ukarofi - Manhaja - Blueprint Hausa version

07 Jan

Kitso da lalle

ukarofiLabarai, Ra'ayi

Daga AISHA ASAS Masu bibiyar Manhaja sannunku da ƙoƙari, barkanmu da sake kasancewa da ku a shafin Kwalliya. A yau zamu tattauna ne kan tasirin kitso da lalle a kwalliya. Saidai kafin nan, za mu fara da matsayin kitso da lalle a ƙasar Hausa. Idan muka fara da lalle, za mu iya cewa, ba za mu kira shi a matsayin al'ada kawai ba, kamar yadda na ji wani hadisi, wanda ba zan iya faɗar sahihancinsa ba, ya yi bayyanin yadda lalle yake sunnah, kasancewar Manzon rahma (S.A.W) ya ba wa wani umurnin saka lalle a lokacin da ya yi aure.…

07 Jan

Tarihin Malam Muhammad Rabi’u Dan Tinki (1897–1959)

ukarofiRahoto

Daga MAHDI MUSA MUHAMMAD Shehun Malami Muhammad Rabi’u Dan Tinki, wanda ake kira da Malam Rabi’u ɗan Yunusa ɗan Alhasan ɗan Baru, ya kasance ɗaya daga cikin manyan fitattun malamai da suka bar gagarumin tarihi a fagen ilimin Alƙur’ani da karatun addini a Arewacin Nijeriya. An haife shi a shekarar 1897 a garin Tinki, da ke ƙaramar Hukumar Bichi a Jihar Kano, a cikin gida mai tushe na ilimi da addini. Tun yana ƙarami, Malam Rabi’u ya taso cikin tarbiyya da ladabi, duk da kasancewarsa mai son wasannin yara da mu’amala da takwarorinsa. Mahaifinsa shi ne malaminsa na farko, inda…

07 Jan

Zubar gashi: Dalilai da illoli da matakan kariya

ukarofiRa'ayi

Gabatarwa: Mata da dama suna shiga wani yanayi marar daɗi kan yadda gashinsu yake zubewa. A duk lokacin da suke yin ƙorafi sukan ce “gashinsu yana zuba ba gaira babu dalili”Gashi ya kasance wani muhimmin ɓangare ne na kamannin mutum, musamman ma ga mata. A yawancin al'adu, ana kallon gashi a matsayin kwalliya, ɗaukaka, ko kuma ƙyau. Saboda haka, zubar gashi (wanda ake kira alopecia a harshen kimiyya) na iya shafar mutum ta fuskar damuwa da kuma rashin walwalar rayuwa. A wannan rubutu, za mu duba me ke janyo zubar gashi, nau’o’in zubar gashi, hanyoyin rigakafi da kuma matakan da…

06 Jan

NDLEA a Katsina ta kama mutune 1,018, masu ta’ammali da miyagun ƙwayoyi

ukarofiLabarai

Daga ABDULLAHI MUHAMMAD a Katsina Haka kuma hukumar ta kama ƙwayoyi masu nauyin Kilo 2,400 a shekarar 2025. Kwamandan hukumar hana sha da fataucin miyagun ƙwayoyi (NDLEA) a Jihar Katsina CN Sama'ila Danmalam ya bayyana haka a hira da manema labarai. Ya ce hukumar ta samu gagarumar nasara a yaƙin da take yi da shan miyagun ƙwayoyi da safararsu a shekarar 2025, inda ta kama mutum 1,018 tare da ƙwace miyagun ƙwayoyi masu nauyin sama da kilo 2,400. A cewarsa, nasarorin da aka samu sun biyo bayan dabarun aiki da jami'an hukumar a Katsina ke amfani da su a ƙarƙashin…

06 Jan

An shirya taron horaswa ga alƙalan kotunan majistare a Katsina

ukarofiLabarai

Daga ABDULLAHI MUHAMMAD a Katsina Babban kotun jihar ƙarƙashin jagorancin Babban Jojin Jihar Katsina, mai Shari’a Musa Ɗanladi Abubakar, ta shirya taron horaswa da ƙara wayar da kai ga Alƙalai da lauyoyi kan ƙarfafa ilimin fasahar zamani (ICT), da fasahar wucin-gadi (Artificial Intelligence – AI) domin inganta aikin shari’a. Taron ya mayar da hankali ne kan ƙarfafa ilimi a fannin fasahar zamani, tare da amfani da fasahar wucin-gadi (Artificial Intelligence – AI) da kuma sabbin kafafen sadarwa (New Media) wajen inganta gudanar da aikin shari’a. Da yake gabatar da jawabin buɗe taron, babban jojin na Jihar Katsina, Mai Shari’a Musa…

06 Jan

Me muka yi a 2025?

ukarofiRa'ayi

Assalamu alaikum wa rahmatullahi wa barakatuhu. Wannan wasiƙa an rubuta ta ne domin mu tsaya mu yi nazari mai zurfi a kan inda muka fito, inda muke, da kuma inda muke son zuwa. Shekara ta 2025 ta ƙare, kuma 2026 na tafe da sabuwar dama, sabuwar jarrabawa, da sabbin alhakin da za su rataya a wuyan kowannenmu. Tambayar da ta dace mu yi wa kanmu ita ce: me mu ke yi a 2025 da zai zama ginshiƙin alkhairi a 2026? Rayuwa tana gudu ba tare da jiran kowa ba. Ranaku suna shuɗewa kamar iska, watanni suna biye wa juna, shekaru…

06 Jan

Mun shiga sabuwar shekara ta 2026

ukarofiRa'ayi

Da farko, ina fatan mu nutsu ganin yadda Arewa ta samu kanta a cikin halin gaba aura baya sayaki na rikita rikitar batun zargin yi ma Kiristoci kisan gilla. Wanda ga alamu wani abu ne wanda ake kira dokin maibaki ya fi gudu? Ai ko su Kiristocin ma su iya daurewa su maganta indai za su faɗi gaskiya batun cewa su ake kwara duk karya ce, kawai dai wada manufa ce wacce sai addua ganin yadda ƙasar Amurka tai gaban kanta wajen kawo ma yankinmu na arewa hare hare na iƙirarin kawar da ’yan ta'adda a yankin Arewa maso Yamma…

06 Jan

Gobarar turansifoma ta jefa wasu sassan Katsina cikin duhu

ukarofiLabarai

Daga ABDULLAHI MUHAMMAD a Katsina Wasu sassan birnin Katsina sun faɗa cikin duhu bayan da gobara ta lalata na’urar sauya wutar lantarki (transformer) mai ƙarfin 15MVA a tashar wutar lantarki ta Kofar Ƙaura/IBB Way (Injection Substation). Gobarar, ta shafi injin TR3 mai ƙarfin 15MVA, lamarin da ya haddasa katsewar wutar lantarki a yankuna da dama na birnin. Kamfanin rarraba wutar lantarki na Kano (KEDCO) ya tabbatar da faruwar lamarin, inda ya ce babu asarar rayuka, sai dai an killace kayan aikin da abin ya shafa domin kare rayuka da dukiyoyi. Katsewar wutar dai ta shafi Kofar Ƙaura, GRA, Dandagoro, wasu…

06 Jan

Turawa sun koyi darasi a Sakkwato

ukarofiRa'ayi

Daga NASIRU ADAMU EL-HIKAYA Gaggan Turawa waɗanda ke kan gaba cikin wazanda su ka yi wa sassan Amurka mulkin mallaka gabanin kafata a 1776 wato ‘yan Burtaniya, sun miƙa wuya ga Daular Sokoto ta Shehu Usmanu Mujaddadi duk da kwace ikon Daular ta hanyar gwabza yaƙi. Don ganin tsarin shugabanci mai adalci na ilimi da Musulunci mai tsabta, ba bori ba tsafi, sai su ka mulki Daular ta hanyar Sarakuna. Shugaban Amurka na farko da ya jagoranci rundunar juyin juya halin kwatar mulki daga Burtaniya George Washington na da shekaru 22 kacal a duniya a ka haifi Shehu Mujaddadi a…

06 Jan

‘Yan bindiga sun aike wa ƙauyukan Neja saƙon gargaɗi bayan harin Borgu

ukarofiLabarai

Daga BELLO A. BABAJI a Abuja A yayin da al'umma ke cigaba da jimamin kisan gillar da aka yi wa mutane a Kasuwar Daji da ke Ƙaramar Hukumar Borgun Jihar Neja da awon-gaba da wasu, jama'ar gari sun sake shiga fargaba ƙasa da kwana uku da harin, inda 'yan ta'adda suka aike wa ƙauyukan iyaka wasiƙar razana, lamarin da ya tilasta musu ficewa daga muhallansu domin neman mafaka a wasu wuraren. 'Yan ƙauyuka da dama na ƙananan hukumomin Borgu da Agwara sun shaida wa 'yan jarida cewa wasu da ake zargin 'yan ta'adda da ke ayyukansu a yankin Kainji Game…