Editor - Manhaja - Blueprint Hausa version

06 Feb

Canjin takardun kuɗi: Na san za ku sha wahala – Buhari

EditorBabban Labari, Labarai

*Ya ce, salon yaƙi da cin hanci da bunƙasa arziki ne*Mun daidaici wannan lokacin ne da gayya, inji shi Daga NASIR S. GWANGWAZO a Abuja Shugaban Nijeriya Muhammadu Buhari ya bayyana jimaminsa kan yadda ’yan Nijeriya ke shan azaba sakamakon canjin fasalin manyan takardun Naira, yana mai bayyana cewa, shan azabar ya zama wajibi matuƙar Nijeriya ta na son ta kawo ƙarshen matsalar annobar cin hanci da rashawa da ta yi kaka-gida a ƙasar da kuma bunƙasa tattalin arzikin ƙasar. Kalaman na Shugaban Ƙasa sun fito ne daga bakin Ministar Kuɗi da Tsare-tsaren Ƙasa, Hajiya Zainab Ahmed, bayan kammala zaman…

06 Feb

Tsakanin majalisun Nijeriya da CBN kan wa’adin daina amfani da tsoffin kuɗi

EditorRa'ayi

Majalisun Nijeriya biyu sun ce suna nan a kan bakansu cewa sai babban bankin ƙasar ya ƙara wa'adin daina amfani da tsoffin takardun naira zuwa watan Yuni. 'Yan majalisar ta wakilai da dattawa, sun ce kwana goma da Babban Bankin ya ƙara sun yi kaɗan, kuma idan aka ci gaba da tafiya a haka mutane da dama za su talauce. Tun da farko Babban Bankin ya ce tsoffin kuɗin da suka rage a hannun jama'a yanzu, ba su fi kashi 25 cikin 100 ba, kuma cikin kwana goma ana iya mayar da su bankuna.Sai dai da alama waɗannan bayanai ba…

06 Feb

Dandalin shawara: Mijina ba ya fashin kusanta ta lokacin da nake jinin al’ada

EditorMata A Yau

(Ci gaba daga makon jiya) Daga AISHA ASAS TAMBAYA: Assamu alaikum wa rahmatullahi. Hajiya Aisha ya ƙoƙari. Ya kuma fama da jama'a. Kwana da yawa. Fatan duk iyalai lafiya. Sunana…………daga nan………….. Mun ɗan yi magana da ke a shekarun baya, lokacin littafinki na 'Soyayyar Ƙarya', har ki ka ba ni shawarwari kan matsalata, kuma na ji daɗin su ainun, don sun fitar da ni matsalar. To yanzu ma wani abu ne ke ci min turo a ƙwarya. Wallahi mijina ne dai al'amarinsa ya fara damuna, matsala ce da ta kai kusan shekara yanzu, muna iya kwashe kusan sati uku zuwa…

06 Feb

Yadda fitaccen biloniya ya yi asarar kaso 93% na dukiyarsa a Chana

EditorKasuwanci

Daga AMINA YUSUF ALI Shahararren attajirin biloniyan nan ɗan ƙasar Chana mai suna, Hui Ka Yan ya yi asarar kaso 93% na dukiyarsa. Hui Ka Yan, shi ne shugaban rukunin kamfanoni na kamfani na Evergrande Group a lasar Chana. Kafin dukiyar tasa ta dulmiye, ya kasance yana da ƙarfin arzikin da ya kai Dalar Amurka biliyan 42. Amma zancen da a ke yi yanzu, dukiyar tasa ta dulmiye i zuwa, Dalar Amurka biliyan uku kacal! Biloniyan na ƙasar Chana, ya kasance ɗaya daga cikin hamshaƙan Attajirai masu dukiya da ƙasar ta Chana take ji da su. Amma a halin da…

06 Feb

Da jarin Naira 50 na fara kasuwanci – Matashi Dini Majia

EditorKasuwanci, Tattaunawa

DAGA MUKHTAR YAKUBU a Kano A wannan lokacin da ake ganin matasa suna da son su samu rayuwa cikin sauqi ba tare da sun tashi sun nemi na kansu ba. Don haka da yawa sai matasan suka zama marassa aikin yi da kuma dogon buri na yin rayuwa mai tsada. Sai dai ba a taru an zama ɗaya ba, domin kuwa Dini Muhammad Majia yaro ne matashi da tun farkon rayuwar sa ya taso da zuciyar neman na kansa, wanda a yanzu yana cikin matasan 'yan kasuwa a cikin garin Kano, wanda kuma yake da kishin samar wa matasa hanyoyin kasuwanci…

05 Feb

Tsohon Shugaban Ƙasar Pakistan, Pervez Musharraf ya rasu yana da shekara 79

EditorKasashen Waje

Daga BASHIR ISAH Marigayin shi ne wanda ya karɓi mulkin ƙasar a juyin mulkin da aka yi a 1999. Ya rasu ne a Dubai bayan fama da dogon rashin lafiya. Ya zama Shugaban Ƙasar Pakistan ne daga 2001 zuwa 2008. A halin rayuwarsa, ya tsallake rijiya da baya a yunƙurin kisa da dama da aka kai masa. Yana daga cikin waɗanda suka mara wa Amurka baya wajen yaƙi da ta'addanci bayan iftila'in 9/11 duk da adawar cikin gidan da ya fuskanta. Ya sha kaye a zaɓen da aka gudanar a 2008 wanda hakan ya sa ya bar ƙasar bayan wata…

05 Feb

Canjin kuɗi ya jefa sojojin da ke yaƙi da Boko Haram cikin yunwa – Ndume

EditorLabarai

Daga BASHIR ISAH Sanatan Borno ta Kudu a Majalisar Dattawa kuma Shugaban Kwamitin Kula da Sojoji na Majalisar Dattawa, Mohammed Ali Ndume, ya ce sauya fasalin Naira da CBN ya yi, ya tsananta cikas wajen yaƙi da Boko Haram/ISWAP da sauran ta'addanci a ƙasa. Ya ce, matakin sauya fasalin Naira da aka ɗauka ya jefa sojojin da ke yaƙi da Boko Haram/ ISWAP cikin yunwa saboda ba su ga sabbin kuɗaɗen ba balle su samu na sayen kayan abinci a inda suke. Sanatan ya bayyana hakan ne yayin zantawansu da manema labarai a gidansa da ke Maiduguri ranar Asabar. Ya…

05 Feb

Masarautar Dutse ta yi sabon Sarki

EditorLabarai

Daga BASHIR ISAH Gwamnan Jihar Jigawa, Muhammad Badaru Abubakar, ya amince da naɗin Muhammad Hameem Nuhu Sanusi a matsayin sabon Sarkin Dutse, kuma naɗin ya fara aiki ne take ranar Lahadi. Naɗin ya biyo bayan amincewar kwamitin zaɓen sarki mai mambobi bakwai na Masarautar Dutse, inda baki ɗaya suka amince da Muhammad Hameem ya zama sabon Sarkin Dutse. Bayanai sun ce mutum uku ne suka tsaya takarar neman sarautar inda Hameem ya samu nasara. Majiyarmu ta ce bayan kammala zaɓen, daga bisani aka tura da sunan wanda aka zaɓa ga majalisar sarakunan Jihar Jigawa don amincewarta. Bayan haka, ita majalisar…

05 Feb

Tinubu ya naɗa Kansila Muslihu Yusuf na Kano a kwamitin yaƙin neman zaɓensa

EditorLabarai, Siyasa

Daga WAKILINMU A karon farko, Jam'iyyar APC ta naɗa kansiloli a cikin Babban Kwamitin Yaƙin Neman Zaɓen Shugaban Ƙasa don zaɓen 2023. A makon da ya gabata ne Daraktan Ofishi na musamman mai kula da ƙananan hukumomi na Kwamitin Yaƙin Neman Zaɓen ɗan takarar shugaban ƙasa wa Sanata Bola Tinubu, wato Hon. Kolade Alabi David, ya naɗa Kansilan mazaɓar Gurungawa na Ƙaramar Hukumar Kumbotso da ke Jihar Kano kuma jagoran kansilolin APC na ƙasa, Hon. Muslihu Yusuf Ali, a matsayin Mataimakin Kodineta na Ƙasa (na shiyyar Arewa) don tabbatar da nasarar APC a mazaɓu da rumfunan zaɓe. Waɗanda aka naɗa…

05 Feb

Zaɓen 2023: Zulum ya bai wa makarantu Borno hutun kwana 8

EditorLabarai

Daga BASHIR ISAH Gwamnatin Jihar Borno ta ba da sanarwar bai wa makarantun jihar hutun kwana takwas albarkacin zaɓe mai zuwa. Gwamnatin ta ce ta ɗauki matakin haka ne domin bai wa ɗalibai damar sauke nauyin da ya rataya a kansu lokacin zaɓe. Bayanin haka na ƙunshe ne cikin sanarwar da Ma'aikatar Ilimi ta fitar ta hannun Daraktan hukumar kula da makarantun jihar, Mustapha Bukar Umara, a madadin Kwamishin Ilimi na jihar. Sanarwar ta nuna hutun zai kankama ne daga ranar Alhamis, 23 ga Fabrairu zuwa Laraba, 1 Maris, 2023, don zaɓen Shugaban Ƙasa da na 'yan Majalisar Tarayya. Sai…