Babban Labari - Manhaja - Blueprint Hausa version

14 Mar

Ogun: Matar da ta babbaka mijinta da tafasasshen ruwa ta faɗa a komar ‘yansanda

EditorBabban Labari

Daga WAKILINMU 'Yansandan Jihar Ogun sun cafke wata mata 'yar shekara 43 mai suna Bisola Awodele bayan da ta babbaka mijinta da tafasasshen ruwa, lamarin da ya yi wa mijin nata mummunan rauni a baya. Sanarwar manema labarai da Jami'in Hulɗa da Jama'a na 'yansandan jihar, DSP Abimbola Oyeyemi ya fitar a Abeokuta a ranar Lahadi, ta nuna Bisola ta faɗa a komar hukumar ce ranar 8 ga Maris biyo bayan rahoton da magidanta mai suna Peter Philip, ya kai a ofishin 'yansandan na yankin Sango Ota. Peter ya shaida wa 'yansandan cewa matarsa na zarginsa da yawan shan giya…

13 Mar

Shugabar WTO ta iso Nijeriya, za ta gana da Buhari

EditorBabban Labari

Sabuwar Shugabar Hukumar Cinikayya ta Duniya (WTO) Dr. Ngozi Okonjo-Iweala, ta iso Nijeriya inda ake sa ran za ta shafe mako guda. Daga bayanan da Manhaja ta kalato, kai ziyara ga Shugaba Muhammadu Buhari na daga cikin harkokin da Ngozi za ta aiwatar domin nuna godiyarta ga irin rawar da Buhari ya taka wajen ganin ta sami ɗarewa sabon muƙamin nata. Okonjo-Iweala ta ce yayin ziyarar tata, za ta tattauna da Shugaba Buhari tare da sauran masu ruwa da tsaki game da irin tanadin da WTO ta yi wa tattalin arzikin Nijeriya a matsayinta na shugabar hukumar.

12 Mar

Gwamnati ta ƙaddamar da rukunin ‘C’ na shirin N-Power

EditorBabban Labari

An fitar da matakan da masu shiga shirin za su bi Daga WAKILIN MU Gwamnatin Tarayya ta kawo ƙarshen dogon jiran da ake yi na fara aiwatar da rukuni na uku (Batch C) na shirin N-Power wanda za a shigar cikin jerin shirye-shiryen rage matsin rayuwa, wato National Social Investment Programmes (NSIPs). Mai bada shawara kan aikin jarida ga Ministar Harkokin Jinƙai, Agaji da Inganta Rayuwa, Madam Nneka Ikem, ita ce ta bayyana haka a ranar Alhamis cikin wani saƙo da ta tura a Twitter. A cewar ta, ana kira ga dukkan waɗanda su ka cike takardun nema shiga shirin…

11 Mar

Kuɗaɗen Ibori da aka maido mallakar jihar Delta ne – Majalisa

EditorBabban Labari

Daga WAKILINMU Majalisar Wakilai ta Ƙasa, ta buƙaci Gwamnatin Tarayya da ta maida kuɗaɗen da Ibori ya sata, Pan milyan £4.2, ga Jihar Delta. Wannan ya biyo bayan ƙudirin da 'yan majalisar daga jihar Delta suka gabatar wa majalisar ne a Larabar da ta gabata. Haka nan, 'yan majalisar sun ce jimillar kuɗin Pan miliyan £6.2 ne amma ba milyan £4.2 ba kamar yadda aka ruwaito. Bugu da ƙari, Majalisar ta buƙaci Ma'aikatar Kuɗi ta Kasa da ta bai wa Babban Lauyan Gwamnati kuma Ministan Shari'a, Abubakar Malami, umarnin ya miƙa wa Majalisar dukkan takardun da ke da alaƙa da…

10 Mar

Gwamna Sule ya ƙaddamar da rigakafin korona a Nasarawa

EditorBabban Labari

Daga BASHIR ISAH Gwamnan Nasarawa Engineer Abdullahi Sule, ya ƙaddamar da allurar rigakafin cutar koron inda shi da mataimakinsa, Dr. Emmanuel Akabe, suka soma yin rigakafin na Oxford-AstraZeneca. Bikin ƙaddamarwar ya gudana ne ranar Talata a fadar gwamnatin jihar da ke Lafia, babban birnin jihar. Da yake yi wa manema labarai bayani jim kaɗan bayan ya yi allurar, Gwamna Sule ya yi kira ga 'yan jiharsa, musamman ma waɗanda suka fi fuskantar haɗarin harbuwa da cutar kamar 'yan siyasa da sarakunan gargajiya da sauransu, da su tabbatar sun yi allurar. Gwamnan ya yi amfani da wannan dama wajen nuna godiyarsa…

10 Mar

Shari’ar Maina: Kotu ta gayyaci Malami da Magu don su bada shaida

EditorBabban Labari

Daga UMAR M. GOMBE Babbar Kotun Tarayya da ke Abuja, ta bada sammaci wanda ya tilasta wa Babban Lauyan Tarayya (AGF), Abubakar Malami SAN, da tsohon shugaban riƙo na hukumar EFCC Ibrahim Magu, da su bayyana a gabanta. Kotu ta buƙaci ganin waɗanda lamarin ya shafa ne domin su bada shaida a shari’ar cin hanci da rashawa da ake yi wa tsohon shugaban kwamitin gyaran fansho, Abdulrasheed Maina. Kazalika, kotun ta umarci Shugaban Babban Bankin Ƙasa (CBN), Godwin Emefiele da wasu da su bayyana a gabanta a ranakun 9, 10 da 11 na Maris domin bada shaida. Sauran mutanen da…

10 Mar

Ta hannun gwamnati kaɗai za a shigo da rigakafin korona, cewar Mamora

EditorBabban Labari

Daga AISHA ASAS Gwamnatin Tarayya ta ce ba ta yarda 'yan kasuwa su shigo da allurar rigakafin cutar korona ba, tare da cewa dole dukkan rigakafin da za a shigo da su ya kasance ta hannun gwamnati. Ƙaramin Ministan Lafiya, Olorunnimbe Mamora ya faɗi haka ran Talata a Abuja.Ministan ya ce 'yan Nijeriya masu bukatar a yi musu rigakafin korona sai su yi rajista a shafin intanet na Hukumar Kula da Lafiaya a Matakin Farko. Mamora ya ce a halin yanzu ba a yarda 'yan kasuwa su soma harkar shigo da allurar rigakafin korona ba. Ya ce gwamnati ba za…

08 Mar

Cutar korona: An yi wa ƙusoshin gwamnati rigakafi

EditorBabban Labari

Shugaban Kwamitin Shugaban Ƙasa Kan Yaƙi da Cutar Korona (PTF), Boss Mustapha, tare da sauran mambobin kwamitin na PTF sun karɓi allurar rigakafin cutar korona. An yi musu allurar ne a lokacin da PTF ke gabatar da bayanan ayyukansa kanar yadda ya saba a Abuja. Mustapha wanda shi ne Sakataren Gwamnatin Tarayya, shi ya soma karɓar allurar wanda aka yaɗa kai tsaye a talabijin kafin daga bisani sauran jami'an suka karɓi tasu. Ministan Lafiya, Osagie Ehanire, shi ma na daga cikin waɗanda suka karɓi allurar.

08 Mar

Buhari da sauransu sun taya Osinbajo Murnar cika shekara 64 da haihuwa

EditorBabban Labari

Daga FATUHU MUSTAPHA Shugaban Ƙasa Muhammadu Buhari tare da sauran fitattun ‘yan Nijeriya sun taya Mataimakin Shugaban Ƙasa Yemi Osinbajo, murnar cika shekara 64 da haihuwa. Shugaba Buhari ya bayyana Osinbajo a matsayin mutum tsayayye wanda ba ya sake da ayyukansa. Buhari ya faɗi haka cikin wata sanarwa da ta fito ta hannun mai magana da yawunsa, Garba Shehu. A cewar Buhari, “Osinbajo mutanen mai sauƙin kai wanda ke kallon buƙatar Nijeriya a kan saura buqatu. Ɗan siyasa ne mai haƙuri kuma mai amfani da ilimi wajen aiwatar da ayyukansa.” Daga nan, Buhari yaw a mataimakin nasa fatan alheri tare…

08 Mar

Aisha Buhari ta buƙaci a kawo ƙarshen matsalar garkuwa da mutane

EditorBabban Labari

Daga BASHIR ISAH Matar Shugaban Ƙasa Muhammadu Buhari, Aisha Buhari, ta yi kira ga masu faɗa a ji na Nijeriya da su ci gaba da yin amfani da damarmakin da suke da su wajen kawo ƙarshen harkokin yin garkuwa da mutane tare da tabbatar da cewa yara mata na da kariya a duk inda suka tsinci kansu. Aisha ta bayyana haka ne a saƙon taya murna ga 'yan'uwata mata kan Ranar Mata ta Duniya, da ta wallafa a shafinta na twita. Ta ce bikin ranar mata ta duniya, lokaci ne da kan bada damar a san irin nasarorin da aka…