ukarofi - Manhaja - Blueprint Hausa version

18 Jan

Ana tursasa wa magoya bayanmu komawa APC a Kano – Kwankwaso

ukarofiLabarai

Daga SANI AHMAD GIWA a Abuja Tsohon gwamnan Jihar Kano, Sanata Rabiu Musa Kwankwaso, ya ce magoya bayansa a cikin gwamnatin Gwamna Abba Kabir Yusuf, na fuskantar matsin lamba kan shirin gwamnan na sauya sheƙa zuwa jam’iyyar APC. A kan haka, jagoran na jam’iyyar NNPP, ya buƙace su da su rattaɓa hannun domin rage tashin hankalin da suka tsincin kan nasu a ciki. Kwankwaso ya yi waɗannan makalaman ne a ranar Talata cikin wani sakon bidiyo da mai taimaka masa na kafafen sada zumunta, Saifullahi Hassan, ya wallafa a shafinsa na Facebook. Ana ganin yunƙurin Gwamna Abba na shiga APC…

18 Jan

2027: Wata ƙungiya ta jaddada goyon bayanta ga Zannan Bunguɗu a Zamfara

ukarofiLabarai

Daga SANUSI MUHAMMAD a Gusau Kungiyar Wayar da Kan Jama'a ta Birni da ƙauye a Jihar Zamfara ta bayyana goyon bayanta ga ɗan majalisar tarayya Hon. Abdulmalik Zubairu (Zannan Bunguɗu) wanda ke wakiltar mazaɓar tarayya ta Maru/Bungudu a jihar Zamfara domin cika burinsa na siyasa a shekarar 2027. ƙungiyar ta bayyana jarumtarsa da shugabanci da kuma wakilci nagari a matsayin manyan dalilan da suka sa suka amince da su goyi bayansa. ƙungiyar ta miƙa wa ɗan majalisar tarayyar man shafawa kimanin 2,000 na Pomades (ɓaciline) a matsayin wani ɓangare na goyon bayansu ga harkokin siyasarsa. Sun bayyana cewa hakan na…

18 Jan

Kotu ta soke zaɓen fidda gwani na gwamna na PDP a Ekiti

ukarofiSiyasa

Daga SANI AHMAD GIWA a Abuja Wata babbar kotun tarayya da ke zamanta a Ado-Ekiti ta soke zaɓen fidda gwani na gwamna da jam’iyyar PDP ta gudanar a jihar Ekiti gabanin zaɓen shekarar 2026. Kotun ta kuma umarci jam’iyyar da ta sake gudanar da sabon zaɓen fidda gwani bisa bin doka da ƙa’idojin cikin gida na jam’iyyar. Alƙalin kotun, Babs Kuewumi, ne ya yanke hukuncin a ranar Talata a karar mai lamba FHC/AD/CS/29/2025, wadda Funso Ayeni, dan takarar gwamna, ya shigar kan PDP da Hukumar Zaɓe ta ƙasa (INEC). Ayeni ya kalubalanci sahihancin zaben fidda gwanin da ya fitar da…

17 Jan

Hukumar Haraji ta Sakkwato ta dakatar da tsarin shigar da bayanan haraji kowane wata

ukarofiLabarai

Daga MAHDI MUSA MUHAMMAD Hukumar Haraji ta Jihar Sakkwato (SOIRS) ta janye umarnin da ta bayar na tilasta masu biyan haraji su riƙa shigar da bayanansu ta hanyar intanet kowane wata, inda ta bayyana cewa a halin yanzu ana buƙatar ne kawai a shigar da bayanan haraji na shekara-shekara ta yanar gizo. Hukumar ta fitar da wannan bayani ne a wata sanarwa da ta wallafa a ranar Alhamis, biyo bayan martanin jama’a kan wata takarda da ta fitar a ranar 5 ga Janairu, wadda ta bayyana fara aiwatar da tsarin shigar da bayanan haraji kowane wata ta intanet. A cewar…

17 Jan

Fasinjoji sun zargi ma’aikatan jirgin Ethiopian Airlines da satar kaya a Kano

ukarofiLabarai

Daga MAHDI MUSA MUHAMMAD Rikici ya ɓarke a Filin Jirgin Sama na Malam Aminu Kano (MAKIA) ranar Litinin, bayan wasu ’yan kasuwa daga Kano sun yi zanga-zanga a ofishin kamfanin jiragen sama na Ethiopian Airlines, suna zargin ma’aikatan kamfanin da lalata jakunkunan fasinjoji da kuma satar kayayyaki masu daraja. Rahotanni sun nuna cewa ’yan kasuwar, da yawansu ke sana’ar sayar da na’urorin lantarki da kayayyakin shigo da su daga ƙasashen waje, sun koka da abin da suka kira sakaci da maimaituwar satar kaya daga jakunkunan fasinjoji, musamman a jiragen da ke bi ta Addis Ababa. Zanga-zangar ta biyo bayan isowar…

17 Jan

Sabbin ma’aikatan CBN 60 sun koka kan jinkirin tura su wuraren aiki

ukarofiLabarai

Daga MAHDI MUSA MUHAMMAD Aƙalla sababbin ma’aikata 60 da Babban Bankin Nijeriya (CBN) ya ɗauka aiki sun koka, suna zargin bankin da jinkirta tura su bakin aiki tsawon kusan watanni 28 bayan karɓar takardun ɗaukar aiki a hukumance. Waɗannan mutane, da aka ba su takardar ɗaukar aiki tun watan Agustan 2023, sun ce ba su san ina rayuwar su ta dosa ba bayan sun amince da aikin tare da yin murabus daga wuraren aikinsu na baya kamar yadda CBN ya umarta. Jaridar News Point Nigeria ta ruwaito cewa, ɗaya daga cikin su, Emmanuel Linus Dabo, wanda ya yi magana a…

17 Jan

Dan kasuwa ya karɓi wayoyin Nokia da ya yi oda tun 2010

ukarofiLabarai

Daga MAHDI MUSA MUHAMMAD Wani dillalin sayar da wayar salula a birnin Tripoli na ƙasar Libya ya karɓi wayoyin Nokia da ya yi oda tun a shekarar 2010, bayan shafe tsawon shekaru 16 yana jiran isowarsu. Lamarin ya janyo hankalin jama’a a shafukan sada zumunta, bayan wani bidiyo da aka yaɗa ya nuna lokacin da aka miƙa masa kayayyakin da ya daɗe yana jira. A cewar dillalin da abokansa da suka bayyana a bidiyon, an miƙa kayan ga wani wakili a cikin birnin Tripoli tun a 2010, amma duk da cewa mai aikawa da wanda zai karɓa suna zaune a…

17 Jan

Cibiyar KYCV ta farfaɗo da motocin gwamnati tara a Katsina

ukarofiLabarai

Daga ABDULLAHI MUHAMMAD, Katsina Cibiyar Horas da Matasa Sana’o’i ta KYCV mallakar Gwamnatin Jihar Katsina ta kammala gyara da sabunta motocin gwamnati guda tara, matakin da ke nuna jajircewar gwamnati wajen kula da kadarorin gwamnati da kuma rage asarar kuɗi. Shugaban cibiyar, Injiniya Kabir Abdullahi Kofar Soro, ya bayyana wa manema labarai cewa nasarar aikin ta ƙara tabbatar da ƙudurin gwamnatin jihar na inganta amfani da kadarorin gwamnati cikin tsari mai inganci tare da tanadin kuɗi. A cewarsa, motoci ƙirar Toyota Hiluɗ guda biyu sun samu cikakken gyara da sabuntawa, inda aka daidaita su yadda za su ci gaba da…

17 Jan

Za a fara hukunta mata masu lalata da maza masu aure a Akwa Ibom

ukarofiLabarai

Daga MAHDI MUSA MUHAMMAD Majalisar Dokokin Jiha ta Akwa Ibom na shirin amincewa da wani sabon ƙudirin doka da yake neman haramta duk wata hulɗa ta jima’i tsakanin mata da maza masu aure a cikin jihar. Wani lauya mai suna Obiavel Albert Abigo ne ya bayyana haka a wani saƙon da ya wallafa a shafinsa na Facebook ranar Litinin, inda ya ce ƙudirin, wanda Mataimakin Gwamna, Sanata Akon Inyang ya ɗauki nauyin gabatarwa, ya tanadi hukunci mai tsauri ga duk wata yarinya, mace ko budurwa da aka samu da laifin yin lalata da namiji mai aure. A cewarsa, ƙudirin ya…

17 Jan

Cece-kuce ya ɓarke yayin da Olubadan ya ƙi amsa gaisuwar Alaafin

ukarofiLabarai

Daga MAHDI MUSA MUHAMMAD An samu cece-kuce a Ibadan bayan da Olubadan na ƙasar Ibadan, Oba Rashidi Adewolu Ladoja, ya yi watsi da gaisuwar Alaafin na Oyo, Oba Abimbola Akeem Owoade, a wani taron addinai da aka gudanar a babban birnin jihar Oyo. Lamarin ya faru ne a ranar Litinin a yayin wani taron haɗin kan addinai da gwamnati ta shirya a filin taro na sakatariyar gwamnati da ke bayan Majalisar Dokokin Jihar Oyo a Agodi, Ibadan. A wani faifan bidiyo da shafin Oyo Affairs ya wallafa, an ga Alaafin yana zaune yana miƙa hannu domin gaisawa da Olubadan da…