Babaji

5684 Posts

Atiku ya buƙaci INEC ta gaggauta fitar da rajistar masu zaɓe miliyan 103

Daga BELLO A. BABAJI a Abuja Tsohon Mataimakin Shugaban Ƙasa kuma ɗan takarar shugaban ƙasa na jam'iyyar ADC a zaɓen 2027 ya buƙaci a hanzarta wallafa jaddawalin rajistar masu zaɓe, yana mai gargaɗin rashin yin hakan a yanar gizo daga ɓangaren Hukumar Zaɓe ta Ƙasa (INEC) ka iya zama barazana ga sahihancin zaɓukan 2027. Atiku, a wata sanarwa da ya fitar a ranar Alhamis ta hannun Daraktan Dabarun Sadarwa na kwamitin yaƙin neman zaɓen ADC (ADC-PCC), Phrank Shaibu, ya ce 'yan Nijeriya suna da 'yancin sanya ido kan rajistar, ƙalubalantar wasu ababe da ba su gamsu da su ba aciki…
Read More

Mutuwar masu haƙar ma’adinan Neja: Abin da ya sa ban buɗe ƙofa ba duk da na ji ana kururuwa – Jami’in NSCDC

Daga BELLO A. BABAJI a Abuja Jami'in Hukumar Tsaron Fararen Hula (NSCDC) da aka fi sani da Sibil Difens da ke bakin aiki a lokacin da aka tsare masu haƙar ma'adinai a Jihar Neja, ASC Usman Isah Ndamaka, ya shaida wa hukumar binciken shari'a cewa ya ji tsoron akwai yiwuwar waɗanda aka tsare su nuna masa fin ƙarfi muddin ya buɗe musu ƙofar ɗakin da aka rufe su duk da cewa ya yi ta jin kururuwarsu gabanin mutuwar mutum 37 daga cikinsu. An ga yadda Ndamaka ya fashe da kuka yayin bayar da ba'asi a gaban Mai Shari'a Mohammed Mohammed…
Read More

Ebola: Idris ya umarci hukumomin labarai sun faɗaɗa ayyukan wayar da kan jama’a

Daga BELLO A. BABAJI a Abuja Ministan Ma'aikatar Yaɗa Labarai da Wayar da Kan Al'umma ta Tarayya, Mohammed Idris Malagi, ya umarci hukumomin da ke ƙarƙashin ma'aikatar da su hanzarta samar da shirye-shiryen ilimantarwa da faɗakarwar akan cutar Ebola, bayan tabbatar da ɓullar ta a Babban Birnin Tarayya Abuja. Idris ya faɗi haka ne a wata takarda da Mai taimaka masa kan harkokin yaɗa labarai, Rabi'u Ibrahim ya fitar a ranar Alhamis. Ya ce, hukumomin sune: "National Orientation Agency (NOA), the Nigerian Television Authority (NTA), the Federal Radio Corporation of Nigeria (FRCN), the Voice of Nigeria (VON) and the News…
Read More

Ƙudirin kafa ‘yan sandan jihohi ya samu amincewar majalisun dokokin jihohi 24

Daga BELLO A. BABAJI a Abuja Sashen Doka na Constitution (Sixth Alteration) na 2026 wanda ya bayar da damar samar da tsarin 'yan sanda biyu a Nijeriya, ya samu amincewar majalisun dokokin jihohi guda 24, wanda ke nuna ya cika ƙa'idar samun amincewar kaso biyu cikin uku na jihohi 36 na faɗin Nijeriya da ake buƙata kafin aiwatarwa. Kwamitin Shugaban Ƙasa da ke aiki kan Ƙudirin Ƙasa kan kafa 'Yan sandan Jihohi ne ya bayyana haka a wata sanarwa da ya fitar a ranar Juma'a, wanda ke ɗauke da sanya hannun Shugabansa kuma Shugaban Ma'aikatan Fadar Shugaban Ƙasa, Femi Gbajabiamila.…
Read More

Gwamna Zamfara ya gargaɗi sabbin manyan sakatarori biyar kan bin dokar aiki

Gwamnan Jihar Zamfara, Dauda Lawal, ya buƙaci sabbin manyan sakatarorin da aka naɗa a jihar da su gudanar da ayyukansu bisa ƙa’idojin aikin gwamnati, dokokin kula da kuɗaɗen gwamnati da sauran dokokin da suka shafi aikinsu. Gwamnan ya yi wannan kira ne ranar Alhamis, lokacin da ya rantsar da sabbin manyan sakatarori biyar na Ma’aikatan Gwamnatin Jihar a babban zauren Gidan Gwamnati da ke Gusau. Sanarwar da mai magana da yawun Gwamnan Zamfara, Sulaiman Bala Idris, ya fitar ranar 22 ga Oktoba, 2026, ta bayyana cewa rantsar da sabbin manyan sakatarorin na daga cikin ƙoƙarin gwamnati na ƙarfafa tsarin gudanarwa…
Read More

Iyalai sun sanar da ranar jana’izar jagoran Afenifere, Pa Fasoranti

Daga BELLO A. BABAJI a Abuja Iyalan marigayin jagoran Afenifere, Pa Reuben Famuyide Fasoranti, sun ayyana ranakun 17 da 18 ga watan Disambar 2026 a matsayin lokacin jana'izarsa yayin da aka fara shirye-shiryen karrama babban ɗan ƙasar bisa gudummawarsa ga al'umma. 'Yarsa, Olufubmilayo Fasoranti ce ta sanar da ranakun jana'izar a lokacin da ta karɓi baƙuncin 'yan tawagar ɗaliban farko na makarantar Anglican Grammar School da ke yankin Iju-Itaogbolu na Jihar Ondo, waɗanda suka ziyarci iyalan domin jajenta musu kan rashin tsohon shugaban makarantar tasu. Wannan ziyara ta bayar da dama ga tsofaffin ɗaliban domin su isar da girmamawarsu ga…
Read More

Shettima ya jagoranci zaman Majalisar Tattalin Arziki don tsara shirin sauƙaƙa rayuwa na kwana 90

Daga BELLO A. BABAJI a Abuja Majalisar Tattalin Arziƙi ta Ƙasa (NEC) ta amince da tara aiwatar da shirin samar da sauƙin halin matsin rayuwa na tsawon wata uku da Ma'aikatar Kuɗi ta Tarayya ta gabatar domin isar da amfanin gyare-gyaren tattali da gwamnatin Shugaba Bola Tinubu ta samar, da nufin rage tsadar rayuwa da inganta hanyoyin samun rahusar farashin kayan abinci. Wannan shiri kuma yana da nufin fifita janyo ra'ayin masu zuba jari da hanzarta kammala muhimman ayyukan ababen more rayuwa domin amfanin 'yan Nijeriya. A cewar sanarwar da Kakakin Mataimakin Shugaban Ƙasa, Stanley Nkwocha ya fitar, ya ce…
Read More

Ƙungiyoyin ƙwadago sun yi barazanar shiga yajin aiki bayan tattaunawa da Gwamnatin Tarayya ta rushe

Daga BELLO A. BABAJI a Abuja Ƙungiyoyin ƙwadago da suka haɗa da Nigeria Labour Congress (NLC) da Trade Union Congress (TUC) sun yi gargaɗin yiwuwar shiga yajin aikin gama-gari a faɗin Nijeriya bayan rashin cimma matsaya a tattaunawar da ya gudana tsakanin wakilanta da na Gwamnatin Tarayya kan buƙatun ma'aikata. Ƙungiyoyin sun ce, za a ɗauki matakai na gaba ne bisa la'akari da sakamakon zaman da za a sake yi tsakanin ɓangarorin biyu, wanda za a gudanar a ranar 27 ga Oktoba, inda suka ƙara da cewa sun umarci rassansu na jihohi da su kasance a shirye domin tsunduma a…
Read More

Kotun Adamawa ta yanke wa mutum uku hukuncin kisa kan garkuwa da limaman coci

Daga BELLO A. BABAJI a Abuja A ranar Alhamis Babbar Kotun Jihar Adamawa ta yanke wa wasu mutane uku hukuncin kisa kan garkuwa da wasu limaman Cocin Catholika guda biyu a watan Fabarairun 2025. Da yake gabatar da hukunci, Mai Shari'a Christopher Mapeo ya ce ya samu mutane ukun ne da hannu a makircin aikata laifin garkuwa, makircin aikata fashi da makami, fashi da makami, ɓoye wanda aka yi garkuwa da shi da tattaunawar karɓar kuɗin fansa domin sako Fada Matthew Dutsemi da Fada Abraham Sauman. Akan haka ne alƙalin ya yanke wa Teledo Demiel, Namomai Medan da Mikaila Yusuf…
Read More

Gwamnatin Tarayya za ta sake buɗe shafin ɗaukar aiki na CDCFIB

Daga BELLO A. BABAJI a Abuja Haɗakar Hukumar Hukumomin Sibil Difens, kula da Gidajen Gyaran Hali, Kashe Gobara da Shige-da-Fice (CDCFIB) za ta sake buɗe shafinta na ɗaukar aiki daga ranar 28 ga Oktoba zuwa ranar 13 ga Nuwamba, 2026 domin bai wa waɗanda suak cancanta damar duba halin neman aikinsu da kuma samun lambobin domin gaɓar tantancewa akan ƙwaya. Haka kuma an ɗauki matakin hakan ne don bai wa waɗanda suka cike takardun neman aiki damar sanin matakan da ya dace su ɗauka na gaba. Sakataren hukumar, Manjo-Janar Abdulmalik Jibrin (mai ritaya) ne ya bayyana haka yayin zaman CDCFIB…
Read More