Labarai - Manhaja - Blueprint Hausa version

26 Feb

Yau INEC za ta fara tattara sakamakon zaɓe a hukumance

EditorLabarai

Daga BASHIR ISAH Shugaban Hukumar Zaɓe ta Ƙasa (INEC), Farfesa Mahmood Yakubu, ya ce yau Lahadi za a fara tattara sakamakon zaɓen Shugaban Ƙasa da na 'yan Majaisar Tarayya a hukumance. Ya bayyana hakan ne a ranar Asabar sa'ilin da yake bayani game da sha'anin zaɓe a Abuja. Yabuku ya ce na'urar BVAS ta yi aiki sosai a galibin wurare a sassan ƙasa, yayin da an fuskanci ƙalubale a wasu ɓangarori. A cewarsa, ƙalubalen da aka fuskanta shi ne na jinkirin da aka samu wajen buɗe wasu rumfunan zaɓe a kan lokacin da aka tsayar, wato ƙarfe 8:30 na safe.

26 Feb

Gobara ta tashi a kasuwar Monday Market a Maiduguri

EditorKasuwanci, Labarai

Daga MUHAMMAD AL-AMEEN, Maiduguri Babbar kasuwar Maiduguri wadda aka fi sani da Monday Market tana ci da wuta, sakamakon tashin gobara da safiyar Lahadi. Ya zuwa haɗa wannan rahoto an ga ma'aikatan kashe gobara na ƙoƙarin daƙile yaɗuwar wuta zuwa sassan kasuwar. Daraktan Hukumar Kwana-kwanan a jihar, Umaru Kirawa, ya tabbatar da aukuwar gobarar sa'ilin da yake zantawa da Kamfanin Dillancin Labarai na Nijeriya (NAN). Ya ce ma'aikatan kashe gobara na jihar tare da haɗin gwiwar takwarorinsu suna aiki tukuru wajen shawo kan gobarar.

25 Feb

Sarkin Kano ya yi kira kan zaɓen shugaba nagari

EditorLabarai

Daga RABIU a SANUSI Kano Mai Martaba Sarkin Kano, Dr. Aminu Ado Bayero, ya bukaci al'umma da su zaɓi cancanta a wannan zaɓen. Dr. Aminu Ado Bayero ya yi wannan kira ne jim kaɗan bayan ya dangwala ƙuri'arsa a akwatinsa da ke cikin Ado Bayero Islamiyya a fadar sa, birnin Kano. Sarkin ya ce kamar yadda kowa ya sani yau ce ranar da ake zaɓen shugaban ƙasa da na 'yan majalisar tarayya. "Kamar yadda kowa ya fito yake zaɓe mu ma yau ya dace mu fito mu gudanar da namu zaɓen ga wanda muka san ya cancanta da muke ganin…

25 Feb

Shettima ya fice daga rumfar kaɗa ƙuri’a sakamakon rashin ma’aikatan INEC

EditorLabarai

Daga AISHA ASAS Mataimakin ɗan takarar shugaban ƙasa na Jam’iyyar APC, Kashim Shettima, a yau Asabar ya isa mazaɓar sa ta Shettimari mai lamba 001 a unguwar Lawan Bukar da ke cikin birnin Maiduguri, sai dai ya kasa kaɗa ƙuri'arsa sakamakon rashin isowar kayan aiki da ma'aikatan INEC. An ruwaito cewa, Shettima ya isa mazaɓar tasa tun misalin goma na safe, sai dai ya tarar da tarin layi na masu jefa ƙuri'a suna tsumayin zuwan ma'aikatan zaɓe tare da kayan aiki, duk da cewa an fara kaɗa ƙuri'a a mazaɓu da yawa da ke faɗin garin. Ɗan takarar, wanda ya…

25 Feb

Sojoji sun bindige ɓarawon akwatin zaɓe a Kogi

EditorLabarai

Daag MAHDI M. MUHAMMAD Sojojin Nijeriya sun bindige wani ɓarawon akwatin zaɓe da ba a san ko wane ne ba a hanyar Ogege, sashin zaɓe na Odaba a gundumar Dekina da ke Jihar Kogi. An tattaro cewa, masu kaɗa ƙuri’a a yankin sun tsere daga filin kaɗa ƙuri’a sakamakon ayyukan ’yan bangar siyasa da suka zo da yawa domin lalata kayayyakin zaɓe. ’Yan barandan da suka bayyana ɗauke da adduna da bindigu sun yi awon gaba da akwatunan zaɓe tare da karya kujeru tare da tarwatsa masu kaɗa ƙuri’a. Bayan harin, an soke zaɓen mazaɓu bakwai na mazaɓar Kogi ta…

25 Feb

An samu dishashewa a wasu takardun ƙuri’a a Kano

EditorLabarai

Daga IBRAHIM HAMISU, a Kano An samu disashewar Jam'iyyar NNPP a takarar ƙuri'a na mazaɓun Kankarofi da gidan makama da ke cikin birnin Kano, Jami'in sa-ido na jam'iyyu, Mukhtar Ishak Dogarai, ya ce "babbar matsalar da muka fara fuskanta ita ce tambari (Logo) na Jam'iyyar NNPP inda ya gita dishi-dishi akwai sunan kowace jam'iyya amma babu na NNPP, kuma logon ma ya fita dishishi." Ya ci gaba da cewa, "inda muke ɗauko kayan zaɓen nan, wato SAS, akwai abin da babu musamman a zaɓen shugaban ƙasa yanzu haka akwai akwatu 14 waɗanda ballot paper ɗin su ba ta cika ba…

25 Feb

Na’urar BAVS za ta taimaka wajen hana maguɗin zaɓe – Gaduje

EditorLabarai

Daga RABIU SANUSI a Kano Gwamna Abdullahi Umar Ganduje na Jihar Kano ya bayyana cewa, samar da na'urar zaɓe ta BVAS da hukumar zaɓe ta yi a wannan karo zai taimaka matuƙa wajen rage maguɗin zaɓe. Ganduje ya bayyana haka ne jim kaɗan bayan kaɗa ƙuri'arsa a mazaɓarsa da ke Ƙaramar Hukumar Dawakin Tofa ta Jihar kano. Dokta Ganduje ya ƙara da cewa, tun daga malaman zaɓen da jami'an tsaro kowa yana ƙoƙarinsa wajen gudanar da aikinsu a wannan zaɓe. Yayin da ake tantance Gwamna Ganduje "Cigaba da aka samu a zaɓen nan shi ne amfani da na'urar zaɓe, kuma…

25 Feb

El-Rufa’i ya koka da yadda talakawa suka ƙi fitowa zaɓe a Kaduna

EditorLabarai

Daga MAHDI M. MUHAMMAD a Kaduna Bayan shafe sama da sa'o'i biyar akan layin kaɗa ƙuri'a a mazaɓarsa, Gwamna Nasir El-Rufai na Jihar Kaduna ya jefa ƙuri'arsa, inda ya bayyana damuwarsa kan rashin fitowar masu kaɗa ƙuri’a a zaɓen shugaban ƙasa da na ’yan majalisun tarayya da aka gudanar a jihar. Da yake jawabi a wata hira da manema labarai a lokacin da yake jiran kaɗa ƙuri’arsa a mazaɓar PU 024 da ke Unguwan Sarki Ƙaramar Hukumar Kaduna ta Arewa, gwamnan ya yi kira ga jama’a da su fito su kaɗa ƙuri’a. Ya yabawa INEC kan inganta harkokin zaɓe, yana…

25 Feb

Masu kaɗa ƙuri’a sun koka da yadda aka warwatsa rumfunan zaɓe

EditorLabarai

Daga MAHDI M. MUHAMMAD Masu kaɗa ƙuri’a a yau Asabar sun koka da warwatsa rumfunan zaɓe wuri-wuri da aka yi musu na kaɗa ƙuri’a tare da bayyana lamarin a matsayin abin takaici. An samu rabe-raben rumfunan zaɓe a wasu wuraren zaɓe, amma wataƙila hukumar INEC na ganin hakan zai kawo sauƙi ga masu kaɗa ƙuri'a ne. Wakilinmu wanda ya sa ido a kan zaɓen shugaban ƙasa da na ’yan majalisun tarayya da aka gudanar a Jahi 1 da Jahi 2 a Ƙaramar Hukumar Abuja (AMAC), ya bayyana cewa masu kaɗa ƙuri’a da suka yi rajista a makarantar firamare ta Jahi…

25 Feb

HOTUNA: Gwamnan Nasarawa ya jefa ƙuri’a

EditorLabarai

Daga TIDZALLA ZACCHAEUS a Nasarawa Gwamnan Jihar Nasarawa, Injiniya Abdullahi Sule, ya kaɗa ƙuri'arsa a mazaɓarsa mai lamba 001 da ke Gudi, cikin Ƙaramar Hukumar Akwanga. Ya kaɗa ƙuri'ar ce da da misalin ƙarfe 11:49 tare da matansa biyu. Gwamna Sule na daga cikin jerin gwamnonin da ke neman wa'adin mulki na biyu.