Labarai - Manhaja - Blueprint Hausa version

13 Jan

Ƙaramar Hukumar Akwanga a Jihar Nasarawa ta yi babban rashi

EditorLabarai

Daga BASHIR ISAH Shugaban Ƙaramar Hukumar Akwanga a jihar Nasarawa, Hon. Emmanuel Leweh ya rasu. Majiya ta kusa da marigayin ta bayyana cewa Leweh ya rasu ne a wani asibitin Abuja bayan fama da ya yi rashin lafiya. Marigayin ya kwanta a asibiti ne tun bayan da ya yanke jiki ya faɗi a ofishinsa da ke sakatariyar ƙaramar hukumar a 'yan kwanakin da suka gabata inda aka kwashe zuwa asibiti don ba shi kulawar da ta dace amma a ƙarshe rai ya yi halinsa. Kimanin watanni uku kenan da aka rantsar da Leweh a matsayin sabon zaɓaɓɓen shugaban ƙaramar hukumar…

13 Jan

HOTUNA: Ziyarar Buhari a Jihar Ogun

EditorLabarai

A ranar Alhamis Shugaban Ƙasa Muhammadu Buhari ya kai ziyarar aiki ya zuwa Jihar Ogun inda ya ƙaddamar da wasu muhimman ayyukan da gwamnatin jihar ƙarƙashin jagorancin Gwamna Dapo Abiodun, ta aiwatar don kyautata rayuwar al'ummar jihar.

13 Jan

Yau Buhari zai ziyarci Jihar Ogun

EditorLabarai

A yau ɗin nan ake sa ran Shugaban Ƙasa Muhammadu Buhari zai kai ziyarar aiki na yini guda zuwa Jihar Ogun inda zai ƙaddamar da wasu ayyuka da gwamnatin jihar ƙarƙashin Gwamna Dapo Abiodun, ta aiwatar. Shugaba Buhari tare da Gwamna Abiodun

12 Jan

Da ɗumi-ɗumi: Buhari ya janye haramcin Tiwita a Nijeriya

EditorLabarai

Shugaban Ƙasa Muhammadu Buhari ya ɗage takunkunmin da ya ƙaƙaba wa kamfanin Tiwita a Nijeriya bayan cika sharuɗɗan da gwamnati ta gindaya masa. Hakan na ƙunshe cikin wata sanarwa mai ɗuake da sa hannun shugaban hukumar NITDA bayan sahalewa daga ministan sadarwa, Isah Ali Pantami. Ana sa ran shafin Tiwita ya soma aiki daga ƙarfe 12 na daren yau Laraba.

12 Jan

‘Yan sanda sun cafke matashin da ake zargi da kashe ɗalibar Jami’ar Jos

EditorLabarai

Daga BASHIR ISAH 'Yan sanda a garin Jos, babban birnin jihar Filato, sun cafke matashin da ake zargi da kashe wata ɗalibar Jami'ar Jos mai suna Jennifer Anthony. A ranar Laraba 'yan sanda suka baje kolin masu laifi da suka haɗa da masu garkuwa da mutane, 'yan ƙungiyar asiri, masu safarar mutane, 'yan fashi da makami da kuma Moses Oko ɗan shekara 20 da aka zarga da halaka Jennifer a ranar jajibirin sabuwar shekara. An ce bayan halaka Jennifer da ya yi, Oko ya kuma ƙwaƙule idanun marigayiyar gami da cire wasu sassan jikinta don cimma buƙatar tsafi. Bayanan 'yan…

12 Jan

Tsohon gwamnan Oyo, Alao-Akala ya kwanta dama

EditorLabarai

Daga BASHIR ISAH Sahihan rahotanni daga jihar Oyo sun nuna cewa tsohon gwamnan jihar, Adebayo Alao-Akala, ya rasu. Mai magana da yawun jam'iyyar APC, Olatunde Abdulazeez, shi ne ya tabbatar da mutuwar Akala a wata tattauwa da jaridar Punch a ranar Laraba. Marigayin wanda haifaffen garin Ogbomoso ne kuma ɗan siyasa, ya bar duniya ne yana da shekara 71. Wata majiya ta kusa da marigayin ta bayyana cewa, tsohon gwamnan ya rasu ne a ɗakinsa a Ogbomoso a ranar Laraba bayan fama da ya yi da rashin lafiya. A halin rayuwarsa, Mr Alao-Akala ya taɓa aikin ɗan sanda, kuma ya…

12 Jan

‘Yan bindiga sun sace mahaifiyar ɗan majalisa a Kano

EditorLabarai

Daga WAKILINMU Bayanan da MANHAJA ta samu daga jigar Kano,sun nuna wasu 'yan bindiga da ba a san ko su wane ne ba sun dira Kano har ma sun sace mahaifiyar ɗan Majalisar Jihar mai wakiltar Mazaɓar Gezawa, Hon. Isyaku Ali-Danja. Jaridar DAILY NIGERIAN ta kalato cewa, 'yan bindigar sun yi dirar mikiya ne a gidan mahaifiyar ɗan majalisar da ke Gewaza da misalin ƙarfe ɗaya na dare inda suka fasa ƙofar gidan da ƙarfin tsiya kana suka yi awon gaba da dattijiyar. Da yake bayani kan lamarin, Ali-Danja, wanda tsohon shugaban majalisar Kano ne, ya ce da farko sai…

12 Jan

Tsaro: Tambuwal ya ziyarci Babban Sufeton ‘Yan Sanda na Ƙasa

EditorLabarai

Daga AMINU AMANAWA a Sakkwato A wani mataki na daƙile matsalar rashin tsaron da ya ta'azzara a wasu sassan Jihar Sakkwato, gwamnan jihar Aminu Waziri Tambuwal ya ziyarci babban Sufeton ‘yan sanda na ƙasa, Usman Alkali Baba a hedikwatar rundunar da ke Abuja, babban birnin tarayya, Abuja. Ziyarar dai na da manufar ƙara danƙon zumunci tsakanin gwamnatin jihar da rundunar ‘yan sandan Nijeriya, ta yi nazari a kan ɓangarori da dama, da ma yadda za a dunƙule kan nasarorin da ake samu a halin yanzu na yaƙi da ‘yan fashi da garkuwa da mutane da sauran laifuka a jihar. Gwamna…

12 Jan

Buhari ya nuna alhini kan rasuwar Chief Shonekan

EditorLabarai

Daga BASHIR ISAH Shugaban Ƙasa Muhammadu Buhari ya nuna ahininsa dangane da rasuwar dattijon ƙasa kuma tsohon Shugaban Ƙasa na riƙon ƙwarya, Chief Ernest Shonekan. Cikin wata sanarwa da ya fitar ta hannun mai magana da yawunsa, Mr Femi Adesina a jiya Talata a Abuja, Buhari ya miƙa ta'aziyyarsa ga maiɗakin marigayin, Margaret tare da sauran dangi da masoya haɗa da gwamnatin jihar Ogun da kuma al'ummar jihar kwata. Buhari ya bayyana yadda marigayin ya zaɓi ya ajiye harkokin kasuwancinsa don riƙe gwamnatin ƙasa a daidai lokacin da ƙasar ke da buƙatar tsayayyen shugaban da zai mulke ta. Ya ƙara…

11 Jan

Tsaro: Shugaban ƙaramar hukuma ya tsallake rijiya da baya a Sakkwato

EditorLabarai

Daga AMINU AMANAWA a Sakkwato Shugaban ƙaramar hukumar mulkin Gudu, Bello Wakili Bacaka ya bayyana damuwarsa kan yadda ‘yan bindiga ke cigaba da cin karensu babu babbaka a ƙauyukan ƙaramar hukumar mulkin Gudu da ke yammacin Sakkwato. Bello Wakili ya bayyana damuwar sa ne lokacin wata zantawa da Manhaja, inda ya bayyana cewa a da ana samun hare-hare nan da can, to amma tun a ƙarshen daminar da ta gabata hare-haren ‘yan bindigar suka munana inda ya ce, “kwanan baya ‘yan bindigar sun dirar wa ƙauyen Dageji inda suka ƙone runbunan abinci ƙurmus, sun kashe mutun 3 yayin da biyu…