Editor

Daga SANUSI MUHAMMAD a Gusau Rundunar 'yan sandan jihar Zamfara ta tabbatar da yin garkuwa da mahaifi da kishiyar mahaifiyar Kakakin Majalisar Dokokin Jihar Zamfara, Hon. Nasiru Muazu Magarya, a wani hari da 'yan bindigar suka kai a ƙauyen Magarya da ke cikin ƙaramar hukumar Zurmi a jihar Mai magana da yawun rundunar, SP Shehu Muhammd, shi me ya tabbatar da faruwar lamarin tare da cewa Kwamishinan ‘Yan Sandan Jihar, Hussaini Rabiu ya tura isassun jami'an tsaro da nufin ceto mutanen da aka sace. Sai dai wani mazaunin yankin mai suna Muhammadu Lawali, ya shaida wa wakilin MANHAJA ta waya…

Bayanai daga jihar Delta suna tabbatar da rasuwar tsohon gwamnan jihar Kano da Binuwai na mulkin soja, Dominic Oneya. Oneya ya rasu ne a Larabar da ta gatabata a garinsu Agbarho, jihar Delta. Majiyar jaridar Solacebase ta ce, marigayin ya rasu ne bayan da ya yi fama da rashin lafiya. An haifi Dominic Obukadata Oneya ne a ranar 26 ga Mayun 1948 a yankin ƙaramar hukumar Apapa a jihar Legas. A halin rayuwarsa, marigayin ya yi gwamna a Jihar Kano a ƙarƙashin mulkin soja daga Augustan 1996 zuwa Augustan 1998 a zamanin mulkin marigayi General Sani Abacha. Kazalika, ya riƙe…

Tsohon Mataimakin Sufeto-Janar na 'Yan Sanda, Nuhu Aliyu, ya rasu. Marigayin ya rasu ne a Kaduna bayan fama da rashin lafiya, in ji wata majiya ta kusa da mamacin. Aliyu haifaffen garin Kontagora ne a jihar Neja, kuma an haife shi ne a Yunin 1941. A halin rayuwarsa, Aliyu ya yi sanata har na wa'adi uku, wato a 1999 da 2003 da kuma 2007, inda ya wakilci yankin Neja ta Arewa a Majalisar Dattawa. Ya riƙe muƙamin Shugaban Kwamitin Harkokin 'Yan Sanda na Majalisar Dattawa daga1999 zuwa 2003. Kafin ya yi murabus daga aikin ɗan sanda, sai da ya da…

An bayyana cewa Gwamna Umara Babaga Zulum na jihar Borno, da gwmanan Borno na dauri, Sanata Kashim Shettima, ba su san hanyar zuwa gidan DCP Abba Kyari ba balle kuma su ziyarce shi. Mai magana da yawun Zulum, Malam Isa Gusau shi ne ya bayyana haka don ƙarin haske kan ji-ta-ji-tar da aka yaɗa cewa jagororin biyu sun ziyarci Kyari a gidansa. Gusau ya ce ya zaɓi ya yi magana kan batun ne tun da shi Abba Kyarin bai fito ya yi wa duniya bayani game da batun ba kamar yadda ya yi alƙawari. Isa Gusau ya ce wasu makusantan…

Mafarautan jihar Kebbi da suke ba da gudunmawarsu wajen ƙoƙarin ceto ɗalibai sama da ɗari da ma'aikatan da aka yi garkuwa da su daga Sakandaren Tarayyar da ke Yauri, sun bayyana cewa sun dawo daga rakiyar yunƙurin ceto ɗailabn da aka yi a jihar. Mafarautan sun ce sun ɗauki wannan mataki ne saboda kulawar da ba su samu ba daga ɓangaren gwamnatin jihar. Kafin wannan lokaci, sojoji sun bayyana nasarar da suka samu wajen kuɓutar da ƙalilan daga ɗaliban haɗa da ma'aikaci guda, tare da cewa wasu daga cikin ɗaliban sun rasu, yayin da su ma 'yan sandan jihar Zamfara…

Gwamnatin Jihar Kaduna ta tabbatar da mutuwar mutum 25 sakamakon harre-haren da aka kai a wasu ƙauyuka huɗu a yankin ƙaramar hukumar Kauru da ke jihar. Kwamishinan Tsaro da Harkokin Cikin Gida, Mr Samuel Aruwan, shi ne ya ba da wannan tabbaci cikin takardar ƙarin bayanin da ya fitar ran Laraba a Kaduna. Kwamishinan ya ce sakamakon harin da aka kai a ƙauyukan Ungwan Magaji, Kishicho, Kigam da kuma Kikoba duk a yankin ƙaramar hukumar Kauru a ranar Talata, gwamnati ta samu ƙarin bayanai kan hasarar rayuka da dukiyoyi da aka samu. Ya ce da wannan, yanzu adadin waɗanda suka…

Kotun Ma'aikata da ke Abuja, ta haramta wa Ministar Kuɗi, Zainab Ahmed, zabtare albashi da alawus na likitocin da ke ƙarƙashin ƙungiyar nan ta Association of Specialist Medical Doctors in Academics (ASMEDA). Kamfanin Dillancin Labarai na Nijeriya (NAN) ya ruwaito cewa waɗanda suka shigar da ƙara a kotun, Dr Christopher Sakpa da Dr Momoh Mcsionel da Dr Ahmed Rabiu da kuma Dr Darlington Akukwu su ne suka shige wa sauran mambobinsu gaba wajen samun wannan nasarar. Masu kare kansu a ƙarar sun haɗa Ma'aikatar Kula da Albashi da Kuɗaɗen Shiga, Babban Akanta na Ƙasa da kuma Ministar Kuɗi, Zainab Ahmed.…

Gwamnatin Jihar Neja ta bayyana cewa a haƙiƙanin gaskiya ta san inda ɓarayin da kuma ɗaliban Islamiyya 136 da aka yi garkuwa da su daga Makarantar Islamiyya ta Salihu Tanko da Tegina a Ƙaramar Hukumar Rafi suke. Sai dai, gwamnatin ta ce babbar damuwarta ita ce gudun lalacewar lamunin da zai taimaka wajen ceto ɗaliban. Waɗannan bayanai sun fito ne daga bakin Sakataren Gwamnatin Jihar, Ibrahim Matane a Minna, babban birnin jihar. Idan dai ba a manta ba, a baya gwamnatin jihar ta sha faɗar cewa ba za ta biya kuɗin fansa ga 'yan bindiga ko 'yan fashin daji a…

Wasu manyan jami'an jam'iyyar PDP a matakin ƙasa su bakwai sun ajiye muƙamansu daga Majalisar Zartarwa ta Ƙasa ta jam'iyyar. Waɗanda lamarin ya shafa su ne, Mataimakin Sakatare na Ƙasa, Diran Odeyemi; Mataimakin Mai ba da Shwara Kan Sha'anin Shari'a na Ƙasa, Ahmed Bello; Mataimakiyar Shugaban Mata ta Ƙasa, Umoru Hadizat; Mataimakiyar Jami'in Bincike na Ƙasa, Divine Amina Arong; Mataimakin Sakataren Tsare-tsare na Ƙasa, Hassan Yakubu; da kuma Mataimakin Sakataren Kuɗi na Ƙasa, Irona Alphonsus. Baki ɗaya jami'an sun danganta ajiye muƙaman nasu da rashin shugabanci nagari da adalci daga ɓangaren Shugaban PDP na Ƙasa, Prince Uche Secondus. Ɗaya daga…

An gano ƙarin ɗalibai uku na makarantar Bethel Baptist Secondary school da ke Kaduna waɗanda aka yi garkuwa da su lokutan baya. Ɗaliban da lamarin ya shafa wanda baki ɗayansu maza ne, sojoji ne suka gano su a dajin Kankumi a yankin ƙaramar hukumar Chikun. Bayanan da MANHAJA ta kalato sun nuna ɗaliban tserewa suka yi daga hannun waɗanda suka yi garkuwa da su tun farko. An ce bayan da aka sace su a makarantarsu ranar 5 ga Yuli, ɗaliban sun sake faɗawa hannun wani gungun ɓarayin bayan da suka kuɓuta daga hannun ɓarayin farko inda suka rasa hanya a…