Editor - Manhaja - Blueprint Hausa version

09 Sep

Matsin rayuwa ya tilasta min sakin matata, inji wani magidanci a Katsina

EditorLabarai

Daga UMAR GARBA a Katsina Wani magidanci Amiru Sani mai kimanin shekara 27 a duniya ya bayyana wa manema labarai a Katsina cewar ya saki uwargidansa saboda yanayin matsin rayuwa da ya shiga. Magidancin mai mata biyu ya bayyana cewar yana matuƙar son matar tasa amma saboda matsin tattalin arziki da ya shiga ba zai iya cigaba da ɗaukar nauyinta ba. "Ba don ba na sonta ba, ba don na gaji da zama da ita ba, na saketa ne kawai don samar wa kaina sauƙi daga halin tsadar rayuwar nan da muka samu kanmu a ciki," inji shi. Amiru Sani…

09 Sep

Koyar da ɗalibai da harshen Hausa zai magance matsalar ilimi a Kano – Munzali Jibril

EditorLabarai

Daga IBRAHIM HAMISU a Kano Fitaccen masani kuma malamin harshen Turanci Farfesa Munzali Jibril ya ce koyar da ɗalibai da harshen Hausa shi ne kaɗai mafita ga matsalar ilimi a Arewacin ƙasar nan. Munzali Jibril ya bayyana hakan ne yayin taron wuni ɗaya da ilahirin ‘yan takarar gwamna a mabanbantan jam’iyyu domin gabatar musu da manufofin da za su ciyar da Kano da Jigawa gaba. Taron wanda Zauren Ƙwararru na Kano da Jigawa wato (Kano Jigawa Professional Forum) ya shirya da manufar kawo gyara kan yadda ake tafiyar da al’amura a jihohin biyu. Farfesa Munzali ya ce ɗalibai da dama…

09 Sep

Babu barazanar tsaro ga zaɓen 2023 — Sufeto-Janar

EditorLabarai

Daga SANI AHMAD GIWA a Abuja Sufeto-Janar na 'yan sandan Nijeriya, Usman Alkali Baba, ya tabbatar da cewa babu wata barazana ga gudanar da zaɓen 2023. Sufeto-Janar ya bayar da wannan tabbaci ne a wata sanarwa da jami’in hulɗa da jama’a na rundunar, CSP Olumuyiwa Adejobi, ya fitar a ranar Lahadi a Abuja. A cewar Baba, wannan tabbacin ya biyo bayan nazarin barazanar tsaro da 'yan sanda su ka yi, ta yin amfani da mafi kyawun tsari a duniya don tabbatar da yanayin da ake sa ran za a gudanar da zaɓen. Baba ya yi magana ne a wata ganawa…

08 Sep

PDP ta maye gurbin Walid Jibrin da Adolphus Wabara a matsayin shugaban Kwamitin Amintattunta

EditorSiyasa

Daga BASHIR ISAH Babbar jam'iyyar hamayya (PDP) ta naɗa tsohon Shugaban Majalisar Dattawa, wato Adolphus Wabara, a matsayin shugabn Kwamitin Amintattu (BoT) na jam'iyyar. Kodayake naɗin na riƙon ƙwarya ne, hakan ya biyo bayan murabus ɗin da Sanata Walid Jibrin ya yi ne a matsayin shugaban kwamitin. A ranar Alhamis Jibrin ya ba da sanarwar ajiye muƙaminsa a lokacin da ake tsaka da gudanar da taron kwamitin a Abuja. Ya ce ya yanke shawarar ajiye muƙamin nasa ne don warware wasu matsalolin da jam'iyyarsu ta PDP ke fuskanta, musamman kan abin da ya shafi shugabancin jam'iyyar don tunkarar babban zaɓen…

08 Sep

Xi Jinping ya ƙarfafa wa ɗaliban jami’a gwiwar koyon ilmin malanta don taimaka wa yankuna masu ƙarancin cigaba

EditorKasashen Waje

Daga CMG HAUSA Shugaban ƙasar Sin Xi Jinping ya amsa wasiƙar da ɗaliban jami'ar horar da malamai ta Beijing suka rubuta masa a jiya Laraba, ɗaliban da suke koyon ilmin malanta don tallafa wa yankuna masu ƙarancin ci gaba dake yankin tsakiya da yammacin ƙasar. Shugaba Xi ya yi musu kyakkyawar fata yayin da ake bikin cika shekaru 120 da kafuwar jami'ar da ranar malamai karo na 38, inda shugaba Xi ya yiwa dukkanin malamai a ƙasar fatan alheri. A cikin wasiƙar da ya rubutawa waɗannan ɗalibai, shugaba Xi ya ce, tun lokacin da kuka shiga makarantar shekara guda, kun…

08 Sep

Shawarar ziri ɗaya da hanya ɗaya riba ce ga ƙasashe masu tasowa

EditorKasashen Waje

Daga SAMISU HASSAN Yayin da ƙasashen duniya ke ci gaba da nazari, da fafutukar neman kyakkyawar makoma a wannan mawuyacin lokaci da duniya take ciki, musamman ta fuskar koma bayan tattalin arziki, da gurguncewar sassa daban daban na ci gaba, sakamakon bullar annobar COVID-19, da rikicin ƙasar Ukraine da suka haifar da mummunar illa ga duniya, a hannu guda, ƙasashe musamman masu tasowa, na da kyakkyawan fatan samun ci gaba da wadata, ƙarƙashin ayyukan da ake ci gaba da gudanarwa, bisa shawarar nan ta Ziri Ɗaya da Hanya Ɗaya wadda ƙasar Sin ta gabatarwa duniya. Cikin irin waɗannan ayyuka da…

08 Sep

Kamfanin Sin ya kammala aikin gina tashar samar da lantarki ta Ruzibazi a Burundi

EditorKasashen Waje

Daga CMG HAUSA An yi bikin murnar kammala aikin gina tashar samar da wutar lantarki bisa ƙarfin ruwa ta Ruzibazi da kamfanin ƙasar Sin ya yi a ƙasar Burundi a ranar 6 ga wata. Shugaban ƙasar Evariste Ndayishimiye ya halarci bikin, tare gabatar da jawabi, inda ya yabawa namijin kokarin da kamfanin ƙasar Sin ya yi wajen kammala aikin a kan lokaci. Shugaba Ndayishimiye ya nuna jin daɗinsa ga ɓangaren ƙasar Sin, bisa haɗin gwiwar da take yi da ƙasar Burundi a fannonin samar da ababen more rayuwa da aikin gona, ya kuma yaba wa ƙasar Sin kan yadda ta…

08 Sep

Ma’anar harshe da adabi

EditorAdabi

"Harshe a wurin ɗan'adam linzami ne na tunani" Daga SANI SHEHU LERE Wannan rubutu ƙarin haske ne ga masu yanke wa ilimin Harshe da Adabi hukunci da mahangar addini, alhali harshe ba shi da addini balle a hukunta shi da shi. Ma'anar Harshe Da farko ya kamata mu san cewa idan na ce "harshe‟ ina nufin harshen da ɗan'Adam yake yin amfani da shi wajen sadarwa. Wannan shi yake nuni da cewa harshe shi ne tubalin ginin al'umma. Duk wata al'umma ta duniya tana da harshen da jama'arta suke yin amfani da shi wajen fahimtar juna a tsakaninsu. Babu wata…

08 Sep

‘Sanadin Kenan’ (3)

EditorAdabi

Daga FATIMA IBRAHIM GARBA DAN-BORNO Yau asabar ya yi daidai da ranar da aka ɗibarwa Sulaiman a matsayin ranar da zai mallaki matarsa Asma'u. Ya fito yana walwali ya ji alamun numfarfashi. Har zai wuce ya dawo. A bakin ƙofar ɗakin mai kama da bukkan wasan yara ya tsaya ya ce, "Menene haka kike yi kamar mai shirin haihuwa?" Muryarta bata fita sosai ta ce,"Kaina ciwo yake yi mini, ka taimaka min da magani. Ina jin wani abu kamar allura yana tsikarina." Nan da nan zuciyar Sulaiman ta sanar da shi tsabar kishi ne ke ɗawainiya da ita, take so…

08 Sep

A taimaka wa waɗanda ambaliyar ruwa ta shafa

EditorRa'ayi

Daga ABBA ABUBAKAR YAKUBU A cikin wannan mako mai ƙarewa jihohi da dama na arewacin ƙasar nan sun samu mamakon ruwan sama, wanda a dalilin haka aka fuskanci ambaliya mai tsananin gaske. Jihohi irin su Kano, Jigawa, Neja, da kuma Filato. A dalilin wannan ambaliya an samu asarar rayuka da dukiyoyi ciki kuwa har da amfanin gona da kayan abinci. Tun kafin saukar damina, Hukumar Kula da Yanayin Ruwa ta Nijeriya (NIHSA) ta fitar da rahoto kan yadda daminar bana za ta kasance, abin da ya tayar da hankalin jama'a da dama a ƙasar nan. Manazarta da masu hasashe kan…