ukarofi - Manhaja - Blueprint Hausa version

17 Jul

Jam’iyyu uku sun gaza gabatar da ’yan takarar shugaban ƙasa kafin INEC ta rufe shafinta

ukarofiSiyasa

Daga MAHDI MUSA MUHAMMAD Jam’iyyun siyasa uku ne har zuwa ƙarshen wa’adin da Hukumar Zaɓe Mai Zaman Kanta ta ƙasa (INEC) ta bayar ba su kai sunayen ‘yan takararsu na shugaban ƙasa da mataimakansa cikin tsarin lantarkin hukumar ba, gabanin rufe shafin karɓar sunayen da ƙarfe 11:59 na daren ranar Talata. Wani babban jami’in INEC, wanda ya nemi a sakaya sunansa saboda ba shi da izinin yin magana a hukumance, ya shaida wa manema labarai cewa jam’iyyun da abin ya shafa sun haɗa da Jam’iyyar APGA, ɓangaren Jam’iyyar PDP da Nyesom Wike ke jagoranta, da kuma ɓangaren Jam’iyyar LP ƙarƙashin…

17 Jul

Ambasada Sharu Mukhtar ya zama sabon Dan Kaden ƙasar Hausa

ukarofiLabarai

Daga MUHAMMADU MUJITABA a Kano Mai Martaba Sarkin Daura, Alhaji Umar Faruk Umar, ya naɗa Matawallen Hausawan Afirka, Ambasada Sharu Mukhtar Abdullahi, a matsayin sabon ɗan Kaden ƙasar Hausa. Sarkin ya bayyana cewa an zaɓi Ambasada Sharu Mukhtar ne bisa la'akari da iliminsa, ƙwarewarsa da kuma gudunmawar da yake bayarwa wajen bunƙasa rayuwar al'umma da ci gaban ƙasar Hausa. Ya ƙara da cewa sarautar za ta ba shi damar ci gaba da wayar da kan jama'a da gudanar da ayyukan ilimantarwa da wa'azi a sassa daban-daban na ƙasar Hausa domin inganta zaman lafiya, haɗin kai da ci gaban al'umma. Da…

17 Jul

Rashin tsaro ya janyo ƙarancin zuma a Nijeriya – Aminu Musa

ukarofiLabarai

Daga MUHAMMADU MUJITABA a Kano Shugaban wani kamfanin samar da zuma da sarrafa kayayyakinta a Nijeriya, Alhaji Aminu Musa Kofar Kwari Madurasa, ya bayyana cewa matsalar rashin tsaro ta janyo raguwar samar da zuma a Nijeriya duk da irin yalwar dazuzzuka da ƙasar ke da su. Ya bayyana hakan ne yayin zantawarsa da manema labarai a Kano, inda ya ce Nijeriya na daga cikin ƙasashen da ke samar da ingantacciyar zuma mai yawa a duniya. A cewarsa, matsalolin tsaro sun hana masu sana'ar tattara zuma shiga dazuzzuka domin gudanar da ayyukansu yadda ya kamata. Ya ce zuma na taka muhimmiyar…

17 Jul

Zuri’ar Ibrahim Mai-ƙarfe ta gudanar da taron sada zumunci karo na biyar

ukarofiLabarai

Daga MUHAMMADU MUJITABA a Kano Zuriyar Ibrahim Ahmadu Mai ƙarfe ta gudanar da taron sada zumunci karo na biyar domin ƙarfafa alaƙar zumunci da kuma tattauna hanyoyin tallafa wa marasa galihu daga cikin zuriyar. Shugaban kwamitin shirya taron, Alhaji Sadiƙu Sulaiman Yalwa, ya bayyana cewa taron ya zama wata hanya ta haɗa 'yan uwa da kuma nemo hanyoyin magance matsalolin da suke fuskanta. Ya ce Ibrahim Mai ƙarfe ya shahara da sana'ar ƙira da ɗinkin kayan sarauta a Kano, kuma zuriyarsa na ci gaba da riƙe kyawawan dabi'unsa na taimakon jama'a da kyautata mu'amala. Ya ƙara da cewa zuriyar ta…

17 Jul

An buƙaci a naɗa Salisu Baffayo a matsayin sakataren yaɗa labaran Mataimakin Gwamnan Kano

ukarofiLabarai

Daga MUHAMMADU MUJITABA a Kano Wasu masu ruwa da tsaki a harkokin siyasa da yaɗa labarai a Kano sun bayyana ra'ayinsu na ganin an naɗa ɗan jarida kuma ma'aikacin Freedom Radio, Alhaji Salisu Baffayo, a matsayin Sakataren Yaɗa Labaran Mataimakin Gwamnan Kano, Alhaji Murtala Sule Garo. Masu wannan ra'ayi sun ce Salisu Baffayo na da ƙwarewa da gogewa a aikin jarida tare da kyakkyawar alaƙar aiki da Murtala Sule Garo, lamarin da zai taimaka wajen gudanar da aikin cikin nasara. Sun kuma bayyana cewa ƙwarewarsa da saninsa a fagen sadarwa da hulɗa da jama'a za su kasance ƙarin tagomashi ga…

17 Jul

Gwamna Raɗɗa ya nemi ƙarin haɗin kai da malaman addini domin magance matsalar ‘yan bindiga

ukarofiLabarai

Daga ABDULLAHI MUHAMMAD a Katsina Gwamnan Jihar Katsina, Malam Dikko Umaru Raɗɗa, ya yi kira ga malaman addinin Musulunci da su ƙara haɗa kai da jami'an tsaro, sarakunan gargajiya da shugabannin al'umma domin ƙarfafa yaƙi da matsalar 'yan bindiga da sauran laifuffuka a faɗin jihar. Gwamnan ya bayyana hakan ne yayin wani shirin wayar da kai da kuma gabatar da muƙala da ƙungiyar Katsina Scholars Forum for Community Advancement ta shirya ƙarƙashin jagorancin Sheikh Munir Adam Koza. Gwamna Raɗɗa ya ce magance matsalar tsaro ba zai yiwu ba sai da haɗin kan kowa da kowa, musamman malaman addini, saboda irin…

17 Jul

Gwamnatin Kebbi ta yi wa al’ummar garin Gulma ta’aziyya

ukarofiLabarai

Daga JAMIL GULMA a Kebbi Gwamnatin Jihar Kebbi ta miƙa ta'aziyya ga al'ummar garin Gulma da ke ƙaramar Hukumar Argungu bisa rasuwar mutane takwas da suka rasa rayukansu sakamakon rikicin manoma da makiyaya da ya faru a garin a kwanakin baya. Mataimakin Gwamnan Jihar Kebbi, Sanata Umar Abubakar Tafida, ne ya isar da saƙon ta'aziyyar a madadin Gwamna Malam Nasir Idris ga iyalan mamatan da ɗaukacin al'ummar ƙasar Gulma. Sanata Tafida ya bayyana lamarin a matsayin abin takaici da matuƙar baƙin ciki, inda ya buƙaci iyalan waɗanda abin ya shafa da su yi haƙuri tare da karɓar ƙaddarar Allah. Ya…

17 Jul

Boka ne ya ba ni umarnin kashe ƙanwar mahaifina da ’ya’yanta shida — Umar

ukarofiLabarai

Daga SANI AHMAD GIWA a Abuja Wani matashi mai suna Umar Auwalu, mai shekaru 23, ya shaida wa Babbar Kotun Jihar Kano cewa wani boka da mai sayar da maganin gargajiya ne ya ba shi umarnin kashe ƙanwar mahaifinsa, Fatima Abubakar, da ’ya’yanta shida a unguwar Dorayi Ciranci da ke Kano. Umar ya bayyana hakan ne yayin da yake kare kansa a gaban Babbar Kotun Jihar Kano mai lamba 11, ƙarƙashin jagorancin Mai Shari’a Nasiru Saminu, a shari’ar da ake yi masa tare da Isyaku Yakubu Chobe da Yakubu Dayyabu. Ya ce shi kaɗai ne ya aikata kisan da ya…

17 Jul

Tinubu zai iya karɓe ikon ’yan sandan jihohi idan gwamnoni sun yi amfani da su ba daidai ba – Barau

ukarofiLabarai

Daga SANI AHMAD GIWA a Abuja Mataimakin Shugaban Majalisar Dattawa, Sanata Barau Jibrin, ya bayyana cewa tsarin da ake shirin samarwa na ’yan sandan jihohi ya ƙunshi tanade-tanaden kundin tsarin mulki da za su bai wa Shugaba Bola Ahmed Tinubu damar shiga tsakani idan gwamnonin jihohi suka yi amfani da rundunar ta hanyar da ba ta dace ba. Blueprint Manhaja ta ruwaito cewa Barau, wanda kuma shi ne shugaban Kwamitin Majalisar Dattawa kan Bita da Gyaran Kundin Tsarin Mulki, ya bayyana haka ne a ranar Asabar yayin wata tattaunawa a shirin Hannu Da Yawa na gidan rediyon Nijeriya da ke…

17 Jul

Zazzaɓin Lassa ya kashe mutane 221 a Nijeriya

ukarofiLabarai

Daga SANI AHMAD GIWA a Abuja Hukumomin lafiya a Nijeriya sun bayyana damuwa kan ci gaba da yaɗuwar zazzaɓin Lassa bayan da cutar ta yi sanadin mutuwar mutum 221 a watanni shida na farkon shekarar nan. Alƙaluman da cibiyar dakile da yaƙi da cututtuka ta Nijeriya (NCDC) ta fitar sun nuna cewa an tabbatar da cutar ta kama mutum 922 a watan Yuni. Bayanan sun kuma nuna cewa kaso 24 cikin 100 na waɗanda suka kamu da cutar sun mutu, sama da kaso 18.7 da aka samu a daidai wannan lokaci a bara. Jami'an lafiya sun ce sabbin waɗanda suka…