Editor - Manhaja - Blueprint Hausa version

15 Jan

ECOWAS ta tusa Gwamnatin Sojin Mali gaba

EditorKasashen Waje

Daga AISHA ASAS Tun bayan yin murabus da shugaban riƙon ƙwaryar Mali, Bah Ndaw da firaministansa Moctar Ouane kwanaki biyu bayan da soji suka yi mu su juyin mulki, kana suka tsaresu, wanda Majalisar Ɗinkin Duniya da ma ECOWAS da sauran ƙasashen duniya, suka buƙaci a sake su kana a mayar da ƙasar kan turbar mulkin dimukuraɗiyya. Maimakon a lokacin mutane su nuna farin ciki da jin daɗin kifar da gwamnatin kamar yadda su ka yi murna da hamɓarar da gwamnatin Ibrahim Boubacar Keita a watan Agustan bara; a wannan karo sai su ka fita zanga-zangar nuna ƙyama ga matakin…

15 Jan

Ɗan wasan Madrid, Isco, na shirin ƙulla yarjejeniya da Barcelona

EditorWasanni

A karon farko cikin kusan shekaru 15, ana shirin samun sauyin sheƙar ɗan wasa kai tsaye tsakanin manyan abokan hamayya a gasar La Liga, wato Real Madrid da Barcelona FC. Rabon da a ga irin wannan sauyin sheƙa dai tun shekara ta 2007, lokacin da Javier Saviola ya koma Real Madrid daga Barcelona. A halin yanzu kuma ɗan wasan tsakiyar Real Madrid, Isco Alcaron, ke shirin sauyin shekar zuwa Camp Nou. Tuni dai aka tsegunta cewar har ma Isco ya gana da kocin Barcelona Xavi Hernandez. Ɗan wasan mai shekaru 29 a yanzu shi ne na 5 a matakin muhimmanci…

15 Jan

Siyasar Bauchi: Rikicin Dogara da Bala ya ƙazance

EditorBabban Labari

*…Bayan kai wa sarakunan jihar farmaki*Gwamnan ya maka tsohon kakakin a kotu Daga BAKURA K. MUHAMMAD a Bauchi Gwamna Bala Mohammed da abokin adawar siyasarsa a Bauchi kuma tsohon Kakakin Majalisar Wakilai ta Nijeriya, Rt. Hon. Yakubu Dogara, sun dulmiya cikin kogin shari’a, don lalubo bakin zaren wanda ya fi yin tasiri a tsakaninsu a cikin al’ummar Sayawa da ke jihar ta Bauchi. Gwamna Bala dai ya rattaba abokin adawar tasa ne tare da wasu abokan tarayyarsa guda 28 a Babbar Kotun Jihar Bauchi bisa zarge-zarge 11, waɗanda suke da nasaba da aikata muggan laifuka na tashe-tashen hankali. Sanata Bala,…

15 Jan

Mun sasanta ma’aurata 3,579 a Jigawa – Hisbah

EditorLabarai

Daga SANI AHMAD GIWA a Abuja Hukumar Hisbah ta Jihar Jigawa ta ce ta sasanta ma'aurata 3,579 a 2021, kamar yadda Kwamnadan ta na jihar, Ibrahim Ɗahiru ya bayyana. Ɗahiru ya bayyana hakan a wata tattaunawa ta musamman da Kamfanin Dillancin Labarai na Ƙasa NAN, a Dutse a Alhamis da ta gabata. Kwamnadan ya yi bayanin cewa haƙƙin hukumar ne ta sasanta ma'aurata.Ya kuma bayyana cewa hukumar ta sasanta tsakanin 'yan kasuwa 41, iyaye da 'ya'yn su 221, maƙwabta 319 da manoma da makiyaya 71. "Sasanta tsakanin al'umma abu ne mai amfani da ya ke wanzar da soyayya da zaman…

15 Jan

Ƙasashe 51 sun haramta amfani da kuɗin Kirifto

EditorKasuwanci

Daga AMINA YUSUF ALI Duk da irin shuhurar da tsarin samar da kuɗi ta hanyar cinikayyar sulalla ta yanar gizo, wato Kirifto Karansi ko Bit Koyin har yanzu ya kasa samun cikakkiyar karɓuwa a duniya. A halin yanzu bincike ma ya shaida cewa, yawan ƙyamatar Kirifto ya ƙara ninkuwa ne a 'yan shekarun nan ma fiye da duk shekarun baya. Tun a shekarar 2018 ne dai da ma aka samu adadi mai tsoka na ƙasashen Duniya waɗanda suka haramta amfani da tsarin kuɗin a cikin ƙasashensu. Inda jimillar ƙasashen da suka soke Kirifto ɗin suka kai 42 wato bayan da…

15 Jan

2023: Ƙauran Bauchi ya nemi a shure baƙin haure a zaɓen gwamna

EditorSiyasa

Daga BAKURA K. MUHAMMAD a Bauchi Bisa hangen gabatowar zaɓen gama-gari na ƙasa, Gwamna Bala Mohammed na Jihar Bauchi ya gargaɗi masu kaɗa ƙuri’a da kada su zaɓi baƙin ‘yan takara, musamman ma waɗanda suka shigo daga ƙasashen ƙetare na maƙwabta. Gwamnan, ya yi wannan gargaɗi ne yayin da yake ganawa da shugabannin gundumomi na jam’iyyar PDP na ƙaramar hukumar ta Alkaleri, wacce ta kasance gida a gare shi, a wani taron ganawa da juna da suka yi a yankin ƙaramar hukumar, a kwanakin baya. Sanata Bala, wanda shi ke riƙe da sarautar gargajiya ta Ƙauran Bauchi, ya ce dole…

15 Jan

Hukumar ‘Civil Defence’ ta haramta ayukkan jami’anta na sa-kai a Sakkwato

EditorLabarai

Daga AMINU AMANAWA a Sakkwato Hukumar samar da tsaro ga farin kaya ta Civil Defence ta haramta ayukkan jami'anta na sakai a Sakkwato wato boluntiya da ke aiki ƙarƙashin hukumar. Ɗaukar wannan matakin da hukumar ta yi dai ya biyo bayan yawaitar zarge-zargen aikata ababen da suka saɓa wa doka daga jami’an hukumar na sa kai. A wata sanarwa da hukumar ta fitar wadda ke ɗauke da sa hannun jami'in hulɗa da jama'a na rundunar da ke Jihar Sakkwato, Hamza Adamu Illela, hukumar ta bayyana cewa izuwa yanzu ta dakatar da dukkan ayyukkan waɗannan jami'an sa kai saboda samun su…

15 Jan

Sai Gwamnatin Buhari ta sauka ‘yan Nijeriya za su riƙa yaba ayyukanmu – Sanata Lawan

EditorLabarai

Daga SANI AHMAD GIWA a Abuja Shugaban Majalisar Dattawan Nijeriya, Sanata Ahmad Lawan, ya bayyana cewa, mafi yawan ’yan Nijeriya na kwana da tashi cikin farin ciki da su ’yan majalisa. Wannan farin cikin kuwa, jin daɗi ne da su ke yi ga mulkin Shugaba Muhammadu Buhari. Ya ce, sai ma bayan sun kammala wa’adin mulkinsu ne akasarin ‘yan Nijeriya za su riƙa santin rubutawa da furta kalaman alheri kan Majalisar Dattawa da ta Wakilai da ma Gwamnatin Shugaba Muhammadu Buhari, dangane da ɗimbin nasarorin da suka samar. Lawan ya yi wannan bayani ne a wurin wani taron taya shi…

14 Jan

Shan ƙwayoyi da karuwanci suka jawo rufe sansanin ’yan gudun hijira a Maiduguri – Zulum

EditorLabarai

Daga MUHAMMAD AL-AMEEN a Maiduguri Gwamnan Jihar Borno, Babagana Umara Zulum, ya bayyana dalilan da suka sa gwamnatin jihar ta ɗauki matakin rufe sansanonin 'yan gudun hijira da ke birnin Maiduguri, inda ya ƙara da cewa saboda yadda aka wayi gari baɗalar karuwanci, shan miyagun ƙwayoyi, da makamantan su ne ke neman mamaye matsugunan. Har wala yau, gwamnan ya ƙara da cewa, babu wani shugaba mai kishin al'ummar sa da zai zuba ido hakan ta ci gaba da faruwa ga jama'ar da ya ke shugabanta. Gwamna Babagana Zulum ya bayyana hakan a jawabin murna da sabuwar shekara wanda ya yi…

14 Jan

Kansiloli sun dakatar da shugaban ƙaramar hukuma a Neja

EditorSiyasa

Bayanan da MANHAJA ta kalato daga jihar Neja na nuni da cewa, kansilolin ƙaramar Hukumar Mariga a jihar sun dakatar da shugaban ƙaramar hukumar, Hon. Idris Ibrahim T.O na tsawon watanni uku. Bayanin dakatarwar na ƙunshe ne cikin wata takarda da kansilolin ƙaramar hukumar suka sanya wa hannu. Shugaban majalisar kansilolin, Hon. Aliyu Bagga Mohammed ya bayyana wa gidan rediyon Landmark da ke Kontagora cewa, suna zargin shugaban ƙaramar hukumar da aikata wasu laifuka shi ya sa suka ɗauki matakin dakatar da shi domin bada zarafin gudanar da bincike a kansa.