Labarai - Manhaja - Blueprint Hausa version

19 Nov

Gwamna Dauda da takwarorinsa na Arewa maso Yamma sun nemi tallafin AfDB don bunƙasa sha’anin noma da tsaro

EditorLabarai

Daga BASHIR ISAH Gwamnan Jihar Zamfara, Dauda Lawal, ya buƙaci Bankin Bunƙasa Afirka (AfDB) da ya saka Jihar Zamfara cikin shirinsa na taimaka wa shiyyoyin harkokin noma (SAPZ) kashi na biyu. Gwamnan ya yi wannan kira ne a lokacin da yake gabatar da jawabi a wajen taron da gwamnonin shiyyar Arewa maso Yamma suka yi da Shugaban AfDB, Dr. Akinwunmi Adesina a ranar Asabar. SAPZ shiri ne mai manufar daƙile fitar kayan gona zuwa ƙetare, maimakon haka ya zamana ana sarrafa su a cikin gida. Sanarwar da Kakakin Gwamnan Zamfara, Sulaiman Bala Idris, ya fitar ta ce, Zamfara ba ta…

18 Nov

Mutane miliyan 11.2 ne ke ɗauke da ciwon siga a Nijeriya — Ƙungiya

EditorLabarai

Daga SANI AHMAD GIWA a Abuja Ƙungiyar masu fama da ciwon siga ta Nijeriya ta ce aƙalla 'yan Nijeriya miliyan 11.2 ne ke ɗauke da cutar a halin yanzu. Dr Alƙali Mohammed, shugaban ƙungiyar ne ya bayyana hakan a ranar Litinin a Abuja a wani taron zagayowar ranar tunawa da cutar siga ta duniya ta 2023, WDD. WDD rana ce da Majalisar Ɗinkin Duniya ta keɓe domin jawo hankalin jama’a kan buƙatar ɗaukar matakan yaƙi da cutar. Taken bikin ranar na bana shine, “Samun kula ga masu ciwon siga.” Mohammed ya bayyana cewa daga cikin ‘yan Nijeriya miliyan 11.2 da…

18 Nov

Za mu tallafa wa ɗalibai da suka yi karatun lafiya da magunguna – Shugaban Ƙaramar Hukumar Kumbotso

EditorLabarai

Daga IBRAHIM MUHAMMAD a Kano Shugaban Ƙaramar Hukumar Kumbotso, Hon. Hassan Garban Ƙauye Farawa ya ɗauki nauyin karatun ɗalibai guda 60 'yan asalin yankin a Jami'ar Ilimi ta Sa'adatu Rimi dake jihar Kano. Ya ce ɗaliban da aka ɗauki nauyin karatun nasu wani sauke nauyi ne da Allah ya ɗora masa da wajibi ne ya yi iya ƙoƙarinsa domin sauke nauyin. Ya taya ɗaliban da suka rabauta murna da jan hankalinsu akan su dage da karatu yanda zai amfanesu su kuma jakadu nagari ga ƙaramar hukumar Kumbotso a jami'ar domin duk abinda suka yi za a kalli 'yan Kumbotso ne…

18 Nov

Gwamnan Bauchi ya kai bantensa a shari’ar Kotun Ɗaukaka Ƙara

EditorLabarai, Siyasa

Daga BASHIR ISAH Kotun Ɗaukaka Ƙara mai zamanta a Abuja ta tabbatar da nasarar Bala Abdulkadir Mohammed a matsayin Gwamnan Jihar Bauchi. Hukumar INEC ce ta bayyana Mohammed a matsayin wanda ya lashe zaɓen gwamnan da ya gudana ran 18 ga Maris, inda daga bisani babban abokin hamayyarsa na Jam'iyyar APC, AVM Sadique Abubakar (rtd), ya ƙi amicewa da sakamakon zaɓen ya garzaya Kotun Sauraren Ƙararrakin Zaɓe. Duk da dai Kotun Sauraren Ƙararrakin Zaɓen ta yanke hukuncin Mohammed ne halastaccen zaɓaɓɓen gwamnan Bauchi, amma hakan bai hana Abubakar garazayawa Kotun Ɗaukaka Ƙara ba. A zaman da Kotun ta yi a…

18 Nov

Hukuncin Kotun Ɗaukaka Ƙara: Za mu haɗu a Kotun ƙoli – Abba

EditorLabarai, Siyasa

Daga BASHIR ISAH A matsayin ɓangare na fafutukar da yake yi na ganin ya kare kujerarsa a matsayin Gwamnan Kano, Gwamna Abba Kabir Yusuf, ya ce zai garzaya Kotun Ƙoli domin kuwa bai gamsu da hukuncin da Kotun Ɗaukaka Ƙara ta yanke na korar shi daga kan kujerarsa ba. A ranar Juma'a ce Kotun Ɗaukaka Ƙara ta bi sawun Kotun Sauraren Ƙararrakin Zaɓe wajen soke nasarar da Abba Kabir na jam’iyyar NNPP ya samu zaɓen gwamnan Kano da ya gudana a watan Maris da ya gabata, sannan ta ayyana ɗan takarar APC, Nasiru Yusuf Gawuna a matsayin halastaccen zaɓaɓɓen Gwamnan…

18 Nov

Abin takaici ne yadda wasu alaramomi ke harkokin addini, inji Sarkin Misau

EditorLabarai, Rahoto

Daga BAKURA MUHAMMAD a Bauchi Mai Martaba Sarkin Misau, Alhaji Ahmed Suleiman, ya bayyana takaicinsa bisa yadda ake kiran malamin tsangawa ko Islamiyya da alaramma, amma idan aka yi bibiyar iliminsa, sai a iske bai ma iya gudanar da ayyukansa na ibada da aka halatta masa, domin gudanar da su ba. Sarkin ya ce, "Abu ne na ban takaici matuƙa gaya, ka ga mutum ana ce da shi Alaramma, amma sai a iske yadda yake yin alwala ma akwai gyara ko kura-kurai a ciki, lamarin da ya kasance koma-baya wa sahihin ibadojin mutum da rayuwar sa." Sarkin na Misau sai…

17 Nov

NNPP da LP sun bayyana matsayarsu kan APC

EditorLabarai, Siyasa

…Bayan Atiku ya nemi a yi wa jam’iyyar taron dangi*Ko a jikinmu, cewar APC Daga MAHDI M. MUHAMMAD Jam’iyyar LP ta bayyana ƙudurin ɗan takarar Shugaban Ƙasa na jam’iyyar PDP a zaɓen 2023, Atiku Abubakar, a matsayin shawara mai kyau da ya kamata a yi la’akari da ita. Sai dai ɗaya jam’iyyar adawa ta NNPP ta ce, za ta iya amincewa da ƙudurin ne kawai idan Atiku zai goyi bayan tsohon Gwamnan Jihar Kano, Rabiu Musa Kwankwaso, domin ya ƙwace mulki daga hannun jam’iyyar APC a 2027. Manyan jam’iyyun adawa na mayar da martani ne kan kiran da Atiku ya…

17 Nov

Shari’ar Gwamnan Kano: Kotun Ɗaukaka Ƙara ta soke nasarar Abba Gidada

EditorLabarai, Siyasa

*Ta ce Abba bai cancanci tsayawa takara ba Daga BASHIR ISAH Kotun Ɗaukaka Ƙara mai zamanta a Abuja ta bi sawun takwararta ta Sauraren Ƙararraki Zaɓen Kano wajen soke nasarar da Gwamna Abba Kabir Yusuf ya samu a zaɓen gwamnan jihar. A ranar 20 ga Satumba Kotun Sauraren Ƙararrakin ƙarƙashin jagorancin Alƙali Oluyemi Akintan Osadebay, ta soke nasarar Abba tare da bayyana Yusuf Gawuna na APC a matsayin wanda ya lashe zaɓe. Kotun ta yanke hukuncin haka ne bayan zabtare ƙuri'u 165,663 daga adadin ƙuri'un da Yusuf ya samu a zaɓen a matsayin ƙuri'u mara amfani kasancewar ba su ɗauke…

17 Nov

Hukumar Shari’a ta bada sunayen alƙalai 22 ga Kotun Ƙoli

EditorLabarai

Daga SANI AHMAD GIWA a Abuja An aika da jerin sunayen alƙalai 22 na Kotun Ɗaukaka Ƙara da Hukumar Kula da Harkokin Shari’a ta Tarayya, FJSC, ta miqa sunayensu domin ɗaukaka darajarsu zuwa Kotun Ƙoli ga majalisar shari’a ta ƙasa, NJC. Blueprint Manhaja ta ruwaito sunayen waɗanda aka naɗa, waɗanda suka fito daga yankuna daban-daban na ƙasar, an bayyanasu a cikin takardar FJSC a ranar Alhamis. Yankin Arewa ta Tsakiya yana da mutum shida da aka zaɓa, yayin da shiyyar Kudu maso Yamma da Kudu maso Kudu ke da mutum biyu kowanne. Shi ma yankin Kudu maso Gabas yana da…

17 Nov

Kotun Ɗaukaka Ƙara ta ce zaɓen gwamnan Zamfara bai kammala ba

EditorLabarai, Siyasa

Daga MAHDI M. MUHAMMAD Kotun Ɗaukaka Ƙara da ke zamanta a Abuja ta ayyana zaɓen gwamnan Jihar Zamfara, a matsayin wanda ‘bai kammala ba’. A hukuncin da ɗaukacin alƙalanta uku ƙarƙashin Mai shari'a Sybil Nwaka suka amince da shi, kotun ta soke halascin zaɓen Gwamna Dauda Lawal Dare na ranar 18 ga watan Maris ɗin 2023. Kotun da yammacin ranar Alhamis a Abuja, ta kuma bayar da umarnin sake gudanar da zaɓe a ƙananan hukumomin Zamfara uku, da suka haɗa da Maradun da Birnin-Magaji da kuma Bukkuyum. Ta ce, kotun Sauraron Ƙararrakin Zaɓe ta Jihar Zamfara, ba ta yi la’akari…