Labarai - Manhaja - Blueprint Hausa version

17 Feb

Buhari ya tafi Habasha ana tsaka da balahirar canjin kuɗi

EditorLabarai

Daga MAHDI M. MUHAMMAD Shugaban Ƙasa Muhammadu Buhari ya tafi birnin Adis Ababa na ƙasar Habasha domin halartar taron zaman lafiya na Mungiyar Tarayyar Afrika (AU) karo na 36. A wata sanarwa da fadar shugaban ƙasar ta fitar, ta ce, Buhari ya bar Nijeriya ne a Alhamis, 16 ga Fabrairu, 2023. Fadar Shugaban Ƙasar ta kuma ce, a yayin ziyarar, Shugaba Buhari zai halarci taron tattaunawa kan matsaloli da ke addabar ƙasashen yammacin Afirka, tare da shugabannin ƙasashen. Zai kuma halarcin zaman shugabannin ƙasashen ECOWAS, kuma zai gabatar da jawabai, kafin daga bisani ya dawo Abuja ranar Litinin. Buhari kai…

17 Feb

Farashin kaya ya tashi saboda ƙarancin Naira na cigaba da tsananta

EditorKasuwanci, Labarai

Daga MAHDI M. MUHAMMAD Hauhawar farashin kayayyaki a Nijeriya ya sake tashi zuwa matsayi mafi girma da kashi 21.82 a watan Janairu daga kashi 21.34 cikin ɗari a watan Disambar bara. Wannan na zuwa ne a rahoton baya-bayan nan da Hukumar Ƙididdiga ta Ƙasa (NBS) ta fitar ranar Laraba, 15 ga Fabrairu, 2023. Sabon ƙaruwar hauhawar farashin kayayyaki a ƙasar ya zo ne a daidai lokacin da ’yan Nijeriya ke fuskantar rashin matsalolin tattalin arziki sakamakon ƙarancin kuɗin da aka yi wa kwaskwarima na Naira. Wannan ƙaruwar na Janairu yana nuna ƙaruwar kashi 0.47 idan aka kwatanta da 21.34 da…

17 Feb

Sharholiyar ranar masoya fasiƙanci ne – Sheikh Moh’d Aliyu

EditorLabarai

Daga MOH BELLO a Zariya Limamin masallacin Sheikh Abubakar Mahmoud Gumi dake Ƙofar Gayan Low-cost cikin Ƙaramar Hukumar Zariyan Jihar Kaduna, Sheikh Muhammad Aliyu ya gargaɗi Musulmi da su guji danganta kansu da sharholiyar ranar masoya wanda ake yi 14 ga Fabrairun kowace shekara. Ya yi wannan gargaɗin ne a cikin hudubarsa ta ranar Juma'ar makon da ya gabata, inda malamin ya ce wannan sharholiyar (valentine) ya saɓa wa koyarwar addinin Musulunci, "don haka ahir ɗin dukkan Musulmi." Sheikh Muhammad Aliyu ya ce dukkan yin wannan ta ranar masoya waɗanda suka jiɓanci sheɗan ne. "Bikin sharholiyar (valentine day) fasiƙanci ne,…

17 Feb

Zaɓen 2023: FRSC za ta bada goyon baya don samun nasara: Kwamanda Auwalu Mohammed

EditorLabarai

Daga JOHN D. WADA a Lafiya Kwamandan Hukumar Kula da Manyan Hanyoyi da Kiyaye Haɗura ta Ƙasa, (FRSC), reshen Ƙaramar Hukumar Keffi a Jihar Nasarawa, Auwalu Magaji Mohammed, ya ce a shirye hukumar take shiyyar ta bada nata gagarumar gudunmawa don tabbatar da nasarar zavukan gama-gari na shekarar 2023 dake tafe a jihar da ƙasa baki ɗaya. Kwamanda Auwalu Magaji Mohammed ya bayyana haka ne alokacin da yake tattaunawa da wakilin Blueprint Manhaja a ofishinsa dake garin Keffi hedikwatar ƙaramar hukumar Keffi a jihar ranar Laraba 15 ga Fabrairun shekarar 2023 da ake ciki. Ya ce ba shakka kamar sauran…

17 Feb

Yadda za ku kai rahoton masu sayar da sabbin takardun Naira

EditorKasuwanci, Labarai

Daga BASHIR ISAH Babban Bankin Nijeriya (CBN), ya fitar da wasu hanyoyi domin bai wa 'ya ƙasa damar kai rahoton masu sana'ar POS da ke cajin fitar hankali idan an zo cire kuɗi. Darakta a CBN, Mr Joseph Omayuku, shi ne ya bayyana haka yayin taron manema labarai da suka shirya ranar Talata a Yenagoa, babban birnin Jihar Bayelsa. Omayuku ya gargaɗi masu wannan hali da su daina, kana ya shawarci jama'a da su yi amfani da waɗannan hanyoyi na ƙasa wajen kai rahoton duk wani mai POS da aka samu yana karɓar caji wuci misali: 07002255226; Telephone Ext: 711025…

16 Feb

HOTUNA: Khalifah Sanusi II ya shiga Kano a karon farko bayan barin sarauta

EditorLabarai

A rana Laraba, Sarkin Kano na 14, Kalifah Muhammadu Sanusi II ya kai wa mahaifiyarsa, Hajiya Hafsat Aminu, ziyara a gidanta da ke kusa da masallacin Juma'a na Dangi a Birnin Kano. Khalifah Sanusi yana kan hanyarsa ta zuwa Dutse, Babban Birnin Jihar Jigawa, ne daga Legas, amma hazo ya hana shi ƙarasa wa filin jirgin sama dake Dutse, inda ya yi saukar gaggawa a Filin Jirgin Saman Malam Aminu Kano dake Jihar Kano. Ziyarar tasa taƙaitacciya ce inda, bayan ya yi sallar Azahar ya hau jirgi ya koma Legas. Majiyar Blueprint Manhaja ta ce, zai je Dutse ne, don…

16 Feb

Har yanzu CBN bai sakar wa INEC kuɗaɗe ba – Kwamishina

EditorLabarai, Siyasa

Daga BASHIR ISAH Yayin da ya rage kwanaki kaɗan kafin zaɓen 2023, har yanzu Babban Bankin Nijeriya (CBN) bai sakar wa Hukumar Zaɓe ta Ƙasa (INEC), kuɗaɗen da take buƙata domin tura kayayyakin zaɓe zuwa sassan ƙasa ba. A makon jiya Shugaban INEC na ƙasa, Farfesa Mahmood Yakubu, ya gana da Gwamnan CBN, Godwin Emefiele, inda suka tattauna yiwuwar bai INEC sabbin kuɗin da za ta yi amfani da shi wajen tura kayan zaɓe zuwa sassa. Inda a nan Emefiele ya bai wa INEC tabbacin ba zai bari a yi wa CBN kallon ana amfani da shi wajen yi wa…

16 Feb

Buhari ya tsawaita wa’adin tsohuwar N200

EditorBabban Labari, Kasuwanci, Labarai

Daga BASHIR ISAH Shugaban Ƙasa Muhammadu Buhari ya amince a ci gaba da amfani da tsohuwar N200 nan da wata biyu. Ya bayyana haka ne yayin jawabin da ya yi wa 'yan ƙasa kai tsaye da safiyar Alhamis. Buhari ya ce ya tsawaita wa'adin amfani da N200 ne domin rage wa 'yan ƙasa raɗaɗin ƙarancin kuɗin da ake fuskanta a faɗin ƙasa. A cewarsa, za a ci gaba da amfani da N200 ne daga ran 10 Fabrairu zuwa 10 ga Afrilun 2023. Sai ƙarin wa'adin in ji Buhar, bai shafi tsoffin N500 da N100 ba. Shugaban ya ce ƙofar CBN…

16 Feb

Tsoffin kuɗi: Gwamnatin Kaduna ta sake shigar da ƙara kan Gwamnatin Tarayya

EditorLabarai

Daga BASHIR ISAH Gwamnatin Jihar Kaduna, ta hannun lauyanta Abdulhakeem Mustapha SAN, ta shigar da ƙara kan Gwamnatin Tarayya saboda rashin kiyaye umarnin kotu. Wannan na zuwa ne kwanaki bayan da Gwamnatin Kaduna tare da takwarorinta Kogi da Zamfara suka maka Gwamnatin a Kotun Ƙoli dangane da matakin canjin kuɗin da Babban Bankin Nijeriya (CBN) ya ɗauka wanda hakan ya haifar da ƙarancin kuɗi a faɗin ƙasa. Yayin zaman kotun ƙarƙashin jagorancin Mai Shari'a Justice Inyang Okoro, Mustapha musta ya ja hankalin kotun kan zargin da ya yi cewa Gwamnatin Tarayya ba ta martaba umarnin da kotun ta bayar a…

14 Feb

Jerin mazaɓu 240 da INEC ta ce ba za a gudanar da zaɓe a cikinsu ba

EditorLabarai, Siyasa

Daga WAKILINMU Hukumar Zaɓe ta Ƙasa (INEC), ta fitar da jerin sunayen mazaɓun da ta ce zaɓe ba zai gudana a cikinsu ba saboda rashin rijistar masu kaɗa ƙuri'a. Tun da fari, Shugaban INEC na Ƙasa, Mahmood Yakubu, ya bayyana a ranar Litinin cewa mazaɓun da lamarin ya shafa ba su da mutum ko guda da aka yi wa rijistar zaɓe a ƙarƙashinsu. A cewarsa, baki ɗaya mazaɓu 176,606 ake da su a faɗin ƙasa. Ya ƙara da cewa, waɗanda aka sauya wa mazaɓa za su samu saƙon tes ta waya mai ɗauke da bayanin mazaɓar da aka tura mutum…