ukarofi

A ƙasar Amurka, an shiga ruɗani bayan wata mata mai shekara 59 ta saki tarin ƙudan zuma kan jami’an ’yan sanda da suka je aiwatar da umarnin korar wani tsoho daga gidansa, lamarin da ya jawo jikkatar wasu daga cikin jami’an. Rahotanni daga hukumomin yankin sun bayyana cewa lamarin ya faru ne a lokacin da jami’an tsaro suka isa gidan domin aiwatar da umarnin kotu na fitar da wani dattijo da ake zargin an ƙwace masa haya ko kuma ya kasa biyan kuɗin zama. Sai dai jim kaɗan bayan jami’an sun fara aiwatar da aikin, matar da ake zargin tana…

Daga MAHDI MUSA MUHAMMAD Kungiyar Masu Kasuwancin Iskar Gas Ta Nijeriya (NALPGAM), ta bayyana damuwa kan ƙarancin iskar gas ta girki da kuma tashin farashinta a sassa daban-daban na ƙasar nan. ƙungiyar ta ce, farashin gas ɗin ya tashi daga kusan naira 1,300 zuwa fiye da naira 1,500 kan kowanne kilo, gwargwadon yankin da ake saye. A cikin wata sanarwa da ƙungiyar ta fitar a ranar Lahadi, ta jawo hankalin Gwamnatin Tarayya, hukumomin gwamnati, masu kula da harkokin makamashi, masu shigo da gas, masu samar da shi, masu ajiyar gas a tankuna da kuma jama’a baki ɗaya kan abin da…

Daga MAHDI MUSA MUHAMMAD Hukumar ƙididdiga ta ƙasa (NBS) ta bayyana cewa tattalin arzikin Nijeriya ya samu bunƙasa da kashi 3.89 cikin ɗari a farkon shekarar 2026 idan aka kwatanta da makamancin lokacin a bara. Hukumar ta bayyana hakan ne cikin rahoton GDP na farkon shekarar 2026 da ta fitar ranar Litinin, 25 ga watan Mayu. A cewar NBS, wannan ci gaba ya zarce kashi 3.13 cikin ɗari da aka samu a ƙarshen shekarar 2025, sai dai ya yi ƙasa da kashi 4.07 cikin ɗari da aka samu a ƙarshen shekarar 2025. Hukumar ta ce ɓangaren noma ya samu bunƙasa…

Daga MAHDI MUSA MUHAMMAD Gwamnatocin Nijeriya da Turkiyya sun rattaba hannu kan wata Yarjejeniyar Fahimtar Juna (MoU) domin ƙarfafa haɗin gwiwa a ɓangaren ma’adanai masu ƙarfi, a wani yunƙuri na bunƙasa alaƙar tattalin arziki tsakanin ƙasashen biyu. An sanya hannu kan yarjejeniyar ne tsakanin Ministan Raya Ma’adanai Masu ƙarfi na Nijeriya, Dele Alake, da Ministan Makamashi da Albarkatun ƙasa na Turkiyya, Alparslan Bayraktar, a gefen Taron Albarkatun ƙasa na Istanbul (INRES). A cikin wata sanarwa da Mataimakiyarsa ta Musamman, Lara Owoeye-Wise, ta fitar ranar Litinin, Alake ya bayyana cewa Nijeriya na shirye ta yi amfani da ci gaban fasaha da…

Daga MAHDI MUSA MUHAMAMD Hukumar ƙididdiga ta ƙasa (NBS) ta bayyana cewa matsakaicin kuɗin da mutum guda zai kashe domin samun ingantaccen abinci mai gina jiki a rana ya kai naira 1,513 a watan Fabrairun 2026. Hukumar ta bayyana hakan ne cikin rahotonta na “Cost of a Healthy Diet (CoHD)” na watan Fabrairu da aka fitar a Abuja. A cewar NBS, wannan adadi ya nuna ƙarin kashi 3.76 cikin ɗari idan aka kwatanta da naira 1,458 da aka samu a watan Janairun 2026. Hukumar ta bayyana cewa ma’aunin CoHD na nufin mafi ƙarancin haɗin nau’ikan abinci da ake samu a…

Daga MAHDI MUSA MUHAMMAD Babbar Kotun Tarayya da ke zamanta a Abuja ta hana kamfanin Mamuda Beverages Nigeria Limited ci gaba da samar da abin sha mai ƙara kuzari na ‘Pop Power’, bayan da kamfanin Rite Foods ya zargi kamfanin da kwaikwayon tambarin kayansa na ‘Fearless Energy Drink.’ Mai shari’a Justice Binta Nyako ce ta bayar da umarnin na wucin-gadi bayan ta yanke hukuncin cewa tsarin kwalin da tambarin Pop Power ke amfani da shi na da kamanceceniya sosai da na ‘Fearless’. Kotun ta bayar da umarnin dakatar da samar da kayan nan take har sai an kammala sauraron shari’ar…

Daga SANI AHMAD GIWA a Abuja  Daya daga cikin jiga-jigan jam’iyyar PDP a Jihar Gombe kuma mai neman tikitin takarar gwamna, Alhaji Abdulkadir Hamma Saleh, ya bayyana aniyarsa ta ƙalubalantar matakin bai wa Farfesa Isa Ali Ibrahim Pantami tikitin takarar gwamna a kotu. Hamma Saleh ya bayyana haka ne yayin da yake zantawa da manema labarai a gidansa da ke Gombe, inda ya ce ba zai amince da abin da ya kira rashin bin ƙa’ida da tauye haƙƙin masu ruwa da tsaki a jam’iyyar ba. Ya ce shi da sauran masu neman tikitin gwamna sun shafe shekaru suna bautawa jam’iyyar…

Daga SANI AHMAD GIWA a Abuja  Tsagin jam’iyyar PDP ƙarƙashin jagorancin Nyesom Wike da Abdurrahman Mohammed ya ayyana tsohon gwamnan Jihar Kuros Riba, Sandy Onor, a matsayin ɗan takarar shugaban ƙasa na jam’iyyar a Zaɓen 2027 bayan masalahar da aka gudanar. Tsohon gwamnan Jihar Benuwe, Samuel Ortom, wanda shi ne shugaban kwamitin gudanar da zaɓen fidda gwani, ya sanar da hakan yayin tattara sakamakon zaɓen da aka gudanar ranar Talata a hedikwatar jam’iyyar da ke Wadata Plaza a Abuja. Kwamitin zaɓen ya ce an gudanar da zaɓen ne ta hanyar tuntuɓa da kuma masalahar goyon baya daga mambobin jam’iyyar a…