Editor

Daga Sanusi Muhammad, a Gusau A Litinin da ta gabata, Gwamnan jihar Zamfara, Bello Matawalle, ya sake naɗa mutum takawas daga cikin masu ba shi shawara na musamma da ya sauke kwanan nan. Bayanin sake naɗa masu bai wa gwanan shawara na ƙunshe ne cikin wata sanarwa da ta fito ta hannun Babban Sakataren Harkokin Majalisar Gwamnan, Yakubu Haidara, a madadin sakataren riƙo na gwamnatin jihar, Alhaji Kabiru Balarabe Waɗanda naɗin ya shafa su ne; Aminu Abdullahi-Alkali, Ahmed Muktar-Mohammed, Junaidu Aminu-Kaura, Ibrahim Ma’aji-Gusau, Dr Aslam Aliyu, Yusuf Abubakar-Zugu, Danyaro Abdullahi-Wuya, da kuma Abubakar Musa (Mainera). Sanarwar ta nuna naɗin nasu…

Iyayen yaran da 'yan bindiga suka sace a Makarantar Bethel Baptist High a Kaduna a Litinin da ta gabata, sun nuna wa Kwamishinan Tsaro na Cikin Gida na Jihar, Samuel Aruwan, ɓacin ransu inda suka yi masa ihu suka kore shi a lokacin da shi da tawagarsa suka ziyarce su a harabar makarantar da lamarin ya faru.

Daga AISHA ASAS A wani shirin tsaftace yankin Muna daga harkokin 'yan ta'adda a jihar Barno, rundunar bataliya ta 195 na shirin Operation HADIN KAI (OPHK), tare da haɗin gwiwar Civilian Joint Task Force (CJTF) ta kama 'yan Boko Haram biyu tare da ƙwace tarin kayayyakin da aka tanada don amfanin 'yan Boko Haram. Kayayyakin da sojojin suka kama sun haɗa da gatari, kekuna guda biyar, wayar salula biyu, man fetur, ƙwayoyin ƙara kuzari, kayan abinci da dai sauransu. Yayin samamen sojojin sun lalata sansanonin 'yan ta'addan da dama tare da tsaftace yankin daga harkokin 'yan bindiga. Cikin sanarwar da…

*Fadar Shugaban Ƙasa ta nuna damuwarta kan lamarin Daga BASHIR ISAH Bayanan da Manhaja ta samu na nuni da Hukumar Aikin Ɗan Sanda (PSC) na shirin yi wa tsohon shugaban riƙo na Hukumar Yaƙi da yi wa Tattalin Arziki Zagon Ƙasa da Zambar Kuɗ'i, Ibrahim Magu, ƙarin girma a bakin aiki zuwa muƙamin Mataimakin Babban Sufeto (AIG). Sai dai Fadar Shugaban Ƙasa ta nuna damuwarta kan lamarin, saboda a ganinta tamkar PSC ta bijire wa mummunan rahoton da kwamitin bincike ƙarƙarshin Ayo Salami ya shirya a kan Magu ɗin ne, lamarin da ka iya ɗaukar hankalin 'yan ƙasa ya kuma…

Daga UMAR M. GOMBE Ministar Harkokin Jinƙai, Agaji da Inganta Rayuwa, Hajiya Sadiya Umar-Farouq, ta bayyana cewa Gwamnatin Tarayya ta ƙudiri aniyar ƙara yawan ɗalibai guda miliyan biyar cikin shirin ciyar da yara 'yan makaranta, wato 'National Home Grown School Feeding Programme' (NHGSFP) daga yanzu zuwa shekarar 2023. Hajiya Sadiya ta faɗi haka ne a lokacin taron da masu ruwa da tsaki su ka yi kan tantance masu amfana da shirin don haɓaka shi wanda aka yi a Gusau, babban birnin Jihar Zamfara. A sanarwar da mai taimaka mata ta musamman kan harkar yaɗa labarai, Halima Oyelade, ta fitar a…

Daga IBRAHIM HAMISU Majalisar Dokoki ta jihar Kano ta dakatar da Shugaban Hukumar Jin Ƙorafe-ƙorafe da Yaƙi da Rashawa ta Jihar, Muhuyi Magaji Rimin Gado. Binciken Manhaja ya gano cewa an dakatar da Magaji ne saboda ƙin karɓar wani akawun da Akanta Janar na jihar ya tura hukumar. 'Yan majalisun sun ce sun samu takardar ƙorafi daga ofishin Akanta Janar na Jihar daga Ma'aikatar Kuɗi ta Jihar bisa ƙin yarda da Magaji ya yi ya karɓi jami'in da aka tura hukumarsa a matsayin Babban Jami'in Kuɗi na hukumar.

Daga AISHA ASAS 'Yan bindiga sun sake kwashe ɗalibai a wata makarantar Kaduna da ke yankin ƙaramar hukumar Chikun a safiyar yau Litinin. Binciken Manhaja ya gano cewa 'yan bindigar sun shiga makarantar Bethel Baptist ne da sanyin safiyar Litinin inda suka yi ta harbin bindiga a sama sannan suka kwashi na kwasa daga cikin ɗalibai. Bayanai daga yankin sun nuna wasu mutum biyu sun rasu sakamakon harin, kuma wasu daga cikin ɗaliban sun samu zarafi sun tsere daga hannun barayin. Wannan shi ne karo na huɗu a tsakanin watanni shida da suka gabata inda 'yan bindigar ke shiga Kaduna…

Daga WAKILINMU Rundunar 'yan sanda ta jihar Kaduna ta tabbatar cewa an samu fashewar wani abu a yankin Badarawa a jihar a ranar Asabar da ta gabata. Bayanan 'yan sanda sun nuna fashewar ta auku ne sakamakon wani makamashi da aka sarrafa cikin wasu gorunan madarar Viju guda uku. Rundunar ta ci gaba da cewa, wasu yara su uku sun ɗauki waɗannan goruna a matsayin abin wasa a bisa rashin sani inda suka yi ta bugawa kamar ƙwallo wanda a ƙarshe gorunan suka fashe tare da ji wa yaran rauni. Yaran da lamarin ya shafa su ne; Abubakar Aminu da…