Labarai - Manhaja - Blueprint Hausa version

14 Apr

Tuna baya: Sheikh Ja’afar ya cika shekara 16 da rasuwa

EditorLabarai

Daga NASIR S. GWANGWAZO a Abuja A jiya Alhamis, 13 ga Afrilu, 2023, shahararren malamin addinin Islama, Marigayi Sheikh Ja’afar Mahmud Adam ya cika shekara 16 da rasuwa. Malam Ja’afar, kamar yada wasu ke kiran sa, ya rasu ne sakamakon harbin binidga a masallacinsa dake gadon unguwar Ɗorayi a birnin Kano yayin da ya ke limancin sallar Asuba ta ranar Juma’a, 16 ga Afrilu, 2007. Shafin Wikipedia ya ruwaito cewa, an haifi Malam Ja’afar a ranar 12 ga, Fabrairu, 1960, kuma ya bar duniya 13 ga Afrilu, 2007. Haifaffen garin Daura ne ta Jihar Katsina, amma ya girma a birnin Kano. Ya rasu ne sanadiyar…

14 Apr

Giɓin zaɓe: Sufeto Janar ya bayar da tabbacin tsaro ga masu zaɓe

EditorLabarai

Daga MAHDI M. MUHAMMAD Gabanin sake zaɓen da za a yi ranar Asabar a runfunan zaɓe 2,660 a faɗin ƙasar nan, Babban Sufeto Janar na ’Yan Sandan Nijeriya, Usman Baba ya ba wa masu kaɗa ƙuri’a tabbacin kare lafiyarsu a rumfunan zaɓe. Ya kuma ba da umarnin tura ’yan sanda zuwa ƙananan hukumomi 185 a faɗin jihohi 24 na tarayya inda za a sake gudanar da zaɓen ranar Asabar. Hukumar Zaɓe Mai Zaman Kanta ta Ƙasa (INEC) a lokacin zaɓukan 25 ga watan Fabrairu da 18 ga watan Maris ta bayyana wasu zavukan gwamnoni da na majalisun tarayya da na…

14 Apr

Sojoji sun kashe ’yan bindiga 15 a Zamfara

EditorLabarai

Daga MAHDI M. MUHAMMAD Rundunar sojoji na ‘Operation Hadarin Daji’ ta Jihar Zamfara ta kashe ’yan bindiga 15 da ke ƙarƙashin shugabancin ƙasurgumin ɗan ta'adda, Dankarami. Waɗanda aka kashe ɗin sun haɗa da babban kwamandan Dankarami, wanda aka fi sani da ‘Jarfa’. ’Yan ta’addan da suka yi yunƙurin kai hari a yankin Gidan Danjimma da Kirifada da ke cikin ƙaramar hukumar Birnin-magaji a ranar Larabar da ta gabata, sojojin tare da ’yan banga sun yi nasarar fatattakarsu. Ya zuwa lokacin haɗa wannan rahoto, majiya ta shaida wa Blueprint Manhaja cewa ’yan bindigar da yawansu su na gudanar da jana’izar mambobinsu…

14 Apr

Zaɓen cike gurbi: PDP ta koka a Zamfara

EditorLabarai, Siyasa

Daga MAHDI M. MUHAMMAD Yayin da zaɓukan da za a sake ke gabatowa, jam'iyyar PDP reshen jihar Zamfara ta zargi ’yan sandan Nijeriya da yunƙurin musgunawa mambobinta a jihar a yayin zaɓen. Hukumar Zaɓe Mai Zaman Kanta ta Ƙasa ta ce, za a sake gudanar da zaɓen ne a ranar Asabar 15 ga watan Afrilu, kuma za a gudanar da zaɓen ne na kujerar ɗan majalisar dattawan Zamfara ta tsakiya da kuma kujeru biyu na majalisar wakilai. Ofishin yaɗa labarai na Dauda Lawal a ranar Larabar da ta gabata a Gusau ta ce jam’iyyar ta nuna damuwarta game da katsalandan…

14 Apr

Maitakobi ya ƙaddamar da shirin ‘KarryGo’ don inganta sufuri a Nijeriya

EditorLabarai

Daga SANI AHMAD GIWA a Abuja Shugaban Ƙungiyar Ma’aikatan Sufuri (RTEAN), Alhaji (Dr) Musa Mohammed Maitakobi, ya ƙaddamar da wani shiri na rashin kudi mai taken ‘RTEAN KarryGo’ domin tabbatar da tsarin jigilar kaya a Nijeriya. A yayin da ya ke gabatar da shirin a ranar 12 ga Afrilu, 2023, a Cibiyar Shehu Musa Yar’Adua dake Abuja, Maitakobi ya ce, “RTEAN ta shahara wajen ɓullo da shirye-shirye da tsare-tsare masu tasiri ga rayuwar mambobinta da sauran jama’a. Misali, Tsarin Inshorar Hatsari na Matafiya (TAIS), inda duk motar RTEAN ta shiga cikin haɗari za a ba da kulawar gaggawa a matsayin…

14 Apr

Badaƙalar Dala biliyan 2.4: Majalisa ta gayyaci Ministar Kuɗi da Malami

EditorLabarai

Daga SANI AHMAD GIWA a Abuja Kwamitin Majalisar Wakilai ta Tarayya da ke binciken zargin badaƙalar kuɗin man fetur har Dalar Amurka biliyan 2.3 ya yi sammacin Ministar Kuɗi, Kasafi da Tsare-tsare, Zainab Ahmed da takwaranta na Shari’a, Abubakar Malami. Kazalika, kwamitin ya buƙaci Sakataren Gwamnatin Tarayya ya bayyana a gabansa a matsayin wani ɓangare na binciken da yake yi. Shugaban kwamitin, Mark Tersee Gbillah, ne ya bayar da umarnin a lokacin zaman da suka yi ranar Talata. Kwamitin yana bincike ne kan zargin harƙallar sayar da ɗanyen mai kimanin ganga miliyan 48 ga ƙasar China da kuɗinsa ya kai…

14 Apr

Za mu ci gaba da yi wa ’yan ta’adda ruwan wuta — Babban Hafsan Sojojin Ƙasa

EditorLabarai

Daga SANI AHMAD GIWA a Abuja Babban Hafsan Sojin Ƙasa na Nijeriya, Laftanar-Janar Faruq Yahaya ya ce dakarunsa sun shirya tsaf don kawar da dukkanin ‘yan ta’adda da maƙiya ƙasar nan daga doron ƙasa. Janar Yahaya ya bayyana haka ne a ziyarar bikin 'Easter' da ya kai wa dakarun a barikin sojojoji na Maimalari da ke Maiduguri, babban birnin Jihar Borno. A jawabinsa, wanda kwamandan rundunar a yankin Arewa maso Gabas, Manjo-Janar IS Ali ya karanta, ya yaba da rawar da dakarun ke takawa wajen murƙushe ’yan ta’adda tare da wargaza maɓoyarsu a duk yankin da ma Yankin Tafkin Chadi.…

14 Apr

Ɗangote ya ƙara wa Nijeriya matsayi da ƙima a duniya – Buhari

EditorLabarai

Daga SANI AHMAD GIWA a Abuja Shugaban Ƙasa Muhammadu Buhari a ranar Litinin ya yaba wa fitaccen ɗan kasuwa kuma mai taimakon jama’a, Aliko Ɗangote, yayin da yake murnar cika shekaru 66 da haihuwa, tare da yi masa fatan Allah ya ƙaro tsawon rai, lafiya da kuma shekaru masu albarka. Shugaba Buhari ya yaba masa bisa ɗimbin ƙoƙarin da yake yi domin ci gaban ƙasa. Shugaban ƙasar a cikin wata sanarwa da babban mai taimaka masa na musamman kan harkokin yaɗa labarai da wayar da kan jama’a, Malam Garba Shehu ya fitar, an ruwaito cewa, “Ina taya fitaccen ɗan kasuwa…

14 Apr

Jihar Kaduna ta buƙaci a ƙara mata kujerun aikin Hajjin 2023

EditorLabarai

Daga SANI AHMAD GIWA a Abuja A daidai lokacin da ake ci gaba da kokawa a kan tsadar kuɗin kujerar Aikin Hajji, Jihar Kaduna, wacce aka ba kujeru mafi yawa a bana, ta buƙaci a ƙara mata guda 500. Shugaban Hukumar Jin Daɗin Alhazai ta Jihar, Dokta Yusuf Yakubu Alrigasiyyu ne ya bayyana hakan yayin wani taron manema labarai a Kaduna, ranar Talata. Ya ce sun aike da buƙatar ce saboda su ba ɗimbin mutanen da suke son biyan kuɗaɗensu a jihar yin hakan. Idan za a iya tunawa, Hukumar Aikin Hajji ta Ƙasa (NAHCON) ta ware wa jihar kujeru…

14 Apr

Yaɗa ilimin Musulunci ne babban aikin da ke gaban musulmin duniya —Buhari

EditorLabarai

Daga SANI AHMAD GIWA a Abuja Shugaban Ƙasa Muhammadu Buhari ya ce babban aikin da ke gaban Musulmi yanzu a duniya shi ne yadda za su yaɗa ilimin addinin na haƙiƙa. Ya bayyana hakan ne ranar Laraba a birnin Madina na ƙasar Saudiyya, bayan kammala zagaya Cibiyar Bajekolin Kayan Tarihin Annabi Muhammad (SAW) a birnin, a wani ɓangare na ziyarar aikin da ya kai ƙasar. Ya kuma yaba wa qasar ta Saudiyya kan yadda ta samar da sabbin fasahohi na zamani da za su taimaka matuqa wajen yaɗa koyarwar addinin. Buhari ya bayyana hakan ne a cikin wata sanarwa da…