ukarofi

Daga IBRAHIM HAMISU a Kano Wani masanin manufofin gwamnati kuma mai fafutukar ingantaccen shugabanci, Tijjani Sarki, ya yi kira ga Gwamnan Jihar Kano, Injiniya Abba Kabir Yusuf, da ya naɗa Farfesa Abdallah Uba Adamu a matsayin Shugaban Jami’ar Northwest, Kano na dindindin. Ta cikin wata buɗaɗɗiyar wasiƙa a aka rubuta ranar 25 ga Oktoba, 2025, Sarki ya bayyana Farfesa Adamu a matsayin “mabuɗi, haziƙin malami, shugaba mai hangen nesa wanda ya tabbatar da bajintarsa a harkar ilimi a Najeriya.” Ya bayyana cewa Farfesa Adamu, ɗan asalin Kano da aka haifa a shekarar 1956, ya samu digirinsa daga Jami’ar Ahmadu Bello,…

Daga MAHDI MUSA MUHAMMAD Rahoton Binciken ɗabi’ar Jama’a da Lafiya na Nijeriya (NDHS) na 2024 ya bayyana cewa, yawan haihuwa a Nijeriya ya ragu daga yara 5.3 ga kowace mace a shekarar 2018 zuwa 4.8 a 2024, abin da ke nuna babban canji a tsarin haihuwar ‘yan ƙasa cikin shekaru biyar da suka wuce. An ruwaito cewa, ƙaramin Ministan Harkokin Lafiya da Jinƙai, Dakta Iziaƙ Salako, ne ya bayyana haka a ranar Juma’a a birnin Abuja yayin ƙaddamar da rahoton. Salako ya ce raguwar yawan haihuwar ta nuna ana samun ci gaba a ɓangaren samun damar kula da iyali da…

Daga MAHDI M. MUHAMMAD a Kaduna Gwamnan Jihar Kaduna, Sanata Uba Sani, ya rantsar da Malam Ahmed Maiyaki a matsayin sabon Kwamishinan Ma’aikatar Yaɗa Labarai ta jihar, domin ƙarfafa ayyukan majalisar zartarwa wajen sauke nauyin da ke kansu. An gudanar da rantsuwar ne a yau Talata, 21 ga Oktoba 2025, a ɗakin taro na fadar gwamnatin jihar yayin zaman majalisar zartarwa. Ahmed Maiyaki, wanda ya shahara a fannin yaɗa labarai, shi ne tsohon shugaban Hukumar Kafafen Yaɗa Labarai ta Jihar Kaduna (KSMC), kuma ya taɓa zama Daraktan Yaɗa Labarai na tsohon Gwamna Mukhtar Ramalan Yero. Maiyaki ya kuma yi aiki…

Daga MUAZU HARDAWA a Bauchi  Domin alkinta muhalli da kare kwararowar hamada, ƙungiyar GECCI da ACRSAL sun gudanar da taron gangamin shuka bishiyoyin dabinon Ajuwa a makarantar Annoor International Islamic Academy Gida Dubu da ke Bauchi, domin inganta muhalli da kawo ci gaba a fannin yaƙi da kwararowar hamada da bunƙasa tattalin arziki. Cikin jawabinsa Alhaji Shehu Umar wanda ya wakilci kwamishinan muhalli na jihar Bauchi Hon. Danlami Ahmed Kawule ya bayyana muhimmancin shuka itatuwa masu amfani da tarihi kamar dabino. Don haka ya buƙaci jama'a su fahimci cewa bishiyoyin dabino irin na zamani suna alkinta muhalli da kuma samar…

Daga MUHAMMADU MUJITABA a Kano An bayyana cewa masu dillanci ƙasa amintattu na gaskiya, waɗanda ke cinikayya da filaye, gidaje, mai da sauransu, suna da kyakkyawar alaƙa da masarautu kamar sarakuna, hakimai, masu unguwanni da sauran hukumomi. Wannan ya sa Shatiman ƙasa kuma Shatiman ƙasar Hausawa ta Afirka, Alhaji Salihu Sagir Ayagi, ya kai ziyara ga Hakimin Dawakin Kudu, Alhaji Abba Yusuf, wanda kuma shi ne sakataren masarautar Kano. Ya ce kyakkyawar alaƙarsa da Hakimin Dawakin Kudu ta samo asali ne tun shekaru 25 da suka wuce lokacin da yake harkar kasuwanci a yankin. Ya bayyana cewa suna zaune lafiya…

Daga MUHAMMADU MUJITABA a Kano Daya daga cikin hakimai biyar da mai girma Hakimin Gundumar Kunya, Alhaji Ali Ado Bayero, ya naɗa, zai kawo gagarumin cigaba da ƙarfafa haɗin kan al’ummar Kunya da Minjibir, kamar yadda Jarman Kunya, Alhaji Sunusi Adamu Sa’ad Kunya, ya bayyana bayan naɗin da aka gudanar ranar Asabar da ta gabata. Ya ce wannan amana da aka ɗora musu ba za su yi watsi da ita ba, kuma za su ci gaba da taimakawa jama’a a kowane fanni domin cigaban al’umma. Shi kuwa Farfesa Sani Malumfashi, shugaban hukumar zaɓe mai zaman kanta ta Kano (KANSEIC), ya…

Daga SANI AHMAD GIWA a Abuja  Jami’an ‘yan sandan Nijeriya sun kama ɗan gwagwarmayar nan, Omoyele Sowore, bisa ci gaba da zanga-zangar neman a saki shugaban haramtacciyar ƙungiyar IPOB, Nnamdi Kanu. Sowore, wanda aka kama a ranar Alhamis a birnin Abuja, wasu jami’ai ɗauke da bindiga ne suka yi masa dirar mikiya, sannan suka tafi da shi zuwa wani wuri da ba a bayyana ba tukuna. Lauya mai kare haƙƙin ɗan adam kuma mai rajin kare ’yancin jama’a, Deji Adeyanju, ya tabbatar da faruwar lamarin ga wakilinmu. “Eh, Sowore yanzu haka ’yan sanda sun kama shi,” inji shi. Har yanzu…

Daga IBRAHIM HAMISU a Kano Masu halarta a taron wayar da kan matasa na waɗanda suka shahara a kafafen sada zumunta na kwana 2 Laraba da Alhamis, mai suna Kano Social Influencers Summit Karo na 6, sun buƙaci gwamnati ta fara amfani da fasahar basirar wucin gadi (Artificial Intelligence – AI) domin magance cin hanci da rashawa a matakai daban-daban na mulki. Sun kuma jaddada buƙatar yin amfani da fasahar cikin ladabi, gaskiya da aminci, domin tabbatar da karɓuwarta a tsakanin al’umma.  Taron wanda aka gudanar mai taken: Yadda za a tafiyar da fasahar ƙirƙirarriyar ƙwaƙwalwa AI  ba tare da…

Daga GAMBO ISA a Abuja Shugaban ƙaramar Hukumar Akko a jihar Gombe Honorabul Muhammad ɗanladi Adamu ya yabawa gwamna Muhammad Inuwa Yahaya bisa gagarumin nasarorin da ya samu na cigaba a faɗin jihar. A wata takardar manema labarai da aka raba wa jaridar Blueprint a Abuja, Hon. Danladi Adamu ya yaba da ƙoƙarin da gwamnan ya yi a fannin bunƙasa jarin ɗan Adam, samar da ababen more rayuwa, noma, ilimi, kiwon lafiya, da samar da ƙarin ƙananan hukumomin raya ƙasa guda 13. Ya kuma yi tsokaci kan gyara da gina gine-ginen zamani da suka haɗa da sakatariyar ƙaramar hukumar Akko…