Labarai - Manhaja - Blueprint Hausa version

12 Oct

APC ce za ta lashe zaɓen ƙananan hukumomi a Jihar Kaduna – Uba Sani

ukarofiLabarai

Daga SANI AHMAD GIWA a Abuja Yayin da ake cigaba da shirye-shiryen gudanar da zaɓukan ƙananan hukumomi a jihar Kaduna, Gwamna Uba Sani ya yi kurin cewa jam’iyyarsa ta APC ce za ta lashe kujerun shugabannin ƙananan hukumomi da na kansiloli kaf ɗinsu. Gwamna Sani ya bayyana haka ne a makon jiya yayin da yake miƙa wa 'yan takarar jam’iyyar na APC tuta. Taron ya samu halartar gaggan jam’iyyar APC, da magoya baya daga duka ƙananan hukumomin jihar. Yayin da yake jawabi gwamna Sani ya ce jam’iyyar APC ce jam’iyya ɗaya tilo a jihar Kaduna yanzu. Babu wata jam’iyya da…

12 Oct

Gwamnatin Kogi ta amince da N72,500 a matsayin mafi ƙarancin albashi

ukarofiLabarai

Daga SANI AHMAD GIWA a Abuja Gwamnatin Jihar Kogi, ta amince da Naira 72,500 a matsayin sabon mafi ƙarancin albashin ma’aikatan jihar da na ƙananan hukumomi. Gwamnan jihar, Usman Ododo ne, ya sanar da hakan bayan karɓar rahoto daga kwamitin mafi ƙarancin albashi a fadar gwamnatin jihar da ke Lokoja a ranar Litinin. An bai wa kwamitin umarnin yin aiki tare da gano yadda za a aiwatar da sabon mafi ƙarancin albashi ga ma’aikata. Ododo, ya bayyana cewa za a yi wa ma’aikata a jihar sauye-sauye, sannan ya ƙara da cewa wannan mataki ya cika alƙawarin gwamnatinsa na yi wa…

12 Oct

Gwamnatin Katsina za ta gina wa ‘yan gudun hijira gidaje 152 a Jibiya

ukarofiLabarai

Daga ABDULLAHI MUHAMMAD a Katsina Gwamnatin jihar Katsina tare da Hukumar Bunƙasa Tattalin Arziki na Majalisar ɗinkin Duniya (UNDP) za su gina wa 'yan gudun hijira gidaje guda 152 a ƙaramar hukumar Jibiya. Gwamna Dikko Raɗɗa ya bayyana haka a garin Jibiya lokacin da ya ke aza harsashi gina gidajen. Ya ce mutanen da suka rasa gidajen su da wurin sana'o'in su ne gwamnati za ta gina masu gidajen tare da basu kuɗaɗen da za su fara kasuwanci. Haka kuma gwamnan ya ƙara da cewa gwamnatin za ta samar da fitillu masu amfani da hasken rana da kuma wurin gudanar…

12 Oct

Wani matashi ya kashe mahaifinsa da wuƙa yayin da suke cacar-baki

ukarofiLabarai

Daga SANI AHMAD GIWA a Abuja Rundunar ‘yan sandan jihar Legas ta sanar da tsare wani matashi mai shekara 25, Chibunnma Chimelie, saboda zargin kashe mahaifinsa mai shakara 68. Kakakin rundunar SP Benjamin Hundeyin ne ya tabbatar da faruwar al’amarin ga Kamfanin Dillancin Labarai na ƙasa, NAN, a ranar Juma’a a jihar Legas. Ya ce al’amarin ya faru ne a ranar Alhamis da misalin ƙarfe 10:00 na dare a unguwar Isolo. Kakakin ya ce ɗan uwan wanda ake zargin ne ya sanar da ofishin ‘yan sanda da ke Aswani. ɗan uwan mai laifin ya ce shi ma wani maƙocin gidan…

12 Oct

Ba za mu bar ƙauyukan kakannin mu na gado saboda ambaliya ba, mazauna yankin kogi ga gwamnatin Nasarawa

ukarofiLabarai

Daga JOHN D. WADA a Lafiya An yi kira na musamman ga mazauna kusa da kogi su riƙa bin umurnin gwamnati na yin kaura daga yankunan don guje wa ambaliya da ka iya aukuwa a kowane lokaci. Babban sakataren dindindin na ma’aikatar muhalli da albarkatun ƙasa na gwamnatin jihar Nasarwa Honorabul Mohammed Garba Rosha ne ya yi wannan kira a lokacin da yake tattaunawa da manema labarai a ofishinsa dake ma’aikatar a Lafiya babban birnin jihar a mako da ake ciki. Ya ce kiran ya zama wajibi idan aka yi la’akari da yadda ya kasance duk da gargaɗin ƙwararru da…

12 Oct

Da jami’an gwamnati nake zuwa tattaunawa da ’yan bindiga – Gumi

ukarofiLabarai

Daga SANI AHMAD GIWA a Abuja Fitaccen malamin addinin Musulunci nan daga Jihar Kaduna, Sheikh Ahmad Gumi, ya ce jami’an Gwamnatin Tarayya suna masa rakiya a duk lokacin da zai gana da ’yan bindiga, saboda gudun zargi. Gumi ya jima yana kira ga gwamnati da ta yi wa ’yan bindiga afuwa da kuma neman a tattauna da su don samun zaman lafiya. A wata hira da jaridar PUNCH, malamin ya ce yana zuwa da sarakunan gargajiya da kuma jami’an gwamnati na jihohi a lokacin tattaunawa da maharan. Ya ce, “Abin da ’yan Najeriya ya kamata su fahimta shi ne ba…

12 Oct

Yarda da tsarin Kwankwasiyya ne ta sa ‘yan hamayya a Ƙaramar Hukumar Ƙiru dawowa NNPP – Abubakar Jinjiri

ukarofiLabarai

Daga IBRAHIM MUHAMMAD a Kano Alhaji Abubakar Lawan Jinjiri Shugaban Jam'iyyar NNPP na ƙaramar Hukumar ƙiru, ya bayyana cewa ɗaruruwan magoya bayan 'yan jam'iyyar APC ne suka dawo jam'iyyar su ta NNPP saboda gamsuwa da aƙidar kawo cigaba ta jagoran Kwankwasiyya Dakta Rabiu Musa Kwankwaso. Ya bayyana haka ne da yake zantawa da 'yan jarida a lokacin da ya jagoranci waɗanda suka sauya sheƙa yin mubaya'a ga jagoran Kwankwasiyya Dakta Rabiu Musa Kwankwaso a gidansa dake kan titin Mila. Ya ce shi yasan yaro da jagoransu Dakta Rabiu Musa Kwankwaso ya tura karatu ƙasar waje alhali iyayensa basu da kuɗin…

12 Oct

Dalilin da ya sa ni da Raɗɗa muka nemi Tinubu ya soke kwangilar hanyar Ƙanƙara-Katsina – Ibrahim Masari

ukarofiLabarai

Daga ABDULLAHI MUHAMMAD a Katsina Baban mai taimaka wa Shugaban ƙasa kan harkar siyasa, Hon. Ibrahim Kabir Masari ya bayyana dalilan da ya sa suka shiga suka fita shi da Gwamna Dikko Raɗɗa aka soke aikin sake gina hanyar ƙanƙara zuwa Katsina daga hannun ɗan kwangila. Kabir Masari ya faɗi haka ne a Katsina a lokacin bikin raba shinkafar da gwamnatin tarayya ta bai wa jihar don raba wa al’umma su rage raɗaɗin rayuwa da ake fama da shi. Aikin hanyar mai tsawon kilomita 170 da ta taso daga Marabar ƙanƙara zuwa Katsina, ta haɗa ƙananan hukumomi bakwai waɗanda yawancinsu…

12 Oct

Gwamnatin Tarayya ta bai wa Ɗangote lasisin samar da man jirgin sama ga kamfanonin sufurin jirage

ukarofiLabarai

Daga SANI AHMAD GIWA a Abuja Gwamnatin Tarayya ta sanar da cewa an bai wa Kamfanin Ɗangote izini na zama shi kaɗai mai samar da man jirgin sama, ko Jet A1, ga kamfanonin jiragen sama da ke aiki a ƙasar nan. Ministan sufurin jiragen sama, Festus Keyamo, ya bayyana hakan a wata hira da aka watsa a tashar Channels TV ranar Talata, 8 ga watan Oktoba. A cewar Keyamo, kamfanonin jiragen sama sun amince da Kamfanin Ɗangote mai samar da ganga 650,000 na mai a kowacce rana, a matsayin kaɗai mai samar musu da man jirgin sama, tare da amincewarsa…

12 Oct

An kashe dorinar da ta kashe mai kula da gandun Sarkin Yawuri

ukarofiLabarai

Daga JAMEEL GULMA a Kebbi Waɗansu masunta da ke sana'ar kamun kifi a kogin Neja da ke yankin Yawuri ta jihar Kebbi sun samu nasarar kashe wata dorina da ta kashe mai kula da gandun Sarkin Yawuri Dokta Muhammad Zayyanu tare da raunata wani masunci a cikin kasa da mako biyu a ƙauyen Gungun-Sarki da ke daf da garin na Yawuri. Kisan Dorinar ya biyo bayan umarnin da gwamnan jihar ta Kebbi Malam Nasir Idris ya bayar ta bakin maimartaba Sarkin Yawuri inda ya ce a fantsama wajen farautar wannan Dorinar saboda kaucewa ƙarin hasarar rayuwa. Alhaji Nasiru Mayanan Gungu…