Editor - Manhaja - Blueprint Hausa version

02 Aug

Ya zama wajibi a magance barazanar ƙamfar abinci a Nijeriya – Atiku Abubakar

EditorLabarai

Daga WAKILINMU A sakamakon gargagaɗin da sashin kula da sha'anin abinci na Majalisar Ɗinkin Duniya ya fitar ranar 29 ga Yuli game da yiwuwar fuskantar ƙarancin abinci a Arewacin Nijeriya, Tsohon Mataimakin Shugaban Ƙasa, Atiku Abubakar ya ce ya zama wajibi gwamnati ta farga. Gargaɗin na Majalisar Ɗinkin Duniya wani sabon tsari ne na kwarmata bayanai wanda ya kamata Gwamnatin Tarayya ta fuskanta kasancewar Arewacin ƙasar nan shi ne yankin da galibi ke samar da abinci da ake amfani da shi a faɗin ƙasa da ma wasu sassan Afirka. Atiku ya ce halin ko-in-kula da gwamnati ke nunuwa game da…

01 Aug

Saraki ya musanta kamun da aka ce EFCC ta yi masa

EditorLabarai

Tsohon Shugaban Majalisar Dattawa, Sanata Bukola Saraki, ya musanta labarin da aka yaɗa kan cewa hukumar EFCC ta cafke shi a ranar Asabar da ta gabata. Saraki ya musanta labarin ne cikin wata sanarwar da mai magana da yawunsa, Yusuph Olaniyonu, ya sanya wa hannu. Sanarwar ta nuna cewa, Saraki da kansa kuma a ganin damansa ya ziyarci ofishin EFCC ɗin domin ƙarin bayani kan batun da EFCC ke neman ɗagawa a kansa, amma ba kama shi aka yi ba kamar yadda aka yaɗa. Ofishin ya ce da yake da ma dai akwai wani kwantaccen batu da ya shafi Sarakin…

01 Aug

Hukumar ‘Yan Sanda ga Abba Kyari: Koma gefe don mu gudanar da bincike kan zargin karɓar rashawa da aka yi maka

EditorLabarai

Hukumar Kula da Aikin Ɗan Sanda (PSC), ta amince da a dakatar da mataimakin kwamishinan 'yan sanda, DCP Abba Kyari, bisa zargin karɓar rashawa da Cibiyar Binciken Sirri ta Amurka (FBI) ta yi masa. Shugaban sashen yaɗa labarai na PSC, Ikechukwu Ani, shi ne ya bayyana hakan cikin wata sanarwa da ya fitar ran Lahadi a Abuja. Haka nan, Mr Ani ya ce hukumar ta umurci Babban Sufeton 'Yan Sanda, Usman Alkali-Baba, da ya ba ta cikakken bayani kan lamarin don sanin mataki na gaba da ya kamata a ɗauka. Kamfanin Dillanci Labarai na Nijeriya (NAN) ya ruwaito cewa a…

01 Aug

An shirya wasan sada zumunta na Badminton a Damaturu

EditorWasanni

Daga MUHAMMAD AL-AMEEN a Damaturu Sakamakon ci gaba da samun zaman lafiya a Arewa-maso-gabas tare da ma jihar Yobe baki ɗaya, 'yan ƙungiyar wasan Badminton Damaturu sun shirya wasan sada zumunta a Damaturu, babban birnin jihar Yobe. Da yake jawabi wajen buɗe wasan a ranar Asabar, shugaban kwamitin shirya wasan, Alhaji Bashir Baba Geidam, ya bayyana cewa sun shirya wasan ne domin sada zumunta a birnin Damaturu. Haka kuma, ya ce wannan wasa an saba gudanar da shi ta haɗin gwiwa tsakanin manyan ɓangarorin badminton da ke jihar Yobe, waɗanda suka ƙunshi na Gashuwa, Postiskum da Damaturu a jihar. Bugu…

01 Aug

‘Yan sanda sun kuɓutar da ɗalibai 2 daga ɗaliban da aka sace a Yauri

EditorLabarai

Daga SANUSI MUHAMMAD a Gusau Rundunar ‘yan sandan jihar Zamfara ta ce, ta yi nasarar kuɓutar da wasu ɗalibai biyu da aka sace na Kwalejin Gwamnatin Tarayya da ke Yaurin Jihar Kebbi. Kwamishinan ‘yan sandan jihar, CP Hussaini Rabiu ne ya bayyana hakan a wani taron manema labarai da ya gudana ranar Lahadi. Rabiu ya ce, “A ranar 31 ga Yuli 2021, Jami’an‘ Yan Sanda na rundunar Operation Restore Peace da aka tura yankin Ɗansadau na Ƙaramar Hukumar Maru don yaƙi da ayyukan ta’addanci da garkuwa da mutane, sun ceto Maryam Abdulkarim ‘yar shekara 15 daga ƙaramar hukumar wushishi ta…

01 Aug

Yadda ruwan sama ya karya gadoji a Bauchi

EditorLabarai

Sakamakon ruwan sama mai ƙarfi da aka samu a jihar Bauchi ran Alhamis da ta gabata, hakan ya yi sanadiyyar karyewar babbar gadar da ta haɗa garin Bauchi da yankin ƙaramar hukumar Ningi a jihar. Bayanan da MANHAJA ta kalato sun nuna tazarar da ke tsakanin gadar da ainihin garin Bauchi kilomita 88 ne, kuma gadar ita ce mahaɗar hanyar Bauchi zuwa Ningi da kuma Bauchi zuwa Kano da Jigawa. Kazalika, ruwan ya sake lalata wata gada a ƙauyen Nabordo a ƙaramar hukumar Toro, mai nisan kilomita 40 daga garin Bauchi, wanda hakan ya jefa masu nufin zuwa Jos da…

01 Aug

Almundahana: Saraki ya shiga hannun EFCC

EditorLabarai

Hukumar Yaƙi da yi wa Tattalin Arziki Zangon Ƙasa da Zambar Kuɗaɗe (EFCC) ta cafke tsohon Shugaban Majalisar Dattawa, Bukola Saraki, kan zargin sata da almundahanar dukiyar gwamnati, kamar yadda jaridar Premium Times ta ruwaito. Saraki wanda tsohon gwamna ne a Jihar Kwara, ya faɗa a komar EFCC ne ran Asabar da ta gabata, lamarin da wasu ke ganin cewa hakan ka iya zama mafarin wani sabon ƙalubale ga ɗan siyasar. A matsayinsa na shugaban Majalisar Dattawa tsakanin 2015 da 2019, Saraki ya fuskanci zarge-zarge na rashawa da shararaa da bayanan ƙarya game da kadarorin da ya mallaka wanda Kotun…

01 Aug

NUJ ta dakatar da yaɗa harkokin ‘yan sanda kan cin zarafin ɗanta a Bauchi

EditorLabarai

Ƙungiyar 'Yan Jarida ta Ƙasa (NUJ) reshen Jihar Bauchi, ta bai wa mambobinta umarnin nan take da su daina yaɗa harkokin 'yan sandan a faɗin jihar. Cikin wata sanarwar manema labarai da ƙungiyar ta fitar a Juma'ar da ta gabata, shugaban ƙungiyar a jihar, Comrade Umar Sa’idu tare da sakatarensa, Isah Garba Gadau, sun bayyana rashin jin daɗinsu dangane da yadda 'yan sandan jihar suka ci mutunci wani ɗan jarida a jihar wanda ma'aikaci ne a tashar talabijin ɗin AIT. 'Yan sandan rundunar RRS sun lakaɗa wa Damina Yusuf duka da ji masa rauni ne a lokacin da yake ƙoƙarin…

01 Aug

Yau Dr. Bala Muhammad zai albarkaci taron ƙungiyar ANA a Kano

EditorAdabi

Daga WAKILINMU Dakta Bala Muhammad zai halarci taron ANA da ke zuwa duk Lahadin farkon wata, inda zai zo masu da tsarabar ilimi mai taken 'Iya Magana A Bainar Jama'a'. Baje kolin fasahar marubuta da ANA Kano kan shirya a duk Lahadin farkon kowane wata zai zo da wata sabuwa ran 1 ga watan Agusta 2021 inda za a gabatar da wani sabon lamari mai taken 'Gina mutum da koya masa ƙwarewa', wato 'Human development and capacity building' (HD&CB) da zai dinga faruwa a duk wata. Shin ko ka iya magana a gaban jama'a? Za ka iya yi wa mutane…

01 Aug

Gobe likitocin Nijeriya za su soma yajin aiki

EditorLabarai

Daga AISHA ASAS Likitocin Nijeriya ƙarkashin ƙungiyarsu ta ƙasa, wato National Association of Resident Doctors (NARD), sun yanke shawarar soma yajin aiki a faɗin ƙasa daga ranar Litinin, 2 ga Agustan 2021. Wannan na zuwa ne daidai lokacin da ƙasa ke fuskantar ƙaruwar masu harbuwa da cutar korona, wanda hakan wata babbar alama ce da ke nuni da ɓarkewar annobar karo na uku. Likitocin sun cim ma matsayar shiga yajin aikin ne biyo bayan taron da shugabannin ƙungiyar na ƙasa (NEC) suka yi wanda ya samu halartar mambaobi sama da 50 a faɗin ƙasa. Bayanai sun nuna likitocin za su…