ukarofi - Manhaja - Blueprint Hausa version

10 Oct

Matawalle ya bayar da mota ɗaya da babura goma ga magoya bayansa a Zamfara

ukarofiLabarai

Daga SANUSI MUHAMMAD a Gusau Ƙaramin ministan tsaro Dr. Bello Muhammad Matawalle, ya bayar da kyautar mota ɗaya da babura goma ga ɗaya daga cikin ƙungiyoyin da ke goyon bayansa a Jihar Zamfara. An bayar da tallafin ne ga ƙungiyar da Alhaji Salisu Dawa ke jagoranta a ƙarƙashin Matawalle Political Standing Committee (MPSC). A cikin wata sanarwar ga manema labarai da sakataren yaɗa labarai na kwamitin, Yusuf Idris Gusau, ya fitar yau Asabar, Ministan ya ce wannan taimako wani ɓangare ne na shirinsa na ci gaba da ƙarfafa magoya bayansa masu yawa a jihar. Matawalle, wanda Shugaban tafiyar siyasar sa…

10 Oct

Zargin badaƙalar kuɗi: Farfaganda da baƙin ciki ne – Shugabar NAWOJ ta Nasarawa

ukarofiLabarai

Daga JOHN D. WADA a Lafiya Shugabar ƙungiyar mata ‘yan jarida ta ƙasa (NAWOJ), reshen Jihar Nasarawa, Kwamared Mercy Tazan Zabadi, ta bayyana zargin da ake yi mata na karkatar da kuɗaɗe da kuma gudanar da ƙungiyar ita kaɗai a matsayin farfaganda da baƙin ciki. Zabadi ta bayyana hakan ne a wata hira da ta yi da jaridar Manhaja a Lafia, yayin da take mayar da martani kan zargin da wasu mambobin zartarwarta suka yi mata. A cewarta, zargin ba shi da tushe balle makama kuma an yi shi ne da nufin ɓata mata suna da kuma na zartarwarta a…

10 Oct

Naɗin Ali Ado Dagacin ƙaura Goje abu ne na farin ciki ga al’ummar Gama da ƙaura Goje — Danjummai

ukarofiLabarai

Daga IBRAHIM MUHAMMAD a Kano Alhaji Abdullahi Sulaiman, wanda aka fi sani da ɗanjummai, ɗaya daga cikin amintattun abokan sabon Dagacin ƙaura Goje, Alhaji Ali Ado, ya bayyana naɗin da abokinsa ya samu a matsayin wata ni’ima da ta cancanci godiya ga Allah, kasancewar lamari ne mai tsohon tarihi wanda ya gangaro tun daga iyaye da kakanni. Danjummai ya bayyana haka ne yayin da yake tofa albarkacin bakinsa kan wannan gagarumin ci gaba mai muhimmanci da aka samu a yankin. A cewarsa, daga cikin waɗanda suka bayar da gagarumar gudummawa wajen tabbatar da wannan naɗi akwai Shugaban ƙaramar Hukumar Nassarawa,…

10 Oct

Majalisar ƙoli ta Shari’ar Musulunci ta yi garambawul a shugabannin zartaswanta

ukarofiLabarai

Daga SANI AHMAD GIWA a Abuja Majalisar ƙolin Shari’a ga Harkokin Addinin Musulunci ta ƙasa (NSCIA) ta ce ta yi wa Majalisar Zartarwarta ta ƙasa (NEC) garambawul tare da faɗaɗa ta, domin ƙarfafa tsarin gudanarwa da ayyukanta. Jami’in hulɗa da jama’a na majalisar, Abbas Jimoh, ya bayyana hakan a cikin wata sanarwa da ya fitar, inda ya ce matakin ya biyo bayan wasu shawarwari da aka cimma a Babban Taron Majalisar (General Assembly) da aka gudanar a Abuja ranar Alhamis, 1 ga Oktoba, 2026. Ya ce taron ya samu halartar shugabannin Musulmi, ciki har da sarakunan gargajiya Musulmi da manyan…

10 Oct

Yadda ’yan bindiga a ƙauyen Nasarawa suka rufe hanyar Gusau-Sakkwato, suka yi garkuwa da matafiya

ukarofiLabarai

Daga SANI AHMAD GIWA a Abuja Wasu ’yan bindiga dauke da muggan makamai sun mamaye yankin Nasarawa da ke cikin al’ummar Damba, a wajen birnin Gusau na Jihar Zamfara, inda suka kai hari kan mazauna yankin tare da yunkurin satar dabbobi. Rahotanni sun ce ’yan bindigar sun kai harin ne cikin daren Litinin, inda suka mamaye wurare daban-daban masu muhimmanci domin hana yiwuwar samun taimako daga wasu al’ummomin da ke kusa. Wata mata da ta tsira daga harin, wadda ta nemi a sakaya sunanta, ta shaida wa jaridar cewa ’yan bindigar sun kai farmaki yankin Nasarawa da misalin ƙarfe 1:00…

10 Oct

Biyan kuɗin fansa na ƙara wa ‘yan bindiga ƙarfi – Gwamna Lawal

ukarofiLabarai

Daga SANI AHMAD GIWA a Abuja Gwamnan Jihar Zamfara, Dauda Lawal, ya ce biyan kudin fansa ga ‘yan bindiga na kara musu karfin gwiwa tare da ba su damar sayen manyan makamai. Gwamnan ya bayyana hakan ne a wata hira da gidan talabijin na Channel, inda ya sake jaddada cewa gwamnatinsa ba za ta tattauna da ‘yan bindiga domin biyan fansa ba. Ya ce, “Matsayina tun daga farko shi ne ba za mu yi sulhu da ‘yan bindiga ba, kuma har yanzu ina kan wannan matsayar.” Lawal ya ce satar mutane domin neman kudin fansa ta zama tamkar sana’a ga…

10 Oct

Gwamnan Bauchi ya yaba wa Tinubu kan gyare-gyaren tattalin arziki da samar da tsaro

ukarofiLabarai

Daga SANI AHMAD GIWA a Abuja Gwamnan Jihar Bauchi, Bala Mohammed, ya yabawa jagorancin Shugaban ƙasa Bola Ahmed Tinubu, inda ya bayyana cewa gyare-gyaren tattalin arziki da tsare-tsaren tsaro da gwamnatin ke aiwatarwa sun kawo sakamako mai kyau da tasiri a fadin Jihar Bauchi da ƙasa baki ɗaya. Gwamnan ya bayyana hakan ne a ranar Litinin yayin da ya karɓi baƙuncin Ministan Kudi da Kula da Tattalin Arziki, Taiwo Oyedele, tare da Ministan kula da Kiwon Lafiya da Jin Dadin Jama'a, Dr. Muhammad Ali Pate, wadanda suka kai masa ziyarar ban-girma a Gidan Gwamnati da ke Bauchi. Yayin da yake…

10 Oct

Atiku ya buƙaci bayani kan tiriliyan N11.2 na NNPC, ya tambayi kuɗaɗen kamfen ɗin Tinubu na 2027

ukarofiLabarai

Daga SANI AHMAD GIWA a Abuja Tsohon Mataimakin Shugaban ƙasa kuma ɗan takarar shugaban ƙasa a jam’iyyar African Democratic Congress (ADC), Atiku Abubakar, ya buƙaci Kamfanin Mai na ƙasa (NNPC) da ya yi cikakken bayani kan Naira tiriliyan 11.2 da aka rubuta a cikin bayanan kuɗinsa na shekarar 2025 a matsayin kuɗin da gwamnatin tarayya ke binsa. Atiku ya kuma buƙaci Fadar Shugaban ƙasa ta bayyana duk wani tallafin kuɗi ko na kayan aiki da ’yan kwangilar gwamnati suka bai wa ayyukan yaƙin neman zaɓen Shugaba Bola Ahmed Tinubu na 2027. Atiku ya yi wannan kira ne cikin wata sanarwa…

10 Oct

JAMB za ta kafa cibiyar rubuta jarrabawar UTME a ƙasar Canada a 2027

ukarofiLabarai

Daga SANI AHMAD GIWA a Abuja Hukumar Shirya Jarabawar Shiga Jami’o’i ta Nijeriya (JAMB) ta ce tana shirin kafa cibiyar gudanar da jarabawar shiga jami’a ta UTME a Ottawa da ke ƙasar Kanada, wadda ake sa zai fara aiki a shekarar 2027. JAMB ta ce cibiyar za ta bai wa ‘yan Nijeriya da ke zaune a Kanada da sauran sassan Arewacin Amurka damar rubuta jarabawar UTME ba tare da sun dawo domin rubuta jarabawar ba. Hukumar ta bayyana hakan ne a wani saƙo da ta wallafa a shafinta na ɗ a ranar Litinin. Ta ce shirin zai ƙara damar samun…

10 Oct

Tambuwal ya maka gwamnatin Sokoto kotu bisa ƙin bayyana rahoton kwamitin bincikensa

ukarofiLabarai

Daga MAHDI MUSA MUHAMMAD Tsohon Gwamnan Jihar Sakkwato, Aminu Waziri Tambuwal, ya shigar da ƙara kan Gwamnatin Jihar Sakkwato kan zargin ƙin miƙa masa rahoton Kwamitin Bincike na Shari’a da aka kafa domin binciken ayyukan gwamnatinsa. Tambuwal, wanda a yanzu yake wakiltar Mazaɓar Sakkwato ta Kudu a Majalisar Dattawa, ya mulki jihar daga shekarar 2015 zuwa 2023. A cikin ƙarar mai lamba SS/133/2026, wadda aka shigar a gaban Mai Shari’a Mohammed Mohammed na Babbar Kotun Jihar Sakkwato, reshen mai lamba 6, tsohon gwamnan na neman kotu ta umarci gwamnatin jihar ta ba shi kwafin rahoton kwamitin. Tambuwal ya shigar da…