Labarai - Manhaja - Blueprint Hausa version

21 Nov

Iyayen ɗaliban Cyprus ‘yan Zamfara sun koka, suna kira ga Gwamna Lawal ya ceci ‘ya’yansu

ukarofiLabarai

Daga SANUSI MUHAMMAD Gusau Ƙungiyar iyayen ɗaliban da ke karatu a Jami'ar Ƙasa da Ƙasa da ke Ƙasar Cyprus Yan asalin jihar Zamfara, sunyi kira ga gwamnatin jihar Zamfara da ta gaggauta duba halin da ‘ya’yansu 88 ke ciki don ceto su daga halin kuncin rayuwa da suke a ciki a Ƙasar ta Cyprus. Ɗaliban suna karatun kwasa-kwasai daban-daban ne a Ƙasar Cyprus ƙarƙashin Jami'ar Ƙasa da Ƙasa Nicosia waɗanda gwamnatin Jihar ta tura tun gwamnatin da ta gabata ta Ƙaramin ministan tsaro Bello Muhammad Matawalle. Shugaban Ƙungiyar Ambasada, Ibrahim Tudu ya yi wannan kiran a wani taron manema labarai…

20 Nov

Mutune 209 suka mutu a gobarar tankar mai ta Jigawa – Rahoton kwamiti

ukarofiLabarai

Shugaban Kwamitin bincike kan gobarar tankar mai da ta faru a Majia, Jihar Jigawa, DIG Hafizu Muhammad Inuwa (mai ritaya), ya miƙa rahoton bincikensu ga Gwamna Umar Namadi. Gobarar, wadda ta faru a ranar 14 ga Oktoba, 2024, ta yi sanadin mutuwar mutum 209 tare da jikkata wasu da dama. Kwamitin, wanda ya ƙunshi jami’an gwamnati, wakilan tsaro, ƙungiyoyin farar hula da shugabannin al’umma, ya mayar da hankali kan gano dalilan afkuwar gobarar, kimanta asarar da aka yi da kuma bayar da shawarwari don kaucewa irin wannan hatsari nan gaba. Shugaban kwamitin ya bayyana cewa sun tattauna da mahukunta, sun…

20 Nov

Gwamna Lawal ya ba da tabbacin goyon baya ga shugabannin Jami’ar Tarayya ta Gusau

ukarofiLabarai

Daga USMAN KAROFI Gwamnan Jihar Zamfara, Dauda Lawal, ya jaddada ƙudirin gwamnatinsa na ba da cikakken goyon baya ga Jami’ar Tarayya ta Gusau (FUGUS). Ya bayyana haka ne yayin karɓar tawagar kwamitin gudanarwar jami’ar ƙarƙashin jagorancin shugaban kwamitin, Rt. Hon. Injiniya Aminu Sani Isah, wanda suka kai masa ziyara a gidan gwamnati ranar Talata. A cewar mai magana da yawun gwamnan Zamfara, Sulaiman Bala Idris, kwamitin gudanarwar jami’ar ya yaba wa gwamnan bisa irin goyon bayan da yake bayarwa ga jami’ar. Gwamna Lawal ya tabbatar da cewa gwamnatinsa za ta ci gaba da tallafawa jami’ar saboda rawar da take takawa…

20 Nov

Ta yiwu ƴan Nijeriya mazauna waje su yi zaɓe a 2027 yayin da ƙudirin hakan ya tsallake karatu na biyu a Majalisa

BabajiLabarai

Daga BELLO A. BABAJI Ana tsammanin ƴan Nijeriya dake zaune a wasu ƙasashen waje su samu damar kaɗa ƙuri'a yayin zaɓe bayan da ƙudirin kwaskwarima ga dokar ƙasa da za ta bada damar hakan ya tsallake karatu na biyu a Majalisar Wakilai, a ranar Laraba. Kakakin Majalisar, Tajudeen Abbas ya ɗauki nauyin ƙudirin wanda ke neman a yi gyare-gyare ga dokar zaɓe ta 2022 da zai sa mazaunan waje su samu damar yin zaɓe. A watan Yuli ne aka miƙa ƙudirin don yi masa karatu na biyu ga kwamitin da ke kula da lamuran da suka shafi zaɓe na majalisar…

20 Nov

Rundunar soja ta fara binciken Manjo Janar kan zargin cin zarafin ma’aurata a Abuja

ukarofiLabarai

Rundunar Sojojin Nijeriya ta fara bincike kan wani bidiyo da ya bayyana a kafafen sada zumunta, wanda ke nuna wani Babban Janar da wasu sojoji suna ci zarafin wasu ma’aurata a birnin tarayya, Abuja. An ce lamarin ya faru ne bayan da sojojin suka tsayar da ma’auratan saboda sun yi ƙetare da ba bisa ƙa’ida ba a gaban tawagar motocinsu. A bidiyon, an ga sojojin suna cin zarafin ma’auratan, kafin daga bisani suka ɗaure su da ankwa sannan suka kai su ofishin ‘yan sanda da ke Gwarimpa. Rahotanni sun ce sojojin sun umurci ‘yan sandan da su tsare ma’auratan ba…

20 Nov

Majalisar dattawa ta kori Shugaban Kotun Ɗa’ar Ma’aikata

ukarofiLabarai

A ranar Laraba, Majalisar Dattawa ta tsige Shugaban Kotun ɗa'ar ma'aikata (CCT), Ɗanladi Umar, daga muƙamin sa. An tsige shi ne ta hanyar amfani da sashe na 157(1) na kundin tsarin mulkin Nijeriya na shekarar 1999. Wannan sashe ya tanadi cewa kashi biyu cikin uku na ‘yan majalisar dattawa na iya tsige shugaban kowanne hukuma mai zaman kanta da ake zargi da aikata laifukan da suka saɓawa doka da kuma rashin ɗa'a a lokacin aikinsu. Aƙalla Sanatoci 84 daga cikin 107 da ke aiki a yanzu sun sanya hannu don tsige Ɗanladi Umar, wanda ke fuskantar tuhume-tuhume da dama. Ƙarin…

20 Nov

’Yan Boko Haram sun yi wa jami’an hukumar NSCDC kwanton ɓauna a Neja

ukarofiLabarai

An zargi wasu ‘yan Boko Haram da kai wa tawagar jami’an hukumar tsaro ta NSCDC hari a yankin Farin Ƙasa na ƙaramar hukumar Chukun, Jihar Kaduna. Lamarin ya faru ne ranar Litinin yayin da jami’an ke duba layukan wutar lantarki na Ƙasa a Shiroro, Jihar Neja, sakamakon hare-haren da suka haddasa yankewar wuta a yankin Arewacin Nijeriya. Mai magana da yawun NSCDC, DCC Afolabi Babawale, ya bayyana cewa tawagar ta ƙunshi jami’ai tara da wasu ma’aikata 71 da aka tura domin kare muhimman kayayyakin gwamnati. Yayin da suke sintiri a wuraren da ake ganin suna da rauni, sun yi arangama…

20 Nov

Matawalle da Mungadi: BON ta ƙudiri aniyar bai wa ƴan jarida kariya

BabajiLabarai

Daga BELLO A. BABAJI Ƙungiyar masu gidajen yaɗa labarai ta ƙasa (BON) ta ce ba ta amince da cin mutunci da wulaƙanta harkar jarida ko ƴan jarida da gwamnati ko jami'anta ke yi ba. Hakan na zuwa ne kwanaki kaɗan da ƙungiyar manema labarai ta Arewa ta rubuta wani saƙo ga hukumomi game da maka Shua'ibu Mungadi da Tijjani Ramalan da wasu gidajen jaridu a kotu da ƙaramin Ministan Tsaro, Bello Matawalle ya yi kan zargin ɓata suna da yaɗa bayanai masu tunzurawa. BON ta ce za ta haɗe kai da sauran ƙungiyoyin al'umma don kare mutuncin ƴan jarida da…

20 Nov

Audita Janar ya bankaɗo N4.6bn da aka kashe ba bisa ƙa’ida ba a Ma’aikatar Ayyuka

BabajiLabarai

Daga BELLO A. BABAJI Wani rahoton ofishin kula da kuɗaɗe na ƙasa ya bankaɗo wata zaftara da aka yi wa asusun kuɗin Ma'aikatar Ayyuka ɓangaren gine-gine ba bisa ƙai'da ba da ta kai kimanin Naira biliyan 4.6. An gano hakan ne acikin rahoton shekara-shekara da ofishin Audita Janar na Ƙasa ya saba fitarwa, waɗanda daga ayyukan shekarun 2020 da 2021 ne aka same su tare da giɓi mai faɗi a lokacin Minister Babatunde Fashola. Takardar ta zayyano bayanai da dama da aciki akwai batun biyan wasu kuɗaɗe ba tare da cike wasu ƙa'idodi ba, da ɓatar kuɗaɗen da suka haura…

20 Nov

ICPC za ta fara bin diddigin kwangilolin ayyukan mazaɓu a jihohi 21

ukarofiLabarai

Daga USMAN KAROFI Hukumar ICPC ta fara bibiya ta bakwai kan aiyukan mazaɓu inda ta ke bibiyar aiyuka sama da 1,500 da aka ƙiyasta sun kai kimanin ₦610 biliyan. Kakakin ICPC, Demola Bakare, ya bayyana hakan a cikin wata sanarwa da ya fitar a ranar Talata a Abuja. A cewar Bakare, wannan shiri na bibiya wani tsari ne da hukumar ta ICPC ta ƙaddamar tun a shekarar 2019. An mayar da hankali kan yadda ake amfani da kuɗaɗen da aka ware wa ɓangarori masu muhimmanci kamar ilimi, lafiya, noma, albarkatun ruwa, wutar lantarki da sauransu. Shirin bibiya zai shafi hukumomin…