Labarai - Manhaja - Blueprint Hausa version

02 Apr

‘Yan bindiga sun sace wasu ɗalibai a Delta

EditorLabarai

Daga BASHIR ISAH Wasu da ake kyautata zaton 'yan bindiga ne sun yi garkuwa da wasu ɗalibai da ba a san adadinsu ba a Jihar Delta. Lamarin ya faru ne a ranar Litini a lokacin da ɗaliban ke kan hanyarsu ta tafiya a yankin Ughelli da ke jihar. Duk da dai babu wani cikakken bayani kan batu, sai dai Kakakin 'yan sandan jihar, Bright Edafe, ya ce jami'an tsaro sun samu lamrin aukuwar lamarin. Jami'in ya bayyana a shafinsa na X cewa, “Rundunar 'yan sanda jihar ta samu labarin aukuwar wannan mummunan al'amari, kuma muna bakin ƙoƙarinmu don kuɓutar da…

02 Apr

An kashe malamin Jami’ar Maiduguri ta hanyar daɓa masa wuƙa

EditorLabarai

Daga BASHIR ISAH Lamarin ya auku ne a ranar Lahadin da ta gabata inda aka bi Dokta Kamar Abdulkadir har cikin ofishinsa aka daɓa masa wuƙa wanda hakan ya yi sanadiyar mutuwarsa. Marigayin na malanta ne a Sashen Physical Health Education na jami'ar, kuma shi ne Jami'in Kula da Jarrabawa na tsangayarsu. Mai magana da yawun jami'ar, Farfesa Danjuma Gambo, ya tabbatar wa da Jaridar News Point Nigeria da faruwar lamarin. Inda ya ce, da yammacin ranar Lahadi ne aka kashe malamin. Ya ƙara da cewa, duk dai ba a kai ga tsare kowa ba kan batun, amma 'yan sanda…

01 Apr

Ma’aikatar jinƙai: An karkatar da N1.4bn tsakanin zamanin Sadiya da Edu – Bincike

EditorLabarai

Daga BASHIR ISAH Sakamakon binciken Jaridar Premium Times ya nuna cewa, Ma’aikatar Jinƙai da Bunƙasa Walwala ta karkatar da kuɗaɗe sama da Naira biliyan 1.4 zuwa asusun wasu ma’aikata su takwas a ma’akatar a cikin sama da shekaru huɗu. Bayanan da aka tattaro sun fallasa yadda aka yi ta hada-hadar kuɗi ta haramtacciyar hanya a ma’aikatar a zamanin shugabancin Sadiya Farouq da Betta Edu waɗanda a yanzu suke fuskantar bincike daga hukumar EFCC bisa zargin almundahana. Idan za a iya tunawa, a lokutan baya-bayan nan ne Shugaban Bola Tinubu ya dakatar da Betta Edu bayan da ta ba da damar…

01 Apr

Yadda labaran ƙarya suka kusa kashe min aure – Lai Mohammed

EditorLabarai

Daga MAHDI M. MUHAMMAD Tsohon Ministan Yaɗa Labarai da Wayar da Kai, Lai Mohammed, ya bayyana yadda labaran ƙarya a shafukan sada zumunta suka kusan raba shi da matarsa da suka shafe sama shekara 40 suna tare. Tsohon ministan ya bayyana hakan ne a Legas a wani taron tunawa da cika shekaru 90 na wanda ya tava lashe kyautar rubuta a fannin adabi a Afirka, Farfesa Wole Soyinka. Mista Mohammed, abokin tafiyar da kamfanin Bruit Costard, mai fafutuka kuma kamfanin hulɗa da jama’a, ya tuna cewa ɗaya daga cikin ƙalubalen da ya fuskanta a ofis a matsayinsa na minista shi…

01 Apr

Tattalin arziki: Tinubu ya fara haifar da ɗa mai ido – Ministan Labarai

EditorLabarai

Daga MAHDI M. MUHAMMAD Ministan Yaɗa Labarai da Wayar da Kai, Mohammed Idris ya ce sauye-sauyen tattalin arziki da gwamnatin shugaban ƙasa Bola Ahmed Tinubu ke jagoranta sun fara samar da ɗa mai ido. Ya bayar da misali da cigaba aka samu a cikin 'yan kwanakin nan. Ministan ya yi wannan jawabi ne a wajen babban taron ƙoli na masu magana da yawun hukumomi, wanda Cibiyar Hulɗa da Jama’a ta Nijeriya (NIPR) ta shirya a Abuja. Ya ce, “Abin farin ciki ne a lura da cewa sauye-sauyen tattalin arziki da shugaban ƙasa Bola Ahmed Tinubu ke aiwatarwa na samun ƙarin…

31 Mar

‘Ba ka da ƙwarewa, sai tarin hadimai mara kan-gado’ — martanin ɗan gidan El-Rufa’i ga Gwamnan Kaduna

EditorLabarai

Daga BASHIR ISAH A wani yanayi mai kama da martani, ɗan gidan tsohon Gwamnan Jihar Kaduna, Bashir El-Rufai, ya zargi Gwamnan Kaduna, Uba Sani, da rashin zama a jiharsa don yi talakawansa aiki sannan ya koma ya tare a Abuja. Haka nan, ya zargi Gwamna Sani wanda aboki ne ga mahaifinsa, da cewa ya tara hadimai mara kan-gado waɗanda ba su da ƙwarewa balle kuma su suka shi a hanya. Ya ci gaba da cewa, maimakon Gwamnan Kaduna ya yarda da rashin ƙwarewarsa, amma ya ɓuge da yin ƙorafi kan cewa ya gaji tulin bashi daga gwamnatin El-Rufai. Tun da…

31 Mar

Na gaji tarin basussuka daga gwamnatin El-Rufai, cewar Gwamnan Kaduna

EditorLabarai

Daga BASHIR ISAH Gwamna Uba Sani na Jihar Kaduna ya bayyana cewa, ya gaji ɗimbin basussuka daga gwamnatin da ya gada, lamarin da ya ce taliƙe kaso mai tsoka daga kason wata-wata da jihar ke samu a wajen Gwamnatin Tarayya. Basussukan da ya ce ya gada faga gwamnatin Nasir El-Rufai sun haɗa da Dala Miliyan 587 da Naira Biliyan 85 sai kuma kwangiloli guda 115. Gwamna Sani ya bayyana haka ne a wajen taron jin ra'ayoyin jama'ar gari dangane da shugabancinsa da aka shirya ranar Asabar. Ya ce, ba zai yi ƙasa a gwiwa ba wajen yin amfani da ɗan…

31 Mar

Farashi zai ci gaba da tashi muddin gwamnatoci suka dinga biris da ‘yan kasuwa – Sardaunan Gwaram

EditorKasuwanci, Labarai

Daga MOHAMMED ALI a Gombe Saboda yadda farashin kayyakin abinci da na masarufi har ma da kusan komai a faɗin ƙasar yake ta ƙara wahal da 'yan Nijeriya, baban ɗan kasuwan nan na Jihar Gombe, Alhaji Ahmed Abdullahi (Sardaunan Gwaram), ya yi kira ga Gwamnatin Tarayya da na jihohi baki ɗaya, da su tashi tsaye yanzun nan su ga sun bunƙasa kasuwanci a ƙasa. Har illa yau, Sardaunan Gwaram ɗin wanda shi ne Mataimakin Sakataren Ƙungiyar Haɗin Kan “Yan Kasuwan Jihar Gombe, ya ce muhimman mafitar dai kenan wato gaggauta bunƙasa kasuwanci sannan tallafi ga “yan kasuwa musamman kamar waɗanda…

31 Mar

Shugaban Kamfanin Binance ya maka EFCC da mashawarcin Tinubu a kotu

EditorLabarai

Daga SANI AHMAD GIWA a Abuja Shugaban kamfanin Binance dake tsare a hannun hukumomin Nijeriya, Tigran Gambaryan ya maka Mashawarcin Shugaban Ƙasa Akan Harkokin Tsaro, Nuhu Ribadu da Hukumar EFCC mai yaƙi da masu yi wa tattalin arzikin ƙasa zagon ƙasa a kotu bisa zarginsu da tauye masa haƙƙoƙinsa na bil adama. A ƙarar da ya shigar, Gambaryan ya nemi kotu ta ayyana tsare shi da qwace masa takardun tafiye-tafiyen a matsayin laifin da ya sava sashe na 35 ƙaramin sashe (1) da na (4) na kundin tsarin mulkin na shekarar 1999. Ya buƙaci kotun da ta umarci ofishin mashawarcin…

31 Mar

Gwamnan Kaduna ya ɗauki nauyin karatun ɗaliban Kuriga

EditorLabarai

Daga SANI AHMAD GIWA a Abuja Gwamnan Jihar Kaduna, Uba Sani, ya yi alƙawarin bai wa ɗaliban Kuriga 137 da aka kuvutar daga hannun ’yan bindiga tallafin karatu. Gwamnan ya ce gidauniyarsa ta Uba Sani za ta gyara makarantun Kuriga domin bai wa yara a garin damar samun ingantaccen ilimi. Gwamnan ya bayyana haka ne a lokacin da yake jawabi ga ɗaliban da suka kuvuta daga hannun ‘yan bindiga a gidan gwamnatin jihar a ranar Alhamis. Sani, ya ce bayan sako ɗaliban, gwamnatin jihar ta ɗauki masana ilimin halayyar ɗan adam aiki waɗanda suka shafe lokaci suna tattaunawa da ɗaliban…