Labarai - Manhaja - Blueprint Hausa version

30 Sep

Gwamnatin Tarayya ta ƙaddamar da shirin yaƙi da yunwa a Keffi

EditorLabarai

Daga BASHIR ISAH Gwamnatin Tarayya, a ƙarƙashin Ma'aikatar Agaji, Jinƙai da Kyautata Rayuwar 'Yan Ƙasa, ta ƙaddamar da shiri na musamman kan yaƙi da yunwa mai taken 'Project Zero Hunger' a ƙaramar hukumar Keffi, jihar Nasarawa. Taron ƙaddamarwar ya gudana ne a ƙofar fadar masarautar Keffi a ranar Alhamis, tare da raba kayayyakin masarufi ga mutum sama da ɗari, maza da mata. Kayayyakin da aka raba sun haɗa da;shinkafa, wake man girki, magi, tocila, omo, atampa, sabulai da sauransu, wanda aka kimtsa su cikin wani akwatin roba na musamman. Da yake jawabi a madadin Hon. Kwamishina Iman Sulaiman Ibrahim wadda…

30 Sep

Janar Yahaya ya buƙaci kyautata hulɗa tsakanin sojoji da fararen hula

EditorLabarai

Babban Hafsan Rundunar Sojojin Najeriya, Laftanar Janar Faruk Yahaya, ya yi kira da a samar da faɗaɗɗen tsari na hulɗa tsakanin soji da fararen hula domin inganta kundin tsarin hulɗa tsakanin sojoji da fararen hula da masu ruwa da tsaki a Najeriya. Yahaya ya yi wannan kira ne yayin gabatar da lacca ga mahalarta darasi na 43 na cibiyar koyar da dabaru da siyasa na tarayya da ke Kuru, Jos babban birnin jihar Filato. Jami'in ya bayyana cewa, rundunonin sojin ƙasa na aikin ƙirƙiro dangantaka mai ƙarfi domin ƙara kyautata hulɗa domin samun nasara wajen yaƙi da ta'addanci. Daga nan,…

30 Sep

Majalisar Dattawan Najeriya ta nemi Buhari ya ayyana ‘yan bindiga a matsayin ‘yan ta’adda

EditorLabarai

Daga AMINA YUSUF ALI Majalisar Dattawan Najeriya ta nemi Shugaba Muhammadu Buhari ya ayyana 'yan fashi da ɓata-garin dake daji da suka addabi yankin arewacin ƙasar a matsayin 'yan ta'adda, tare da ƙaddamar da yaƙi a kansu. 'Yan majalisar sun bayyana haka ne a yayin zaman majalisar a ranar Larabar nan da ta gabata. Sannan sun ƙara da cewa, ya kamata kuma a ba da umarni jami'an tsaro su kama su, a gurfanar da su, tare da gaggauta yi musu hukuncin da ya dace da su. Wannan batu yana ƙunshe ne a cikin wani wani ƙudiri da ɗaya daga cikin…

30 Sep

Gwamnatin Tarayya za ta fara ba wa maza hutun jego na kwanaki 14

EditorLabarai

Daga AMINA YUSUF ALI A ranar Larabar nan a zaman Majalisar Zartarwa ta Tarayya (FEC) a ƙarƙashin shugabancin Mataimakin shugaban ƙasar Najeriya, Yemi Osinbajo, sun amince da dokar da ta ba da dama ga iyaye maza waɗanda iyalansu suka haihu, hutun jego domin su ma su samu su ƙara shaƙuwa da jaririn da aka haifa ko ɗan goyon da aka ɗauko. Shugabar Ma'aikata na Tarayya, Dakta Folasade Yemi - Esan ce ta bayyana hakan a ƙarshen zaman majalisar zartarwar wanda ake gudanar da shi a ƙarshen kowane mako. Wanda aka gudanar da shi a ɗakin taro na Matar Shugaban Ƙasa…

29 Sep

‘Yan bindiga sun sace tsohon Ministan Abuja

EditorLabarai

Daga MAHDI M. MUHAMMAD Wasu ‘yan bindiga da ba a san ko su wanene ba sun sace tsohon ministan babban birnin tarayya Abuja, Sanata Solomon Ewuga, a jihar Filato. Sace shi na zuwa ne bayan kisan gillar da aka yi wa Dakta Chike Akunyili, mijin tsohon Ministar Yaɗa Labarai kuma Babbar Daraktar NAFDAG, Farfesa Dora Akunyili.

29 Sep

Gwamnatin Kaduna ta tabbatar da rufe hanyoyin sadarwa

EditorLabarai

Daga MAHDI M. MUHAMMAD Kwamishinan tsaro na cikin gida da harkokin cikin gida na jihar Kaduna, Samuel Aruwan, ya tabbatar da rufe ayyukan sadarwa a wasu sassan jihar saboda ayyukan sojoji na fatattakar ‘yan bindiga a yankunan. Kwamishinan ya kuma ba da sanarwar haramta amfani da baburan haya na tsawon wata uku daga ranar Alhamis 30 ga Satumba 2021. A yanzu adaidaita sahu za su fara aiki daga ƙarfe 6 na safe zuwa 7 na yamma yayin da duk motocin haya da ke aiki a jihar za a yi musu fenti da launin rawaya da kore. Waɗannan da sauran su…

29 Sep

`Yan bindiga sun kashe mijin Marigayiya Dora Akunyili

EditorLabarai

Daga SANI AHMAD GIWA Wasu `yan bindiga da ba a san ko su wane ne ba sun kashe Dr. Chike Akunyili, mijin tsohuwar Ministar Yaɗa Labarai, Farfesa Dora Akunyili. Rahotanni sun nuna cewa maharan sun far masa ne a yammacin ranar Talata, 28 ga watan Satumba a Jihar Anambara. Kodayake zuwa haɗa wannan labari babu wani cikakken bayani daga ɓangaren jami'an tsaro game da al'amarin. Amma wani rahoton Jaridar The Nation ya ce an kashe marigayin ne a Umuoji da ke ƙaramar hukumar Idemili ta Arewa a Jihar Anambara da yammacin ranar Talata. Wata majiya ta kusa da iyalan Marigayin…

29 Sep

‘Yan bindiga sun kai hari fadar Sarkin Kagara

EditorLabarai

Sarkin Kagara, Alh. Ahmad Garba Gunna Daga BASHIR ISAH Bayanan da MANHAJA ta kalato daga Jihar Neja sun nuna 'yan bindiga sun kai hari a garin Kagara, hedikwatar ƙaramar hukumar Rafi inda suka shiga har fadar masarautar Kagara. A jiya Talata wannan al'amari ya faru, inda bayanai suka tabbatar da 'yan bindigar sun kai harin ne a kan babura da yawansu ya kai 20 inda kowane babur ke ɗauke da mutum uku. Majiyar jaridar Thisday ta bayyana cewa, an yi sa'a lokacin da aka kai harin Sarkin Kagara, Alhaji Ahmad Garba Gunna, ba ya gari, ya tafi Minna halartar wani…

26 Sep

Kirmau Mai Gabas, Sarkin Gaya Marigayi Alhaji Ibrahim Abdulƙadir

EditorLabarai

Daga AMINA YUSUF ALI a Kano Mai Martaba Sarkin Gaya da ke Jihar Kano, Alhaji Ibrahim Abdulkadir, ya rasu ne a ranarTalata, 22 ga Satumba, 2021. Kirmau mai Gabas shi ne takensa kuma Allah ya amshi abinsa, inda al'ummar Kano, musamman na masarautar Gaya, suka faɗa cikin alhini sakamakon rasuwar Mai Martaba Sarkin Gaya, Alhaji Ibrahim Abdulƙadir. Sarkin dai ya rasu bayan shafe kusan shekaru 2 yana jinya, wacce aka kasa gane kanta. Ya rasu ya bar mata guda uku; Hajiya Uwani, da Hajiya Ubaida da kuma Fulani Salamatu, snnan kuma ya bar 'ya'ya da jikoki masu yawa. An haifi…

26 Sep

Kotu ta yanke wa ɗan hadimin Tambuwal hukunci kan yaɗa bidiyon tsiraici

EditorLabarai

Daga AMINU AMANAWA a Sakkwato Wata babbar kotun Majistire da ke Jihar Sakkwato ta yanke wa wasu matasa ɗaurin shekaru huɗu a gidan kurkuku tare da zaɓin biyan tarar Naira dubu ɗari huɗu kowannen su, sakamakon samun su da aka yi wajen haɗa baki da yaɗa bidiyon tsiraicin wata budurwa da ake gab da auren ta a jihar. Kotun ta samu matasan, Aminu Hayatu Tafida da Umar Abubakar da Mas'ud Abubakar da laifuka uku, inda ta yanke masu hukuncin ɗaurin shekara huɗu da rabi kowannen su a gidan yari ko kuma zaɓin biyan tara. Idan ba a manta ba a…