ukarofi - Manhaja - Blueprint Hausa version

03 Jun

Gwamnatin Katsina ta raba Naira miliyan uku ga waɗanda haren-haren ‘yan bindiga ya shafa

ukarofiLabarai

Daga ABDULLAHI MUHAMMAD a Katsina Gwamnatin Jihar Katsina ta ci gaba da tallafa wa iyalan waɗanda hare-haren ‘yan bindiga suka shafa, inda kwamitin rabon tallafin ya kai ziyara a garin Jiƙamshi domin rabon tallafin ga waɗanda suka rasa rayukansu da kuma waɗanda suka samu raunuka. Mutane 19 ne suka amfana da tallafin da ya kai jimillar Naira miliyan 2.3. Daga cikin waɗanda suka amfana akwai iyalan mutum tara da aka kashe, inda kowanne su ya karbi Naira N200,000, yayin da mutane 10 da suka samu raunuka suka karbi Naira N50,000 kowannensu. Kwamitin ya kuma miƙa saƙon ta’aziyya da jaje ga…

03 Jun

Hana hawan sallah durƙusar da tattalin arzikin Kano ne — Sarki Sanusi

ukarofiLabarai

Daga IBRAHIM HAMISU a Kano Mai Martaba Sarkin Kano, Muhammadu Sanusi II, ya bayyana cewa hana gudanar da hawan Sallah a Kano na da matuƙar illa ga tattalin arzikin jihar, yana mai cewa bikin na taka muhimmiyar rawa wajen jawo masu yawon buɗe ido da bunƙasa harkokin kasuwanci. Sarkin ya bayyana hakan ne yayin da yake karɓar baƙuncin shugaban gukumar kula da yawon vuɗe Ido ta ƙasa a fadarsa da ke Ƙofar Kudu. Ya ce hawan Sallah da hawan daba ba al’amura ne na al’ada kawai ba, har ila yau suna taimakawa wajen samar da kuɗaɗen shiga ga dubban mutane…

03 Jun

Yankuna 178 a Kano na fuskantar barazanar ambaliyar ruwa – NEMA

ukarofiLabarai

Daga IBRAHIM HAMISU a Kano Hukumar ba da agajin gaggawa ta ƙasa (NEMA) ta bayyana cewa yankuna 178 da ke cikin ƙananan hukumomi 28 na Jihar Kano na cikin haɗarin fuskantar ambaliya a bana. Darakta Janar ta NEMA, Hajiya Zubaida Umar, ta bayyana hakan yayin taron wayar da kan masu ruwa da tsaki da kaddamar da shirin shirye-shiryen tunkarar ambaliya na ƙasa na shekarar 2026 a Kano. Ta ce hasashen da hukumar kula da yanayi ta Nijeriya (NiMet) da hukumar kula da harkokin ruwa (NIHSA) suka yi ya nuna cewa wasu yankunan Kano na iya fuskantar ambaliya. Ta bayyana cewa…

03 Jun

Tarihin kasuwanci a Kano (II)

ukarofiKasuwanci

Daga MAHDI MUSA MUHAMMAD A farkon shekara ta 1496 miladiyya, Sarkin kano Muhammad Rumfa ya yi waɗansu baƙin fataken Turawa da suka ɓullo daga Kumasi ta ƙasar Gwanja (Ghana) can yamma da Ilorin. A harshen Hausa muna kiransu da suna Patoki, amma ainihin sunansu Portuguese, ma’ana mutanen ƙasar Portugal. Babban cinikin waɗannan Turawan shi ne fataucin bayi, sune Turawan farko da suka kawo gyaɗa garin Kano. Su kan sayi bayi maza da mata a kasuwa. Su kuma sukan sayarwa da Kanawa gyada. Yayin da suka kammala sayar da gyaɗar tasu, sai suka shirya bayin da suka saya, suka tashi suka…

03 Jun

Gwajin jini kafin aure: Ba iya kanjamau da genotype ya kamata a tsaya ba

ukarofiLabarai, Rahoto

Daga AISHA ASAS (Ci gaba daga makon jiya) Baya ga wannan, akwai wasu gwaje-gwaje da suka shafi lafiyar jiki gaba ɗaya waɗanda ya kamata a kula da su kafin aure. Cutar hanta irin su hepatitis, alal misali, na iya wucewa daga mutum zuwa mutum ko daga uwa zuwa jariri. Haka kuma akwai cututtukan da ake ɗauka a matsayin “ƙanana” amma suke da babbar illa ga jarirai, kamar wasu cututtukan da mace za ta iya kamuwa da su ba tare da ta sani ba, amma su shafi jaririn da take ɗauke da shi. Haka kuma batun gwaje-gwajen hormones yana da muhimmanci,…

03 Jun

Yadda ake kula da ƙafa a mahangar masana

ukarofiRahoto

Daga AISHA ASAS A lokuta da dama idan aka ambaci kalmar kwalliya, abin da ke fara zuwa zuciyar mutane shi ne fuska, gashi, tufafi ko kayan shafe-shafe. Wasu kan ɗauki awanni suna kula da waɗannan ɓangarori na jiki tare da kashe maƙudan kuɗaɗe wajen tabbatar da cewa komai ya kasance cikin tsari da kyau. Amma duk da haka, akwai wani ɓangare na jiki da masana lafiya suka ce ana yi wa riƙon sakainar kashi duk da irin muhimmancin da yake da shi wajen lafiyar mutum baki ɗaya, wato kafa. Masana likitanci sun bayyana cewa ƙafa ba kawai wani sashe ne…

03 Jun

Illar rashin biyayya ga shugabanni

ukarofiRahoto

Tare da BILKISU YUSUF ALI Ph’D Gabatarwa: Biyayya ga iyaye da shugabanni ginshiƙi ce ta zaman lafiya da ci gaban al’umma. A cikin al’ummar Najeriya, musamman a tsakanin matasa, ana ƙara fuskantar ƙalubalen rashin biyayya, wanda ke bayyana a gida, makarantu, da ma al’umma bakiɗaya. Rashin biyayya yana haifar da rikice-rikice, rashin tarbiyya, da kuma karuwar laifuka, musamman a birane da manyan garuruwa. Ma’anar biyayya: Biyayya na nufin bin umarni da shawarwarin iyaye ko shugabanni cikin ladabi da girmamawa, matuƙar ba sa saɓa wa addini ko doka. Hujjoji daga addini: Allah (SWT) Ya ce: "Ku yi wa Allah biyayya, ku…

02 Jun

ADC a Katsina ta tsayar da Babba Kaita a matsayin ɗan takarar gwamna na 2027

ukarofiLabarai

Shugabannin jam'iyar babbar adawa na ADC a Katsina sun tsayar da Ahmad Babba Kaita a matsayin ɗan takarar gwamna a zaɓen 2027. Matsayar ta fito ne bayan wani muhimmin taro da shugabannin jam’iyyar na jihar suka gudanar tare da manyan jagororin ADC na ƙasa, ciki har da tsohon mataimakin shugaban ƙasa Atiku Abubakar da shugaban jam'iyar na ƙasa David Mark. Haka kuma, taron ya amince da Ahmed Aminu Yar’adua a matsayin ɗan takarar mataimakin gwamna, lamarin da ya nuna cewa jam’iyyar ta fara shirye-shiryen tunkarar zaɓen 2027 da wuri. Sai dai wannan ci gaba ya haifar da tambaya mai ɗaukar…

02 Jun

Zuwa ga Gwamnan Jihar Kebbi,

ukarofiRa'ayi

Alhaji Dr. Nasir Idris (Kauran Gwandu) Ni ne Emmanuel Hayanchi, ɗan asalin ƙaramar Hukumar Zuru, daga unguwar Road Block. Asalina ɗan Zuru ne tun daga kakannina har zuwa iyaye na. Dalilin rubuta wannan wasiƙa shi ne na bayyana goyon bayana da biyayyata ga gwamnatin ka a matsayin Gwamnan Jihar Kebbi, tun daga yanzu har zuwa shekarar 2027, In Sha Allah. Ni matashi ne mai kishin ƙasa, musamman ma jihata ta Kebbi, kuma ina da niyyar tsayawa takarar kansila a Zuru Ward a ƙarƙashin jam’iyyar APC a zaɓen 2027. Burina shi ne na yi koyi da kyawawan halayen Ka na shugabanci,…

02 Jun

Mu kula da yanayin mata domin rashin fahimtarsu na jawo mutuwar aure

ukarofiRa'ayi

Assalamu alaikum, barka da warhaka, Edita. Da fatan kowa yana lafiya. A lokuta da yawa aure yakan mutu saboda rashin sani ko ƙarancin ilimin maza game da yanayin mata a lokacin da za su fara al’ada (menstruation), ko suke yi; ko lokacin da suke ɗauke da ƙaramin ciki, wato lokacin laulayi da lokacin da cikin ya kai wata bakwai zuwa lokacin da za su haife shi. Kwana 5 ko 8 kafin su fara al’ada suna zama kwanakin haƙuri ga duk magidancin da ya gane haka. Duk da yake cewa ba a cika tattauna irin waɗannan abubuwa a nan ƙasar Hausa…