Editor

07 Jan

’Yan wasan Kamaru 32 sun gaza tsallake gwajin shekarun ‘yan ƙasa da 17

EditorWasanni

Daga MAHDI M. MUHAMMAD Lokacin na ƙara ƙurewa tawagar Kamaru ta ’yan qasa da shekara 17 domin bayar da sunayen ’yan wasan da za su buga mata wasannin share fage na Gasar Kofin nahiyar Afrika. Wannan ya biyo bayan matsawar da Shugaban Hukumar Ƙwallon Ƙafa ta Ƙasar, Samuel Eto’o ya yi, kan cewa sai an yi wa ko wanne ɗan wasa gwaji, wanda da yawa suka gaza tsallake gwajin. Tsohon ɗan wasan Barcelona da Inter Milan ya dage sai an yi amfani da na’urar gwajin shekaru ta (MRI) domin tantance ’yan wasan a filin atisayensu da ke Mbankomo, a wajen…

Read More

07 Jan

NANS ta nemi agajin Buhari don hana ƙarin kuɗin makaranta

EditorLabarai

Daga BASHIR ISAH Ƙungiyar Ɗaliban Nijeriya (NANS) ta nuna rashin yardarta kan take-taken Gwamnati na neman ƙara kuɗin makaranta na jami'o'in tarayya da kashi 200 daga wannan shekara. Wannan ya sa ƙungiyar ta ce tana kira da babbar murya ga Shugaban Ƙasa Muhammadu Buhari ya taimaka ya gaggauta sa baki don taka wa shirin burki kafin hakan ya ta da ƙura a ƙasa. Ƙungiyar ta bayyana rashin jin daɗinta ne cikin wasiƙar da ta aike wa Shugaba Buhari mai ɗauke da kwanan wata 4 ga Janairu, 2023. Wasiƙar ta samu sa hannun Shugaban ƙungiyar na ƙasa, Usman Umar Barambu da…

Read More

07 Jan

Buhari zai wadata Burundi da fetur duk da ƙarancinsa a Nijeriya

EditorLabarai

Daga MAHDI M. MUHAMMAD Shugaban Ƙasa Muhammadu Buhari ya bayyana cewa, Nijeriya za ta wadata ƙasar Burundi da man fetur, inda ya yi alƙawarin cewa Kamfanin Man Fetur na Nijeriya zai duba buƙatar ƙasar na tallafin makamashi. A cewar wata sanarwa da mai taimaka masa kan harkokin yaɗa labarai, Femi Adesina ya fitar, Buhari ya bayyana hakan ne a fadar shugaban ƙasa ranar Talata yayin da yake karɓar baƙoncin Shugaba Ƙasar Burundi, Evariste Ndayishimiye, wanda yazo da buƙatar. “A kan neman taimako a fannin samar da makamashi musamman man fetur da shugaban ƙasar Burundi ya yi, shugaba Buhari ya ce,…

Read More

07 Jan

‘Yan sanda sun cafke matashin da ya yi garkuwa da mahaifinsa a Kwara

EditorLabarai

Daga WAKILINMU Ana zargin wani matashi da yin garkuwa da mahaifinsa a Jihar Kwara inda ya buƙaci a biya fansar miliyan N2.5. A sanarwar manema labarai da ya fitar a Ilorin Mai magana da yawun 'yan sandan jihar, Ajayi Okasanmi, ya ce jami'an rundunar yaki da masu garkuwa da mutane a jihar sun cafke yaron. “Yayin bincike wanda ake zargin ya yi ikirarin yin garkuwa da mahaifin nasa bayan haɗa baki da wasu mutum biyu. "Lamarin ya auku ne a yankin Igboho/Igbeti Oyo inda suka karɓi kuɗin fansa N2.5m ransom,” in ji shi. Jami'in ya ce suna ci gaba da…

Read More

06 Jan

Sarkin Kano, Aminu Bayero ya angonce

EditorLabarai

Daga WAKILINMU A ranar Juma'a aka ɗaura auren Mai Martaba Sarkin Kano, Aminu Ado Bayero da amaryarsa Hauwa'u Adamu Abdullahi Dikko. An ɗaura Auren ne a gidan marigayi Jarman Kano, Farfesa Isah Hashim da ke unguwar Nassarawa a birnin Kano. Madakin Kano Alhaji Yusuf Nabahani Cigari, shi ne ya kasance wakilin Mai Martaba Sarkin Kano, yayin da Alhaji Shehu Hashim ya yi waliccin amarya. Majiyarmu ta ce tun a shekarar da ta gabata aka yi baikon basaraken da amaryarsa inda sai a wannan lokaci aka ɗaura auren. An ce amaryar zuri'ar marigayi Malam Jamo ne wanda ɗan uwa yake ga…

Read More

06 Jan

Birgediya-Janar Chukwu ya kwanta dama

EditorLabarai

Bayanan da Manhaja ta samu na nuni da Birgediya-Janar JTE Chukwu (mai murabus), ya kwanta dama. Sashen Hulɗa da Jama'a na Rundunar Sojoji (DAPR) ne ya sanar da hakan, inda ya ce marigayin ya rasu ne ranar Alhamis. Sanarwar ta ce marigayin tsohon Darakta ne na DAPR, kuma ya rasu ne a gidansa da ke Abuja.

Read More

06 Jan

‘Yan sanda a Kano sun cafke matasa 61 bisa zargin ƙwace wayoyi a taron Tinubu

EditorLabarai

Daga IBRAHIM HAMISU, Kano Rundunar 'yan sandan jihar Kano ta yi holin wasu matasa su 61 da ta cafke bisa zargin su da ayyukan ta’addanci ta hanyar ƙwacen wayoyin mutane a ranar Larabar makon nan. Rundunar ta bayyana hakan ne ta cikin wata sanarwa da mai magana da yawunta, SP Abdullahi Haruna, ya fitar ranar Alhamis. Kazalika, sanarwar ta ce, an cafke matasan ne ɗauke da makamai da miyagun ƙwayoyi yayin gudanar da taron bada tutar 'yan takarar jam’iyyar APC a filin wasa na Sani Abacha da ke Ƙofar Mata.

Read More

06 Jan

Za a yi sanyi mai tsanani da hazo mai yawa na tsawon kwanaki 3 a Kano da Jigawa – NiMET

EditorLabarai

Daga AMINA YUSUF ALI Hukumar Kula da Yanayi da Annoba ta Nijeriya (NiMet) ta yi hasashen samun yanayi mai yawan hazo tun daga ranar Juma'a zuwa Lahadi a wasu wurare a faɗin ƙasar nan. NiMet ta saki bayanin wannan hasashen yanayin nata ne a a Abuja, inda aka bayyana cewa, za a samu hazo mai yawa sosai a wasu ɓangarori na Arewacin Nijeriya na kwana uku. Ɓangarorin da abin ya shafa sun haɗa da jihohin Yobe, Kano, Katsina da kuma Jigawa. Wannan yanayi zai fara daga juma'a ne zuwa Lahadi. Sauran jihohin da suke a yankunan Arewa ta tsakiya kuma…

Read More

06 Jan

Sabuwar dokar haraji: Daraktocin kamfanonin sufurin jirgin sama za su iya fuskantar ɗaurin shekaru 2 a gidan yari

EditorKasuwanci

Daga AMINA YUSUF ALI Masu tafiyar da harkar sufurin jiragen sama a Nijeriya suna fuskantar barazanar ɗaurin shekaru biyu a kurkuku ko zaɓin biyan tarar Naira miliyan biyar ko dukkan biyun a sakamakon qin biyan haƙƙin gwamnati da ta sanya dokar kamfanonin su dinga biyan kaso 5% na kowanne kuɗin tikiti da aka saya na jirgi ko kuma idan aka biya kuɗin jirgin ɗaukar kaya da sauran kwangiloli. Hukumar kula da harkar sufurin jirgin sama ta Nijeriya (NCAA) ita ta bayyana haka a ranar Talatar Makon da ya gabata. Inda ta gabatar da wannan sabuwar doka da take son tabbatarwa…

Read More

06 Jan

Wa’adin tallafin mai: Nijeriya za ta kashe tiriliyan N3 kafin Yunin 2023

EditorLabarai

Daga BASHIR ISAH Ministar Kuɗi, Zainab Ahmed, ta faɗa ranar Laraba cewa Nijeriya za ta ci gaba da ba da tallafin fetur har zuwa tsakiyar 2023, kuma ta ware kuɗi N3.36 da za ta kashe kan tallafin. Majiyarmu ta ce tsakanin Janairu zuwa Satumba na 2022, ƙasar ta kashe tiriliyan N2.91 wajen ba da tallafin fetur, lamarin da gwamnati ta ce ya haifar da gibi a asusunta. A Talatar da ta gabata Shugaba Muhammadu Buhari ya rattaɓa hannu kan kasafin 2023 na tiriliyan N21.83 bayan 'yan majalisa sun yi ƙarin kashi 6.4 cikin 100 kana suka ɗaga hasashen farashin mai.…

Read More