Editor - Manhaja - Blueprint Hausa version

07 Nov

Wanda ake tuhuma da kisa ya buƙaci alƙali ya ɗaura masa aure

EditorLabarai

Wani mutum da aka gurfanar a gaban kotu kan zargin aikata kisa ya buƙaci alƙalin da ke sauraron shari’ar ya ɗaura masa aure da masoyiyarsa ana tsaka da zaman kotu. Ana tuhumar Kashwan Flower da harbe wani mutum a yankin New York na Jihar Pennsylvania da ke ƙasar Amurka ne. Lauyan wanda ake tuhumar ɗin, Attoni Brian Perry, ne ya gabatar da buƙatar a gaban alƙalin kotun ranar Talata ana tsaka da zaman shari’ar, yana mai roqa masa alfarma alƙalin da ya ɗaura aurensa da masoyiyarsa a kotun bisa la’akari da cewa, masoyiyar tasa ba ta cikin waɗanda za su…

07 Nov

Wasu ’yan bindiga sun kashe junansu wajen rabon kuɗin fansa a Taraba

EditorLabarai

Wasu haɗamammun ’yan bindiga masu garkuwa da mutane sun sheƙe juna a Jihar Taraba bayan da hayaniya ta kaure a tsakaninsu lokacin da suke ƙoƙarin raba kuɗin fansar da aka ba da na wani wanda suka yi garkuwa da shi. Rikicin ya kaure ne a tsakaninsu a lokacin da suke shirin kasafta kuɗin da suka karɓa a hannun wani ɗan kasuwa da suka kama a garin Jalingo a makonnin baya. Rahotanni sun nuna cewa, rikicin ya kaure ne a bayan wani dutse da ’yan bindigar suke ɓoyewa a kusa da wani ƙauye a Ƙaramar Hukumar Ardo Kola da ke Jihar…

07 Nov

Shugaban majalisa ya buɗe wasu ayyukan sanata a Kebbi

EditorLabarai

Daga JAMIL GULMA a Kebbi Shugaban majalisar dattawa Sanata Ahmed Lawan jiya Alhamis ya buɗe wasu ayyukan da Sanata Dakta Yahaya Abubakar Abdullahi Mallamawan Kabi mai wakiltar gundumar Kebbi ta arewa ya aiwatar a garin Argungu. Da ya ke jawabi a wajen ƙaddamar da titin ‘Sanata Adamu Aliero’ wanda ya tashi daga mahaɗar babban titin Sakwato zuwa cikin anguwar Gazange, shugaban majalisar dattawan ya yaba wa Sanata Dakta Yahaya bisa ga irin wakilcin da ya ke bai wa al'ummar mazaɓarsa, inda ya ce, yadda mutanen da ya ke wakilta a majalisar dattawa shaida ne saboda a fili ya ke ƙarara…

07 Nov

Sanata Yahaya ya ja kunnen ‘yan siyasa

EditorLabarai

Daga JAMIL GULMA a Kebbi Sanata mai wakiltar gundumar Kebbi ta Arewa kuma Shugaban Masu Rinjaye a Majalisar Dattawa, Sanata Dokta Yahaya Abubakar Abdullahi Mallamawan Kabi ya ja kunnen 'yan siyasa da magoya bayansu da su guji duk wani abu da zai tayar da husuma a lokacin bukin cikar Sarkin Kabin Argungu Alhaji Sama'ila Muhammadu Mera shekaru ashirin da biyar kan karagar mulki da kuma naɗin sarautu da za a gudanar a fadar Sarkin Kabin ranar Juma'a 5 ga wannan watan. Wannan yana ƙunshe ne a wata takarda da aka raba wa 'yan jarida mai ɗauke da sa hannun Muhammed…

07 Nov

NDE ta horar da mutane 20,000 sana’o’i daban-daban a Bauchi

EditorLabarai

Daga MUAZU HARƊAWA a Bauchi Hukumar samar da aikin yi ta ƙasa wato National Directorate of Employment ta horas da mutane dubu 20 a fannonin koyon sana'a daban-daban a jihar Bauchi. Hukumar ta NDE ta gudanar da bikin yaye ɗalibai sama da ɗari shida daga cikin dubu da aka horas a ƙaramar hukumar Bauchi, inda aka gudanar a harabar ofishin da ke Bauchi. Alhaji Aliyu Lawan Yaya shi ne Daraktan hukumar NDE a jihar Bauchi, inda ya ce daga Abuja an bayar da gurabai dubu 20 wa jihar Bauchi, inda a kowace ƙaramar hukuma aka horas da mutane dubu ɗaya.…

07 Nov

Masu haƙar albasa suna buƙatar tallafin gwamanti don bunƙasa harkokinsu – Dakta Isma’la Jibiya

EditorLabarai

Daga IBRAHIM MUHAMMAD a Kano Dakta Isma'la Ɗan Nuhu Jibiya, mataimakin shugaban ƙungiyar albasa na ƙasa ya bayyana cewa, albasa ta kasance wani kayan gona mai matuƙar muhimmanci don haka Hausawa ke karin magana ma na cewa ‘kada a yi tuya a manta da albasa’. Dakta Isma'la ya bayyana hakan ne yayin da yake zantawa da ’yan jarida a yayin taron shiyyar Afrika kan hada-hadar Albasa da aka gudanar na kwanaki biyu a ɗakin taron na Gidan Gwamnatin Kano. Ya ƙara da cewa, ba bu gidan da ba a amfani da Albasa a duniya, wanda hakan ya sanya Albasa ta…

07 Nov

Wata budurwa ta koma tsohuwa sakamakon wata cuta

EditorLabarai

Wata budurwa mai suna Raizel Calago ’yar shekara 16 ce kacal, amma ba za a taɓa tsammani shekarunta kenan ba idan aka gan ta a yanzu. Budurwar tana fama da wata cuta da ba kasafai ake samun mutum da ita ba. Masana sun ce ana kiran wannan cuta ‘Progeria’, wadda ta ke sa yaro ruvanya shekarunsa sau huɗu ko biyar. A cikin shekara biyu kacal, Raizel ta tashi daga kyakkyawar budurwa, wadda ta taɓa halartar gasar sarauniyar kyau, ta koma tamkar tsohuwa ’yar shekaru 70. A yanzu halittarta ta sauya zuwa wata tsohuwa, har mutane da yawa suna kuskuren kiranta…

07 Nov

Yadda na ci kyautar da wani jarumi a Kannywood bai ci ba – Gidan Dabino

EditorNishadi

Daga IBRAHIM HAMISU a Kano A makon jiya mun yi muku gabatarwa kan wannan tattaunawa da Manhaja ta yi da fitaccen jarumi kuma marubuci, Malam Ado Ahmad Gidan Dabino (MON), inda mu ka yi muku alqawarin cewa, a wannan makon za mu kawo muku cikakkiyar tattaunawar. Shi dai Gidan Dabino ba baƙo ba ne a masana'antar Kannywood, domin su ne suka yanke mata cibiya, ya fara da dirama ne tun a shekarar 1984, wato shekaru 37 da suka gabata, a zantawarsa da wakilin Manhaja a Kano Ibrahim Hamisu, za ku ji yadda Ado Ahmad Gidan Dabino ya lashe kyautar jarumin…

06 Nov

Yadda na sasanta tsakanin Buhari da IBB, Ojukwu da Ekwueme – Orji Kalu

EditorLabarai

Daga BASHIR ISAH Sanata Orji Uzor Kalu ya bayyana yadda ya sasanta tsakanin Shugaban Ƙasa Muhammadu Buhari da tsohon Shugaban Ƙasa Ibrahim Badamasi Babangida, da tsakanin Marigayi Dim Chukwuemeka Odumegwu Ojukwu da da tsohon Mataimakin Shugaban Ƙasa, Marigayi Alex Ekwueme waɗanda suka kasance ba su ga maciji a tsakaninsu a wancan lokaci. Kalu ya bayyana haka ne sa'ilin da yake kore batun cewa tsohon hoton taya murnar zagayowar ranar haihuwa na Chukwuemeka Ojukwu da ya wallafa a shafinsa na facebook siddabarun haɗa hotuna ne kawai amma ba na zahiri ba ne. Sanata Kalu wanda tsohon gwamnan jihar Abia ne kuma…

06 Nov

Mahaifiyar da ta jefa ’ya’yanta a rijiya na fuskantar gwajin kwakwalwa – ‘Yan sanda

EditorLabarai

Daga MAHDI M. MUHAMMAD Rundunar ’yan sandan Jihar Osun ta bayyana cewa, Omowumi, wata mata da ta jefa ’ya’yanta biyu a cikin rijiya da ke unguwar Koledowo da ke Osogbo, na fuskantar gwajin taɓin hankali. Rahotanni sun bayyana cewa, Omowumi ta jefa ’ya’yanta biyu, Nimisire mai shekaru biyar da Darasimi mai shekaru takwas a cikin wata rijiya da ke kusa da gidanta a ranar Litinin. Da yake magana da City Round, mai magana da yawun rundunar, Yemisi Opalola, ya ce, wadda ake zargin bayan kama ta, an miƙa ta ga likitoci domin a yi ma ta gwajin taɓin hankali. Opalola…