ukarofi - Manhaja - Blueprint Hausa version

13 Mar

EFCC ta tuhumi Babban Alƙalin Kotun Tarayya, Tsoho kan dala 160,000 da aka samu a hannun matarsa

ukarofiLabarai

Daga SANI AHMAD GIWA, Abuja Jami’an Hukumar Yaƙi da Masu Yi wa Tattalin Arzikin ƙasa Ta’annati (EFCC), sun yi wa Babban Alƙalin Kotun Tarayya, Justice John Tsoho, tambayoyi na tsawon sa’o’i a ranar Talata kan wasu kuɗaɗen dalar Amurka 160,000 da aka gano a hannun matarsa. Rahotanni sun nuna cewa jami’an EFCC sun gayyaci alkalin ne domin yi masa tambayoyi dangane da kuɗin da aka ce an samu a hannun matarsa yayin wata tafiya da take yi. Wani rahoto da SaharaReporters ta wallafa ya ambato wata majiya daga EFCC na cewa an yi wa alƙalin tambayoyi na tsawon lokaci domin…

13 Mar

EFCC ta ayyana neman ɗan China ruwa a jallo bisa zargin damfara

ukarofiLabarai

Daga SANI AHMAD GIWA, Abuja Hukumar Yaƙi da Masu Yi wa Tattalin Arzikin ƙasa Ta’annati (EFCC), ta ayyana wani ɗan ƙasar China, Peiyuan Niu, a matsayin wanda ake nema ruwa a jallo bisa zargin karɓar kuɗi ta hanyar yaudara (obtaining money by false pretence). A cikin wata sanarwa da mai magana da yawun hukumar EFCC, Dele Oyewale, ya fitar a ranar Talata, ya ce hukumar na neman taimakon jama’a domin gano inda mutumin yake. Sanarwar ta bayyana cewa Peiyuan Niu mai shekaru 40 ɗan ƙasar China ne, kuma adireshinsa na ƙarshe da aka sani shi ne lamba 111, Kudirat Abiola…

13 Mar

Barazanar da rigakafin cutar shan inna ke fustanta a Nijeriya

ukarofiRa'ayin Manhaja

A shekarar 2020, Nijeriya ta rubuta tarihi da ruwan zinariya bayan da Hukumar Lafiya ta Duniya (WHO) ta tabbatar da cewa an kawar da cutar shan inna (wild poliovirus) daga ƙasar gaba ɗaya. Amma shekaru kaɗan bayan haka, wannan nasara mai girma na fuskantar barazana — ba daga ƙwayar cutar kanta ba, sai dai daga ƙin amincewar jama’a da rigakafi sakamakon rashin gaskatawa da yaɗuwar bayanan ƙarya. ƙididdiga daga bikin Tanar Yaƙi da Cutar Shan Inna ta Duniya na baya-bayan nan sun nuna gagarumin koma baya: sama da gidaje 3,000 a jihohin Sakkwato, Kebbi da Zamfara sun ƙi bari a…

12 Mar

Ramadan: Sarkin Kano Sanusi na ci gaba da halartar zaman tafsirin Alƙur’ani

ukarofiLabarai

Daga IBRAHIM HAMISU a Kano Mai Martaba Sarkin Kano, Muhammadu Sanusi II PhD CON , ya na halartar zaman karatun Tafsirin Alƙur’ani mai girma da ake gudanarwa a duk shekara a gidan sarkin Kano. Zaman tafsirin, wanda ya ke samun halartar malamai da al’umma da dama, ya kasance wani ɓangare na shirye-shiryen ibada da ake gudanarwa musamman a irin wannan lokaci domin ƙarfafa ilimin addini da kuma tunatar da al’umma muhimmancin koyarwar Alƙur’ani mai tsarki. Mahalarta majalisar kan bayyana cewa irin waɗannan zaman tafsiri na taka muhimmiyar rawa wajen ƙara fahimtar addini, da kuma ƙarfafa zumunci da haɗin kai tsakanin…

12 Mar

‘Yan bindiga sun kashe mutane uku da jikkata 11 a Katsina

ukarofiLabarai

Daga UMAR GARBA a Katsina Rundunar 'yan sanda a Jihar Katsina ta tabbatar da cewa mutane uku sun mutu yayin da wasu 11 suka jikkata lokacin da 'yan bindiga suka kai hari a garin Jikamshi da ke ƙaramar hukumar Musawa. Jami'in hulɗa da jama'a na rundunar (PPRO), Aliyu Abubakar, ya tabbatar da hakan a cikin wata sanarwa da ya fitar a Katsina. A cewarsa, da misalin ƙarfe 6:05 na yamma, a ranar 10 ga Maris, rundunar ta sami kiran gaggawa a sashen 'yan sanda dake Musawa inda aka sanar cewa wasu da ake zargin 'yan bindiga ne, ɗauke da muggan…

12 Mar

Aminu Alan Waƙa: Bikin naɗin Sarkin Adabi na farko a Daura ya yi armashi

ukarofiAdabi

Daga KHALID IMAM Waƙoƙin Alan Waƙa tamkar wani madubi ne na duban harshen Hausa da adabi - Mai Martaba Sarkin Daura Masarautar Daura ta yi cikar kwari sakamakon dandazon dubban masoya da ɗaruruwan 'yan uwa da abokan arziki da suka halarci naɗin Dakta Aminu Ladan Abubakar Alan Waƙa a matsayin Sarkin Adabin Harshen Hausa na farko a tarihi. Wannan babban al’amari na tarihi a ƙasar Hausa ya faru ne a Masarautar Daura a daidai lokacin bikin naɗi mai cike da ban ƙaye da armashi, Mai Martaba Sarkin Daura, Alhaji Dakta Umar Farouk Umar CON ya cicciɓa darajar Adabi da ma'abota…

11 Mar

Yan bindiga sun kashe mutane 14 a Katsina

ukarofiLabarai

' Daga ABDULLAHI MUHAMMAD a Katsina Mutane 14 'yan bindiga suka kashe a wani tagwayen hare hare da suka kai a ƙananan hukumomi biyu de ke jihar Katsina a yammacin Talata da ya wuce. 'Yan bindigan sun kai mummunan harin ne a garin Ɗansoda da ke ƙaramar hukumar Ɗandume a lokacin da al'ummar garin suka kammala buɗe baki bayan gudanar da azumin watan Ramadan, inda rahotanni suka tabbatar da rasuwar mutane 14 tare da raunata wasu da dama. A cewar mazauna yankin, maharan sun afka garin ne cikin dare, inda suka riƙa harbe-harbe ba ƙaƙƙautawa, lamarin da ya janyo firgici…

11 Mar

Ɗan Majalisar Zamfara ya raba buhunan abinci 7,000 ga al’ummarsa

ukarofiLabarai

Daga SANUSI MUHAMMAD a Gusau Ɗan Majalisar Wakilai, mai wakiltar ƙananan hukumomin Bakura da Maradun a jihar Zamfara, Hon. Mohammad Sani Ahmad (Abba Yariman Bakura) ya raba buhunan abinci iri-iri guda 7,000 ga alummar mazaɓarsa a matsayin tallafin watan Ramadan. Da yake jawabi a wajen ƙaddamar da kayayyakin abincin a garin Bakura ƙaramar hukumar Bakura a yau Laraba, Hon. Abba ya bayyana cewa waɗanda suka amfana da tallafin sun haɗa da, ƙungiyoyi masu rauni, 'yan gudun hijira, marayu, masu buƙata ta musamman da magoya bayan sa. A cewarsa, kayayyakin sun haɗa da, buhunan shinkafa 3,000, buhunan gero 2,000, buhunan sukari…

11 Mar

Asalin tarihin rikicin Iran da Isra’ila

ukarofiRahoto

Daga MAHDI MUSA MUHAMMAD Rikicin da ya dabaibaye Iran da Israel bai samo asali daga yau ba. Ya samo tushe ne tun daga sauyin gwamnati da ya girgiza yankin Gabas ta Tsakiya a shekarar 1979, lokacin da juyin-juya halin Musulunci ya kawo ƙarshen mulkin Shah tare da kafa Jamhuriyar Musulunci a Tehran. Amma kafin wannan lokaci, dangantakar ƙasashen biyu ta kasance mai kyau, har ma ana kallon Iran a matsayin ɗaya daga cikin ƙawayen ɓoye na Isra’ila a yankin. Kawance a zamanin Shah: A ƙarƙashin mulkin gidan sarautar Pahlavi, musamman a zamanin Shah Mohammad Reza Pahlavi, Iran ta kasance kusa…

11 Mar

Gudunmawar iyaye wajen nasarar ’ya’yansu a makaranta

ukarofiRahoto

Tare da BILKISU YUSUF ALI Iyaye suna da rawar gani sosai wajen tabbatar da nasarar ‘ya’yansu a makaranta. Rashin kulawa ko rashin goyon baya daga iyaye kan iya shafar karatun ɗalibai ta hanyoyi da dama, yayin da kulawa da haɗin kai tsakanin iyaye da makaranta ke ƙara wa ɗalibai ƙarfi da ƙwarin gwiwa wajen cimma burinsu. Muhimman abubuwan da iyaye za su yi don taimakawa nasarar ‘ya’ya 1.Kulawa da yanayin karatu a gida Iyaye su tabbatar cewa suna samar wa ‘ya’yansu wuri mai kyau da kwanciyar hankali domin karatu. Hakan yana taimakawa wajen mayar da hankali da samun sakamako mai…