Labarai - Manhaja - Blueprint Hausa version

09 Nov

Zaɓen Bayelsa, Imo, Kogi: Ban da nuna halin a-yi-rai-ko-a-mutu, kiran Kwamitin Abdulsalami ga ‘yan siyasa

EditorLabarai, Siyasa

Daga BASHIR ISAH Shugaban Kwamitin Wanzar da Zaman Lafiya na Ƙasa, Janar Abubakar Abdulsalami (rtd), ya yi kira ga jam'yyun siyasa da magoya bayansu da a guji nuna halin a-yi-rai-ko-a-mutu yayin zaɓen gwamnonin da za a gudanar ranar Asabar a jihohin Bayelsa da Kogi da kuma Imo. Abdulsalami ya yi wannan kira ne yayin da jam'iyyin siyasa su 18 da za su fafata a zaɓen gwamna a Jihar Kogi suka rattaɓa hannun kan yarjejeniyar zaman lafiya ranar Laraba a jihar. Da yake jawabi ta bakin wakilinsa Cardinal John Onaiyekan, tsohon shugaban ƙasar ya ce: “Wannan taro na da muhimmanci saboda…

08 Nov

Da Ɗumi-ɗumi: Kotu ta bada belin Emefiele

EditorBabban Labari, Labarai

Daga BASHIR ISAH Babbar Kotun Tarayya mai zamanta a Abuja ta bada belin tsohon Gwamnan Babban Bankin Nijeriya (CBN), Godwin Emefiele. Kotu ta bada belin yayin zaman da ta yi a ranar Laraba domin sauraren ƙarar neman beli da Emefiele ya shigar. Mai Shari'a Olukayode Adeniyi ne ya bada belin tare da miƙa Emefiele ga lauyoyinsa inda ake sa ran su gabatar da shi a Babbar Kotun Abuja a ranar 15 ga Nuwamba kotun da a nan ne EFCC ta shigar da ƙara a kan Emefiele da wani. Lauyoyin da kotun ta miƙa wa Emefiele su ne Matthew Burkaa (SAN)…

08 Nov

Zaɓuɓɓukan 11 ga Nuwamba: Za mu yi watsi da ƙuri’un duk rumfar zaɓen da aka samu hayaniya – INEC

EditorLabarai, Siyasa

Daga BASHIR ISAH Yayin da rage 'yan kwanaki ƙalilan kafin zaɓen gwamna a wasu jihohin Nijeriya, Hukumar Zaɓe ta Ƙasa (INEC), ta yi gargaɗin ba za ta kula ƙuri'un duk wata rumfar zaɓe da aka fuskanci tashin-tashina ba. Shugaban INEC, Mahmood Yakubu ne ya yi wannan gargaɗi yayin taron masu ruwa da tsaki da ya gudanar ranar Talata a Yenagoa, babban jihar Bayelsa. Ya zuwa ranar 11 ga Nuwamban da ake ciki ne ake sa ran INEC za ta gudanar da zaɓen gwamnoni a jihohin Bayelsa, Kogi da kuma Imo. Yakubu, wanda ya samu wakilcin Kwamishinan INEC mai lura yankunan…

07 Nov

Tinubu ya miƙa saƙon ta’aziyya kan rasuwar Sheikh Yusuf Ali

EditorLabarai

Shugaba Bola Ahmed Tinubu ya bayyana alhininsa kan rasuwar babban malamin addinin Musulunci, Sheikh Yusuf Ali, wanda ya rasu a safiyar ranar Litinin, yana da shekaru 73 a duniya. Shugaban ya aike da saƙon alhini zuwa ga iyalai, ɗalibai, da kuma mabiya wannan malami da ke Kano, da ma Masarautar Gaya wanda wannan malami ke kan karagar Sarkin Malamanta a lokacin rayuwarsa. Tinubu ya miƙa saƙon ta'aziyyar ne ta hannun mai magana da yawunsa, wato Ajuri Ngelale. Ya bayyana rasuwar jagoran addinin a matsayin wani babban abun alhinin da ya karaɗe muryoyin jama'a a faɗin ƙasar nan, duba da irin…

07 Nov

Tsaro: Gwamnatin Tarayya ta maida martani kan jan hankalin da Amurka ta yi wa ‘yan ƙasar mazauna Nijeriya

EditorLabarai

Daga BASHIR ISAH Gwamnatin Tarayya ta maida martani kan gargaɗin da ƙasar Amurka ta yi wa 'ya'yanta mazauna Nijeriya game da zama a otel-otel na ƙasar, tana mai jaddada buƙatar da a daina biye wa batutuwan da ka iya haifar da rarraba kawuna. Kazalika, Gwamnatin Nijeriya ta bada tabbacin cikakken tsaro ga rayukan 'yan ƙasar da ma baƙi mazauna ƙasar. Har wa yau, ta ce ta ɗauki ingantattun matakan tsaro da suka haɗa da tattara bayanan tsaro, haɗa ƙarfi da hukumomin ƙasashen duniya da sauransu domin tabbatar da tsaron rayukan baƙi. Waɗannan bayanai sun fito ne daga bakin Ministan Larabai…

07 Nov

Mahaifin Gwamnan Anambra ya rasu yana da shekara 92

EditorLabarai

Daga BASHIR ISAH Gwamnan Jihar Anambra, Chukwuma Soludo, ya rasa mahaifinsa, Pa Simon Soludo. Pa Soludo ya rasu ne a ranar Litinin bayan fama da rashin lafiya, inda ya bar duniya yana da shekara 92. Sakataren Yaɗa Labarai ga Gwamnan, Mr Christian Aburime ne ya sanar da rasuwar marigayin cikin wata gajeriyar sanarwa da ya fitar. Sanarwar ta ce, Pa Soludo ya rasu ya bar 'ya'ya takwas da jikoki 22 da tattaɓa kunne shida.

06 Nov

Shari’ar Gwamnan Kano: Kotun Ɗaukaka Ƙara ta jinkirtar da yanke hukunci zuwa gaba

EditorLabarai

Daga BASHIR ISAH Kotun Ɗaukaka Ƙara mai zamanta Abuja ta jinkirtar da yanke hukunci kan ƙarar da Gwamnan Kano, Abba Kabir Yusuf na Jam'iyyar NNPP ya shigar zuwa wani lokaci da ba ta bayyana ba. Abba ya ɗaukaka ƙara ne inda yake ƙalubalantar hukuncin Kotun Sauraren Ƙararrakin Zaɓe wadda ta ayyana Nasiru Yusuf Gawuna na Jam'iyyar APC a matsayin wanda ya lashe gwamnan zaɓen jihar Kano. Idan za a iya tunawa, Kotun Sauraren Ƙararrakin Zaɓe a jihar ƙarƙashin jagorancin Mai Shari'a Oluyemi Akintan Osadebay, ta soke nasarar da Abba ya samu a zaɓen bayan da ta zabtare ƙuri'u 165,663 daga…

06 Nov

Magajin Rafin Haɗejia, Alhaji Babandede ya kwanta dama

EditorLabarai

Daga ABUBAKAR MUHAMMAD TAHEER Magajin Rafin Haɗejia, Alhaji Muhammad Babandede Sarkiki ya rasu a daren Lahadin da ta gabata a ƙasar Misra bayan shafe tsawo lokaci yana fama da jinya. Marigayin shi ne Mahaifin Tsohon Shugaban Hukumar Shige da Fice ta Ƙasa CG. Muhammad Babandede. A halin rayuwarsa, alumma ta amfana da marigayin ta fannoni da da dama, kuma ya kasance uba ga al'ummar ƙasar Haɗejia da ma jihar Jigawa baki ɗaya. Zuwa yanzu Masaurautar Haɗejia ba ta sanar da lokacin jana'izar sa ba har sai an kawo gawarsa daga ƙasar Misra.

06 Nov

ASIKO ya ƙaddamar da shirin sauya wa ababen hawa amfani da fetur zuwa iskar gas

EditorLabarai

Daga IBRAHIM MUHAMMAD a Kano A daidai wannan lokaci da tsadar man fetur ke ta'azzara tsadar harkokin sufuri wani kamfanin iskar gas mai suna ASIKO Holding Energy ya vullo da tsarin sauyawa ababen hawa masu aiki da fetur zuwa na gas. Da yake zantawa da 'yan jarida, Manajan kasuwanci da hulɗa da jama'a na kamfanin Kwamared Haruna Wakili ya ce tun sama da shekaru 15 suke harkar gas a ƙara nan sun zo da wannan tsari ne saboda zamani ya zo ana taƙaita amfani da man fetur saboda yana gurɓata muhalli, shi ya sa ake cire masa tallafi da ya…

06 Nov

Faransa za ta maido wa Nijeriya $150m wadda Abacha ya wawushe

EditorBabban Labari, Labarai

Daga BASHIR ISAH Fadar Shugaban Ƙasa ta bayyana a ranar Juma'ar da ta gabata cewa, ƙasar Faransa za ta maido wa Nijeriya kuɗi har Dala miliyan 150 wanda tsohon Shgugaban Ƙasa marigayi Janar Sani Abacha ya wawushe a halin rayuwarsa. Cikin sanarwar da ya fitar, mai magana da yawun Shugaban Ƙasa, Ajuri Ngelale, ya ce Shugaba Bola Tinubu ya yaba wa Faransa da matakin maido da kuɗin da ta ɗauka. Da yake karɓar baƙuncin Ministar Harkokin Wajen Faransa, Catherine Colonna, Shugaba Tinubu ya yaba da kyakkyawar alaƙar da ke tsakanin Nijeriya da Faransa, yana mai cewa, fahimtar juna da ke…