Kamfanin CRCC na ƙasar Sin ya kammala aikin samar da ruwan sha a Angola

Daga CMG HAUSA

An kammala aikin samar da ruwan sha na Cabinda na ƙasar Angola, wanda kamfanin gine gine na ƙasar Sin (CRCC) ya aiwatar, inda aka fara amfani da shi a ranar 30 ga watan Yuni. An ba da rahoton cewa, an gudanar da aikin ne bisa ma’unin gine-gine na ƙasar Sin, wanda zai samar da ruwa mai yawan kyubik mita 50,000 a ko wace rana, tare da amfanawa mazauna yankin 600,000.

Gwamnan lardin Cabinda, ya bayyana cewa, aikin zai iya samar da ruwan famfo na sa’o’i 24 a ko wace rana, wanda hakan zai kawar da matsalar ƙarancin ruwa da mazauna yankin ke fuskanta, sannan kuma zai yi tasiri mai kyau ga ɓangarorin masana’antu, da ilimi, al’adu, sufuri ta tashar jiragen ruwa da dai sauransu.

Baya ga haka, ya godewa kamfanin na ƙasar Sin saboda muhimmiyar rawar da ya taka wajen gudanar da aikin.

Mai fassara: Bilkisu Xin

Leave a Reply

Your email address will not be published. Required fields are marked *