Labarai - Manhaja - Blueprint Hausa version

04 Jun

Sigari na kashe ‘yan Nijeriya 29,000 a kowacce shekara – Bincike

EditorLabarai

Daga SANI AHMAD GIWA a Abuja Wani mai bincike kan ci gaban tattalin arziki a Afirka ya ce taba sigari na sanadin rayukan 'yan Nijeriya 29,000 a kowacce shekara. Austin Iraoya da ke aiki da cibiyar tattalin arziki ta Afirka ya ce 'yan Nijeriya na kashe Naira biliyan 526 wajen shan sigari da neman maganin cututuka da taba ke haifarwa. Jaridar Daily Trust a Nijeriya ta rawaito, Mista Austin na cewa wannan al'amari na yin mumunan illa ga tattalin arzikin ƙasa.Kuma a cewarsa gwamnati na samun harajin kashi 10 cikin 100 ne kacal, na waɗannan kuɗaɗe da ake varnatarwa wajen…

03 Jun

‘Yar shekara huɗu ta mutu a Kano bayan faɗa wa Kano

EditorLabarai

Daga SANI AHMAD GIWA a Abuja Hukumar Kashe Gobara ta Jihar Kano ta tabbatar da rasuwar wata yarinya 'yar shekara 4, mai suna Amina Abdullahi Garba bayan ta faɗa cikin rijiya da ke Ƙofar Waika, daura da Masallacin Karmawi a Ƙaramar Hukumar Ungoggo. Jami’in hulɗa da jama’a na hukumar, Saminu Yusif Abdullahi ya bayyana cewa, hukumar kashe gobara ta Ƙofar Nasarawa ce ta samu kiran waya na gaggawa da misalin ƙarfe 2:05 na rana, daga wani Alkasim Ibrahim. Ya ci gaba da cewa da isar su, tawagar ceto ta gano cewa wata yarinya 'yar shekara huɗu ta faɗa cikin rijiya.…

03 Jun

Tantancewa: 10 daga ‘yan takarar Shugaban Ƙasa na APC ba su kai bantensu ba

EditorLabarai

Daga BASHIR ISAH Kwamitin tantance 'yan takarar Shugaban Ƙasa na Jam'iyyar APC, ya ce goma daga cikin 'yan takarar ba su cancanci shiga zaɓen fidda gwani na jam'iyyar da zai gudana a makon gobe ba. Shugaban kwamitin tantancewar, John Oyegun, shi ne ya bayyana haka a ranar Juma'a. A cewar Oyegun, 'yan takara 13 daga cikin 23 ne suka tsallake tantancewar da aka gudanar. Shirin tantancewar ya gudana ne tsakanin Litinin a Talatar da suka gabata a Abuja. Ana sa ran waɗanda suka tsallake tantancewar su shiga zaɓen fidda gwanin APC da jam'iyyar ta shirya gudanarwa daga 6 zuwa 8…

03 Jun

Osinbajo ka saka baki a sako mu – Cewar ɗalibarsa da ke tsare hannun ‘yan bindiga

EditorLabarai

Daga SANI AHMAD GIWA a Abuja ‘Yan bindigar da suka yi garkuwa da ɗimbin fasinjojin da suka yi fashin jirgin ƙasa a tsakanin Abuja zuwa Kaduna, sun sake sakin wani bidiyo, mai ɗauke da wasu da ke hannun su, su na bayanin Gwamnatin Tarayya ta kai masu agaji, ta cece su daga hannun ‘yan bindigar. Bidiyon wanda su ka saki a ranar Litinin, shi ne na biyar a jerin bidiyon da suka saki, tun bayan kama matafiyan a ranar Litinin, 28 ga Maris. A ranar Litinin ce waɗanda ake tsare da su ɗin suka cika kwanaki 62 a hannun maharan.…

03 Jun

’Yan sanda sun daƙile yunƙurin IPOB na ƙona gidan rediyo a Anambara

EditorLabarai

Daga SANI AHMAD GIWA a Abuja Rundunar 'Yan Sandan Jihar Anambara ta tabbatar da wani hari da aka kai wa gidan rediyon jihar Anambra, ABS, da sanyin safiyar Litinin. Jami’in hulɗa da jama’a na rundunar ‘yan sandan jihar Anambara, DSP Toochukwu Ikenga, wanda ya tabbatar da hakan a wata sanarwa da ya fitar, ya ce ba a samu asarar rai ba a lamarin. Ikenga ya ce waɗanda ake zargin ba su samu nasarar kaiwa ga ɗakin watsa shirye-shirye, amma kuma sun yi nasarar ƙona wasu motoci guda biyu na tashar. Ya ce, biyo bayan wani kiraye-kirayen da aka yi 30…

03 Jun

Mun magance kashi 70 na ƙarancin ruwan Ƙunchi da Tsanyawa – Hon. Gwarmai

EditorLabarai

Daga IBRAHIM MUHAMMAD a Kano Ɗan Majalisar Dokokin Jihar Kano, mai wakiltar ƙananan hukumomin Ƙunchi da Tsanyawa kuma shugaban kwamitin ayyuka da raya birane a majalisa, Hon.Garba Ya'u Gwarmai ya ce yana mutuƙar alfahari da irin ƙudurorin da yake gabatarwa a matsayinsa na ɗan majalisa don kyautata cigaban al'ummarsa da Jihar Kano bakiɗaya. Ɗan majalisar ya bayyana haka ne yayin da yake hira da manema labarai, inda ya ce cikin kudurorin da ya gabatar sun haɗa da na neman a bai wa ma'aikata kuɗin rago a zamanin gwamnatin Injiniya Dr. Rabiu Musa Kwankwaso, duk da hakan bai tabbata ba. Ya…

03 Jun

Bayan kwana 38 a hannun ‘yan bindiga, Ameerah ‘yar Dr Ramatu Abarshi ta shaƙi iskar ‘yanci

EditorLabarai

Daga WAKILINMU Ameerah, ɗiyar Dakta Ramatu Abarshi, malama a Kwalejin Fasaha ta Kaduna ta kuɓuta daga hannun ‘yan bindigar da suka yi garkuwa da ita. Jaridar Daily Trust ta ruawaito cewa, an yi garkuwa da Dakta Abarshi da ‘yarta da kuma direbansu Ibrahim ne a ranar 24 ga Afrilu, 2022, a Babbar Hanyar Kachia zuwa Kaduna sa’ilin da suke dawowa daga aikin tallafa wa masara galihu. Masu garkuwar sun sako Abarshi ne kimanin makonni uku da suka gabata, direban nasu a makon da ya gabata, sai ‘yar wadda aka sako ta kwanaki biyar bayan sako direban. Majiya ta kusa da…

03 Jun

Tsaro: Gwamnatin Zamfara ta ɗauke sansanin NYSC daga Tsafe zuwa Gusau

EditorLabarai

Daga SANI AHMAD GIWA a Abuja Gwamnatin Jihar Zamfara ta sauya wa sansanin masu yi wa ƙasa hidima (NYSC) matsuguni daga Ƙaramar Hukumar Tsafe zuwa Gusau, babban birnin jihar, sakamakon matsalar tsaro a sassan jihar. Manhaja ta ruwaito cewa mataimakin gwamnan jihar, Sanata Hassan Muhammad Nasiha, shi ne ya sanar da haka a lokacin da ya karvi baƙuncin Shugaban Hukumar NYSC Birgediya-Janar M K Fadah. Har wa yau, ya bayyana cewa gwamnatin jihar ta yi magana da hukumar NYSC kan dakatar da ayyukan sansanin a jihar sakamakon ƙalubalen tsaro da ya ta’azzara. Ya bayyana takaicinsa kan koma bayan da aka…

03 Jun

INEC za ta haɗa gwiwa da ICPC da EFCC don dakatar da sayen ƙuri’u

EditorLabarai

Daga MAHDI M. MUHAMMAD Hukumar Zaɓe Mai Zaman Kanta ta Ƙasa (INEC), ta ce, za ta haɗa gwiwa da hukumomin yaƙi da cin hanci da rashawa a Nijeriya domin dakatar da sayen ƙuri’u a zaɓen gwamna da za a yi a Ekiti a ranar 18 ga watan Yuni. Shugaban INEC, Farfesa Mahmood Yakubu ne ya bayyana haka a ranar Talata a Ado-Ekiti yayin wani taro da sarakunan gargajiya a jihar gabanin zaɓen jihar. Yakubu ya ce, hukumar za ta haɗa gwiwa da Hukumar Yaƙi da Cin Hanci da Rashawa (ICPC) da kuma Hukumar Yaƙi da Yi wa Tattalin Arziki Tu’annati…

03 Jun

2023: APC ta samar da kwamiti na musamman gabanin zaɓen fidda gwani

EditorLabarai, Siyasa

Daga MAHDI M. MUHAMMAD Jam’iyyar APC ta sanar da kafa wasu ƙananan kwamitoci 18 da za su gudanar da ayyuka gabanin babban taronta na zaɓen fidda gwani na ’yan takarar shugaban ƙasa da aka shirya gudanarwa a ranakun 6-8 ga watan Yunin 2022. Sakataren yaɗa labaran jam’iyyar APC na ƙasa Felix Morka ne ya fitar da jerin sunayen a ranar Laraba. A ranar Litinin ne dai jam'iyyar APC ta fara tantance 'yan takararta na shugaban ƙasa. Ana sa ran jam'iyyar za ta gudanar da babban taronta inda ɗan takarar zai fito daga cikin 'yan takara kusan 23. A halin da…