Labarai - Manhaja - Blueprint Hausa version

12 Dec

Shahararrun Mutanen Afrika: An Karrama Dr. Dauda Lawal A Birnin Landan

EditorLabarai

Daga NASIR S. GWANGWAZO a Abuja Cibiyar Karrama Shahararrun Mutane na Afrika da ke Landan 'African Achievers Award' ta karrama Dr. Dauda Lawal Dare a shekaran jiya Juma'a, 10 ga watan Disamba a Fadar Kensisngton dake Birnin Landan. Kambun karramawa na 'African Achievers Award' shi ne mafi girma da tasiri a duniya wanda ya ke zaƙulowa tare da karrama mutane masu muhimmanci da suke taka rawa wurin bunƙasar nahiyar Afirka. Taken taron bana shi ne: 'Samar da hanya ga mazauna ƙasashen ƙetare su zuba jari don bunƙasar tattalin arzikin Afirka'. Mujallar Forbes ta ruwaito cewa, wannan bikin karramawa na 'African…

12 Dec

Ta banka wa budurwar mijinta wuta har lahira

EditorLabarai

Daga WAKILINMU Wata matar aure mai ’ya'ya uku a jihar Ogun, Kehinde, ta yi wa budurwar mijinta wanka da man fetur sannan ta cinna ma ta wuta kuma hakan ya yi sanadiyar mutuwarta. Kakakin hukumar ’yan sandan jihar, Abimbola Oyeyemi, ta tabbatar da labarin inda ta ce, tuni an damƙe matar. A cewar ’yar sandan, sun damƙe matar ne bayan tsohon mijin matar da aka ƙona mai suna Fatai Olugbade ya kai ƙara hedikwatarsu da ke Ota. Fatai ya bayyana wa ’yan sanda cewa, tuni sun rabu kuma ta koma soyayya da wani. Ya ce, “ina zargin tana hulɗa da…

12 Dec

Matashiya ta maka likitar da ta bari aka haife ta a kotu

EditorLabarai

Wata matashiya da ta yi ƙarar likitar mahaifiyarta a kotu, saboda ta bari an haife ta, za ta samu miliyoyi a matsayin diyya. Evie Tombes ta yi ƙarar likitar mahaifiyarta ne kan kuskure yayin ɗaukar cikinta da maharfiyarta ta yi, inda ta bari aka haife ta da wata cuta da ake kira ‘Spina Bifida’ a shekarar 2001. Cutar da ba a cika samun ta ba ta na shafar ƙashin baya ne kuma wasu lokutan ta na nakasa mutum har abada. Hakan ya sa Evie a duk rayuwarta sai an jona ma ta robobi na magani. Evie za ta samu matsaloli…

12 Dec

Da ɗumi-ɗuminsa: An fatattaki ’yan bindiga cikin dare a Kaduna

EditorLabarai

Daga MAHDI M. MUHAMMAD Wasu ’yan bindiga da yawansu sun kai hari unguwar Sabon Tasha, ƙaramar hukumar Chikun da ke jihar Kaduna cikin daren Asabar, 11 ga watan Disamba, 2021. Rahotanni sun nuna cewa, ’yan bindigar sun banka wa gidan wani mutumi wuta bayan ƙoƙarin garkuwa da shi. Jami'an Sojojin Nijeriya sun samu nasarar fatattakarsu bayan kirar da wani ya yi musu. An tattaro cewa, Sojoji da ’yan bindigar sun yi musayar wuta da daddaren. Wani shaidar gani da ido, Benjamin, ya bayyana wa manema labarai cewa, “’yan bindiga na ƙoƙarin shiga gida-gida kwashe mutane lokacin da sojoji suka isa.…

12 Dec

Mun rasa fiye da mutum 1000 a kisan kiyashin Zariya – ‘Yan Shi’a

EditorLabarai

Daga MAHDI M. MUHAMMAD a Abuja Harkar Musulunci a Nijeriya ta sake yin kira da a tabbatar da adalci ga ɗaruruwan 'ya'yanta da ake zargin sojojin Nijeriya sun kashe a watan Disambar 2015 bayan wani farmaki da sojojin suka kai bisa zargin tare wa shugaban hafsan sojin ƙasa na lokacin, Laftanar Janar Tukur Buratai hanya a garin Zariya da ke Jihar Kaduna. A wata sanarwa da harkar ta fitar a ranar Juma’a mai taken ‘Kira da Adalci ga waɗanda aka kashe a Zariya’, harkar ta bayyana cewa, waɗanda lamarin ya rutsa da su sun kai mutum 1,000 na kowane jinsi…

11 Dec

Sama da mutum 400 aka kashe a Nijeriya cikin watan Nuwamba – Bincike

EditorLabarai

Daga SANI AHMAD GIWA Wani rahoto da kamfanin Beacon Consulting da ke fitar da rahoto tare da bayar da shawarwari ga mahukunta game da matsalar tsaro a Nijeriya duk wata, ya wallafa rahoton sa na watan Nuwamba, inda ya ce an kashe sama da mutane 400 a watan, sannan satar jama'a ta ƙaru yawanci a arewacin ƙasar. Rahoton ya kuma ce an yi kisan ne a jihohi 28 na Nijeriyar a ƙananan hukumomi 115 a cikin watan Nuwamba kaɗai. A cewar rahoton, satar mutane a Nijeriya ta ƙaru da kusan kashi 38 cikin ɗari a Nuwamba idan aka kwatanta da…

11 Dec

Tabbas za mu miƙa mulki ga waɗanda suka ci zaɓe a 2023 – cewar Buhari

EditorLabarai

Daga BASHIR ISAH Shugaban Ƙasa Muhammadu Buhari ya bai wa 'yan Nijeriya da sauran ƙasashen duniya tabbacin gudanar da sahihin zaɓe ya zuwa 2023 tare da miƙa ragamar mulki cikin lumana. Mai magana da yawun Buhari, Mr Femi Adesina ne ya bayyana hakan cikin wata sanarwa da ya fitar a Abuja a Juma'ar da ta gabata. Yana mai cewa, Buhari ya bada tabbacin nasa ne yayin wani babban taro da shugaban ƙasar Amurka, Joe Biden ya shirya ta bidiyo kan harkar dimukuraɗiyya. Buhari ya ce za a tanadi dukkan abubuwan da ake buƙata domin tabbatar da Nijeriya ta sake shaida…

11 Dec

Me ya hana Hon. Goro halartar bikin shekaru 25 da ƙirƙiro Ƙaramar Hukumar Fagge?

EditorLabarai

Daga IBRAHIM MUHAMMAD a Kano A cikin makon jiya ne Ƙaramar Hukumar Fagge ƙarƙashin jagorancin Hon. Ibrahim Shehi ta gudanar da taron bikin cika shekaru 25 da ƙirƙiro ƙaramar hukumar. Sai dai rashin halartar ɗan majalisar tarayya mai wakiltar Fagge, Honorabul Aminu Suleiman Goro taron ta sa ake ganin tamkar bai ɗauki al'amarin da muhimmanci ba, duk kuwa da cewa yana daga cikin waɗanda suka fi cin moriyar albarkacin zaman ƙaramar hukumar Fagge. Wasu na ganin wannan tsantsar nuna rashin karramawa ce ga al'ummar da xan majalisar tarayya na Faggen ya yi ga taron, domin ba na siyasa b ane,…

11 Dec

Ba zan jajanta maka ba don kai ka nace ka zama shugaban ƙasa – Akande ga Buhari

EditorLabarai

Daga BAKURA K. MUHAMMAD a Bauchi Tsohon Shugaban Jam’iyyar APC na Ƙasa, Chief Bisi Akande ya ce ko kaɗan ba zai jajanta wa Shugaban Ƙasa Muhammadu Buhari ba dangane da suka da yake samu bisa ƙalubalolin rashin tsaron ƙasa, domin shi ya nemi ya zama shugaban Nijeriya. Akande ya yi wannan furuci ne a bikin gabatar da wani littafi mai ɗauke da tarihinsa da aka yi wa laƙabi da “Gudunmawa Ta” wanda Shugaba Buhari ya halarta da aka gudanar a Otal ɗin Eko dake Ikko jiya Alhamis. Waɗanda suka halarci bikin gabatar da littafin sun haɗa da Jigon jam’iyyar APC,…

11 Dec

Ɗan Sarauniya ya shawarci Ganduje ya koma makarantar allo

EditorLabarai

Daga IBRAHIM HAMISU a Kano Tsohon kwamishinan ayyuka na jihar Kano Injiniya Mu'azu Magaji, ya shawarci gwamnan Kano Dr. Abdullahi Umar Ganduje, ya koma makarantar allo domin koyon yadda ake tafiyar da al’umma, tare da sanin matsayin iyali a tsari na tafiyar da mulki. Wannan na zuwa ne daidai lokacin da gwmnatin Kano ta fitar da sanarwa Gwamna Ganduje ya tafi ƙasar Amurka domin ɗaukar kwas kan yadda ake gudanar da mulki a jami’ar Harvard. Cikin wani rubutu da Muazu Magaji wanda aka fi sani da Ɗan Sarauniya ya wallafa a shafinsa na Facebook, ya ce a wannan lokaci Gwamna…