Labarai - Manhaja - Blueprint Hausa version

26 Feb

Gwamnan Gombe ya gaza kawo wa Tinubu akwatin zaɓensa

EditorLabarai, Siyasa

Daga Daga MAHDI M. MUHAMMAD Gwamnan Jihar Gombe, Muhammad Inuwa Yahaya, ya kasa kawo wa Tinubu akwatinsa zaɓensa, inda ya sha kaye a hannun jam'iyyar PDP. A sakamakon zaɓen da aka sanar da jama'a da dama, ɗan takarar shugaban ƙasa na jam'iyyar PDP, Atiku Abubakar ya samu ƙuri'u 215 inda ya doke ɗan takarar jam'iyyar APC, wanda ya samu ƙuri'u 186 a jam'iyyar. Da yake bayyana sakamakon zaɓen, jami’in zaɓe (PO) na mazaɓar Yahaya Umar 010 da ke makarantar gwamnati ta Gombe, Misheal Thomas ya bayyana cewa jam’iyyar NNPP ta samu ƙuri’u 10 ne kacal yayin da LP ta samu…

26 Feb

An cinna wa ofishin INEC na Takai wuta a Kano

EditorLabarai

Daga SANI AHMAD GIWA a Abuja Hukumar 'yan sanda a Jihar Kano ta tabbatar da cewa an cinna wa ofishin Hukumar Zaɓe na Nijeriya reshen Ƙaramar Hukumar Takai wuta. Kakakin rundunar SP Abdullahi Haruna kiyawa ne ya tabbatar wa da manema labarai faruwar lamarin. 'Yan banga ne suka cinna wa janareton da ake aiki da shi a cibiyar wuta, lokacin da suka shiga wajen ta baya, amma ba wani ci ta yi ba, kuma an kashe ta, tuni muka ƙara yawan jami'anmu a wajen,' inji Kiyawa. Manhaja ta tuntuɓi wani ganau wanda ya ce an cinna wutar kuma ta ƙona…

26 Feb

Wata mata ta fashe da kuka bayan dangwala wa Tinubu ƙuri’a bisa kuskure

EditorLabarai, Siyasa

Daga AISHA ASAS An hango wata mata a mazaɓa mai lamba 047 da ke unguwar Kubwa, a rumfar makarantar firamare da ke cikin birnin tarayya Abuja, tana tana rusar kuka, sakamakon abinda ta kira da tsautsayi da ya afka mata ta hanyar jefa ƙuri'arta ba a inda ta yi niyya ba. Kamar yadda ta faɗa, ta dangwala wa Asiwaju Bola Tinubu, amma fa bisa ga kuskure, domin ba shi ne ta yi niyyar zaɓa ba. Iya ƙoƙari an yi na samun ƙarin bayani daga bakin wannan baiwar Allah kan yadda lamarin ya faru tare kuma da sanin dalilin faruwar wannan…

26 Feb

HOTUNA: Ana gab da fara sanar da sakamakon zaɓe a Kano

EditorLabarai, Siyasa

Daga IBRAHIM HAMISU a Kano Hukumar Zaɓe ta Ƙasa (INEC) reshen Jihar Kano ta shirya fara sanar da sakamakon zaɓe na wasu ƙananan hukumomi guda huɗu a jihar:

26 Feb

INEC ta ƙaddamar da zauren tattara sakamakon zaɓen Shugaban Ƙasa

EditorLabarai, Siyasa

Daga SANI AHMAD GIWA a Abuja Shugaban Hukumar Zaɓe na Ƙasa INEC, Farfesa Mahmood Yakubu ya ayyana buɗe zauren karɓar sakamakon zaɓen Shugaban Ƙasa na 2023 a hukumance. Shugaban na INEC ya ce za a fara tattara sakamakon ne daga gundumomi zuwa ƙananan hukumomi, daga nan sai a kai matakin jiha. Ya ce bayan nan ne kuma za a kai sakamakon zuwa Abuja, babban birnin tarayya, a zauren tattara sakamakon. Yakubu ya ce baturen zaɓe idan ya zo sanar da sakamakon zaven jihar da ya zo da ita, zai faɗi ta yadda kowa zai ji, inda zai faɗi yawan mutanen…

26 Feb

Tinubu ya lallasa Obi a rumfar zaɓen Obasanjo

EditorLabarai, Siyasa

Daga SANI AHMAD GIWA a Abuja Ɗan takarar Shugaban Ƙasa na Jam'iyyar Labour, Peter Obi ya sha kaye a rumfar zaɓe ta tsohon Shugaban Ƙasa Olusegun Obasanjo a zaɓen Shugaban Ƙasa da na 'yan majalisun tarayya na 2023. Ku tuna cewa tsohon shugaban ƙasar ya goyi bayan Obi ne a matsayin ɗan takarar da ya fi so gabanin zaɓen Shugaban Ƙasa. Jim kaɗan bayan ƙidaya sahihan ƙuri’u a mazaɓar Obasanjo da ke gunduma 11, Unit 22, a Ƙaramar Hukumar Abeokuta ta Arewa a Jihar Ogun, ɗan takarar Jam’iyyar All Progressives Congress (APC), Bola Ahmed Tinubu, da ƙuri’u 56 ya kayar…

26 Feb

Mai juna-biyu ta mutu a wajen zaɓe a Zamfara

EditorLabarai, Siyasa

Daga SANUSI MUHAMMAD a Gusau. Wata mata mai juna-biyu mai suna Shamsiya Ibrahim ta yanke jiki ta faɗi matacciya a yayin da take jiran layin kaɗa ƙuri'a yayin zaɓen Shugaban Ƙasa da na 'yan Majalisar Tarayya. Wannan al'amari ya auku ne ranar Asabar a yankin ƙaramar hukumar Tsafe da ke Jihar. Blueprint Manhaja ta tattaro cewa bayan da matar ta yanke jiki ta faɗi, an garzaya da ita Babban Asibitin Tsafe inda aka tabbatar da rasuwarta. Shamsiya ta yi tattaki ne daga yankin Kotorkoshi da ke Ƙaramar Hukumar Bunguɗu zuwa garin Tsafe mai nisan kimanin kilomita 50 don kaɗa ƙuri’arta.…

26 Feb

Ban taɓa ganin zaɓe cikin kwanciyar hankali ba sai a wannan karon – Sanata Barau

EditorLabarai, Siyasa

Daga RABIU SANUSI a Kano Ɗan takarar sanata a Kano ta Arewa ƙarƙashin jam'iyyar APC, Hon. Barau I. Jibrin (maliya), ya bayyana cewa bai taɓa ganin zaɓe cikin kwanciyar hankali makamancin wannan ba. Barau ya bayyana haka ne yayin zantawa da manema labarai jim kaɗan bayan kaɗa kuri'arsa a mazaɓar sa ranar Asabar. "Ina ganin zan samu lashe wannan zaɓe da tazara mai yawa tsakani na da sauran abokan karawa ta," in ji Barau. Kazalika, a yayin gudanar da zaɓen an ji al'umma daga lungu da saƙo wajen gudanar da zaɓen suna kiran sai "Maliyan Kanawa" musamman yadda mutane suka…

26 Feb

Yadda ɗan takarar gwamnan Bauchi a jam’iyyar APC da matarsa, Ministar Jinƙai suka kaɗa ƙuri’unsu

EditorLabarai, Siyasa

Daga Daga MAHDI M. MUHAMMAD Ɗan takarar gwamna na jam’iyyar APC a Jihar Bauchi, kuma tsohon shugaban sojin sama, Sadique Abubakar, tare da matarsa, Ministar Harkokin Jinƙai da Cigaban Jama’a, Sadiya Farouk, sun kaɗa ƙuri’unsu a Zirami Ƙofar Fada 001, a Ƙaramar Hukumar Giade a yankin jihar. Abubakar, a lokacin da yake zantawa da ’yan jarida ya yaba wa Hukumar Zaɓe ta Ƙasa (INEC) kan inganta harkokin zaɓe da kuma ɓullo da tsarin tantance masu kaɗa ƙuri’a na BVAS. Ya ce, “Ya zuwa yanzu, abubuwan sun inganta a yankunan da na ziyarta. Na yi zaɓe a Zirami, Ƙofar Fada Ward…

26 Feb

Dalilin da ya sa kayan zaɓe suka makara a wasu mazaɓun — INEC

EditorLabarai, Siyasa

Daga AMINA YUSUF ALI Chief Emmanuel Chike, wani ma'aikacin INEC ya bayyana cewa, rashin soma kasafta kayan aikin zaɓe a kan kari tun a ranar Juma'a shi ne ya yi sanadiyyar samun tsaiko wajen rarraba su ga mazaɓu a ranar zaɓe ranar Asabar. Chike, jamiin rajista (RAC) a garin Fatakwal Ƙaramar Hukumar Fatakwal ya bayyana wa 'yan jaridu a ranar asabar cewa, sai ƙarfe 6 na yammacin Juma'a sannan hukumar INEC ta soma kasafta kayan aikin da za a rarraba a mazaɓu. Haka kuma a cewar sa, wasu jami'an ma sai ranar Asabar ɗin da sassafe wato ranar zaɓen sannan…