Labarai - Manhaja - Blueprint Hausa version

13 Aug

NDLEA ta cafke wani fasto da ke safarar ƙwayoyi a gangunan coci

EditorLabarai

Daga SANI AHMAD GIWA a Abuja Jami’an Hukumar Yaƙi da Sha da Fataucin Miyagun Ƙwayoyi ta ƙasa (NDLEA), sun kama wani mai fataucin miyagun ƙwayoyi, Fasto Anietie Okon Effiong da ganguna uku na 'crystal methamphetamine,' wanda ake kira Mkpuru Mmiri, wanda ake kyautata zaton an shigo da su ne daga ƙasar Indiya. Ƙwayoyin, waɗanda nauyinsu sun kai kilogiram 90, kuma aka loda su a cikin wata motar kasuwanci mai lamba RSH 691XC a Ojuelegba, Legas, an kama su ne a yayin da ake gudanar da bincike a kan babban titin Umuahia-Ikot Ekpene da ke Legas a ranar Asabar 6 ga…

13 Aug

‘Yan bindiga sun harbe babban jami’in Hukumar Tattara Kuɗaɗen Shiga ta Tarayya

EditorLabarai

Daga SANI AHMAD GIWA a Abuja Wasu' 'yan bindiga da ba a san ko su waye ba sun harbe babban jami'in Hukumar Tara Kuɗaɗen Shiga ta Tarayya (FIRS), Mohammed Kudu a hanyarsa ta zuwa Kaduna daga Lafiagi ta Jihar Kwara. Jaridar This Day ta ruwaito babban jami'in watsa labarai na shugaban hukumar, Johannes Wojuola yana tabbatar da faruwar lamarin ranar Litinin a wata sanarwa da ya raba wa manema labarai. Kudu, wanda shi ne babban jami'in hukumar da ke kula da jihohin Kebbi, Sakkwato da Zamfara, 'yan bindiga sun kashe shi ne ranar Lahadi. Sanarwar ta bayyana cewa, "Hukumar Tattara…

12 Aug

‘Yan bindiga sun sace amarya da ango tare da kashe mutum biyu a garin Katsina

EditorLabarai

Daga UMAR GARBA a Katsina Wasu mutane ɗauke da bindigogi sun sake yin dirar mikiya a cikin birnin Katsina a wata unguwa mai suna Shola Quarters dake maƙotaka da asibitin koyarwa ta gwamnatin tarayya dake jihar Katsina. Wani Mazaunin unguwar ya shaida wa Manhaja cewa 'yan ta'addar sun shigo unguwar ne da misalin ƙarfe 1 da rabi na ranar Lahadi wayewar garin Litinin. Ya ci gaba da cewa 'yan ta'addar sun afka gidan wasu sababbin amare bayan da suka fasa gidansu ta baya inda su ka sace amaryar da angonta su ka kuma gudu da su 'yan ta'addar waɗanda su…

12 Aug

Majalisar Dokokin Jihar Katsina ta buƙaci zama da Shugaba Buhari a kan tsaron jihar

EditorLabarai

Daga UMAR GARBA a Katsina Majalisar Dokokin Jihar Katsina ta fusata akan matsalar rashin tsaro dake cigaba da ƙara ƙamari a ƙauyuka da ƙananan hukumomin jihar wadda yanzu ta game har da babban birnin jihar. Ɗaya daga cikin 'yan majalisar Abubakar Muhammad Total wanda ke wakiltar Ƙaramar Hukumar Funtuwa ya bayyana cewar matakan da gwamnatin jihar ke ɗauka ba su da wani amfani illa ƙara takura al'ummar jihar saboda a cewarsa matakan ba su hana 'yan ta'adda ci gaba da kai hare-hare ba. Ya bada misali da dokar katse layukan sadarwa a wasu daga cikin ƙananan hukumomin jihar. "A ƙasa…

12 Aug

PADWO ta karrama Sanata Yahaya a Kebbi

EditorLabarai

Daga JAMIL GULMA a Kebbi Ƙungiyar nan mai rajin taimaka wa marasa lafiya musamman marasa galihu (Patients and Destitute Welfare Organization (PADWO), da ke garin Argungu ta karrama Sanata Dokta Yahaya Abubakar Abdullahi mai wakiltar gundumar Kebbi ta Arewa, tsohon shugaban masu rinjaye a majalisar dattawa. Da ya ke jawabi a madadin Sanata Dokta Yahaya Abubakar, babban hadiminsa Alhaji Bilyaminu Bawale Sardaunan Matasan Kabi, ya yaba wa wannan ƙungiyar bisa ga zaƙulo mutanen da ke taka muhimmiyar rawa wajen bayar da gudunmawar cigaban al'umma, wanda ba shakka zai zaburar da waɗansu don su ma su bayar da nasu gudummawar. Haka…

12 Aug

Sarkin Musulmi ya jagoranci gudanar da addu’o’in samun zaman lafiya a Nijeriya

EditorLabarai

Daga AMINU AMANAWA a Sakkwato Mai Alfarma Sarkin Musulmi kana Shugaban Majalisar Ƙoli ta Addinin Musulunci a Nijeriya, Alh Muhammad Sa'ad Abubakar III ya jagoranci gudanar da addu'o'in samun zaman lafiya kan matsalar tsaro da ta addabi sassan Arewa da ma ƙasa baki ɗaya. A wajen taron gudanar da addu'o'in da aka gudanar a masalacin Shehu Usmanu Ɗanfodiyo, babban limamin masallacin Juma'a na Sarkin Musulmi Muhammad Maccixo, Dr. Muhammad Sani Ɗangwaggo ya gabatar da ƙasida mai taken: 'Muhimmancin Zaman Lafiya da Hanyoyin Tabbatar da Shi. Manyan malamai ne dai dake a Sakkwaton da suka haɗar da Sarkin Malaman Sakkwato, Limamin…

12 Aug

Cire ni daga sarautar Kano ba zai hana ni cigaba da faɗin gaskiya ba – Khalifa Sanusi II

EditorLabarai

Daga SANI AHMAD GIWA a Abuja Sarkin Kano Murabus Muhammadu Sanusi ya bayyana cewa duk da an cire shi daga sarauta, zai ci gaba da bayyana gaskiya da faɗin ra’ayinsa wajen kare ƙasa da sake gina Nijeriya. Muhammadu Sanusi wanda shi ne Khalifan Tijjnaniya na Nijeriya, ya bayyana haka a Abuja yayin da ya ke magana a wurin da aka yi wata diramar dave, mai nuna bayanin cire shi daga sarauta zuwa lokacin naɗa shi Khalifan Tijjnaniya. Diramar mai suna “Emir Sanusi: Truth in Time”, an nuna ta ne a babban ɗakin taro na ‘Yar’Adua Centre, Abuja a ranar Asabar.…

12 Aug

Mutane uku sun mutu bayan da ambaliyar ruwa ta ɗaiɗaita gidaje 495 a Kano

EditorLabarai

Daga SANI AHMAD GIWA a Abuja Hukumar Bayar da Agajin Gaggawa ta Jihar Kano, SEMA, ta ce ambaliyar ruwa ta kashe mutane uku tare da raba iyalai 495 da muhallansu a Ƙaramar Hukumar Ajingi da ke jihar. Babban Sakataren hukumar, Dr. Saleh Jili ne ya bayyana hakan a ranar Litinin a Ajingi, yayin da yake raba kayan agaji ga waɗanda abin ya shafa, ciki har da iyalan mutum uku da suka rasu. Jili ya lissafa yankunan da lamarin ya shafa da su ka haɗa da Toranke, Kara Malama, Chuna da Balare. Ya ce lamarin da ya faru bayan ruwan sama…

12 Aug

Babu wata yarjejeniya tsakanin gwamnatin Filato da bankin JAIZ – Gwamna Lalong

EditorLabarai

Daga ABBA ABUBAKAR YAKUBU a Jos Gwamnan Jihar Filato, Simon Bako Lalong ya ƙaryata jita-jitar da ake yaɗawa game da sake gina ƙonanniyar Babbar Kasuwar Jos, cewa gwamnatin Filato za ta bai wa Bankin JAIZ damar amfani da kasuwar har tsawon shekaru 40 har sai bankin ya cire kuɗinsa na aikin sake ginin. Gwamnan ya sake jaddadda cewa, ko da an sake gina kasuwar Hukumar Kula da Babbar Kasuwar Jos ce za ta cigaba da tafiyar da harkokin kasuwar, kuma daga kuɗaɗen da ake tattarawa daga hayar shagunan da za a biya shi ne za a biya bankin da shi,…

12 Aug

Fadar Shugaban Ƙasa ta koka bisa kisan dabbobinta

EditorLabarai

Daga SANI AHMAD GIWA a Abuja Fadar Shugaban Nijeriya ta bayyana damuwarta bisa kisan da ake wa namun dajin da ke cikin gandun dajinta a baya-bayan nan. Mahukunta Fadar Aso Rock, sun bayyana hakan ne ta bakin Sakataren Gidan Gwamnati, Tijjani Umar, a yayin da yake karɓar tawagar masu kula da Gandun Daji Na Ƙasa tare da takwarorinsu a Fadar Shugaban Ƙasa, waɗanda aka fi sani da ‘Royal Rangers’. Umar, wanda ya jaddada muhimmancin kariya da kiyaye tsirrai da dabbobi a muhallansu na asali, ya kuma yi alƙawarin inganta yanayin kiyaye muhalli ta hanyar ɗaukar matakan da suka dace na…