Editor - Manhaja - Blueprint Hausa version

03 Aug

Titi Abubakar ta ƙaryata saƙon da aka danganta ta da shi a soshiyal midiya

EditorLabarai

Daga WAKILINMU Maiɗakin Tsohon Mataimakin Shugaban Ƙasa Atiku Abubakar, Hajiya Titi Amina Abubakar, ta ƙaryata wani saƙo da aka yi ta yaɗawa a soshiyal midiya wanda ya shafi lissafin wasu 'yan siyasa a PDP da aka ce daga wajenta saƙon ya fito. Titi ta musanta fitowar saƙon daga wajenta, inda ta ce "Ba na amfani da shafukan sadarwa na zamani, abin da aka danganta da ni a facebook labarin ƙarya ne." Ta ce baya ga ƙaryata batun, haka nan tana shaida wa jama'a ba ta amfani da irin wannan salon wajen tura irin wannan saƙo, kuma ba ta umarci wani…

03 Aug

TETFund ta raba bilyan N300 ga manyan makarantu 226

EditorLabarai

Daga AISHA ASAS Hukumar Tallafa wa Manyan Makarantu (TETFund) ta ce ya raba kuɗi sama da Naira bilyan 300 a tsakanin manyan makarantu 226 a cikin wannan shekara ta 2021 domin samar da gine-gine da kuma horar da malamai. Shugabam Kwamitin Amintattu naTETFund, Alhaji Kashim Ibrahim-Imam, shi ne ya bayyana hakan yayin wani taronsu a Asaba, jihar Delta a ranar Litinin. Ya ce TETFund ta ba da himma wajen bunƙasa fannin ilimi ta hanyar bai wa malamai horo da kuma samar da gine-gine don yauƙaƙa sha'anin koyo da koyarwa. A cewar Ibrahim-Imam, TETFund ta shekara 10 da kafuwa, kuma sun…

03 Aug

Allah Ya yi wa tsohon Minista, Malami rasuwa

EditorLabarai

Daga WAKILINMU Tsohon Ministan Harkokin Gona, Dr. Malami Buwai ya rasu bayan ya yi fama da rashin lafiya. Malami ya yi Ministan Gona ne a zamanin mulkin marigayi Janar Sani Abacha a 1994. Marigayin ya rasu ne a jiya Litinin da rana a Gusau, babban birnin jihar Zamfara. Ya rasu yana da shekara 76, inda ya bar mata ɗaya, 'ya'ya 15 da kuma jikoki 10. Daga cikin 'ya'yan nasa, har da ɗan kasuwar nan Alhaji Shehu Malami. An yi wa marigayin jana'iza ne a maƙabartar Gusau bayan da Babban Limamin Masarautar Gusau, Liman Ɗan-Alhaji Sambo ya jagoranci yi masa sallah.…

03 Aug

‘Yar Shekarau ta rasu a Dubai

EditorLabarai

Daga IBRAHIM HAMISU a Kano Bayanan da Manhaja ta samu sun nuna Allah Ya yi wa 'yar Sanata Ibrahim Shekarau rasuwa a Dubai a Litinin da ta gabata. Mai bai wa Shekarau shawara kan harkokin yaɗa labarai, Dakta Sule Yau Sule, shi ne ya bayyana haka cikin sanarwar da ya fitar ran Litinin. Sanarwar ta nuna marigayiyar wadda 'yar wattani biyar ce da haihuwa, an kai ta jinya a wata asibitin Dubai da ke ƙasar Larabawa inda a can Allah Ya karɓi ranta, kuma tuni aka yi mata jana'iza daidai da karantarwar addinin Musulunci. Shekarau shi ne sanata mai wakiltar…

03 Aug

Sufeto-Janar ya maye gurbin Abba Kyari da DCP Disu

EditorLabarai

Sufeto-Janar na 'yan sandan Nijeriya, Usman Alkali Baba, ya naɗa DCP Tunji Disu a matsayin sabon shugaban sahen Intelligence Response Team (IRT) na rundunar. Disu ya gaji Abba Kyari wanda a kwanan nan aka dakatar da shi daga aiki bisa zargin rashawa da hukumar FBI ta ƙasar Amurka ta yi masa. Kyari wanda shi ma Mataimakin Kwamishinan 'Yan Sanda ne, an zarge shi da karɓar cin hanci daga hannun hamshaƙin mai kuɗin nan wanda ya gawurta wajen damfara, wato Abbas Ramon wanda aka fi sani da Hushpuppi. Mai magana da yawun rundunar, Frank Mba, shi ne ya bayyana naɗin Disu…

03 Aug

Aminu Ala ya yi babban rashi

EditorNishadi

Daga IBRAHIM HAMISU a Kano Allah Ya yi wa Hajiya Bilkisu Sharif Adam, mahaifiyar shahararren mawaƙin Hausa Aminu Ladan Abubakar (Alan waƙa) rasuwa. Marigayiyar ta rasu tana da shekara 70 a duniya, ta rasu ta bar 'ya'ya biyu, Aminu Ladan Abubakar da kuma 'yar'uwarsa Khadija. Da safiyar wannan Talatar misalin ƙarfe 9 ake sa ran gudanar da jana'izar ta a gidansa da ke Maidile a birnin Kano.

03 Aug

Buhari bai ɗauki ‘yancin ‘yan ƙasa da wasa ba – Malami

EditorLabarai

Babban Lauyan Nijeriya kuma Ministan Shari'a, Abubakar Malami, ya jaddada ƙudurin gwamnatin Buhari na ci gaba da kare 'yancin 'yan ƙasa. Haka nan, ya ce gwamnatin Shugaba Muhammadu Buhari ta kasance mai martaba 'yancin 'yan ƙasa tun kafuwarta. Malami ya bayyana haka ne wajen ƙaddamar da majalisar gudanarwa karo na biyar na Hukumar Kula da 'Yancin Ɗan'adam ta Ƙasa da ke Abuja a ranar Litinin da ta gabata. Ya ce gwamnati na bin dokokin kare 'yancin ɗan'adam sau da ƙafa, kuma ta biya haƙƙoƙin mutane kamar yadda aka buƙace a lokuta daban-daban. A cewar Malami, gyaran da aka yi a…

02 Aug

Son raƙumin yara

EditorRa'ayi

Daga SADIYA GARBA YAKASAI Karin maganar ta yi dai-dai da abun da za mu yi yau cikin filin mu na koyon tarbiyya. Gaskiyar magana, iyaye mu ƙara miƙewa don ganin mun fitar da yaran mu daga cikin sammatsin rayuwar da muke ciki. Ta wani lokacin sai na dinga ganin mu muke ɓata tarbiyyar yaranmu. Duba da yadda uwa za ta zaƙe wai tilas ita don ɗanta take, bayan cewa kuma ba ta shi take ba. Ta yaya uwa za ta zama ita ce ɗan shi ya zama shi ne uwar? Eh mana uwa za ta zage ita ke bin ɗan…

02 Aug

Allah Ya jiƙan Hajiya Umma Ali

EditorNishadi

Daga IBRAHIM MANDAWARI A ranar Lahadin ta gabata, 01/08/2021, Hajiya Umma Ali ta amsa kiran Mahalicci, wato Allah ya karɓi ranta bayan gajeriyar rashin lafiya.Babu shakka masana'antar shirya fina-finan Hausa da ma al'ummar musulmi bakiɗaya mun yi babban rashi wannan baiwar Allah. Ta shigo wannan masana'anta tun wajajen shekarar 1998 kuma ta fara shirya fim tun a wannan lokaci da sunan Kamfaninta, wato UMMA ALI VENTURES. Haka kuma, sakamakon kyakkyawar mu'ala ya sanya kusan dukkan Jarumai a wancan lokaci suka mayar da gidanta tamkar gidajensu na haihuwa. Hajiya Umma Ali ta raini maza da mata na wannan masana'anta ta hanyar…

02 Aug

Rikicin ƙabilanci ya ci mutum huɗu a Filato

EditorLabarai

Aƙalla mutum huɗu ne aka tabbatar sun rasu tare da ƙona gidaje masu yawa sakamakon rikicin ƙabilancin da ya ɓarke a tsakanin Fulani makiyaya da matasan ƙabilar Irigwe a ƙauyukan ƙaramar hukumar Bassa a jihar Filato. Mai magana da yawun 'yan sandan jihar, ASP Ubah Gabriel, shi ne ya tabbatar da aukuwar rikicin, inda ya ce an ƙona gidaje kimanin hamsin a rikicin. A cewar jami'in , “A ranar 31 ga Yuli 2021, ofishinsu ya samu rahoton aukuwar rikici tsakananin 'yan bindiga da aka yi zargin Fulani ne da kuma matasa daga Irigwe a Jebbu Miango a ƙaramar hukumar Bassa…