Editor - Manhaja - Blueprint Hausa version

18 Nov

Shawarwari 4 na Ƙasar Sin za su taimaka wajen samar da sabon abun al’ajabi a Asiya da yankin Tekun Pasifik

EditorKasashen Waje

Daga CMG HAUSA Ranar 18 ga wata, shugaban ƙasar Sin Xi Jinping na ƙasar Sin ya bayyana cikin jawabinsa a yayin ƙwarya-ƙwaryar taron shugabanni mambobin ƙungiyar haɗin kan tattalin arziki ta Asiya da yankin tekun Pasifik APEC karo na 29 cewa, yanzu duniya ta sake shiga muhimmin lokaci a tarihi. Asiya da yankin tekun Pasifik suna ƙara taka muhimmiyar rawa, yayin da matsayinsu ya samu ingantuwa sosai. A cikin jawabinsa, Xi Jinping ya gabatar da shawarwari guda 4 kan yadda za a hada hannu wajen raya makomar bai ɗaya a Asiya da yankin tekun Pasifik a sabon halin da ake…

18 Nov

Peng Liyuan ta ziyarci ɗakin adana kayan tarihi na fasaha na birnin Ayutthaya na Thailand

EditorKasashen Waje

Daga CMG HAUSA A yau da safe, bisa gayyatar da uwargidan firaministan ƙasar Thailand Naraporn Chan-ocha ta yi mata, uwargidan shugaban ƙasar Sin Peng Liyuan, ta ziyarci dakin adana kayan tarihi na fasaha na birnin Ayutthaya tare da abokan zaman shugabanni da wakilai masu halartar taron karba-karba na shugabannin mambobin ƙungiyar haɗin gwiwar tattalin arziki ta Asiya da yankin tekun Pasifik wato APEC karo na 29. An kafa dakin adana kayan tarihi na fasahar ne bisa ra’ayin mahaifiyar sarkin ƙasar Thailand Sirikit Kitiyakara, don yada fasahohin hannu na gargajiya na ƙasar, da kuma taimakawa matalauta a yankunan karkara samun kuɗin…

18 Nov

2023: Duk jihar da rikicin siyasa ya tashi laifin gwamnoni ne – Mathew Kukah

EditorLabarai

Daga SANI AHMAD GIWA a Abuja Babban Limamin Ɗariƙar Cocin Katolika na Sakkwato, Mathew Kukah, ya yi kira ga ‘yan Nijeriya cewa su ɗora laifin ɓarkewar rikice-rikicen siyasa a kan gwamnonin jihohi. Ya ce akasari duk rikicin siyasar da ya tashi da wanda zai tashi kafin nan da zaɓen 2023, duk gwamnonin jihohi ne musabbabinsu. Kukah ya yi wannan tsokaci a cikin wata hira da gidan talabijin na Arise TV ya yi da shi a ranar Talata. Ya ce wasu gwamnonin jihohi ƙiri-ƙiri su na hana jam’iyyun siyasa yin amfani wuraren taruka mallakar jihohi, lamarin da faston ya ce hakan…

18 Nov

Da ni za a yi gwagwarmayar kamfen ɗin Tinubu har sai mun kai ga nasara – Buhari

EditorSiyasa

Daga SANI AHMAD GIWA a Abuja Shugaban Ƙasa Muhammadu Buhari ya lashi takobin ganin ɗan takarar Shugaban Ƙasa na APC, Bola Ahmed Tinubu ya kai ga nasara a zaɓen da ke tafe. Buhari ya bayyana haka a wajen taron kamfen ɗin Jam’iyyar APC da aka yi a garin Jos, Jihar Filato. A cewarsa, Shugaba Buhari ya bayyana wa miliyoyin magoya bayan Jam’iyyar APC cewa bai zo garin Jos don ya karanta dogon jawabi ba, ”Na zo ne domin in miƙa tutar APC ga ɗan takarar shugaban ƙasar mu, wanda zai gaje ni, wato Bola Tinubu. ”Jam’iyyar mu ta ɗauki matsaya…

18 Nov

Mbappe na ƙoƙarin maye gurbin Ronaldo a Man United

EditorWasanni

Daga MAHDI M. MUHAMMAD Rahotanni daga lasar Ingila sun bayyana cewa ƙungiyar Ƙwallon Ƙafa ta Manchester United tana son ɗaukar ɗan wasan gaba na ƙungiyar Ƙwallon Ƙafa ta Paris Saint German, Kylian Mbappe a matsayin wanda zai maye gurbin Cristiano Ronaldo. Kwanan nan ne dai ɗan wasan wanda ya lashe kyautar Ballon d’Or sau biyar ya shiga wata tattaunawa mai zafi da Piers Morgan, inda ya nuna ɓacin ransa kan abubuwa da dama na ƙungiyar Man United. Ronaldo ya ce, baya wani nuna girmamawa ga Erik ten Hag kuma ya yi ikirarin cewa wasu Jami’an ƙungiyar da yawa sun yi…

18 Nov

Macron na son a bai wa Afrika babban matsayi a G20

EditorKasashen Waje

Daga AISHA ASAS Shugaba Emmanuel Macron na Faransa ya bayyana goyon bayansa kan bai wa Tarayyar Afrika kujerar din-din-din a ƙungiyar G20 ta mafiya warfin tattalin arzikin duniya, kwatankwacin wadda Tarayyar Turai ke da ita. A jawabinsa gaban manema labarai a tsibirin Bali, shugaba Macron ya ce, kamar yadda Ƙungiyar Tarayyar Turai EU ke da ta cewa, a cikin G20 kamata ya yi ita ma AU ta samu makamancin matsayin. Zuwa yanzu dai Afrika ta Kudu ce ƙasa ɗaya tilo daga nyahiyar Afrika da ke cikin ƙungiyar ta G20, guda cikin manyan ƙungiyoyi da ke cimma matsaya game da muhimman…

18 Nov

Gwamna Buni ya tallafa wa marayu 200 da Naira 50,000 kowanne

EditorLabarai

Daga MUHAMMAD AL-AMEEN, Damaturu Gwamnan Jihar Yobe, Hon. Mai Mala Buni ya umurci Ma’aikatar Ƙirƙiro Hanyoyin Tattalin Arziki da Ayyuka ta bai wa zawarawa 400 tallafin dogaro da kai. Gwamnan ya bayar da wannan umarnin ne a ranar Asabar a lokacin da ya karɓi baƙuncin marayu 200 daga ƙananan hukumomi 17 dake faɗin jihar. Bugu da ƙari kuma, gwamnan ya tallafa wa kowane maraya ɗaya daga cikin adadin marayu 200 da kyautar Naira 50,000, sannan kuma shaidar da cewa sun cancanci kulawar gwamnati da sauran al’umma baki ɗaya. Ya ce ya zama dole a tallafa musu tare da bai wa…

18 Nov

Ya zama dole Gwamnatin Tarayya ta bunqasa kiwo a Nijeriya – Sanata Lawan

EditorLabarai

Daga MUHAMMAD AL-AMEEN a Damaturu Shugaban Majalisar Dattawan Nijeriya, Sanata Ahmad Ibrahim Lawan, ya sha alwashin cewa zauren majalisar dattawan Nijeriya zai yi ƙoƙarin tabbatar da cewa Gwamnatin Tarayya ta tallafa wa harkokin kiwon dabbobi a ƙasar nan a matsayinsa na ɗaya daga cikin manyan ginshiƙan ci gaban tattalin arzikin ƙasar nan. Sanata Lawan ya sanar da hakan a ƙarshen mako, a sa'ilin da yake ƙaddamar da allurar rigakafi ga dabbobi kyauta a qauyen Jajuwa da ke ƙaramar hukumar Jakusko a jihar Yobe; shirin da Gidauniyar SAIL Foundation a ƙarƙashin sa ke ɗaukar nauyin gudanar da shi tun shekarar 2018,…

17 Nov

Kenya: CMG ya shirya taro mai taken “Sin da sassan duniya sun kama sabon tafarki”

EditorKasashen Waje

Daga CMG HAUSA An gudanar da wani taron karawa juna sani tsakanin kafafen watsa labarai na ƙasar Sin da ƙasashen Afrika, mai taken “Sin da sassan duniya sun kama sabon tafarki”, wanda reshen babban gidan rediyo da talibijin na ƙasar Sin na CMG a Afrika ya karɓi baƙuncinsa a birnin Nairobin ƙasar Kenya jiya. Shugabannin kafafen watsa labarai da masana da malamai 60, daga ƙasashe 20, da suka hada da Kenya da Rwanda da Tanzania da Madagascar da Sudan ta Kudu da Zambiya da Saliyo ne suka yi tattaunawa mai zurfi, kan maudu’ai da suka haɗa da “ Me sabon…

17 Nov

Xi ya yi kira da dunƙule tattalin arzikin Asia da Pasifik yayin da ake fuskantar ƙalubale

EditorKasashen Waje

Daga CMG HAUSA Shugaba Xi Jinping na ƙasar Sin, ya bayyana a yau Alhamis cewa, yayin da ake fuskantar sabbin sauye-sauye, akwai bukatar mambobin ƙungiyar haɗin gwiwar raya tattalin arzikin Asiya da Pasifik wato APEC, su yi waiwaye su dauki darasi daga tarihi, su tunkari ƙalubalen da ake fuskanta yanzu, tare da jajircewa wajen dunkule tattalin arzikin yankin Asia da Pasifik. Xi Jinping wanda ya bayyana haka cikin rubutaccen jawabin ga taron ƙolin shugabannin masana’antu da kasuwanci na ƙungiyar APEC, ya yi kira da a haɗa hannu wajen samar da sabbin nasarori a fannin ci gaba da gina al’ummar Asia…