Labarai - Manhaja - Blueprint Hausa version

25 Oct

Tinubu ya naɗa sabbin kwamishinonin INEC na jihohi guda tara

EditorLabarai, Siyasa

Daga BASHIR ISAH Shugaba Bola Tinubu ya amince da naɗin kwashinonin zaɓe na jihohi (RECs) guda tara ga Hukumar Zaɓe ta Ƙasa (INEC) na wa'adin shekara biyar. Tinubu ya naɗa kwamishinonin zaɓen ne kafin daga bisani Majalisar Dattawa ta tabbatar da naɗin nasu. Bayanin naɗin na ƙunshe ne cikin sanarwar da mai magana da yawun Shugaban Ƙasa, Ajuri Ngelale, ya fitar a ranar Laraba. Sanarwar ta ce Tinubu ya yi naɗin ne bisa damar da Sashe na 154 (1) na Kundin Tsarin Mulkin Nijeriya na 1999 wanda aka yi wa kwaskwarima, da Sashe na 6 na Dokar Zaɓe ta 2022…

25 Oct

‘Yan bindiga sun kashe mutum tara tare da yin awon gaba da wasu da dama a Katsina

EditorLabarai

Daga UMAR GARBA a Katsina Wasu mahara ɗauke da muggan makamai da ake kyautata zaton ɓarayin daji ne sun hallaka mutum tara, gami da yin garkuwa da wasu mutane da dama a ƙaramar hukumar Ɗan Musa da ke jihar Katsina. Wani mazaunin garin da aka sakaya sunansa, ya bayyana wa MANHAJA cewa maharan waɗanda ba zai iya ƙiyasta yawansu ba, sun afka wa garin cikin daren ranar Lahadi da misalin ƙarfe 8:00 na dare. A cikin mutane tara da suka rasa rayukansu sakamakon harin, har da ɗan sanda da kuma tsohon kantoma na ƙaramar hukumar, wato Hon. Dauda Lawal Mai…

25 Oct

Wazirin Fika ya riga mu gidan gaskiya

EditorLabarai

Daga BASHIR ISAH Allah Ya yi wa Wazirin Fika kuma tsohon Sakataren Gwamnatin Tarayya, Alhaji Adamu Fika, rasuwa. Sanarwar rasuwar ta fito ne daga bakin Ɗanburan Fika, Alhaji Idris Adamu Kukuri, kamar yadda ya shaida wa majiyarmu ta waya. Ya ce za a sanar da yadda jana'izarsa za ta kasance bayan an tattauna da Sarkin Fika, Alhaji Muhammadu Abali. Majiya ta kusa da marigayin ta ce, marigayin ya rasu ne a cikin daren da ya gabata inda ya bar duniya yana da shekara 90. Wani na kusa da ahalin marigayin, Hassan Gimba Ahmed, ya ce, “Ya rasu ne a hanyar…

25 Oct

Gwamnati ta jaddada ƙudirinta na bai wa fannin tsaro cikakken goyon baya

EditorLabarai

Daga BASHIR ISAH Gwamnatin Nijeriya ta jaddada ƙudirinta na bai wa sojojin ƙasar cikakken goyon baya don ci gaba da kare ƙasa da 'yan ƙasa. Hakan ya fito ne daga bakin Ministan Tsaro, Badaru Abubakar, sa'ilin da ya ziyarci Babban Hafsan Tsaro, Janar Christopher Musa, a Babban Ofishin Tsaro da ke Abuja. Da yake jawabi yayin ziyarar, Ministan ya yaba wa sojojin Nijeriya dangane da nasarorin da suke samu a fagen yaƙi da matsalolin tsaron da ƙasar ke fuskanta. Ya ce, sojoji na yin bakin ƙoƙarinsu wajen kare ƙasa ba tare da bayyana irin nasarorin da suke samu ba. Abubakar…

24 Oct

Shugaban INEC ya gana da jam’iyyun siyasa gabanin zaɓen gwamnoni a jihohin Kogi, Bayelsa, Imo

EditorLabarai, Siyasa

Shugaban Hukumar Zaɓe ta Ƙasa (INEC), Mahmood Yakubu, ya gana da shugabannin jam'iyyun siyasa a hedikwatar hukumar da ke Abuja a ranar Talata. Taron ɓangare na shirye-shiryen da INEC ke yi don gudanar da zaɓen gwamnoni a jihohin Kogi da Bayelsa da kuma Imo nan gaba kaɗan. Ana sa sa ran shugaban INEC ya yi wa jam'iyyun bayanin shirye-shiryen INEC kan zaɓuɓɓukan da kuma rawar da Jam'iyyun za su taka. Kazalika, taron wata dama ce ga jam'yyun da lamarin ya shafa su bayyana wa shugban INEC damuwarsu da sauran lamurran da suka yi la'akari da su gabanin zaɓen.

24 Oct

Ranar MƊD ta Duniya: Babban Jami’in MƊD a Nijeriya, Matthias Schmale ya yi wa ƙasar saƙo mai ratsa jiki

EditorLabarai

Babban Jami'in Majalisar Ɗinkin Duniya a Nijeriya, Mista Matthias Schmale, ya gabatar da jawabi mai ratsa jiki domin bikin ranar Majalisar Ɗinkin Duniya, wanda ake gudanarwa kowace shekara don tunawa da muhimmiyar ranar da Yarjejeniyar Kafa Majalisar Ɗinkin Duniya ta fara aiki a ranar 24 ga Oktoba,1945. A jawabin nasa, babban jami’in ya yi tsokaci a kan ƙa'idoji da ayyukan MƊD da kuma ƙalubalen da duniya ke fuskanta a yau. Mr. Schmale ya fara ne da taɓo batun yadda aka buɗe taron Yarjejeniyar Kafa MƊD, wanda ya jaddada cewa babban ƙudirin kafa hukumar shi ne "ceto al'ummar duniya daga bala'in…

24 Oct

Zan ƙara wa VON ƙaimi – Ndace

EditorLabarai

Sabon Babban Daraktan Muryar Nijeriya (VON), Jubrin Ndace, ya sha alwashin ƙara wa hukumar ƙaimi domin tabbatar da yaɗa sahihan labarai game da Nijeriya da Afirka da ma duniya baki ɗaya. Ndace ya yi wannan alƙawarin ne a lokacin da ya kama aiki a sabon ofishinsa da ke VON Broadcasting House, Abuja, a ranar Litinin. Sabon Shugaban VON ya samu kyakkyawar tarba daga takwaransa mai barin gado, Mr. Osita Okechukwu da sauran jami'an hukumar. Ndace ya ce a shirye yake ya ɗaga cigaban hukumar fiye da yadda take a yanzu. Da yake jawabi, Ndace ya ce: “Ina miƙa godiyata ga…

24 Oct

Allah Ya yi wa jikar Aminu Ɗantata, Batulu rasuwa a Kano

EditorLabarai

Allah Ya yi wa Batulu Alhassan Baba Ahmad Dantata rasuwa tana da shekara 40. Marigayiyar ɗaya ce daga cikin jikokin hamshaƙin ɗan kasuwar nan na Kano, Alhaji Aminu Dantata. Majiya daga ahalin ta ce, Batulu ta rasu ne a Kano bayan fama da rashin lafiya. Marigayiyar ta rasu ta bar mahaifiya, Hajiya Ummul Khair Aminu Dantata, wadda ta kasance 'yar fari Alhaji Aminu Dantata, sai kuma mahaifinta, Alhaji Baba Alhassan Ahmad Dantata. Ana sa ran za a yi mata Jana’iza da misalin ƙarfe 10 na safe a babban masallacin Koki da ke Kano a wannan Talatar.

23 Oct

Janairun baɗi za a fara bai wa ɗalibai bashi a Nijeriya – Tinubu

EditorLabarai

Shugaban Ƙasa Bola Tinubu ya bayyana cewa, ya zuwa watan Janairun 2024 shirinsa na bai wa ɗalibai bashi zai kankama. Ya bayyana haka ne sa'ilin da yake jawabi a wajen taron tattalin arziki na ƙasa na 2023 ranar Litinin a Abuja. “Ya zuwa Janairun 2024, sabon shirin bai wa ɗalibai bashi zai fara aiki. Don haka muke cewa babu sauran tafiya yajin aiki a rayuwar 'ya'yanmu kuma ɗalibai a nan gaba," in ji Tinubu. A ranar bikin "June 12" Shugaba Tinubu ya sanya wa ƙudirin bai wa ɗalibai bashi hannu ya zama doka, alƙawarin da ya ɗauka a lokacin yaƙin…

23 Oct

Kotun Ƙoli ta yi watsi da ƙarar APM kan ƙalubalantar nasarar Tinubu

EditorLabarai, Siyasa

Kotun Ƙoli ta yi watsi da ƙarar da Jam'iyyar Allied People’s Movement (APM) ta shigar inda take ƙalubalantar nasarar da Shugaban Ƙasa Bola Ahmed Tinubu ya samu a zaɓen 2023. A ranar Litinin Kotun ta yi watsi da ƙarar bayan da mai ƙarar ta janye ƙarar da ta ɗaukaka. APM ta ɗaukaka ƙarar ne don ƙalubalantar sakamakon zaɓen shugaban ƙasa na 2023 wanda Hukumar Zaɓe ta Ƙasa (INEC) ta bayyana Tinubu a matsayin wanda ya lashe zaɓen. Tun da fari, Jam'iyyar ta AMP ta nuna rashin gamsuwarta da hukuncin Kotun Sauraron Ƙararrakin Zaɓen Shugaban Ƙasa ta yanke wanda hakan ya…