Editor - Manhaja - Blueprint Hausa version

13 Aug

An sako kwamishinan da aka yi garkuwa da shi a Neja

EditorLabarai

Bayan kwanaki biyar da yin garkuwa da shi, 'yan bindiga sun sako Kwamishinan Yaɗa Labarai na Jihar Neja, Alhaji Sani Idris, da suka sace a jihar. Sanarwar da ta fito daga ahalin kwamishinan, ta nuna an sako Idris ne da misalin ƙarfe 9:30 na dare ran Alhamis da ta gabata. Mr. Ado Ada, wanda ɗan'uwa ne ga kwamishinan, ya bayyana farin cikinsu dangane da dawowar Idris, tare da danganta nasarar dawowar da ƙoƙarin 'yan'uwansa ba tare da biyan wani kuɗin fansa ba. Sanarwar ta ce bayan da aka sako Idris, sai da aka binciki lafiyarsa kana daga bisani aka miƙa…

13 Aug

Da Ɗumi-ɗuminsa: Yau Buhari zai dawo daga London

EditorLabarai

A wannan Juma'ar ake sa ran dawowar Shugaban Ƙasa Muhammadu Buhari daga London. Buhari zai iso Nijeriya ne can da misalin ƙarfe 5 na yamma bayan shafe kwanaki kimanin 18 a Ƙasar Birtaniya. Buhari ya halarci wani babban taro na duniya da aka shirya a kan sha'anin ilimi, wato GES a taƙaice, sannan bayan kammalawa ya tsaya duba lafiyarsa. Buhari da Tinubu a London A jiya Alhamis, an ga Buhari tare da jigo a jami'yyar APC, Bola Ahmed Tinubu awani hoto da aka yaɗa wanda ke nuni da lokacin da Buhari ya ziyarci Tinubu a London.

13 Aug

APC a 2023: Guguwar siyasa ta soma ruri a Kebbi

EditorBabban Labari

Daga JAMIL GULMA a Kebbi Daga dukkan alamu, guguwar babban zaɓen gama-gari ta 2023 ta soma kaɗawa a ilahirin Nijeriya, saboda haka kowane ɗan siyasa, kama daga masu neman muƙaman jam'iyya ya zuwa masu neman a zaɓe su, don su jagoranci ko wakilci a matakai daban-daban sun soma neman hanyoyin samun cimma burinsu. Jihar Kebbi ita ma ba a bar ta a baya ba, inda a can ma jam'iyyar APC mai mulki ta bi sawun sauran jihohin da APC ɗin ke mulki wajen zaƙulo mutanen da za su jagoranci jam'iyyar tun daga matakin mazaɓu, ƙananan hukumomi, jiha zuwa tarayya, inda…

13 Aug

Matasa da madafun iko a Nijeriya

EditorRa'ayin Manhaja

Daga NASIR S. GWANGWAZO A wata hira da a ka yi da tsohon Shugaban Mulkin Soja na Nijeriya , Janar Ibrahim Badamasi Babangida mai ritaya, a cikin makon jiya lokacin bikin zagayowar ranar haihuwarsa, ya yi iƙirarin cewa, bai dace a ƙara bai wa duk mutumin da ya wuce shekara 60 a duniya da haihuwa mulkin Nijeriya a zaɓen Shugaban Ƙasa da ke tafe na 2023 ba. Kalaman nasa sun janyo cece-kuce, amma fa ababen dubawa ne ƙwarai da gaske! A Nijeriya, tarihi ya na cigaba da maimaita kansa, inda a ke mayar da matasan ƙasar saniyar ware a duk lokacin…

12 Aug

Bidiyo: Yayin da Messi ya haɗu da abokan wasansa na PSG

EditorWasanni

12 Aug

Cutar korona ta yi ajalin matar tsohon Shugaban Ƙasa, Sehu Shagari

EditorLabarai

Allah Ya yi wa matar tsohon Shugaban Kasa Shehu Shagari, Hajiya Hadiza Shagari rasuwa. Sanarwar da ta fito daga ahalin marigayiyar ta hannun Capt. Muhammad Bala Shagari (rtd), ta nuna Hajiya Hadiza ta rasu ne a safiyar Alhamis samakon cutar korona. A cewar sanarwar, "Cikin alhini muna sanar da rasuwar mahaifiyarmu, Hajiya Hadiza Shehu Shagari, matar tsohon Shugaban Ƙasa marigayi Shehu Usman Aliyu Shagari, GCFR (Turakin Sokoto). "Mun rasa ta ne da safiyar Alhamis, 12 ga Agusta, 2021 da misalin ƙarfe 3 na asuba bayan ta yi fama da cutar korona a cibiyar killace mutane da ke Gwagwalada, Abuja.” An…

12 Aug

2023: Masu shirin tafka maguɗi ku fice daga Binuwai ko ku kuka da kanku – Gwamna Ortom

EditorSiyasa

Gwamna Samuel Ortom na jihar Binuwai ya yi gargaɗin cewa masu shirin tafka maguɗin zabe a 2023, mafi alheri a gare su shi ne su fice daga jihar ko kuma su kuka da kansu. Ortom ya yi wannan gargaɗi ne yayin wata tattaunawa da manema labarai a Makurɗi bayan da ya dawo daga taronsu na Ƙungiyar Gwamnonin PDP da suka gudanar a Abuja. A cewar gwmnan, "Ina tuanin cewa a matsayinmu na ƙasa mun samu cigaba, bai kamata mu koma rayuwa irin ta da ba alhalin duniya baki ɗaya ta bunƙasa." Ya ci gaba da cewa wajibi ne Shugaban Ƙasa…

12 Aug

Sudan za ta miƙa tsohon Shugaba Omar al-Bashir da wasu jami’ai ga kotun ICC

EditorKasashen Waje

Ministar Harkokin Wajen Ƙasar Sudan, Mariam al-Mahdi ta ce Sudan za ta miƙa wa Kotun Manyan laifuka ta Ƙasa da Ƙasa (ICC) wasu tsoffin shugabanninta, ciki har da hamɓararren Shugaban Ƙasa Omar al-Bashir, waɗanda ake nema ruwa a jallo kan laifukan cin zarafin bil-adama da laifukan yaƙi yayin rikicin Darfur, Mariam ta bayyana hakan ne a ranar Larabar da ta gabata, tare da cewa "Majalisar Ministocin ƙasar ce ta yanke shawarar miƙa waɗanda ake nema ga kotun hukunta manyan laifuka ta duniya." A cewar hukumar Suna, an cimma wannan matsayar ne bayan wani taron tuntuɓa tsakanin ofishin Ma'aikatar Harkokin Wajen…

12 Aug

Umurah: Tawagar maniyyata ta farko daga Nijeriya za ta isa Saudiyya mako mai zuwa

EditorUncategorized

*An bai wa yara sama da 13,000 shaidar izinin yin Umurah Yayin da Umurah ta shekarar 1443 ke shirin somawa a ƙasar Sa'udiyya, ana sa ran maniyyata daga ƙasashen duniya su haɗu da 'yan ƙasar wajen gabatar da ibadar. Wannan ne ma ya sa tuni ofishin jakadancin Saudiyya a Nijeriya ya soma bai wa maniyya bisa ta hannun jami'ai masu kula da ɗawainiyar matafiya da aka tantance. Haka ma kamfanonin jiragen sama su ma sun soma ba da bisar Umurah, inda ake sa ran jirgin fargo na jiragen da za su yi jigilar maniyyatan ya kwashi maniyyata zuwa ƙasa mai…

11 Aug

Tiwita za ta ci gaba da aiki a Nijeriya nan ba da daɗewa ba – Lai

EditorLabarai

Gwamnatin Tarayya ta ce nan ba da daɗewa ba za ta ɗage dokar haramta harkokin microblogging da Tiwita a Nijeriya. Ministan Labarai da Al'adu, Alhaji Lai Mohammed ne ya sanar da hakan jim kaɗan bayan kammala taron mako-mako na Majalisar Zartarwa a Abuja, wanda ya gudana ƙarƙashin jagorancin Mataimakin Shugaban Ƙasa, Yemi Osinbajo. Lai ya bayyana hakan ne yayin da yake ƙarin bayani dangane da tattaunawar da ake yi da masu harkar micro-blogging wanda a cewarsa galibinsu sun amince da dokokin da aka gindaya musu. Ministan ya ƙara da cewa, ɓangarorin da ba a rigada an daddale ba a kansu…