Labarai - Manhaja - Blueprint Hausa version

27 May

Tunanin lamurra sun daidaita a Nijeriya yaudarar kai ne kawai – Sultan

EditorLabarai

Daga UMAR M. GOMBE Sultan na Sakkwato, Muhammad Sa’ad Abubakar, ya ce kada 'yan Nijeriya su yaudari kansu kan cewa lamurra sun daidaita a Nijeriya. Basaraken ya bayyana haka ne a wajen babban taro ka sha'anin tsaron ƙasa a Larabar da ta gabata a Abuja. Sultan ya ce, "Kada mu yaudari kanmu cewa abubuwan sun daidaita, lamurra sun taɓarɓare. Mun san da haka kuma mun gani. " Wasunmu, mun ga tasku a rayuwa. Yanzu kuwa abubuwa sun yi matuƙar dagulewa. Ba tare da wahalar da tunani ba, za a fahimci cewa Nijeriya na cikin hali mara daɗi kuma gaskiyar kenan."…

25 May

Inugu: ‘Yan bindiga sun sake ƙona ofishin ‘yan sanda, mutum 5 sun mutu

EditorLabarai

Daga UMAR M. GOMBE A safiyar Talata wasu 'yan bindiga suka kai wa ofishin 'yan sanda hari a Iwollo Oghe da ke yankin ƙaramar hukumar Ezeagu a jihar Inugu, inda suka ƙona ofishin ta hanyar banka masa wuta. Yayin harin, an yi zargin wasu mutum biyar sun halaka, ciki har da jami'in 'yan sanda. Haka nan, bayanai daga yankin sun nuna maharan sun ƙona motoci da kayayyakin aikin da ke harabar ofishin. Jami'in Hulɗa da Jama'a na 'Yan Sandan Jihar, Daniel Ndukwe, ya tabbatar da faruwar lamarin, sai dai babu wani ƙarinbayani da ya yi a kan batun.

24 May

Bidiyo: Yadda garkuwa da wasu mutum biyu ya haifar da zan-zanga a hanyar Abuja zuwa Kaduna a Neja

EditorLabarai

An samu tsaiko a babbar hanyar Abuja zuwa Kaduna a jihar Neja sakamakon zanga-zangar da jama'a suka yi a yankin biyo bayan sace wasu mutum biyu a yankin da 'yan bindiga suka yi.

24 May

HOTO: Ɗaliban FUAA sun yi zanga-zanga sakamakon sace wani ɗalibi da ‘yan bindiga suka yi

EditorLabarai

Sakamakon sace Olayinka Toyinbo, ɗan aji huɗu (400L) a Jami'ar Nazarin Harkokin Noma ta Tarayya da ke Abeokuta, jihar Ogun da 'yan bindiga suka yi, hakan ya haifar da ɗaliban jami'ar gudanar da zanga-zangar lumana don nuna rashin jin daɗinsu kan abin da ya faru da ɗan'uwansu, tare kuma da neman a sako shi.

23 May

An soma bincike kan haɗarin jirgin da ya ci ran Attahiru a Kaduna – Cibiya

EditorLabarai

Daga AISHA ASAS Cibiyar Binciken Haɗurra a Nijeriya (AIB-N) ta soma gudanar da bincike kan haɗarin jirgin saman da ya auku a Kaduna a Juma'ar da ta gabata wanda ya yi sanadiyar mutuwar Babban Hafsan Hafsoshi, Ibrahim Attahiru tare da wasu jami'ai. Babban Manajan Sashen Hulɗa da Jama'a na Cibiyar, Tunji Oketunbi, shi ne ya bayyana hakan a wani bayani da ya fitar a Legas a Asabar da ta gabata. Oketunbi ya ce tuni cibiyar ta sunkuya bincike don gano musabbabin aukuwar haɗarin wanda a cewarsa har ma an kai ga gano wasu muhimman na'urori a inda jirgin ya rikito…

23 May

Saƙon ta’aziyya: Buratai ya jinjina wa Attahiru

EditorLabarai

Daga UMAR M. GOMBE Tsohon Babban Hafsan Hafsoshi, Ambasada Tukur Buratai (Lt Gen Rtd) ya ce ya yi matuƙar kaɗuwa da samun labarin rasuwar magajinsa, Lieutenant General Ibrahim Attahiru, da sauran jami'an da haɗarin jirgin sama ya rutsa da su a ranar 21, Mayu, 2021 a garin Kaduna. Buratai ya bayyana kaɗuwar tasa ne a saƙon ta'aziyya da ya miƙa, tare yin amfani da wannan dama a madadinsa da iyalansa wajen miƙa ta'aziyyarsa dangane da wannan babban rashi ga Shugaban Ƙasa da iyalan marigayan, Ministan Tsaro, Shugaban Rundunanr Sojijin Sama ta Nijeriya da ma Nijeriya baki ɗaya. Ya ce wannan…

22 May

Bayan Azahar za a yi jana’izar Attahiru

EditorLabarai

Daga AISHA ASAS Kawo yanzu, jama'a da dama na tsumayar jana'izar Babban Hafsan Sojoji, Ibrahim Attahiru, wanda za a gudanar a babban Masallacin Abuja. Manyan jami'an soja 6 ne za a yi wa Sallar Jana'izar waɗanda suka rasu sakamakon hadarin jirgin sama da ya rutsa da su a Kaduna. Yayin da ragowan sojojin za a binne su ne daidai da tsarin addininsu na Kirista.

22 May

Rasuwar Attahiru babban ibtila’i ne ga ƙasa – Magashi

EditorLabarai

Daga UMAR M. GOMBE Ministan Tsaro, Manjo Janar Bashir Salihi Magashi, ya ce abin kaɗuwa ne ainun rasuwar da Babban Hafsan sojoji na 21, Lt General Ibrahim Attahiru, ya yi a haɗarin jirgin sama kimanin watanni huɗu da naɗa shi kan sabon muƙaminsa. Cikin saƙon ta'aziyyar da ya miƙa, Janar Magashi ya ce haɗarin jirgin wanda ya yi ajalin Attahiru da sauran jami'an da suke tare, babban ibtila'i ne ga ƙasa. Ministan ya miƙa ta'aziyyarsa ga Shugaban Ƙasa Muhammadu Buhari da Rundunar Sojoji da iyalan mamatan da ma ƙasa baki ɗaya dangane da wannan babban rashi da ya auku. Magashi…

21 May

BIDIYO: Inda jirgin da ke ɗauke da Shugaban Rundunar Sojoji, Ibrahim Attahiru ya rikito

EditorLabarai

20 May

HOTO: Gwamna Sule ya ziyarci fadar Masarautar Nasarawa

EditorLabarai

A ci gaba da rangadin da yake yi a tsakanin ƙananan hukumomin jiharsa, Gwamnan Jihar Nasarsawa, Engr. Abdullahi A. Sule, ya kai ziyarar ban-girma a fadar Mai Martaba Sarkin Nasarawa, Alh. Ibrahim Usman Jibril, da ke Ƙaramar Hukumar Nasarawa a ranar Alhamis.