ukarofi - Manhaja - Blueprint Hausa version

15 Nov

Sojoji sun yi gargaɗi kan amfani da tsofaffin hotunan Babban Hafsan ƙasa

ukarofiLabarai

Daga MAHDI MUSA MUHAMMAD Rundunar Sojin Nijeriya ta fitar da hoto a hukumance na sabon Babban Hafsan Sojin ƙasa na ƙasa na 25, Laftanar Janar Waidi Shaibu, tare da gargaɗin manema labarai da jama’a su sabunta kundinsu na hoto kuma su daina amfani da tsofaffin hotuna a yayin wallafa labarai. A wata sanarwa da rundunar ta fitar a shafinta na hukuma a ranar Talata, an bayyana cewa wannan mataki na da nufin daidaita hoto da wakilcin Babban Hafsan Soji a kafafen watsa labarai da kuma kawar da ruɗani da amfani da hoton tsohon matsayi ke janyowa. “Akwai buƙatar ku sabunta…

15 Nov

Sojojin ruwa sun ceto ma’aikatan jirgi 10 a tekun Kalaba

ukarofiLabarai

Daga MAHDI MUSA MUHAMMAD Rundunar Sojojin Ruwa ta NIjeriya ta sake yin abin yabo, bayan da ta ceto ma’aikatan jirgin ruwa goma da suka tsinci kansu cikin hatsari a lokacin da jirginsu, MV SEMA III, ke nitsewa a tsakiyar tekun Kalaba. A cewar sanarwar da Daraktan Hulɗa da Jama’a na Rundunar, Commodore A. Adams-Aliu, ya fitar, jami’an rundunar daga sansanin Forward Operating Base (FOB) Ibaka ne suka samu kiran gaggawa daga jirgin da ke kan hanyarsa daga Malabo, Eƙuatorial Guinea, zuwa Kalaba. An bayyana cewa Sojojin Ruwa sun karɓi kiran ne da misalin ƙarfe 8 na dare, inda nan da…

15 Nov

Nijeriya ta yi asarar tiriliyan N2.8 cikin mako guda sakamakon barazanar Trump

ukarofiLabarai

Daga MAHDI MUSA MUHAMMAD Kasuwar hannun jari ta Nijeriya ta fuskanci mummunar durƙushewa a makon farko na watan Nuwamba, inda aka yi asarar kimanin Naira Tiriliyan 2.8 sakamakon tashin hankali a siyasar duniya da ya dagula hankalin masu zuba jari. Rahoton News Point Nigeria ya bayyana cewa wannan koma baya ya biyo bayan barazanar Shugaban Amurka, Donald Trump, wanda ya yi gargaɗi kan yiwuwar tura dakarun soji zuwa Nijeriya saboda zargin rashin kulawar gwamnati kan cin zarafin addini. A makon da ya gabata, Trump ya ayyana Nijeriya a matsayin “ƙasar da Za A Sakawa Ido” (Country of Particular Concern) —…

15 Nov

Hukumar ƙwallon ƙafar Sifaniya ta maye gurbin Yamal da Frutos

ukarofiWasanni

Hukumar ƙwallon ƙafar ƙasar Sifaniya ta maye gurbin Lamine Yamal da Jorge de Frutos. Hukumar ƙwallon ƙafa ta Sifaniya (RFEF) ce ta tabbatar da wannan labarin a wata sanarwa da ta wallafa a shafinta na ɗ ranar Talata. Kocin tawagar ƙwallon ƙafa ta Sifaniya, Luis de la Fuente ya ɗauki wani mataki na gaggawa na gayyatar Jorge de Frutos domin maye gurbin Lamine Yamal wanda bai je sansanin horarwar tawagar ba bisa dalilai na jinya. Lamine Yamal da ke taka leda a ƙungiyar Barceola ana masa kallon mahimmin ɗan wasa a tawagar ƙwallon ƙafar Sifaniyar. Sai dai kuma ya bar…

15 Nov

Guardiola ya ja ragamar wasanni 1,000 a Man City

ukarofiWasanni

Kocin Manchester City, Pep Guardiala ya ja ragamar wasanni a 1,000 a ƙungiyar ƙwallon ƙafa ta Manchester City. Ya cika na 1,000 ne a Man City ta doke Liverpool 3-0 a wasan mako na 11 a gasar Premier League da suka fafata a Etihad ranar Lahadin da ta gabata. Man City ta fara cin ƙwallo ta hannun Erling Haaland a minti na 29 daga baya Nico Gonzalez ya ci na biyu, sai kuma Jeremy Doku ya kara na uku. Karo na 14 da Haaland ya zura ƙwallo a raga daga karawa 11 a Premier League a kakar nan - karo…

15 Nov

Gasar Kofin Duniya ta 2026 ita ce ta ƙarshe da zan buga – Ronaldo

ukarofiLabarai

Dan wasan tawagar Portugal, Cristiano Ronaldo, ya tabbatar cewa Gasar Cin Kofin Duniya ta 2026, ita ce ta ƙarshe a rayuwarsa ta tamaula da zai halarta. Mai shekaru 40, wanda ya ci ƙwallo 953 a matakin ungiyoyi da ƙasa, ya kuma ce zai yi ritaya kaka ɗaya ko kuma biyu nan gaba. Gasar Kofin Duniya ta badi, wadda za a gudanar a Amurka da Canada da Meɗico, za ta kasance ta shida da Ronaldo zai halarta. Ronaldo, tsohon ɗan wasan Manchester United da Real Madrid da Juventus, wanda ke wasa a Al-Nassr ta Saudi Arabia, ya ci ƙwallo 143 a…

15 Nov

NAFDAC za ta ɗauki ma’aikata 1,000 domin aiwatar da haramcin sayar da barasar leda

ukarofiLabarai

Daga MAHDI MUSA MUHAMMAD Hukumar Kula da Ingancin Abinci da Magunguna ta ƙasa (NAFDAC) ta bayyana shirinta na ɗaukar ƙarin ma’aikata 1,000 domin ƙarfafa ikon gudanar da aiki da kuma aiwatar da haramcin haɗawa da sayar da barasa a cikin leda da ƙananan kwalabe ƙasa da mililita 200. Shugabar hukumar, Farfesa Mojisola Adeyeye, ce ta bayyana hakan a ranar Talata yayin ganawa da manema labarai a Abuja. Farfesa Adeyeye ta sake jaddada cewa an haramta haɗawa, sayarwa, da rarraba giya da aka haɗa a cikin leda da kwalabe ƙanana, bisa matsayar da Majalisar Dattawa ta yanke da kuma umarnin Ma’aikatar…

15 Nov

Za mu ɗauki mataki kan jam’iyyun da ke haifar da rikici – INEC

ukarofiLabarai

Daga MAHDI MUSA MUHAMMAD Hukumar Zaɓe Mai Zaman Kanta ta Ƙasa (INEC) ta bayyana cewa ba za ta ci gaba da zama shiru ba yayin da rashin daidaito da rashin bin doka ke ci gaba da wanzuwa a cikin jam’iyyun siyasa. Shugaban INEC, Farfesa Joash Ojo Amupitan, ya bayyana haka ne a Awka jim kaɗan bayan kammala zaɓen gwamnan Anambra wanda gwamna mai ci, Farfesa Charles Chukwuma Soludo, ya lashe. Ya ce rashin dimokuraɗiyyar cikin gida a jam’iyyun siyasa da rikicin shugabanci suna matuƙar damun hukumar, domin suna lalata tsarin zaɓe kuma suna jawo asarar kuɗaɗe da lokaci. Farfesa Amupitan…

15 Nov

NLC ta buƙaci jami’o’i masu zaman kansu su shiga ƙungiyar ASUU

ukarofiLabarai

Daga MAHDI MUSA MUHAMMAD Shugaban ƙungiyar ƙwadago ta ƙasa (NLC), Joe Ajaero, ya buƙaci jami’o’in masu zaman kansu a faɗin ƙasar nan da su shiga ƙungiyar Malaman Jami’o’i ta Nijeriya (ASUU), domin ƙarfafa yunƙurin ƙungiyar wajen inganta harkar ilimi a ƙasar. Ajaero ya bayyana haka ne yayin wani taron tattaunawa na Toyin Falola Interview Series da aka gudanar a ranar Lahadi, mai taken “Tattaunawa da Shugaban ASUU, Farfesa Christopher Piwuna.” Taron ya samu halartar masana da membobin al’umma daga sassa daban-daban na ilimi, inda aka tattauna kan matsalolin da ke addabar manyan makarantu a Nijeriya, ciki har da yawan yajin…

15 Nov

Alaafin na Oyo ya caccaki ƙasashen Yamma kan lalata al’adun Afirka

ukarofiLabarai

Daga MAHDI MUSA MUHAMAMD Alaafin na Oyo, Oba Abimbola Akeem Owoade, ya yi kira ga ƙasashen yammacin duniya da su daina yaɗa manufofi da koyarwa da suke saka ’yan Afrika su raina ko su watsar da gadon al’adunsu na gargajiya. Alaafin ya yi wannan jawabi ne a ƙarshen mako yayin da yake karɓar tawagar ƙungiyar Al'adun Oyo a Wasashen Waje a garin Oyo, inda ya jaddada muhimmancin kare da girmama gadon al’adu na Afrika, musamman addinin gargajiya na Yarbawa. Oba Owoade ya ce, an daɗe ana wulaƙanta addinin gargajiya na Afrika ta hanyar zargin shi da mugunta, har ma wasu…