Labarai - Manhaja - Blueprint Hausa version

16 Oct

Ɓatan Naira tiriliyan biyar: Majalisa ta fara binciken hukumomi 252

EditorLabarai

Daga MAHDI M. MUHAMMAD Kwamitin Kula da Asusun Buƙatu na Majalisar Dokokin Tarayya, ya fara binciken kashe Naira tiriliyan 5 da Hukumomi 252 suka yi tsakanin shekarar 2017 zuwa 2021. Binciken na zuwa ne bayan gano hukumomi da dama na karɓar kuɗaɗe daga Asusun ba tare da sahalewar kwamitin da doka ta ba wa damar sa ido a kai ba da Majalisar Dattawan ta yi. Shugaban Kwamitin, Sanata Mathewa Urhoghide ya ce, “muna so mu ga yadda aka kashe waɗannan kuɗaɗen ne, saboda akwai ruɗani akan tsarin fitar da kuɗin. Ya kuma ce, Majalisar za ta aika da sammacin tiso…

16 Oct

Majalisa za ta binciki sojojin ruwa bisa ƙone jirgin da suka kama da ɗanyen man sata

EditorLabarai

Daga SANI AHMAD GIWA a Abuja Majalisar Wakilai ta yanke shawarar bincikar jami’an Rundunar Sojojin Ruwa bisa zargin su da bankawa tare da ƙone jirgin ruwan da suka kama maƙare da ɗanyen man Nijeriya na sata. Hakan ya biyo bayan amincewa da ƙudirin gaggawa kan muhimmancin qasa da ɗan majalisar wakilai Onofiok Luke (PDP- Akwa-Ibom) ya gabatar a zaman majalisar da aka yi ranar Laraba a Abuja. Taken ƙudirin nasa shi ne: ‘Akwai buƙatar a gaggauta gudanar da bincike kan yadda aka ƙona jirgin mai da ake zargin jami’an tsaro na da hannu wajen satar mai’. Hon. Luke ya gabatar…

16 Oct

An rantsar da sabon Gwamnan Ekiti

EditorLabarai

Daga BASHIR ISAH An rantsa da Abiodun Oyebanji a matsayin sabon Gwamnan Jihar Ekiti wanda hakan ya kawo ƙarshen gwamnatin Kayode Fayemi a jihar. A ranar Lahadi Alƙalin Alƙalan Jihar Ekiti, Mai Shari'a Oyewole Adeyeye ya rantsar da Oyebanji da mataimakiyarsa, Misis Monisade Afuye inda za su ci gaba da riƙe ragamar mulkin jihar nan da shekaru huɗu masu zuwa. Taron rantsarwar ya samu mahalarta daga nesa da kusa, ciki har da Gwamna Rotimi Akeredolu da Gwamna Gboyega Oyetola na Jihar Osun da tsohon Gwamnan Ekiti, Ayodele Fayose da sauran baƙi masu yawan gaske. Oyebanji, wanda kafin wannan lokaci shi…

16 Oct

Zan kawo ƙarshen matsalar tsaro a bana – Buhari

EditorLabarai

Daga MAHDI M. MUHAMMAD Shugaban Ƙasa Muhammadu Buhari ya tabbatar wa ’yan Nijeriya cewa zai miƙa wa shugabanni masu zuwa a 2023 ƙasar ba gara ba zago, inda ya tabbatar da cewa, gwamnatinsa za ta kawar da duk wani nau’in ta’addanci. Shugaban Ƙasar a ranar Talata, 11 ga Oktoba, 2022, ya bayar da tabbacin ne a taron Bayar da Lambar Yabo ta Ƙasa na shekarar 2022 da aka gudanar a ɗakin taro na ƙasa da ƙasa da ke Abuja, inda aka karrama ’yan Nijeriya sama da 400 da wasu baqi bakwai da yabo na ƙasa daban-daban. “Za mu cigaba da…

16 Oct

Kada a bari ASUU ta sake shiga yajin aiki a ƙasar nan, kiran Gbajabiamila ga Gwamnati

EditorLabarai

Daga BASHIR ISAH Shugaban Majalisar Wakilai, Femi Gbajabiamila, ya yi kira ga Gwamnatin Tarayya a kan kada ta Ƙungiyar Malaman Jami'o'i (ASUU) ta sake shiga yajin aiki a ƙasar nan. Gbajabiamila ya faɗi haka ne a martanin da ya yi ranar Juma'a dangane da janye yajin aiki na wata takwas da ASUU ta yi kwanan nan. Ya ce har yanzu ba a warware matsalolin da ke tsakani ba, don haka ya buƙaci gwamnati da ƙungiyoyi da sauran 'yan ƙasa da a soma tattaunawa kan makomar manyan makarantun gwamnatin ƙasar nan. Ya ƙara da cewa, "Ina godiya ga takwarorina na Majalisar…

15 Oct

Kotu ta yanke wa masu zambar kuɗaɗe hukuncin shekaru shida a gidan yari a Kano

EditorLabarai

Daga SANI AHMAD GIWA a Abuja Kotu ta yanke wa masu zamba uku hukuncin shekaru shida a gidan gyaran hali a Kano. Masu shari’a Nasiru Saminu da Usman Na’abba na babbar kotun Jihar Kano, sun yanke wa wasu mutane uku; Almustapha Nasir, Isma’il Salisu da Yakubu Shuaibu Abdullahi hukuncin ɗaurin shekaru shida a gidan gyaran hali. An yanke musu hukuncin ne bayan sun amsa laifin zamba da hukumar EFCC shiyyar Kano ta gabatar a kansu. Mai shari’a Saminu ya yanke wa Nasir da Salisu hukunci ranar Alhamis, 6 ga watan Oktoba, 2022, yayin da mai shari’a Na’abba ya yanke wa…

15 Oct

Nan da kwanaki 80 za a kakkaɓe matsalar tsaro a Nijeriya – Ministan Cikin Gida

EditorLabarai

Daga SANI AHMAD GIWA a Abuja Ministan Harkokin Cikin Gida, Rauf Aregbesola, ya tabbatar wa ‘yan Nijeriya cewa nan da watan Disamba za a kakkave duk wata matsalar tsaron da ta dabaibaye Nijeriya. Aregbesola ya bada wannan tabbacin lokacin da ya ke tattaunawa da Kamfanin Dillancin Labarai na Nijeriya (NAN), a Abuja. Minista ya ce Shugaba Muhammadu Buhari ya bada wa’adin cewa lallai daga nan zuwa Disamba dukkan hukumomin tsaron su tabbatar da sun samar da dawwamammen zaman lafiya a dukkan faɗin ƙasar nan. Ya ce Buhari ya ce ba zai sauka daga mulki ba tare da ya daƙile matsalar…

15 Oct

Masari ya janye dokar hana hawa babura a Katsina

EditorLabarai

Daga UMAR GARBA a Katsina Gwamnan Jihar Katsina Aminu Bello Masari, ya janye dokar nan ta hana hawa babura a faɗin jihar. Bayanin haka yana ƙunshe cikin wata sanarwa da mai ba wa gwamnan jihar shawara kan harkar tsaro, Ibrahim Ahmad Katsina ya fitar. Gwamna Masari ya bayyana cewar, an janye dokar ne domin ba wa masu bukukuwan Mauludi damar gudanar da hidindinmunsu a sassan jihar. Watan Rabi'ul Awwal shi ne watan da aka haifi fiyayyen halitta Annabi Muhammad (S.A.W) inda al'umar jihar kan shirya majalisi na karatuttuka don nuna farin cikinsu da samuwar Annnabi S.A.W. Janye dokar ya fara…

15 Oct

Za a iya magance cin hanci da rashawa idan kowane ɗan Nijeriya zai bada haɗin kai – Dariye

EditorLabarai

Daga SANI AHMAD GIWA a Abuja Tsohon gwaman Jihar Filato, Joshua Dariye, ya bayyana cewa za a iya kawo ƙarshen cin hanci da rashawa a ƙasar nan idan har kowane ɗan Nijeriya zai bayar da haɗin kai. Sanatan ya bayyana hakan ne a a ranar Litinin, yayin wata hira da gidan talbijin ɗin Channels a shirin NewsNight. Dariye ya kuma bayyana cewa hukunta shi da aka yi tare da tsohon gwamnan Jihar Taraba, Jolly Nyame, kan aikata rashawa bai kawo ƙarshen sama da faɗi da ake yi kan dukiyar ƙasar ba. “An ɗaure Dariye da Nyame a magarƙama. Shin ya…

15 Oct

Sojoji sun kama tabar wiwi ta Naira miliyan 4.9 a Yobe

EditorLabarai

Daga MOHAMMED AL-AMEEN a Damaturu Rundunar sojoji ta haɗin gwiwa ta shiyyar Arewa maso Gabas da ke Damaturu a Jihar Yobe ta miƙa buhunan tabar wiwi guda 98 wanda kuɗinsu ya kai Naira miliyan 4.9 ga Hukumar Yaƙi da Sha da Fataucin Miyagun Ƙwayoyi ta Ƙasa (NDLEA). Kwamandan sashin, Manjo-Janar Koko Isoni ne ya bayyana haka a lokacin da ya ke miƙa wa hukumar kayayyakin da aka kama a ranar Litinin a Damaturu. Kwamandan, wanda ya samu wakilcin shugaban ma’aikatansa, Birgediya Janar Umar Mu’azu, ya ce dakarun bataliya ta 159 da ke Ƙaramar Hukumar Geidam ne su ka kama kayan…