Labarai - Manhaja - Blueprint Hausa version

15 Jan

Gobara ta babbake hedikwatar ‘yan sanda a Kano

EditorLabarai

Daga IBRAHIM HAMISU, Kano A yammacin Asabar gobara ta tashi a hedkwatar 'yan sanda ta Kano da ke unguwar Bompai. Rahotanni sun nuna gobarar ta tashi ne daga ofishin Provost ta kuma bazu zuwa sashen kuɗi da ɗakin taro da ofishin Kakakin hedikwatar da ofishin mataimakin kwamishinan 'yan sanda (Admin) da sauransu. Mai magana da yawun 'yan sanda na Jihar Kano, Abdullahi Haruna, ya shaida wa Freedom Radio cewa ba a samu asarar rai ba, kuma wutar ba ta taɓa wasu muhimman takardu ba. Binciken Manhaja ya gano wutar ta shafi dukkan ofisoshin da ke saman bene na ɗaya na…

15 Jan

Dalilin da ya sa muka bada umarnin tsare Doyin Okupe – EFCC

EditorLabarai

Daga MAHDI M. MUHAMMAD Hukumar Yaƙi da yi wa Tattalin Arzikin Ƙasa Ta’annati (EFCC) ta ce, ta bayar da umarnin tsare tsohon mai ba Shugaban Ƙasa Goodluck Jonathan shawara kan Harkokin Jama’a, Doyin Okupe, bisa buqatar sa-ido da ta gabatar a ranar 18 ga watan Yulin shekarar 2016, sama da shekaru shida kafin a yanke masa hukunci a kan tuhume-tuhumen kuɗi da babbar Kotun Tarayya da ke Abuja ta yi. Hukumar Tsaro ta Farin Kaya (DSS) ta kama tsohon Shugaban Ƙungiyar Yaƙin Neman Zaɓen ɗan takarar Shugaban Ƙasa na jam’iyyar LP, Doyin Okupe. A cewar lauyansa Tolu Babaleye, an kama…

14 Jan

Gwamnan Anambra ya roƙi Buhari ya saki Kanu, ya ce zai tsaya masa

EditorLabarai

Daga BASHIR ISAH Geamnan Jihar Anambra, Chukwuma Soludo, ya roƙi Shugaban Ƙasa Muhammadu Buhari kan ya hanzarta sakin jagoran IPOB, Mazi Nnamdi Kanu, ba tare da gindaya wani sharɗi ba. Soludo ya yi wannan roƙo ne yayin da yake jawabi a wajen taron siyasa ranar Asabar a Awka, babban birnin jihar. Ya ce, “Ina roƙo Gwamnatin Tarayya kan ta saki Mazi Nnamdi ba tare da wani sharaɗi ba. Ina son a sakar mini shi, zan tsaya masa. “Muna da buƙatar Nnamdi Kanu domin tattauna matsalar a yankin Kudu maso Gabas. Dole mu murƙushe matsalar tsaro a yankin Kudu maso Gabas,…

14 Jan

Za a fara aikin haƙo fetur a Nasarawa a Maris – NNPC

EditorLabarai

Daga BASHIR ISAH Kamfanin Fetur na Ƙasa (NNPCL), ya ba da sanarwar shirinsa na fara haƙo fetur a Jihar Nasarawa a watan Maris mai zuwa. Shugaban kamfanin, Mele Kyari ne ya snaar da hakan ga Gwamnan jihar, Injiniya Abdullahi Sule, yayin da Gwamnan ya ya jagoranci wata tawagar jihar zuwa ziyarar NNPC a Abuja. Kyari ya ce wannan ɓangare ne na ƙoƙarin da Gwamnatin Tarayya ke yi na gano fetur a sassan ƙasar. Bayanin na ƙunshe ne cikin sanarwar da Shugaban sadarwa na kamfanin, Garbadeen Muhammad, ya fitar ranar Juma'a. “Dole a gaggauta aiwatar da aikin, saboda duniya na karkata…

14 Jan

An naɗa Musulmin da ba ɗan jiha ba muƙamin kwamishina a Kuros Riba

EditorLabarai

Daga MAHDI M. MUHAMMAD A karon farko an naɗa Musulmi ba da ɗan asalin jihar ba tare da rantsar da shi a matsayin kwamishina kuma memba a majalisar zartarwa ta Jihar Kuros Ribas da ke Kudancin Nijeriya. An naɗa Farfesa Ben Ayade, ya rantsar da Alhaji Adamu Uba Musa, Dr. Janet Ekpenyong, da wasu mutane goma sha ɗaya a matsayin sabbin kwamishinonin kula da harkokin gwamnatoci da lafiya a ranar Talata. Bayan faruwar haka, Alhaji Musa ya zama Musulmi na farko da ba ɗan asalin jihar ba da aka naɗa a matsayin Kwamishina a jihar. Gwamnan ya kuma yi amfani…

14 Jan

Ganduje ya nemi ICPC, EFCC da Majalisar Tarayyar su binciki Hukumar Alhazai

EditorLabarai

Daga AMINA YUSUF ALI Ƙungiyar gamayyar ƙungiyoyi masu zaman kansu (CSO), sun goyi bayan kiran da gwamnan Kano Abdullahi Umar Ganduje ya yi, inda ya nemi hukuma mai zaman kanta ta hukunta laifin cin hanci da rashawa da laifuka masu alaqa da hakan (ICPC), da hukumar yaƙi da cin hanci da rashawa da yi wa tattalin arzikin ƙasa zagon ƙasa (EFCC), da kuma Majalisar tarayyar ƙasar nan a kan su yi bincike a kan hukumar alhazai ta ƙasa (NAHCON) game da kuɗaɗen tafiyar da harkar alhazai na shekarar 2022, da kuma kwangilolin da aka ba hukumar. Gwamna Ganduje ya yi wannan…

13 Jan

Wutar lantarki ta yi ajalin ma’aurata da ‘ya’yansu a Zariya

EditorLabarai

Daga WAKILINMU Aƙalla mutum huɗu sun mutu sakamakon wutar lantarki da aka kawo da ƙarfi a rukunin gidaje da ke Ƙofar Gayan a Zariya, Jihar Kaduna. Wani ganau mai suna Malam Sagir Nata'atala, ya ce iftila'in ya faru ne da misalin ƙarfe 1:00 na daren Juma'a bayan da aka maido da wutar lantarki a yankin. Ya ce marigayan ma'aurata ne sai kuma 'ya'yansu biyu wanda dukkansu gobarar ta yi ajalinsu. Da yake tabbatar da aukuwar lamarin, Shugaban Kwana-kwana na shiyyar Kaduna, Malam Umar Bello, ya ce gobarar ba ta rasa nasaba da tartsatsin wutar lantarki sakamakon maido da wutar da…

13 Jan

Hisbah ta kama bokan da ya yi wa wata mata ciki a Kano

EditorLabarai

Daga IBRAHIM HAMISU a Kano Hukumar Hisbah ta Jihar Kano ta kama wani boka da ake zargi da yi wa wata mata ciki bayan ta je wajen sa neman magani. Bokan mai suna Muhammad Mansur, mazaunin Ƙaramar Hukumar Dawakin Kudu an kama shi bayan matar da ba a bayyana sunanta ba, ta kai qara tana neman a bi mata haqqin ɗauke da cikin wata bakwai. Rahotanni daga garin na nuna cewa bokan ya yi fice wajen yaudarar mata, ciki har da matan aure. Bokan na yaudarar mata ta hanyar shaida masu cewa idan suka kwana da shi zai ba su…

13 Jan

‘Yan ta’adda sun kashe jami’an NSCDC bakwai a wajen haƙar ma’adinai a Birnin Gwari

EditorLabarai

Daga SANI AHMAD GIWA a Abuja Wasu da ake kyautata zaton 'yan fashin daji ne sun kai hari kan jami’an hukumar tsaron farar hula, NSCDC, inda su ka kashe bakwai daga cikinsu a wani wurin haƙar ma’adinai, a ƙaramar hukumar Birnin Gwari ta Jihar Kaduna. Wata majiya ta shaida wa Daily Nigerian cewa ‘yan bindigar sun rasa mamba guda ɗaya a yayin wani artabu da 'yan bindigar a wurin haƙar ma’adinai da wasu ‘yan ƙasashen waje ke gudanarwa a ƙaramar hukumar. A cewar majiyar, tuni aka ajiye gawarwakin jami’an a asibitin ƙwararru na Barau Dikko da ke cikin babban birnin…

13 Jan

Portugal ta kulla yarjejeniya da tsohon kocin Belgium

EditorLabarai

Daga MAHDI M. MUHAMMAD Portugal ta naɗa tsohon kocin Belgium, Roberto Martinez a matsayin sabon mai horasr da ’yan wasanta. Martinez, mai shekaru 49, ya maye gurbin Fernando Santos, wanda ya ajiye aikinsa bayan da Portugal ta sha kashi a hannun Morocco a wasan daf da na kusa da ƙarshe na gasar kofin duniya. Martinez ya ajiye aikin horar da Belgium ne bayan fitar da su daga gasar ta cin kofin duniya a Ƙatar a matakin rukuni, yana mai cewa ya yanke shawarar kawo ƙarshen wa’adinsa na shekaru shida ne tun a shekarun baya, dan haka da ma zai rabu…