Editor

Daga UMAR GARBA a Katsina Majalisar Dattawa ta Nijeria ta yi Allah-wadai game da buɗe wutar da wasu jami'an hukumar kwastam suka yi a kan mutanen da ba su ji ba, basu gani ba a Jihar Katsina. Majalisar ƙarƙashin jagorancin Sanata Godswill Akpabio, ta kuma buƙaci hukumar da ta gudanar da bincike kan lamarin. Hakan na ƙunshe ne cikin wani ƙuduri da sanata mai wakiltar Katsina ta Tsakiya, Sanata Abdul'Aziz Musa 'Yar'adua, ya gabatar a zauren majalisar inda ya buƙaci majalisar ta gaggauta gudanar da bincike bisa yadda jami'an hukumar a jihar Katsina ke amfani da makamai ba bisa ƙa'ida…

Daga BASHIR ISAH Gwamnan Jihar Kano, Abba Kabir Yusuf, ya yi sabbin naɗe-naɗe na waɗanda za su jagoranci wasu hukumomin gwamnatin jihar. Waɗanda naɗin ya shafa sun haɗa da: Engr. Ado Ibrahim Umar, Manajin Darakta, Kano Hydo Electricity Development Company (KHEDCO) Alh. Auwalu Mukhtar Bichi, Manajkn Darakta, Kano State Investment and Properties Limited (KSIP). Dr. Farouq Kurawa, Manajin Darakta, Kano State Agricultural and Rural Development Authority (KNARDA) Dr. Tukur Dayyabu Minjibir, Manajin Darakta Kano Agricultural Supply Company (KASCO) Hon. Hussain Sarki Aliyu Madobi, Manajin Darakta, Sustainable Kano Project (SKP) Hon. Sadiq Kura Muhammad, Manajin Darakta, Zoological Garden Kano (ZGK) Engr.…

Daga BASHIR ISAH Tsohon Shugaban Ƙasa Muhammadu Buhari ya miƙa saƙon taya murnar sabuwar shekarar Musulunci ta 1445H ga al'ummar Musulmin Nijeriya da ma duniya baki ɗaya. Buhari ya miƙa saƙon ne ta hannun mai magana da yawunsa, Malam Garba Shehu. Ya yi amfani da wannan dama wajen kira ga al'ummar Musulmin Nijeriya da na duniya da su yi koyi da karantarwar Annabi Muhammad (SAW) da sahabbansa. Tare da nusar da Musulmi cewa a sani kowane mahaluki mai ƙaura ne a wannan duniyar. Daga nan, Buhari ya yi kira ga 'yan Nijeriya da a dage da yi wa ƙasa addu'a…

Daga UMAR GARBA a Katsina Gwamnan jihar Katsina, Malam Dikko Umaru Raɗɗa, ya ce tun hawansa mulki gwamnatinsa ta yi ƙoƙarin kawo tsarin toshe duk wasu kofofin da kuɗaɗen gwamnati ke sulalewa a jihar. Gwamnan ya sanar da hakan ne a wajen taron bitar da Gidauniyar Jihar Katsina ta shirya na shekarar 2023 da ya gudana a gidan gwamnatin jihar Katsina. Raɗɗa ya kuma ce gwamnatinsa ta kuma ɓullo da tsare-tsare masu inganci da za ta tunkari matsaloli da ƙalubalen da jihar ke fuskanta musamman a sha'anin tsaro, aikin gona, zaman kashe wando a tsakanin matasa da sauransu. Ya bayyana…

Daga BASHIR ISAH Gwamna Dauda Lawal na Jihar Zamfara ya miƙa saƙon taya murna ga al'ummar Musulmin jihar dangane da shigowar sabuwar Musulunci ta 1445. Gwamnan ya yi wa Musulmin jihar, na ƙasa da ma duniya baki ɗaya fatan alheri da kuma murnar ganin sabuwar shekarar, tare da kira a gare su da su duƙufa da addu'ar samun zaman lafiya da cigaba mai ɗorewa a jihar. Hakan na ƙunshe ne cikin sanarwar da mai magana da yawun Gwamnan, Sulaiman Bala Idris, ya sanya wa hannu. Ya ce, "Sabuwar shekarar ta Musulunci na nuni da hijirar da Annabi Muhammad (SAW) ya…

Daga WAKILINMU Gwamnan Jihar Zamfara, Dauda Lawal, ya ziyarci Katsina don yin ta'aziyya ga Shugaban Kamfanin Jirgin Max, Alhaji Dahiru Barau Mangal bisa rasuwar matarsa. Shahararren ɗan kasuwar ya rasa matarsa Aisha ne a ranar Asabar ɗin da ta gabata a babban birnin tarayya, Abuja. Gwamna Lawal a wata takardar manema labarai da mai magana da yawunsa, Sulaiman Bala Idris, ya fitar, ya bayyana marigayiyar a matsayin uwa wacce iyalanta za su yi kewar rashinta matuƙa. Haka nan ya yi addu'ar Allah Ya yi wa marigayiyar sakamako da masauki a Aljannah. "Mun zo ne domin yin jaje da ta'aziyya na…

Daga UMAR GARBA a Katsina Gwamnan Jihar Katsina Malam Dikko Umar Raɗɗa, ya miƙa wa Majalisar Dokokin jihar jerin sunayen mutane 20 domin tantance su a matsayin waɗanda za su shugabanci ma'aikatu daban-daban a jihar. Sunayen wanda mai taimaka wa gwamnan kan kafofin yaɗa labarai ya aike wa Majalisar a ranar Laraba sun haɗa da tsoffin kwamishinoni biyar na gwamnatin da ta gabata. A yayin zaman majalisar ƙarƙashin jagorancin Kakakinta, Rt. Hon. Nasir Yahaya Daura, an bayyana sunayen kwamishinoni 20 da kuma wasu shugabannin hukumomi biyu da suka haɗa da hukumar tattara kuɗin haraji ta jiha wadda aka bayar da…