Editor - Manhaja - Blueprint Hausa version

15 Nov

An kame ma’aikatan Majalisar Ɗinkin Duniya fiye da 10 a Habasha

EditorKasashen Waje

Jami'an tsaron Habasha sun kame ma'aikatan Majalisar Ɗinkin Duniya fiye da 12 dake aiki a ƙasar, kamar yadda jami'an agaji suka tabbatar. Bayanai sun ce an kame jami’an ne a birnin Addis Ababa, yayin wani samame da aka kaiwa 'yan ƙabilar Tigray a ƙarƙashin dokar ta-ɓaci. Ɗaya daga cikin majiyoyin Majalisar Ɗinkin Duniya da suka tsegunta labarin kamen, ta ce an ɗauke wasu daga cikin jami’an da aka kame ne a gidajensu. Tuni dai wata mai magana da yawun Majalisar Ɗinkin Duniya a Geneva ta sanar da mika buƙatar sakin jami’an nasu ga ma'aikatar harkokin wajen ƙasar Habasha. A makon…

15 Nov

Morocco za ta fara jigilar jiragen sama zuwa Isra’ila

EditorKasashen Waje

Kamfanin Jiragen sama na Ƙasar Morocco, 'Royal Air Maroc' (RAM) sun sanar da cewa za su fara jigilan matafiya ta jiragen sama zuwa Isra'ila, shekara ɗaya bayan da qasashen biyu suka maido da ɗasawa. Ana sa ran fara jigilan fasinja tsakanin Casablanka da Tel Aviv ranar 12 da watan gobe, kwanaki biyu bayan cika shekara ɗaya da maido da zumunci tsakanin ƙasashen biyu karkashin su. A cewar kamfanin jiragen saman, za su riƙa jigila sau uku cikin mako ɗaya, kafin a samu jigila sau uku a mako. Tun shekara ta 1993 Morocco da Isra'ila suka ƙulla zumunci, amman kuma Morocco…

15 Nov

Lokaci ya ƙure wa duniya kan samun kariya daga sauyin yanayi

EditorKasashen Waje

Majalisar Ɗinkin Duniya ta yi iƙirarin cewa alƙawarin Indiya yayin taron yanayi na COP26 a Glasgow babban abun maraba ne a ƙoƙarin da ake na yaqi da ɗumamar yanayi dai dai lokacin da illolinta suka fara yi wa duniya barazana. Alƙaluman da Majalisar Ɗinkin Duniya ta fitar ya yi maraba da matakin Indiya na daina fitar da sinadarin na Carbon nan da shekarar 2070, wanda ta ce zai taimaka wajen rage ƙaruwar zafin da duniya ke gani. Shirin muhalli na Majalisar Ɗinkin Duniya UNEP ya ce matakin ƙasashen na ƙayyadaddun gudunmawarsu ta fuskar kimiyya fasaha da kuma tattalin arziki ya…

15 Nov

Syria ke kan gaba wajen mutuwar mutane a sanadiyyar bam

EditorKasashen Waje

Wani rahoto ya gano yadda Ƙasar Syria ke kan gaba a yawan mutanen da suka fi jigata ko kuma rasa rayukansu sanadiyyar bama-baman da ake binnewa a gefen hanyoyi lokacin yaƙi, wanda ke nuna cewa ƙasar ta sha gaban Afghanistan, wacce a bara ta zama jagora wajen fama da matsalar tashin bom. Wani rahoton shekara shekara da hukumar kula da ababen fashewar ƙarƙashin ƙasa ta Duniya kan fitar tun daga 1999 ta ce, aƙalla mutane 2,729 ne ko dai suka rasa ransu ko kuma suka jikkata sanadiyyar ababen fashewar na ƙarƙashin ƙasa a Syria. Daga shekarar 2005 zuwa 2007 dai…

15 Nov

Mayaƙan ISWAP sun fara karɓar Zakka a Barno

EditorLabarai

Daga SANI AHMAD GIWA a Abuja Manoma da wasu mazauna garin Damboa da ke Jihar Barno sun fara bada Zakka ga mayaƙan ISWAP masu alaƙa da Boko Haram. Zakka dai ɗaya ce daga cikin shika-shikan addinin Musulunci, kuma da ta zama wajibi ga wanda yake da hali ya fitar a duk shekara ga masu rauni da mabuƙata. Wani babban jigo a cikin gwamnatin jihar Barno ya shaida wa wakilin Dailytrust cewa yawancin manoma suna zama ne a ƙarƙashin ikon mayaƙan ISWAP a yankin Damboa. "'Yan ta'adda sun yarda mutanen garin su yi noma, kuma suna karɓar zakka a duk shekara…

15 Nov

Yadda zakin da na harba ya rikiɗe zuwa mutum – Sarkin Maharban Akko

EditorTattaunawa

Daga MOHAMMED ALI a Gombe Alhaji Lamido Muhammad, wanda aka fi sani da Sarkin Yaƙi, shine Shugaban Rundunar Maharba na yankin Akko a Ƙaramar Hukumar Akko da ke cikin Jihar Gombe. Shi dai Alhaji Lamido ya yi suna da tasiri, saboda irin bajitarsa da gwagwarmaya a cikin dazuzzukan Gombe, musamman dazuzzukan Akko, wurin da ya yi fice saboda ƙungurumin dazuzzuka masu cike da dabbobi da iskokai wasu halitttun ɓoye waɗanda a cewar maharba sai ka shirya za ka iya shiga cikin su. To amma, Alhaji Lamido shi waɗannan dazuzzuka tamkar gari ne ko gida a wurin shi. 'Na shige su…

15 Nov

Idan an bi ta ɓarawo… Gudunmowar mata a rabuwar aure

EditorRa'ayi

Daga AMINA YUSUF ALI Barkarnmu da haɗuwa a wani makon. Sannunku da jimirin karatun jaridar Manhaja, mai farin jini. Hausawa sun ce: 'Idan an bi ta ɓarawo, sai a bi ta ma bi sawu'. Kusan mako uku muna magana a kan yawaitar mutuwar aure a ƙasar Hausa. Na sha ƙorafi daga 'yanuwa maza masu kiran waya. Musamman masu ganin ina ɗaukar laifin rabuwar aure ina ɗora musu kacokan. Amma dukkan mai bibiyar shafin nan ya san cewa, kowanne lokaci mukan yi ƙoƙarin ganin mu taɓo kowanne ɓangare, na maza da mata. Domin a samu daidaito wanda shi ne fatanmu. Ko…

15 Nov

‘Yan bindiga sun ƙi daina ta’addanci ne saboda gwamnati ta ƙi ba su wadatattun kuɗi – Dr. Gumi

EditorLabarai

Daga SANI AHMAD GIWA a Abuja Sanannen malamin addinin Musuluncin nan da ke Kaduna, Sheikh Dr. Ahmad Gumi ya bayyana cewa 'yan bindiga sun ki su daina ta'addanci ne saboda gwamnati ta ki ba su gonaki da kuma "wadatattun kuɗaɗe." Sheikh Gumi ya ce zaman sasanci da aka yi a baya don kawo zaman lafiya tsakanin 'yan bindiga da al'ummar gari ya ciri tura ne saboda rashin biyan su diyya da "gonaki ko shanu ko kuma manyan kuɗaɗen da za su bar aikata wannan ta'asa." Gumi ya bayyana hakan ne a cikin wani karatu nasa da aka sanya kaitsaye a…

15 Nov

Batun barazanar yi wa Buhari juyin mulki shaci-faɗi ne – Hedikwatar tsaro

EditorLabarai

Daga SANI AHMAD GIWA a Abuja A ranar Asabar ne daraktan yaɗa labarai na hukumar rundunar sojin Nijeriya, Birgediya-Janar Onyema Nwachukwu ya fito ya nesanta abinda wata kafar yaɗa labarai ta intanet ta alaƙanta da cewar “Hukumar tsaro ta gargarɗi sojoji akan su fita shirgin mulkin Buhari da kuma yunƙurin yi masa juyin mulki.” Kakakin rundunar, Birgediya-Janar Nwachukwu ya ce rahoton ƙarya ne kuma aiki ne na masu tada fitina a ƙasar. Wani ɓangare na sanarwar yana cewa, “An jawo hankalin hedikwatar tsaro a kan wata ƙarya da wata jarida ta yanar gizo ta Naija News House ta buga kan…

14 Nov

Da Ɗumi-ɗumi: Sani Ɗangote ya kwanta dama

EditorLabarai

Allah Ya yi wa ƙanin hamshaƙim ɗan kasuwar nan Aliko Ɗangote, wato Sani Ɗangote rasuwa. Jaridar Daily Nigerian ta ruwaito cewa Marigayi Dani Ɗangote ya rasu ne a wata asibitin Amurka a ranar Lahadi. Marigayi Sani Ɗangote