ukarofi

Daga SANI AHMAD GIWA a Abuja  Hukumar Alhazai ta Nijeriya, wato NAHCON, ta yi gargaɗi mai ƙarfi ga al’ummar ƙasar kan yawaitar ‘yan damfara da asusun sada zumunta na bogi da ke ikirarin samar da bizar aikin Hajji, duk da cewa hukumomin Saudiyya sun riga sun rufe bayar da bizar bana. A cewar hukumar, Saudiyya ta rufe bayar da bizar Hajjin shekarar 2026 tun daga ranar 1 ga Shawwal 1447 Hijira (20 ga Maris, 2026), wanda hakan ke nufin an kammala duk wata sahihiyar hanya ta neman bizar aikin Hajji na bana. Hukumar ta bayyana cewa an riga an tantance…

Daga MAHDI MUSA MUHAMMAD Wani rahoton sirri da ya fita daga cikin wata takarda ta cikin gida ya sake tayar da hankalin jama’a kan tsaron Babban Birnin Tarayya, Abuja, bayan da aka nuna yiwuwar mayaƙan Boko Haram na shirin kai hare-hare a wasu muhimman wurare. Rahoton, wanda aka ce daga Hukumar Kwastom ta Nijeriya ya fito, kuma aka samu ta hannun jaridar News Point Nigeria, ya bayyana wasu muhimman wurare da ake zargin na iya zama maƙasudin hari. Daga cikin wuraren akwai Filin Jirgin Sama na Nnamdi Azikiwe da ke Abuja, da kuma wani gidan gyaran hali a cikin birnin.…

Daga MAHDI MUSA MUHAMMAD Gwamnatin Tarayya ta fitar da rahoton hasashen ambaliya na shekarar 2026, inda ta yi gargaɗin cewa jihohi da dama ciki har da Legas, Bayelsa, Delta, Adamawa, Kebbi da wasu kusan jihohi 28 na iya fuskantar ambaliya mai tsanani yayin da damina ke gabatowa. Ministan Albarkatun Ruwa da Tsabtace Muhalli, Injiniya Joseph Utseɓ, ne ya bayyana hakan a ranar Laraba yayin gabatar da rahoton a zauren liyafar Fadar Shugaban ƙasa da ke Abuja.  Hukumar Kula da Ayyukan Ruwa da Yanayin Ruwa ta Nijeriya ce ta shirya taron, mai taken “Gudanar da Albarkatun Ruwa cikin Hikima: Sauyawa Daga…

Daga IBRAHIM HAMISU a Kano Sashen hulɗa da tsofaffin ɗalibai na Kwalejin Aminu Kano ta nazarin addinin Musulunci da shari’a (AKCILS) da aka fi sani da (Legal) ya gudanar da wani muhimmin taro da wakilan azuzuwan tsofaffin ɗaliban kwalejin domin ci gaba da shirye-shiryen bikin cika shekaru 50 da kafuwar kwalejin. An tsara gudanar da bikin na Golden Jubilee daga ranar 27 zuwa 29 ga Afrilu, 2026. Taron ya bai wa mahalarta damar sanar da tsofaffin ɗaliban irin mataki da shirye-shiryen da aka kai, tare da karɓar shawarwari kan yadda za a tabbatar da cewa bikin ya gudana cikin nasara…

Daga ABDULLAHI MUHAMMAD a Katsina Gwamnan Katsina, Malam Dikko Umaru Radda ya halarci jana’izar Hajiya Hauwa (Maijidda) Abdulkadir Mamman Nasir, matar shugaban ma’aikatan gidan gwamnatin Jihar Katsina, Alh. Abdulkadir Mamman Nasir wadda Allah ya yiwa rasuwa. An gabatar da sallar jana’izar a masallacin GRA dake cikin birnin Katsina inda daga bisani aka birneta a maƙabartar Gidan Dawa duk a cikin garin Katsina. Dubban mutane daga wurare daban-daban ne suka halarta daga abokan aiki, yan siyasa, jami’an gwamnati, yan uwa da abokan arziki da sauransu. Anyi addu’o’in neman gafara ga marigayiyar tare da fatan Allah ya sa aljanna ce makomarta da…

Daga SANUSI MUHAMMAD a Gusau Jami'an tsaron al'umma na Jihar Zamfara watau Community Protection Guard (CPG) sun kama mutane takwas da ake zargi da taimakawa 'yan ta'adda a Gusau. Kwamandan na CPG, AIG Muhammad Shehu Dalijan mai ritaya, ya bayyana hakan yayin da yake gabatar da waɗanda ake zargin a gaban 'yan jarida a hedikwatar CPG da ke Gusau a yau, Laraba. A cewarsa, CPG ta yi nasarar kama wata mota ɗauke da sabbin babura guda uku, wani na'urar fashewa (IED), da kuma tsabar kudi da suka kai Naira miliyan 13,500,000 da ake zargin za a kai wa 'yan ta'adda…

Daga UMAR GARBA a Katsina Yan ta’adda sun sace sama da mutane 15 a yankin Ƙanqara da ke jihar Katsina tare da neman kuɗin fansa na Naira miliyan 150 kafin su sake su. Mazauna garin sun shaida wa PREMIUM TIMES cewa ‘yan ta’adada sun kai hari garin ne a ranar Asabar da Lahadi tare da sace mata da ƙananan yara. Duk da cewa ‘yan ta’addan da ke Arewa maso yamma sun kashe ɗaruruwan mutane, sai dai karɓar kuɗin fansa shi ne babban abin da suka sa a gaba. "Da farko ‘yan bindigar sun sace mutane biyu ne a garin kafin…