Labarai - Manhaja - Blueprint Hausa version

20 Jan

Kotu ta yanke wa matashi sharar masallaci kan bai wa ɓarayi masauki

EditorLabarai

Dag WAKILINMU Wata kotu mai zamanta a Dei-Dei, Abuja, ta yanke wa wani matashi mai suna Anas Ibrahim, hukuncin sharar masallaci na tsawon wata shida bayan kama shi da laifin bai wa ɓarayi masauki. Wani mai suna Ibrahim da ke kasuwar kayan gwari a Zuɓa ya amsa tuhumar cewa yana ɗaya daga wani gungun ɓarayi tare da roƙon kotu ta yi masa sassauci. Alƙalin kotun, Saminu Suleiman, ya bai wa mai laifin umarnin ya share Babban Masallacin Zuɓa na wata shida ko kuma ya biya tarar N20,000. Tun da farko, lauyan mai gabatar da ƙara, Chinedu Ogada, ya faɗa wa…

19 Jan

Zargin miliyan N99: Kotu ta ɗaure alƙali da mataimakansa a Kano

EditorLabarai

Daga IBRAHIM HAMISU a Kano Kotun Majistare mai lamba 14 ta aike da wani alƙali da ma’aikatansa na Hukumar Shari’a kurkuku saboda zargin su da wawure Naira miliyan 99. Mai Shari’a Mustapha Sa’ad Datti ya aike da mutanen ne bisa zargin su da yin sama da faɗi da kuɗaɗen wasu marayu. Hukumar Karɓar Ƙorafe-ƙorafe da Yaƙi da Cin Hanci da Rashawa ta Jihar Kano ce ta gurfanar da waɗanda ake zargin gaban kotun. Sani Ali, Sani Uba Ali, Bashir Baffa, Gazzali Wada na daga cikin waɗanda ake tuhuma. Sauran sun haɗa da Hadi Tijjani Mu’azu, Alkasim Abdullahi tare da Yusuf…

18 Jan

Yau Emefiele zai bayyana gaban kotu kan badaƙalar Dala miliyan 53

EditorLabarai

Daga WAKILINMU A wannan Larabar ake sa ran Gwamnan Babban Bankin Nijeriya (CBN), Godwin Emefiele, zai bayyana a gaban Babbar Kotun Abuja dangane da shari'ar sama da Dalar Amurka miliyan 53 na kudaden ‘Paris Club’. A wata ƙara da aka shigar gaban kotun ranar 20 ga watan Oktoban 2022, Alkalin kotun, Mai Shari'a Inyang Ekwo ya bai wa Emefiele odar ya bayyana a gaban kotun ran 18 ga Janairu don sauraron shari'ar. Umarnin kotun ya biyo bayan ƙarar da lauya Joe Agi, ya shigar ne kan kamfanin Linas International Ltd da Ministar Kudi da CBN ta hannun lauyoyinsa, Isaac Ekpa…

17 Jan

Akwai masu fakewa da addini wajen cimma manufofinsu na siyasa – Buhari

EditorLabarai

Daga BASHIR ISAH Shugaban Ƙasa Muhammadu Buhari, ya faɗa ranar Talata cewa, akwai masu fakewa da addini domin cimma manufofinsu a ɓangaren tattalin arziki da siyasa. Buhari ya ce akwai buƙatar ci gaba da bai wa fannin ilimi muhimmanci domin tafiya da galibin jama'a. Shugaban ya yi waɗannan kalaman ne a birnin Nouakchott, Mauritania, yayin da suke ganawa da Rashad Hussain, Jakadan Amurka kan 'yancin harkokin addini. Yayin tattaunawar tasu, Buhari ya tuno ganawarsa da tsohon Shugaban Amurka, Donald Trump a fadar White House inda ya ce Trump ɗin ya tambaye shi kan cewa: “Me ya sa kake kashe Kiristoci…

17 Jan

CBN ya samar da katin ATM na bai ɗaya

EditorLabarai

Daga BASHIR ISAH A matsayin ɓangaren na ƙoƙarin da yake yi na inganta sha'anin hada-hadar kuɗi a ƙasar nan, Babban Bankin Nijeriya (CBN), ya samar da katin cire kuɗi (ATM) na bai ɗaya. CBN ya ce da wannan sabon katin na ATM, za a sadar da ko asusuwa nawa mutum ke da su da katin ta yadda za a iya amfani da katin wajen cire kuɗi a na'urorin ATM a bankuna daban-daban da sauransu. Katin mai taken '1 BVN = 1 ATM CARD' in ji CBN, zai yi aiki ne a tsakanin bankunan da ke mabobi a tsarin mu'amalar bankuna,…

16 Jan

Emefiele ya koma bakin aiki bayan kammala hutu

EditorLabarai

Daga BASHIR ISAH Gwamnan Babban Bankin Nijeriya (CBN), Godwin Emefiele, ya koma bakin aiki bayan kammala hutun da ya ɗauka. Sanarwar da CBN ya fitar ranar Litinin mai ɗauke da sa hannun Daraktan sadarwa na bankin, Osita Nwanisobi, ta ce a Disamban da ya shuɗe Emefiele ya ɗauki hutu. Kuma ya dawo bakin aiki da sabbin dabaru kafin taron farko na Kwamitin Dokar Kuɗi (MPC) wanda zai gudana ran 23 zuwa 24 ga Janairun 2023. Sanarwar ta ƙara da cewa, Emefiele na jaddada ƙoƙarinsa wajen aiwatar da ayyukan da suka rataya a kansa daidai da doka da kuma umarnin Shugaban…

16 Jan

Da Ɗumi-ɗumi: DSS ta ƙaryata mamaye CBN

EditorLabarai

Hukumar tsaro ta DSS ta ce, ba ta mamaye hedikwatar CBN da ke Abuja ba kamar yadda rahoto ya karaɗe wasu kafafen yaɗa labarai. DSS ta bayyana haka ne cikin taƙaitacciyar sanarwar da ta fitar ta bakin kakakinta, Peter Afunanya, ranar Litinin a Abuja. Afunanya ya ce hankalin DSS ya kai kan wani rahoton ƙarya da aka yaɗa wanda ke nuni da jami'an hukumar sun mamaye hedikwatar CBN da ke Abuja. Tun farko Daily Nigerian ta rawaito jami'an DSS sun mamaye CBN tare da karɓe ikon ofishin Gwamnan bankin, Godwin Emefiele, inda aka ce sun hana ma'aikata shiga ofishin.

16 Jan

Tinubu ya naɗa Jega da Abdulaziz hadimansa

EditorLabarai

Daga WAKILINMU Ɗan takarar shugabancin ƙasa ƙarƙashin Jam'iyyar (APC), Asiwaju Bola Ahmed Tinubu, ya naɗa gogaggun 'yan jarida biyu hadimansa domin ƙarfafa ofishinsa na yaɗa labarai. Waɗanda aka naɗa ɗin su ne; Mahmud Jega a matsayin Mai ba da Shawara na Musamman Kan Sha'anin Hulɗa da Jama'a, sai Abdulaziz Abdulaziz, Hadimi na Musammam Kan Harkokin Yaɗa Labarai da Hulɗa da Jama'a. Kafin naɗin nasa, Jega mai fashin baƙi ne a tashar Arise TV, kuma marubuci a jaridar Thisday, ya kuma riƙe muƙamin Babban Edita na jaridar intanet ta 21st Century Chronicle. Shi kuwa Abdulaziz, zaƙaƙurin ɗan jarida ne wanda har…

15 Jan

Ban san inda na caka wa Ummita wuƙa ba, cewar ɗan Chana

EditorLabarai

Daga BABANGIDA S. GORA a Kano A cigaba da zaman sauraron shari'ar ɗan asalin ƙasar Sin ɗin nan, Mista Frank Geng, da ake zargin ya kashe budurwarsa mai suna Umulkhulsum Sani Buhari dake zaune a Unguwar Janbulo cikin birnin Kano tun kimanin watannin baya, Mista Geng ya faɗa wa kotu cewa, bai san inda ya caka wa Ummita wuƙa ba. A zaman na jiya Alhamis, 12 da Laraba 11 ga Janairu, 2023, da ya gudana a babbar kotun jihar Kano ƙarƙashin Mai Shari'a Sanusi Ado Ma'aji, Frank ya ce, ya kashe wa Ummita sama da Naira miliyan sittin daga haɗuwarsu…

15 Jan

2023: Da alama INEC ba za ta ci kasuwa da malaman jami’a ba

EditorLabarai

Daga BASHIR ISAH Da alama Hukumar Zaɓe ta Ƙasa (INEC) ta shirya yin amfani da jami'anta a matsayin turawan zaɓe a zaɓen 2023 maimakon amfani da malaman jami'o'i kamar yadda ta saba a baya. Majiya mai tushe daga hukumar ta shaida wa jaridar News Point Nigeria cewa, kawo yanzu ba a yi batun amfani da malaman jami'o'i a shirye-shiryen da INEC ke yi dangane da zaɓen na bana ba. A cewar majiyar, "Kimanin kwana 40 kafin zaɓe ke nan amma ba a ce komai ba game da sako malaman jami'o'i a shirye-shiryen da hukumar ke yi. "Da kamar yadda aka…