Labarai - Manhaja - Blueprint Hausa version

16 Feb

Tsadar Rayuwa: NLC za ta gudanar da zanga-zangar gama-gari na yini biyu

EditorKasuwanci, Labarai

Daga BASHIR ISAH Ƙungiyar Ƙwadago ta Ƙasa (NLC) ta sanar da shirya zanga-zangar gama-gari na yini biyu domin nuna rashin jin daɗinta dangane da tsadar rayuwar da ake fuskanta a Nijeriya. Ƙungiyar ta ce za ta gudanar da zanga-zangar ne a ranakun 27 da 28 ga Fabrairun 2024. Shugaban NLC na ƙasa, Joe Ajaero ne ya bayyana hakan yayin taron gaggawar da ƙungiyar ta shirya ranar Juma'a a babban ofishinta da ke Abuja. Joe ya ce, “Abin da takaici tura mu da aka yi zuwa ga ɗaukar wannan mataki, sai dai ci gaba da yin biris da ake yi game…

16 Feb

CBN ya dakatar da kamfanonin mai biyan kashi 100 a ƙasar waje

EditorKasuwanci, Labarai

Daga SANI AHMAD GIWA a Abuja Babban Bankin Nijeriya (CBN) ya dakatar da kamfanonin mai na ƙasa da kasa mayar da kashi 100 na kuɗaɗen musaya na ƙasashen waje zuwa ga kamfanonin ƙasashen waje a lokaci guda. Bankin ya ce, kamfanonin mai na ƙasa da ƙasa na iya mayar da kashi 50 na kuɗaɗen da suka samu a matakin farko sannan sauran rabin bayan kwanaki 90. Daraktan sashen ciniki da musayar kuɗi na babban bankin, Hassan Mahmud ne ya bayyana haka a wata takardar da aka fitar mai ɗauke da kwanan wata 14 ga Fabrairu, 2024. Babban bankin na CBN…

16 Feb

Gwamnatin Tarayya ta janye tuhumar cin amanar ƙasa da ta ke yi wa Sowore

EditorLabarai

Daga MAHDI M. MUHAMMAD Gwamnatin Tarayya ta janye tuhumar da ta ke yi wa ɗan takarar shugaban ƙasa na jam'iyyar AAC kuma mawallafin jaridar Sahara Reporters, Omoyole Sowore. Gwamnatin Tarayyar ta janye tuhumar ce da ta ke yi na zargin cin amanar ƙasa a kansa a ranar Laraba 14 ga watan Faburairu. Wannan na ƙunshe ne a cikin wata sanarwa da Babbar Kotun Tarayya ta fitar a ranar Laraba 14 ga watan Faburairu. Antoni Janar na Gwamnatin Tarayya, Lateef Fagbemi shi ya miƙa takardar dakatar da tuhumar kan mamallakin gidan jaridar Sahara Reporters. Sanarwar ta ce, "Duba da sashi na…

16 Feb

Gwamnatin ƙasar Malta tana gayyatar ‘yan Nijeriya da su zo su yi mata aiki

EditorKasuwanci, Labarai

Daga AMINA YUSUF ALI Gwamnatin ƙasar Malta da ke cikin nahiyar Turai ta ƙudiri niyyar ba da guraben aiki ga ƙwararrun 'yan wasu ƙasashen da ke wajen nahiyar ta Turai kamar dai 'yan Nijeriya. Inda suka sauƙaƙa hanyar neman ga masu neman aiki da ba 'yan ƙasar ta Malta ba. Wannan yunƙuri wani martani ne da ƙasar ta yi wanda ya biyo bayan kira da nuni da Ƙungiyar Tarayyar Turai ta yi ga ƙasar a kan ta yi wani abu a game da matsalar ƙarancin ma'aikatanta. Tun a Janairun shekarar bana ne dai gwamnatin ƙasar Malta ta ƙirƙiro da wannan…

15 Feb

Ku yaƙi masu ɓoye abinci a ƙasa – Umarnin Tinubu ga hukumomin tsaro

EditorKasuwanci, Labarai

Daga BASHIR ISAH Shugaban Kasa Bola Tinubu ya bai wa Mai Bai wa Shugaban Kasa Shawara a Harkar Tsaro (NSA), Nuhu Ribadu da IGP Kayode Egbetokun da Daraktan DSS, Yusuf Bichi umarni kan su yi aiki tare da gwamnoni wajen yaki da masu boye abinci a kasa. Kafin wannan umarnin na Shugaba Tinubu, ‘yan Nijeriya na fama da karancin abinci ba wai don babu abincin ba, sai don wasu ‘yan kasuwa sun tara abincin sun boye wanda hakan ya haifar da tsadar kayan abinci a sassan kasar. Sai dai a wani yunkuri da gwamnatin kasar ta yi don yaki da…

15 Feb

Hukumar Zaɓe ta Katsina ta sanar da ranar gudanar da zaɓen ƙananan hukumomi

EditorLabarai, Siyasa

Daga UMAR GARBA a Katsina Hukumar Zaɓe Mai Zaman Kanta ta Jihar Katsina (KATSIEC) ta saka ranar 15 ga watan Fabrairu, 2025 a matsayin ranar gudanar da zaɓukan shugabannin ƙananan hukumomi da kansilolo a jihar. Shugaban hukumar, Lawal Alhassan Faskari ne ya bayyana haka a wurin taron masu ruwa da tsaki kan zaɓen wanda ya gudana a hedikwatar hukumar dake G.R.A. A cewar shi, jam'iyyu masu rajista ne kawai za a bari su tsayar da 'yan takara a kujeru daban-daban. Alhaji Lawal Alhassan ya ce sashe na 28 na dokar zaɓen Nijeriya da aka yi wa gyaran fuska 2022 ne…

15 Feb

Da Ɗumi-ɗumi: Tinubu da gwamnoni sun yi ittifaƙi kan ƙirƙiro ‘yan sandan jiha

EditorLabarai

Daga BASHIR ISAH Shugaba Bola Tinubu da gwamnonin Nijeriya sun cimma wannan matsaya ne a wata ganawa da suka yi ranar Alhamis. Ministan Labarai da Wayar da Kan 'Yan Ƙasa, Mohammed Idris ne ya shaida wa manema labarai hakan a Fadar Shugaban Ƙasa jim kaɗan bayan kammala taron gaggawar da Shugaba Tinubu ya shirya. Idris ya ce za yi tarurruka da daman gaske a kan yadda zs a tsara da kuma samar da 'yan sandan jihar a Nijeriya . A cewarsa, “Amma a yanzu ana kan tattauna batun 'yan sandan jiha. Gwamnatin Tarayya da ta jihohi suna tattauna yiwuwar samar…

15 Feb

Da Ɗumi-ɗumi: Hukumar Kula da Fetur na shirin ɗauke muhimman sassanta zuwa Legas

EditorBabban Labari, Labarai

Daga BASHIR ISAH Hukumar Kula da Man Fetur ta Ƙasa da aka fi sani da Nigerian Upstream Petroleum Regulatory Commission a Turance, na duba yiwuwar ɗauke wasu muhimman sassanta zuwa Legas, kamar yadda wata takardar bayani wadda News Point Nigeria ta samu leƙawa ta nuna. Takardar mai ɗauke da kwanan wata 14 ga Fabrairu, 2024 ta ce, an yanke shawarar haka ne domin bunƙasa ayyukan hukumar, rage yawan kuɗin da hukumar ke kashewa wajen gudanar da ayyukanta da kuma tabbatar da hukumar na morar kadarorinta a Legas. A cewar takardar, “Bisa manufar bunƙasa ayyukan hukumar da cigaban masana'anta da kuma…

15 Feb

‘Yan bindiga sun yi garkuwa da mutum 9 a Zamfara

EditorLabarai

Daga SANUSI MUHAMMAD a Gusau Wasu gungun 'yan bindiga sun yi awon gaba da mutum tara a kan hanyarsu ta dawowa daga bikini maulidi da ya gudana a Abuja kwanan nan. Rahotanni sun nuna waɗanda aka yi garkuwa da su ɗin 'yan asalin garin Ɗangulbi ne da ke Ƙaramar Hukumar Maru ta jihar Zamfara. Yazuwa haɗa wannan rahoton, babu wani cikakken bayani game da batun. Majiyarmu ta tattaro cewar, har zuwa haɗa wannan labarin 'yan ta'addan ba su tuntuɓi iyalan waɗanda suka yi garkuwan da su ba. Waɗanda lamarin ya shafa sun haɗa da Alhaji Ghazali da Alhaji Hamza, Zakiru…

14 Feb

Da Ɗumi-ɗumi: Diri ya sha rantsuwar zama Gwamnan Bayelsa wa’adi na biyu

EditorLabarai, Siyasa

Daga BASHIR ISAH An rantsar da Douye Diri a matsayin Gwamnan Jihar Bayelsa karo na biyu. Gwamna Diri ya sha rantuwar kama wa’adi na biyun ne ta hannun Babban Alkalin Jihar, Mai Shari’a Matilda Ayemieye da misalin karfe 2 na rana a ranar Laraba. Tun da fari sai da aka rantsar da Mataimakin Gwamna, Lawrence Ewhrudjakpo, kafin daga bisani Gwamna Diri ya sha tasa rantsuwar.