Labarai - Manhaja - Blueprint Hausa version

18 Sep

Shugaban Hukumar Kula Da ‘Yan Sanda, Muslihu Smith, ya yi murabus

EditorLabarai

Daga SANI AHMAD GIWA a Abuja Shugaban Hukumar Kula da ‘Yan Sandan Nijeriya (PSC), Musilihu Smith ya yi murabus daga kan muƙaminsa. Wannan matakin dai na zuwa ne bayan rashin jituwa da kai ruwa rana da aka yi ta samu a tsakanin hukumar da Sufeto Janar na ‘yan sandan Nijeriya, Usman Baba Alkali, dangane da batun ɗaukar sabbin ‘yan sanda, ƙarin girma wa jami’ai, ɗaukar kwansitabul da wasu jami’ai. Lamarin har ta kai Majalisar Ƙoli na hukumar ta buƙaci Smith da ya yi murabus cikin ruwan sanyi kuma ya amince da yin haka. Smith, wanda tsohon Sufeto Janar na ‘yan…

18 Sep

Taron MƊD: Yau Buhari zai tafi Amurka

EditorLabarai

Daga BASHIR ISAH Yau Lahadi ake sa ran Shugaban Ƙasa Muhammadu Buhari zai bar Nijeriya zuwa ƙasar Amurka don halartar taron Malajisar Ɗinkin Duniya karo na 77 (UNGA77). Hakan na ƙunshe ne cikin sanarwar da mai bai wa Shugaban Ƙasa shawara na musamman kan harkokin yaɗa labarai, Femi Adesina ya fitar. A cewar Adesina, Buhari zai bayyana bayanan ƙasa ga taron Majalisar a ranar Laraba, 21 ga Satumba, 2022. Kazalika, ana sa ran Buhari ya gudanar da wasu ayyuka tsakani da wasu hukumomi yayin ziyarar kana kafin ya komo Nijeriya ranar Litinin, 26 ga Satumba, 26, 2022. Sanarwar ta ce,…

18 Sep

Rundunar ‘yan sandan Jihar Zamfara ta cafke sojan bogi

EditorLabarai

Daga SANUSI MUHAMMAD, a Gusau Rundunar ‘yan sandan Jihar Zamfara ta kama wani sojan bogi mai suna Zainu Lawal da ke bayyana kansa a matsayin jami’in sojan Nijeriya. Kakakin rundunar, Sp. Muhammad Shehu ne ya bayyana haka a wata ganawa da manema labarai lokacin da yake gabatar da wanda ake zargin tare da wasu ‘yan ta’adda a hedikwatar rundunar da ke Gusau ya bayyana hakan yau Asabar. Sp. Shehu ya bayana cewar kayayyakin laifin da aka gano daga gare shi sun haɗa da, bindigu ƙirar revolver, 4 Cartridge, I D Card din soja na bogi da kuma kakin soja ɗaya.…

17 Sep

Rundunar ‘yan sandan Kano ta baje kolin masu laifuka daban-daban 331

EditorLabarai

Daga BABANGIDA S. GORA a Kano Kimanin mutum 331 ne rundunar 'yan sandan Jihar Kano ta yi nasarar yin awon gaba da su kan laifuffuka mabambanta a jihar Kano cikin makonni huɗu. Hakan ya biyo bayan lokacin da sabon kwamishinan 'yan sandan Jihar Kano CP Abubakar Lawal Daura lokacin da yake gabatar wa da manema labarai masu laifin karo na farko bayan shafe makonni biyu da zuwansa matsayin Kwamishinan 'Yan Sandan jihar. CP Abubakar Lawal ya ce cikin ikon Allah ana cigaba da samun nasara daga batun samar da zaman lafiya a Jihar Kano ta ƙoƙarin gwamnati jihar, kwamitocin unguwanninsu…

17 Sep

Ba siyasar jahilci muke yi ba – Ogan Ɓoye

EditorLabarai

Daga MUHAMMADU MUJITABA a Kano Hon. Yusuf Imam, wanda aka fi sani da Ogan Ɓoye, ya bayyana cewa su ba sa siyasar jahilci, kuma bai yin siyasar gaba ko nunin yatsa, a cewarsa yana siyasa ne ta mutunci da mutunta juna. Ogan Ɓoye wanda jigo ne a tafiyar NNPP ta Kwankwasiyya, kana makusanci ga Injiniya Dakta Rabiu Musa Kwankwaso, rahotanni sun bayyana cewa magoya bayansa sun nuna fushinsu da cire wasu hotuna, kan rashin bashi takarar Sanatan Kano ta Tsakiya wanda Sanata Rufai Sani Hanga ya samu takarar bayan ficewar Malam Ibrahim Shekarau, Sardaunan Kano daga Jam'iyyar NNPP. Ogan Ɓoye…

17 Sep

Sarkin Kano ne uban gidauniyar ELS ta taimaka wa marayu – Adosuwa Ogechi

EditorLabarai

Daga MUHAMMADU MUJITABA a Kano Shugabar gidauniyar tallafa wa iyayen marayu, mata, da sauran masu rauni mabuƙata da ake kira ELS Empowerment Foundation, Misis Adosuwa Ogechi Udo, ta bayyana Mai Martaba Sarkin Kano, Alhaji Aminu Ado Bayero a matsayin uban gidauniyar, saboda kasancewarsa mutum mai tausayin marayu da gajiyayyu. Ohechi ta ce babban aikin gidauniyar tasu shi ne koyar da mata iyayen marayu da makamantansu sana'o'in da su ka shafi girke-girke, ɗinke-ɗinke saƙa da sauran sana'o'i na dogaro da kai, musamman ga mata waɗanda mazajensu suka rasu ko kuma waɗanda suka rabu da mazajen su sakamakon matsaloli na rayuwa da…

17 Sep

Ambaliyar ruwa ta rushe gidaje sama da 200 a Zariya

EditorLabarai

Daga MOH'D BELO HABIB a Zariya Ambaliyar ruwa ya rushe gidaje sama da 200 a cikin garin Zariya dake ƙaramar hukumar Zariyan cikin jihar Kaduna. Wakilin Manhaja wanda ya zaga yankunan da abin ya shafa, ya ruwaito cewa gidajen da al'amari ya shafa galibansu gidajen talakawa nw kuma ambaliyar ruwan na da nasaba ne da ruwan da aka dinga sheƙawa yi akai akai har na tsawon kwanaki huɗu ko biyar a jere. Binciken da wakilin Manhajar ya gudunar a unguwannin da iftila'in ya shafa kamar Kusfa, Unguwar Malam Sule, Unguwar Danjinjiri, Kan Fage, Rimin Doko, Unguwar Nufawa da dai sauransu,…

17 Sep

Nijeriya ta fara raba kayayyakin kiwon lafiya ta hanyar jirgi mara matuƙi

EditorLabarai

Daga BAKURA MUHAMMAD a Bauchi Nijeriya ta kafa tarihi sakamakon bin sahun wa su ƙasashen duniya kamar Ghana da Rwanda da a cikin sauƙi suke rarraba kayayyakin kiwon lafiya, waɗanda suka haɗa da magunguna da jakakkunan jini ga wuraren da suke da wuyar ratsawa da jirage marasa matuƙa. Haka maganar take kamar yadda jirgi maras matuƙi mai gudanar da hidimomi na kamfanin, Zipline, ya fara rarraba kayayyakin kiwon lafiya ba tare da matuƙi ba wa cibiyoyin kiwon lafiya dake cikin Jihar Kaduna. Kamfanin ya bayyana cewar, kayayyakin kiwon lafiya, da ma wasu kayayyakin lodin farko da aka aza wa jirgin…

16 Sep

Kwamared Wakili ya jajenta wa ‘yan kasuwar Kwari bisa ambaliyar ruwa

EditorLabarai

Daga IBRAHIM MUHAMMAD a Kano Ɗan takarar majalisar tarayya na ƙaramar hukumar Fagge a Jam'iyyar ADC, Kwamared Haruna Kabiru Wakili ya jajentawa 'yan kasuwar Kantin Kwari bisa iftila'i da ya samesu na ambaliyar ruwa da ya janwo lalacewar dukiya mai tarin yawa. Wakili ya kuma yi irin wannan jaje ga 'yan kasuwar Bairut suma bisa matsalar da aka samu a kasuwar ta rushewar wani gini da ya janwo asarar rai da raunata mutane. Kwamared Haruna Wakili ya yi fatan waɗanda abin ya shafa Allah ya mayar musu da alheri ya kuma bunƙasa abinda aka rasa. Ɗan majalisar dai ya yi…

16 Sep

Zamfara ta zama jiha mafi ƙarancin mace-macen jarirai

EditorLabarai

Daga SANUSI MUHAMMAD a Gusau Duk da rashin tsaro da ake fama da shi, Jihar Zamfara ta samu cigaba mai kyau a kan ƙididdigar kiwon lafiya kamar yadda bayanan cibiyar bincike ta Multiple Indicator Cluster Survey 2021 suka nuna, cewar Zamfara ta kasance jiha mafi ƙarancin mace-macen ƙanana yara 'yan ƙasa da shekara biyar a tsakanin jihohin yankin Arewa maso Yamma. An ƙirƙira Binciken Ƙungiyoyin Manufofin Maɗaukaki (MICS) don tattara ƙaƙƙarfan ƙididdiga masu ƙarfi da kwatankwacin ƙididdiga na duniya na manyan alamomi waɗanda ake amfani da su don tantance yanayin yara da mata a fannonin kiwon lafiya, ilimi da kariyar…