe, sun shirya taron ƙara wa juna sani na kwanaki uku a ranar Laraba ga 'yan jarida haɗi da masu hulɗa da kafafen sada zumunta (Social Media Influencers) domin samun horo wajen bayar da sahihan rahotanni kan ɓarkewar annobar cututtuka masu saurin yaɗuwa. Taron bayar da horon yana gudana ne a babban ɗakin taro da ke 'Sand Dune Hotel' a Damaturu, babban birnin Jihar Yobe; wanda ya samu halartar 'yan jarida da masu hulɗa da kafafen sada zumunta daga kowane ɓangaren jihar. Da…

10 Apr

‘Yan bindiga sun sace hamshaƙin ɗan kasuwar Kano, sun harbi mutum biyu da bindiga

EditorLabarai

'Yan bindiga sun yi awon gaba da hamshaƙin ɗan kasuwa a Kano, Alhaji Nasiru Na’ayya. Bayanai sun nuna da tsakar daren Litinin 'yan bindigar suka sace Na'ayya a Ƙauyen Gangarbi da ke yankin Ƙaramar Hukumar Rogo a Jihar Kano. Wani ganau kuma ɗan uwan Na'ayya, wanda bai so a ambaci sunansa ba ya tabbatar da faruwar hakan. Ya ce da tsakar daren Litinin 'yan bindigar suka shiga gidan ɗan kasuwar, inda suka shiga harbin bindiga a iska don razanarwa. “Yayin da mazauna yankin suka yi ƙoƙarin daƙile 'yan bindigar daga barin wucewa da ɗan kasuwar, a nan suka harbe mutum…

10 Apr

Buhari zai kai ziyarar aiki ta ƙarshe a Saudiyya

EditorLabarai

Ranar Talata idan Allah Ya kai mu ake sa ran Shugaban Ƙasa Muhammadu Buhari zai kai ziyara ƙsarar Saudiyya. Ziyarar aikin wadda za ta kasance ta ƙarshe da Buhari zai yi a ƙasar a gwamnatinsa, za ta tabbata ne daga Talata, 11 zuwa 19 ga Afrilu, 2023. Mai magana da yawun Shugaban Ƙasa, Garba Shehu, shi ne ya bayyana hakan cikin sanarwar da ya fitar ranar Litinin. Shehu ya ce yayin ziyarar tasa a Saudiyya, Buhari zai gabatar da Hajjin Umara. Kuma hadimansa ne za su yi masa rakiya yayin ziyarar, in ji shi.

10 Apr

Shugabancin Majalisar Dattijai: Yari ne ya dace da zama shugaba – Ƙungiya

EditorLabarai

Daga MAHDI M. MUHAMMAD An bayyana Sanata Abdul’Aziz Yari a matsayin wanda ya fi dacewa da tsarin zartarwa da na majalisa idan har aka zaɓe shi a matsayin Shugaban Majalisar Dattawa. Omogbolahan Babawale, Mai Gudanarwa na Ƙungiyar Tallafawa Sanata Abdulaziz Yari ne ya bayyana hakan a wani taron manema labarai a Abuja ranar Laraba. Ya ce, da Tinubu/Shettima shugaban ƙasa, ƙungiyar ta cimma matsayar cewa Yari ya cika dukkan ƙa’idoji don zama shugaban Majalisar Dattawa. Babawale ya ce, tsohon Gwamnan Zamfara zai goyi bayan sabon fata da shirin aiwatar da gwamnati mai zuwa. Kamfanin Dillancin Labarai na Nijeriya (NAN) ya…

10 Apr

Gwamna Lalong ya cancanci muƙamin Sakataren Gwamnatin Tarayya a gwamnatin Tinubu – NCAF

EditorLabarai

Daga MAHDI M. MUHAMMAD Jagororin jam'iyyar APC a ƙarƙashin Ƙungiyar North Central APC Forum, sun yi kira ga zaɓaɓɓen shugaban ƙasa Bola Tinubu, da ya zaɓi Simon Lalong a matsayin Sakataren Gwamnatin Tarayya a gwamnatinsa. A cewar ƙungiyar, ba Simon Lalong muƙamin na SGF zai kuma tabbatar da cewa anyi adalci a cikin gwamnati mai zuwa ta yadda kowane ɓangare zai yi na'am ya san ana damawa da shi. Da yake jawabi a madadin ƙungiyar a birnin Jos bayan sun gudanar da taron gaggawa, shugaban ƙungiyar Alhaji Saleh Mandung Zazzaga, yace Lalong ya wahaltawa APC, Arewacin Nijeriya, a matsayin sa…

10 Apr

Masari ya bayyana dalilin korar wasu jami’ansa

EditorLabarai

Daga UMAR GARBA a Katsina Gwamnan Jihar Katsina, Aminu Bello Masari, ya bayyana cewa ya ƙagara 29 ga watan mayu ta zo, saboda a cewarsa ya matsu ya sauka daga kan kujerar mulkin gwamnan jihar. Gwamnan ya bayyana haka ne lokacin da yake tattaunawa da gidan talabijin na TVC cikin shirin 'Politics On Sunday' wanda Manhaja ta bibiya. Masari ya ce a matsayinsa na gwamnan jihar ya rasa 'yancinsa na zuwa inda yake so ba tare da jami'an tsaro ba, ya rasa 'yancin tuƙa mota da wasu abubuwa da yake son yi da kansa, don haka ne ya ƙagara ya…

10 Apr

Arase ya gargaɗi ‘yan sanda kan cusa kai cikin lamuran filaye da karɓar bashi

EditorLabarai

Daga SANI AHMAD GIWA Shugaban Hukumar Kula da Ayyukan ‘Yan Sanda, PSC, Solomon Arase, ya gargaɗi jami’an ‘yan sanda kan zurfafa bincike kan al’amuran filaye, karɓar basussuka da kuma batutuwan da ya kamata a bi ta hanyar warware taƙaddama. Arase, wanda tsohon Sufeto Janar na ‘yan sandan ne ya yi wannan gargaɗin a lokacin da ya karvi baƙuncin shugabannin kwamitin hulɗa da ‘yan sanda na ƙasa a Abuja. Jami'in yaɗa labarai da hulɗa da jama’a na hukumar, Ikechukwu Ani ne ya bayyana hakan a wata sanarwa da ya fitar ranar Juma’a a Abuja. A cewar sanarwar, Arase ya yi alƙawarin…